★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★ - صفحة رقم 217 - نادي الهلال السعودي - شبكة الزعيم

ولد الزعيم البار · #1 22/10/2008, 12:58 AM

وش اسوي مالي حيله
غير هدفك اشيله
واشكي همي واشتكي له
شوف حالي لايفوتك

شفت وش عِلي النجوم
فوق هامات السحاب
عندها قدرك بيوم
طاح كالنجمه شهاب

~ابو فهد~ · #2 22/10/2008, 12:59 AM

Del Piero: A Wonderful Victory
Juventus goal hero Alessandro Del Piero was overjoyed with the victory over Real Madrid tonight, and hopes it is a sign of good things to come for the Bianconeri this season

البطل دلبييرو مبسوط من الانتصار على الريال ويأمل بأن تكون هذه عودة البيانكونيري القويه

" أنا مسرور وهدفي دفعنا للعب بثقه في المرحله الصعبه "

" لقد أدينا جميعا أداءا ممتازا وأتمنى أن يكون هذا عقد الوفاق والخطوه الاولى نحو الفوز "

" إنه شيء ممتاز لقد كافحنا وناضلنا بشتى الطرق"

المصدر

RoMa4eVeR · #3 22/10/2008, 01:00 AM

إقتباس


	لكن من يعرف اليوفي وسر الـDNA يبطل العجب

ماعندكم زيادة ناخذه يومين ونرجعه

؟

صدز ملك !

هدف رائع الصراحة لو مكانه اي مهاجم ثاني كان من قوة الشوتة طلعت برى الملعب

ألف مبروك لكل الشباب الي هنا وعقبال الفوز بالبرنابيو

Tнe LeaDeя MiLaи · #4 22/10/2008, 01:08 AM

مبروك الفوز

ومن حصل على شي يستاهله

مع اني اليوم مدريدي

لكـان اليوفي فاز بالاصرار والعزيمه والجرينتا المعروفه عند الطليان .

اليوفي كان جيد باغلب الفترات , واحكم السيطره في منتصف الملعب

سيسوكـو المهبول من زود حماسه كسر خويه ماركـيزو

انا بصراحه عجبني منظر لما الحكم صفر نهاية المباراه

منظر خيالي من الجمهور

حسيت بقيمة وعراقة اليوفي في الانتصارات في المواعيد الكبرى

بصراحه اللي عنده مقطع لما الحكم انهى المباراه ياليت مايبخل فيه

~ابو فهد~ · #5 22/10/2008, 01:07 AM

Platini Hails Del Piero
UEFA president and former Juventus legend Michel Platini has hailed Alessandro Del Piero's wonder strike against Real Madrid

بلاتيني يحيي دلبييرو
رئيس الاتحاد الاوروبي واسطورة اليوفي ميشيل بلتيني يحي الملك على هدفه الرائع ضد الريال
" هدف دلبييرو كان رائعا, مهاجم عظيم"

" المباراه كانت رائعه أيضا"

المصدر

I B R A H I M O VIC · #6 22/10/2008, 01:10 AM

مجنووون

هدف ثاني له بنفس الطريقة .! رجلك عجيبه

اليوفي قدم شوط أول ممتاز تكتيكيا .! توني امدح خربها مدربكم الشوط الثاني .! , ليه تسلم اللعب وتجبر على نفسك تنضغط باقي الشوط ؟!

دفاع الريال كان شوارع .! وشوستر مسلم المباراة من شفت التشكيلة .!

ألف مبروك الفوز للجميع وخاصة لفهد

كيفي هلالي !! · #7 22/10/2008, 01:14 AM

~ابو فهد~ · #8 22/10/2008, 01:14 AM

تقييم اللاعبين بعد المباراه

Manniger – 6
Grygera – 7
Chiellini – 8.5
Legrottaglie – 6
Molinaro – 7
Marchionni – 6
Sissoko – 8.5
Marchisio – 5.5
Nedvěd – 7
Del Piero – 7
Amauri – 7.5
Salihamidžić – 6
Mellberg – 5.5
Iaquinta – 5

المصدر

leeman · #9 22/10/2008, 01:22 AM

الحمدلله على الفوز
اليوم اليوفي هو الذي اعشقه
لا اخفي عليكم ان كنت متحطم بعد مباراة نابولي
ومشكلة المدرب انه منحوس
بس اليوم الشباب ماقصروا
وهذا اهم شي الفوز
وعقبال مايتحسن وضعنا في الدوري
كل الفريق اليوم ماقصر
واعجبي محمد انه كان مركز وحده
حسن صالح كان يتقدم ويساند الهجوم
الحمدلله مره اخرى
لاجديد هدف خرافي من الملك

ولد الزعيم البار · #10 22/10/2008, 01:25 AM

مجموعه صور بدون حصريه الموقع

بـسـيـط · #11 22/10/2008, 01:28 AM

سر طعم الفوز انه جاء بعد سلسلة نتائج مخيبة للآمال
وبغياب ركائز اساسية كل من بوفون وترزقيه وكامورنيزي بسبب الاصابة
ولم يقف الامر لهذا الحد بل ساء الوضع بإصابتين في اثناء المباراة ليقروتالي وماركيزيو

ديل بيرو و سيسوكو نجمي المباراة ومن جانب الريال شنايدر

Juventus	Team Statistics	Real Madrid
2	Goals	1
1	1st Half Goals	0
5	Shots on Target	5
2	Shots off Target	9
3	Blocked Shots	4
3	Corners	1
16	Fouls	13
4	Offsides	6
1	Yellow Cards	0
0	Red Cards	0
70.7	Passing Success	86
28	Tackles	21
71.4	Tackles Success	95.2
30.3	Possession	69.7
48.9	Territorial Advantage	51.1

::NEDVED11:: · #12 22/10/2008, 01:51 AM

الحمدلله على الفوز و ان شأالله بداية الانتصارات شوط اول رائع

اما الثاني بعد الهدف انا على اعصابي الى النهايه

تصدقون ماكمل اليوفي تمريره ثالثه ابد الى نهاية المباراة التمريره الثالثه مقطوعه على طول اكلنا اكل الريال
وهدفهم فان نستلروي لحاله وهو مرتاح ضرب الكوره هذا لازم تلعب معه رجل لرجل الى نهاية المباراة

لكن الحمدلله على الفوز

S ạ M i · #13 23/10/2008, 04:31 AM

الف الف الف الف مبروووووووووووووك الفوز للجميع

,,

وبصراحه مسكت التلفزيون وبغيت ارجد به في الارض من الفرحه

,,

خويي توه داخل المقهى يقول عرفت وين مكان الجلسه من صيحتك على هدف ديل بييرو

,,

إبداع في اللعب في الشوط الاول حسيت ان العيال داخلين تدريب وطقطقه .. وشوستر هذي صفعه على الخد كذا تدخل بثلاث مهاجمين قدام اليوفي تستاهل اكثر من الهدفين بس احمد ربك الفريق كله اصابات ,,

يالليل ما اطولك من الاصابات .. تقول كأن فيه احد داعي على الفريق او معطيه عين ,,

ندفد ياشيخ حرام عليك وش سويت بالفريق من وين لك هالحماس .. صح اننا بجيحين يا ندفد بس والله تستاهل سنه وحرام تعتزل .. وكل سنه راح نقول هالكلام

,,

ديل ببيرو يعجبني فيك انك ماترحم الحراس اللي زي كذا .. كاسياس تبي صوره بفلاش ولا بدون

,,

محمد سيسوكو احس انه يقول ابلعب هالمباراه ساكت بس شوفوا المتعه بس جننهم بالوسط ,,

لكل ( دولة ) رئيس يحكمها ، ولكل حرفة قدوة لها
ولكل ( معجم ) فهرس .. ولكل ( ملك ) هيبة ، وها هي هيبة الملك ديل بييرو
ظهرت في ليلة الاربعاء ( وأعادت لهم ) الذكرى !!

احمد

تروح وتجي بالسلامه ورايتك بيضاء يالغالي وجمل الله حالك يالغالي ماجاء منك قصور يابعدهم ,,

ورده

كل أزرق حلو · #14 22/10/2008, 01:36 AM

ألف مبروك يا شباب

المباراة كانت فعلا كبيرة .. واللي يشوف اليوفي ما له غير الهدفين أنا اقول له اليوفي سوى أكثر من الهدفين .. وانحرم من ضربة جزاء وفاول قريب من منطقة الجزاء .. الحكم مادري وش كان يسوي .. هذا غير الكرة اللي خلصها راموس من أمام الوحش وماركيوني .. واللي أصلا لو كانت وصلت راس الوحش من قدم حميديتش كان فيها كلام ثاني ..

باختصار .. صحيح الريال ملك الكرة أكثر .. ولكن بدون حلول حقيقية .. ما عدا تسديدة شنايدر وهدف فان .. والباقي كان كله إما أوفر أو ينتهي بأقدام مدافعين اليوفي .. وهجمات اليوفي كانت قليلة ولكن خطيرة جدا .. والعبرة بهذا ..

وأنا أجزم لو إن البطل ماركيزيو ما طلع مصاب وكمل المباراة .. ما كان الضغط هذا حصل أبدًا .. اليوفي كان متقدم بهدفين اللي هي أخطر نتيجة في كرة القدم .. ويلعب بمحور دفاعي "حقيقي" واحد! .. الباقين كلهم كانوا مصابين .. لدرجة إنه اضطر يرجع أهم وسط مهاجم في اليوفي وهو نيدفيد إلى مركز المحور! ولذلك كانت الجهة اليمنى في اليوفي خصوصا ثغرة دفاعية واضحة .. وفي الحقيقة أول مرة أشوف رانييري يتعامل مع المباراة حسب ما تتطلب وحسب الإمكانيات المتاحة عنده .. لكن عنده خطأ فادح واحد .. المفروض ما يجازف بليقروتالي وهو مصاب .. ويلعب ميلبرج من البداية .. على الأقل ما يخسر تبديل كذا بس .. كان ممكن يستفيد منه بجيوفينكو أو دي تشيلي أو أي لاعب ..

كبير يا يوفي .. رغم كل شي .. تصر تبقى كبير ..

ويلوموني فيك يا دل بييرو !!

((نيدفيد)) · #15 22/10/2008, 01:44 AM

عيال مااتفقنا على كذا ،،

اشوفكم بالغتوا بالفرحه ماكأن الملكي لعبتنا

وماكأني باركت لكم بالفوز قبل المباراه ،،

لو درينا لعبنا معهم كل مبارايتنا

ارجوك يالقرعه لاعاد تخلينا معهم في مجموعه وحده ،،

كفاااايه مهزله ملينا بصراحه ،،

واحد يصور والثاني كوبري ويرجع لنا الكوره ؟؟ سلامااااااااااات ؟؟

بالله شفتوا فريق يمر بهالظروف ويتصدر مجموعته ؟؟؟؟؟؟

ماعمرها حصلت

مبرووووووك لكل عشاااااق اليوفي فوز جا في وقته ،،