★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★ - صفحة رقم 134 - نادي الهلال السعودي - شبكة الزعيم

Fo0oRzA JuVe · #1996 21/09/2008, 08:48 AM

^^
^^^^
هذا مكانه !!

إقتباس


	أعتقد رد سعد كامل وشامل !! وهو مادخل مواضيع ببعضها على قولتك !! وهو يوم قال كان معنا فلان وعلان بحراسة المرمى يعني يقصد بكلامه انهم راحو واليوفي جاب بديل لهم ونسونا هاللاعبين !! -- لكن انا بجاوبك ... لو كنت بهالاستراحه الي قالو هالكلام سنة 2007 يوم ميلان ياخذ ابطال اوروبا !! كانو يبون يقولون ميلان كاكا وبس وتخيلو لو راح وش يبي يسوي لكنهم خذو البطوله وتركو التخيلات ... يعني فيه واحد ثاني بيجي ويقول اليوفي دلبييرو لأنه هو الي انقذهم قدام زينيت وسجل الهدف وفيه كثير قالو ب2006 ان دلبييرو هو المنقذ لليوفي ومع ان تريزي موجود وابرا موجوود ومع ان بوفون موجود !! ---- انت تبي الجواب باختصار وعارف انا ان كلامي الي قلت فوق مو عاجبك .. الزبده لو راح بوفون نجيب بداله وننافس .. لكن اذا تبي يروح بوفون وما نشري لاعبين وبنكون على الاحتياط الي عندنا برضه بنافس لكن بأقل حظوظ !! --- وبرضه انت تقول لسعد شلون حكمت على دفاع اليوفي انه فيه تحسن وحنا بالجوله الثانيه !! انا اجاوبك وبعد اذن سعد ... لما انت تشوف دفاع اليوفي العام وقبل العام وكيف كانت مبارياتنا دائما مليئه بالاهداف واذكرك بالجوله الثانيه العام وكانت مع كالياري وفزنا بالدقيقه تسعين بعد ما سجل كليني الهدف الثالث وكانت النتيجه 3-2 ونتيجتنا مع ميلان العام 3-2 مع ان هجومنا كان قوي الا ان دفاعنا ماهو مرتب وماهو منسجم !! وقالك في تحسن لأن في ثلاث مباريات دخل فيك هدف واحد مع ان الي باريناهم ماهم سهلين وهم : الفيورنتينا بملعبه ... اودني الي فاز علينا العام بملعبنا .. زينيت الي فاز على بطل اوروبا والي عنده أغلى مدافع بالعالم .. واذا الكلام هذا ما أقنعك !! نجيك من جهه ثانيه وهي دفاع المنتخب الايطالي .. اخر مباراتين الدفاع كان ليقروتالي .. وكانافارو ووقتها كان كلليني مصاب .. ولو رجع كلليني احتمال يكون مكان ليقروتالي أو كانافارو اذا مارجع لمستواه !! اذا مدافعيينك اساسيين بالمنتخب الايطالي .. يعني انك تملك أقوى دفاع بايطاليا .. --- وبالنسبه للضغط الي كان علينا من زينيت فهذا شي طبيعي صار معنا قبل يوم كنا بعز مستوياتنا !! ارجع لمبارات برشلوونه واليوفي سنة 2003 بملعب النيوكامب الي فاز فيها اليوفي بهدف زالايتا الذهبي !! كل اللعب كان لبرشلونه ماعدا كم هجمه لليوفي ومع ذلك فزنا وضيعو هجمات كثيره !! واذا ما تبي تبعد .. ايام العصر الذهبي على قولتهم ايام كابيللو 2006 طلعنا من الارسنال بعد مصخره وفتحو بدفاعنا شوارع وحتى من النرفزه وقلة الحيله عند لاعبيننا طرد كامو وزيبينا !! يعني اذا يوم عندنا كنفارو افضل مدافع بالعالم وتورام ومع افضل محاور بالعالم وقتها ومع نيدفد زمان وكامو وابرا وتريزي ودلبيرو ومع هذا كله فتحو بدفاعنا شوارع !! يعني بالنسبه للوقت الحالي دفاعنا ممتاز خاصه بعد تحسن مستوى ليقروتالي وجريجيرا ووجود كلليني .. وبالنسبه لدي تشيلي انا شفته مباراة كامله وكان من افضل ما يكون .. ومع ان الحكم عليه بدري شوي !! --- اعتذر على الاطاله

احمد والله ما قصرت ..!!

هذا اللي اقصده انا بالظبط ..

إقتباس


	بالنسبه لتشكيلتك يا جهاد بصراحه مادري شلون جايه بالنسبه للهجوم اماوري وياكونتا اطراف ودلبييرو راس حربه .. !! يعني عندنا اماوري هالي ينطح ونخلي هالقصير راس حربه !! وبعدين هالتشكيله تتطلب اشياء كثيره !! اول شي مهاجمين صغار العمر خاصه الي بالاطراف عشان يتقدمون ويرجعوون وتتطلب لياقه عاليه وسرعه وهذا هو التكتيك الهولندي والشي الثاني الصعب .. هو انك يبيلك ٦ مهاجمين يعني ٣ اساسيين و٣ احتياط اذا بتفكر كموسم كامل بتلعب كذا !! لكن تقدر تقوول لو لعبنا جيوفنكو وكامو على الاطراف واماوري راس حربه ويكوون نيدفد صانع لعب او ندفد على الطرف وجيوفنكو صانع لعب !! بس بكذا ما راح تحصل مكان لدلبييرو وبيكوون وسطك ضعيف وماهو مالي الملعب وهالشي مطلووب بالدوري الايطالي

سيم سيم ..

بس الظاهر جهاد يلعب بهالتشكيلة في السوني وظبط معه

حظيظ · #1997 21/09/2008, 10:36 AM

إقتباس

الرسالة الأصلية كتبت بواسطة شبيةالذئب

شوفـــــــــوا تصنيف مدربنــــا رانييـــــري ويـــــــــــــــن

RANKING

COACH

NATIONALITY

POINT N

66

CLAUDIO RANIERI

ITALY

78

الظاهر معه واسطه ولا مكانه بال200

ااه لو يجيبون كوزمين كان ناخذ الابطال

S ạ M i · #1998 21/09/2008, 01:38 PM

مساء الخير للجميع ,,

شبيه الذئب لاهنت على الترحيب وماشاء الله عليك شعله نشآط الرابطه

,,

حظيظ ياهلا وغلا .. وبصراحه انا ارووق على ردودك دائماً وتعجبني لانك دايم خالق جو في الرابطه ودايم يعاندونك بس ماعليك منهم انا معك حتى لو يقولون بنغير رانييري قلهم لا وانا معك خخخخخخخخخخ ( لا احد ينبرش ترى ما اطيق رانييري

) ,,

Fo0oRzA JuVe اهلين بنائب الرئيس والله يسلمك ماتقصر على الترحيب يالغالي ,,

-------------------

)) شوفـــــــــوا تصنيف مدربنــــا رانييـــــري ويـــــــــــــــن ((

رانييري يخب عليك مركز 66 وبس 78 نقطه smile ..

يمكن مع مشاركات هالسسنه والتشامبيون يرتفع عدد النقآط مع اني احس العيب فيك والله مو في قله مشاركات اليوفي الموسم اللي راح ,,

-----------------

)..(ليبي يشيد بهدف ديل بييرو)..(

ليبي اذا انت تقول كذا حنا وش نقول ..؟ ويكفي الهدف اخذ افضل هدف وقلوبنا معك يا دل دل

,,

-----------------

:: تريزيقيه : العملية افضل من ان انتهي مثل رونالدو ::

انتبه على نفسك يالشآيب ترى إصآباتك كثرآنه هاليومين .. واصلاً كذا ولا كذا احس انك بتكي دام الشباب موجودين ومبدعين من ايام الوديات .. والله يخلي لنا اماوري وياكوينتا ,,

-----------------

:: كامورانيزي وديل بييرو لن يشاركوا : قائمة اللاعبين المستدعين للقاء كالياري ::

كامو لك فقده تكفى لاتخورها زي الموسم اللي فات وتعلقنا تلعب مباراه وخمس تغيب ,,

-----------------

:: رانييري : أحذروا من كالياري ::

صحيح كالياري وريجينا هذولي رافعين ظغطي .. مايبدعون الا قدام اليوفي .. بس اتوقع كالياري مو زي الموسم اللي فات وان شاء الله مافيه حرق اعصاب وتنتهي المباراه من الشوط الاول ,,

-----------------

كان ودي اشارك معكم في النقاش بس ماقصروا العيال اثروا النقاش من جميع النواحي ,,

بس فيه سؤال ابشطح فيه شووي

,,

5// كلمه تود تقولها لعيال الرابطة بس مستحي ؟؟

ادري بتقولون من متى الميانه بس عاد والله احس اني امون عليكم واحد واحد لأنه كم لي وانا اتابع الرابطه والحمدلله اني بديت اشارك معكم .. طبعاً الشطحه تقول نبي طقم 16 لاعب فتيته حقين كوره وعلى اكاديميه برشلونه اللي بالرياض واللي بيجون من برى الرياض حياهم ودوروا لنا كوتش اووكي يبرد حرتنا من رانييري

.. وحكم يراعي عوده الفرق الكبيره من السيريا بي

.. بس عاد اصبروا لان اللياقه بالسالب >> مشكله حقين ترافيان

.. من يوم بدت الصيفيه وحنا منقطعين عن النادي وجاء رمضان وزدنا الطين بله ولو تبون ينسق الطلعه الريس ولا النائب او ناصر او احد من الاعضاء اللي له علاقات بباقي الاخوان ,,

هذا اقتراح بسيط واسمحوا لي بالفضفضه شوي لاني احس اني واحد منكم وكلكم اخوواني وآسف على الاطاله

لكم ..

ورده ..

اليوفي و بس · #1999 21/09/2008, 02:07 PM

8
8

في البداية نرحب فيك و ان شالله تصير أحسن واحد

بالنسبة لإقتراحك في جمع شتات الشباب الضايعه رهيب بصراحة

لكن دام اللياقه صفر مو شرط نجتمع نلعب كوره ممكن نجتمع على مشاهدة لقاء يوفنتيني مثلا !

ودي اناقش معكم بس تعرفون وقتي على الجهاز محدود

فأمان الله

A L E X · #2000 21/09/2008, 03:31 PM

سيــــــــكـــــــو ][ نجمان كبيران سيحضران الصيف القادم ][

أكد المدير الرياضي لليوفنتوس اليسو سيكو بأنه سعيد بالطريقة التي بدأ اليوفنتوس يتشكل بها وأن هنالك نجمان كبيران سيحضران الصيف القادم .

المدير الشاب الذي تولى هذه المهمة خلفا للوتشيانو موجي تبين له بأن تكون مسؤولا عن اليوفنتوس ليس بالمهمة السهله فسيكو لم يستطع احضار اي صفقة جيده للفريق عدا محمد سيسوكو .

حتى مع قدوم بولسن لاتزال الجماهير غير راضية حيث كانت تتمنى تشابي الونسو لكن سيكو لديه رأيه الخاص ويريد ان يطمئن جماهير اليوفنتوس للتعاقدات حيث قال " هنالك نجمان عالميان سنأتي بهم الصيف القادم على أقل تقدير ... ساخبركم بهذا القدر أحد النجمين سيأتي لتغطية مكان نيدفيد الذي سيعتزل هذا الموسم أما الاخر فنحن ندرس عدة خيارات لكنني لن اخبركم بأية أسماء أنا لست مجنونا ... أما عن نجومنا الشباب فسنرجع دايفيد لانزافامي ... كريستيان باسكواتو ... اسامه اسبار "

وعن مشكلة النجم الصاعد جيوفينكو قال " اللاعب يريد مبلغ كبير من المال لكن عقده معنا يمتد الى 2011 وعليه أن يفهم أن هنالك فروق بين النجوم الكبار والنجوم الصاعدين الذين عليهم أن يجدوا طريقهم أولا ... ماركيزيو و دي تشيلي من هؤلاء اللاعبين وسيكون في المستقبل القريب من أعمدة النادي ... ماركيزيو يذكرني بـ دي روسي أما دي تشيلي فقد اثبت لنا نفسه ونحن ندرس امكانية تجديد عقده "

عن انتقالات الصيف قال " بخصوص بولسن والونسو لم يكن الامر متعلق بمن الافضل بل كان متعلقا بمن الانسب لخطة رانييري وكان ذلك بولسن ... بخصوص اماوري جلبه كان صعبا لآن العديد كان يريده ولكن كانت لنا الافضلية لاننا خاطبنا اولا ... اما عن ميلبيرق فقد كان طلبا خاصا من رانييري "

" هل انا نادم على عدم جلب اكويلاني ؟ حسنا لن اتكلم عن الندامة لكن نحن خاطبنا اللاعب ويبدو أن روما غير مستعده لبيعه "

عن إصابة تريزيغيه قال " لن نجلب اي لاعبين مجانين فلدينا جيوفنكو وهو سيوعد في يناير على أية حال "

وعن جلب اللاعب فالكوي قال " نحن لم نسرقه اللاعب واجهته مشاكل مع البرشا نحن لم ندفع شيئا لكن البرشا سيتحصلون على مبلغ معين اذا لعب 40 لقاء على الاقل ... اللاعب من خطط النادي المستقلبيه نحن فخورون بما حققنا حتى الان لم نكن لنحقق افضل من هذا الآن استطيع النظر لالأعين النجوم الذي بقوا معنا في كابوس السريا B واقول لهم لقد استحق تعبكم "

المصدر

A L E X · #2001 21/09/2008, 03:33 PM

ألف مبروك الوصول للرد 2000

لكل اعضاء الرابطة ورده

فـارس الـزعـيـم !! · #2002 21/09/2008, 03:44 PM

تشكيلة اليوفـي :

بوفون

مولينارو - كيليني - ملبيرغ - أبو علي

ماركيزيو - مومو

نيدفيد - ماركو

ياكوينتا - أماوري

hilal 20 · #2003 21/09/2008, 04:01 PM

$$$$بدت المبااارةةةةة $$$$

هدف اول عن طريق اماوري وعلى قولة نبيل نقشبدي اموري هدف رائععععععععععععع

مشكلة اذا طلع بوفوننن

انتهى الشوط الاول 1-0 لليوفي

اماوري افضل لاعب في المباراة حتى الان بلا منازع

بوفون مصاااااااب وطلع الله يستر بس

دحــ9ــدح · #2004 21/09/2008, 04:41 PM

اماوري يحرز الاول .. د 40 بوفون يشعر بالاصابهـ .. والحارس الاحتياطي يسخن ...

ضد التيار · #2005 21/09/2008, 05:18 PM

1-0 عن طريق اموووووووري <- على قولت نقشبندي

...............

ماركيونييينني + أمووووري + جججوفنتوس + مانينجززززز <-- بعض من بدليات نقشبندي .. اللهم إني صايم

...............

الدقيقة 77

1- 0 عن طريق اموووووري

................

مبروك الفوز ..

1- 0 عن طريق امووووووووووري

........................

اخوي hilal 20

دي تشلي دخل مكان ماركيزيو !!

hilal 20 · #2006 21/09/2008, 05:31 PM

دي تشلي يدخل وماركيوني يخرج

nedved-11 · #2007 21/09/2008, 06:19 PM

مبروووك الفوز شباب

يالبى قلبك ياعموووري

ومولينارو ودي افتح علبة كولا قزاز باستخدام رأسه المسطح

يا الله في منتهى الدلاخه في منتهى التناحه مولينارو في كل حاجه عجييب

س\ ماذا ترا الحل أو الصرفة مع المدعو مولينارو

؟

س\ وش رايكم في مستوى ماركيزيو وعموري

؟

G a G a z · #2008 21/09/2008, 07:21 PM

ألف مبروك الفوز هذا اولا

عندي شي بقوله وياليت تتحملوني

الدبشه رانييري وش يحس فيه

والله أبي أقتله ياعيال .. من جدكم اليوفي جايب مدرب كمخه الى هالدرجه

المدربين يحاولون يطورون من فريقهم وهذا يدمرهم دمر .. وأول عمليات الدمار الي يسويه تدمير النجوم الصاعده وأولهم جيوفينكو

ياتسسسسسسسسسلب نيدفيد شايب ولعب كل المباريات وما ارتاااح ابد

الي يدور في باله زي حركاته الموسم الماضي .. تذكرون سالفة اللحجي نوتشيرينو وانتم بكرامه .. كيف كان غاصبه على التشكيله غصب .. وكل المواقع الجماهير كانت مستائه من هالاعب وعدم فاعليته مع المجموعة ..

الي ابي اقوله انه يطبق هالحاله مع تياقو وجيوفينكو والمريض عقليا ونفسيا وجسديا الدبشه مولينارو .. يعني يا ثوور تشوفه مقدم مباريات زينه عشان يضمنها من الموسه الي راح .. وعندك لاعب زهرة شباب ومتحمس زي دي تشيلي .. ياخي حتى لو مالعب كثير شووف حماسه بس

في وحده من رميات التماس شفتوا الكمخه ينفخ على مولينارو .. ياااني ضحكت ضحك لووووووووووول

طبعا يوم دخله اليوم اساسي يقالك يبي يرفع من معنوياته .. بس ماعندك احد .. من جرف لدحديره

وقسم بالله العظيم انه عار على نادي كبير كاليوفي .. أو حتى من أندية الوسط ..

بس شنسوي .. اذا من يدير النادي سيكو وطقته ..

طبعا هالمباراة اعتبرها ان شاء الله نهاية عهد ظهيرنا الخرافي ان شاء الله

محمد سيسووكو

شفتوا لعبه اليوم

باااااااااااااين عليه الارهاااق جدا

.. تمريراته أغلبها خطأ .. يمكن يكون صايم بس مدري .. طيب ليه ماريحته يادبشه

بوفون أعتقد اصابته جات من الي مدري وش يبي في النادي قسم بالله حميديتش

ولا طلعه له اليوم ماشالله .. بس يالله هذي من بركات المدرب

بس اعجبني بوفون يوم ينفخ على السطل موليناور .. ليته صفقه كف يعدل من وزنية عقله شوي

ماننقر .. الله عليك يابطل

الحراسه في أمان ان شاء الله في وجودك احتياطي للذيب بوفون

صد له كووره ولا في الخيال

كالعاده الدفاع يجيب العيد في اخر الدقايق .. ابي افهم ليه ؟؟

مغآآآآآوري

ماتوقعت هذي المستويات الجميله الي قاعد يقدمها والله .. الله يستر عليك من الاصابه بس

كفووو والله .. سد مكان الغايبين اليكس وتريزي

ياكونتا حالف انه ليجيب هدف دبل .. ماقصر والله هو بعد

مدري .. بس حاسس مع كل الي يسويه الفريق والنادي .. الا انه يبقى عثره في طريق النجاح هو رانييري واكتشافاته وخططه الغبيه ..

الى حد الان متشااائم والله .. لكن عسى أن يكون القادم أجمل

تشاآآو

R A F A N E L L I · #2009 21/09/2008, 07:27 PM

السلام عليكم ورحمة الله وبركاتهـ

مبروكــ الفوز شـــباب ..

بوفون " ماننجير"

مولينارو كليني ميلبرج ابو علي

ماركيزيو" دي تشيلي " سيسوكو " تياجو "

نيدفيد ماركيوني

ياكونتا --- اماوري

.....
صور من اللـــقاء

.......

نتائج الجوله الثالثه

Cagliari	0 - 1	Juventus
	Catania	1 - 0	Atalanta
	Fiorentina	1 - 0	Bologna
	Lecce	1 - 1	Siena
	Milan	- - -	Lazio
	Palermo	2 - 1	Genoa
	Roma	3 - 0	Reggina
	Sampdoria	1 - 1	Chievo
	Torino	1 - 3	Inter
	Udinese	0 - 0	Napoli

....

الترتيب بعد الجوله 3 وقبل لقاء الميلان ولاتسيو


	1	Inter
	2	Juventus
	3	Lazio
	4	Palermo
	5	Catania

......................

مباراة اليوفي يوم الاربـــعاء القادم امام كاتانيا ...

فورزا يوفي

G a G a z · #2010 21/09/2008, 07:31 PM

س\ ماذا ترا الحل أو الصرفة مع المدعو مولينارو

؟

ياااكل تبن ويروح يرضّع الجفااار احسن له

س\ وش رايكم في مستوى ماركيزيو وعموري

فلته ماشالله عليهم