الله على ايام الثانوية؛ يوم طردني (المدرس النصراوي) من الفصل لأني (هلالي)!! وماتلاحظون ان (ياسر) يشبه (خالد عبدالرحمن)..؟؟؟
 

حسبي الله على سامي الجابر!!!
هذا الشخص هو السبب الاول في هلاليتي...! وهلاليتي سببت لي كثير من الاحراجات والمشاكل...!
منها ما سأذكره لكم اليوم بشكل مختصر..

في عام 1422هـ يوم كنت طالب في الصف الثالث ثانوي، كنت وقتها كاتبا متواصلا باستمرار مع جريدة الرياضية، وكان لمقالاتي ردود فعل كثيرة سواء مؤيدة او معارضة..
المهم، كان في تلك المرحلة يدرسني مدرس ميوله نصراوية

وكان متابع لمقالاتي بدون ما ادري

ومرة في وحدة من حصصه

وقبل مايبدأ الشرح كان الطلاب كلهم يتكلمون مع بعض

وكنت انا اتكلم مع زميلي اللي جنبي بصوت غير مسموع

ومادريت الا والمدرس النصراوي ملتفت لي ويطالبني بالسكوت وقال : (ايه انت ماهمك غير الكتابة في الجرايد وبس!!!)

يعني يبي يسخر مني قدام الطلاب بسبب اني هلالي ومقالاتي دايم اسخر فيها من فريقه الحالمي!!

واللي قهرني انه تارك الفصل كله يتكلم وماشاف غيري

طبعا هو واضح انه شايل علي ويوم جاته فرصة ماصدق

وانتم عاد تعرفون الاخوان النصراويين وتعرفون مستوى عقلياتهم !!!

والا فيه مدرس (يحقد) على طالب بسبب مقالات يكتبها خارج الاطار المدرسي ؟؟؟

عاد انا مو من عادتي.. اتلفظ على أي مدرس درسني.. واحترم واقدر كل المدرسين اللي درسوني من الابتدائي الى ان تخرجت من الكلية

<<< والله اني مفحط فيها ست سنين ههههههههههههه

(( مرة من المرات كنت بمحاضرة
مادريت الا وعميد الكلية داخل علينا القاعة
ومعه ظرف ونادى علي
انا قلت لاحووووول وش يبي ذا اكيد معه قرار فصلي
لاني كنت احضر محاضرة واغيب ثلاث
المهم واقوم واروح له والقاعة مليانة طلاب
قلت سم طال عمرك
قال مبروك
قلت على ايش ياحسرة لايكون التفوق عندكم تاخذون فيه بالمقلوب من تحت
قال لا مبروك.. انت ماشاء الله عليك خبرة واقدم واحد عندنا
وعشان كذا انا قلت لازم اكرمك قدام زملاءك
وجيت اسلمك شارة الكابتنية
حطيناك كابتن على الطلاب عشانك اقدمهم هههههههههه))

امزح ترى لاتصدقون
بس من ناحية الست سنين لا والله صدق

- وللمعلومية انا بانتظار التعيين هذي السنة وادعوا لي بالتوفيق -

المهم نرجع للمدرس النصراوي اللي تلفظ علي قدام الطلاب

وبما ان هذا المدرس اشرك الميول الرياضية مع الحصص العلمية داخل فصل مدرسي

فانه يتحول بذلك من مدرس الى مشجع

وانا كذلك مشجع ولافرق

فقلت ياولد لاتسكت

والله لو المدير بكبره يجيني ويتكلم علي عشان الهلال برد عليه

المهم انا ماسكت طبعا

ورديت عليه بجملة ساااااااخرة جدا

مالازم اقولها اخاف اطيح من عيونكم !!!!!

والله ووجه المدرس يصير الوان من قوة الاحراج

والطلاب ميتين ضحك عليه <<< يستاهل هو البادي

ومادريت الا وهو يطردني من الفصل : (قوم اطلع برا)

قلت ياولد ايش وراك برا برا ..

يحسبني باموت على حصته.. الله من زين المادة (جغرافيا)!!!!!!!!


والله واقوم واطلع وانا رافع راسي

لاني اخذت حقي تمام.. من مشجع نصراوي وليس مدرس!!!






أساميات..







** ياسر القحطاني يشبه تماما خالد عبدالرحمن، كلاهما هو من اجبر الصحافة على متابعته والجري وراءه لتميزه..
ياسر بدأ من القادسية، ورغم وجود اكثر من نجم في الهلال والاتحاد والاهلي الا انه برز ووصل للمنتخب وحجز له مكانا اساسيا، وكون له قاعدة جماهيرية هي الاكثر لنجم سعودي في الوقت الحالي..
كذلك خالد عبدالرحمن بدأ وبرز بشكل قوي رغم وجود محمد عبده وطلال مداح - الله يرحمه - وعبادي، وهو الفنان الاول جماهيريا حاليا، بل انه المطلوب الاول للجماهير في العديد من الحفلات.

** بعد محمد زيدان، هاهو منصور البلوي يروج لصفقة نجم البرتغال (نونو قوميز)!! مسكين هالآدمي والله..! لا واللي يضحك من جد.. انه حضر لحظات توقيع المحترف الجديد نورالدين بخاري.. وجلس بجانبه عشان يطلع في الصور بس!!! رغم ان الادارة الاتحادية هي اللي تعاقدت معاه.. والرجال ما له دخل!!
يقولون السبب انه يغار من (الفريان)!!!

** للأسف، الوفاق والحب (الاتحادي النصراوي) الحالي لم يكن لنية صادقة او علاقة ود صافية ونظيفة، وانما جاء (نكاية) في الهلال فقط!! ترى مادرينا عنكم!!

** دوما واقعنا الكروي لايختلف، فالزعيم الهلالي عليه حصد البطولات، بينما الاخرين عليهم ان يختلفوا حول صحتها وعددها!!!!

** اذا استمر انشغال النصراويين بالهلال اكثر من فريقهم كما في المواسم السابقة، فان النصر سيستمر بين اندية الوسط كالعادة!!!!

** رفض النصراويون البطولة العربية وتجاهلوها، وفضلوا عليها بطولة اندية الخليج، آخذين بـ ( رحم الله امرء عرف قدر نفسه)!!!!

** الامر الذي لايستطيع احد انكاره، هو ان (روح المنتخب) غابت باعتزال الذئب سامي الجابر، وغيابه عنه...!








تحياتي لكم
ouss

مشكوووووووووووور اخوي على الموضوع الرائع

ويستاهل النصراوي اكثر من كذا

الله يوفقك بقرار تعيينك

واه ياسامي

تقبل مروري

( معذبهم 15)

موضووووووووووووووووووووووووووووووع جميييييييييييييييييييييييييييييييل

موضزعك اكثر من جميل وممتع ..اخوي اسامه يعطيك الف عاافيه .... اما(( ابو نايف))) هو احلى شيء بالموضوع اسمه يكفي

مقارنه صحيحه

مشكوررررررررررررررررررررررررررررررررررررررررررر
وااله من زمان عن المواضيع اللي كذا بالمنتدى

احلى مافيه الموضوع اسم ( خالد عبدالرحمن )

هلا بالهلالي العزيز ولد مدينيتي اسامة الرحيلي



هههههههه يرجال لا تناقش نصراوي قسم بالله عليهم عقليات

عليهم عليهم اسامه

لا اوصيك يالذيب

ههههههههههههه

مافيك حيله مافيك حيله مافيك حيله

هههههههه زين مارسبّك ..يعطيك العافيـه ..

موضوع فاشل شنو هذا منتدى الزعيم مو كتابت قصص انا نسخر على منتدى الجار ومواضيعهم الحين صرنا نفسهم

سبحان الله النصراويه دايم كذا عقولهم صغار

وسع صدرك ياااااااااااااااااااااطويل العمر وترى عادي عندنا وعندك خيرانت مدرس انا الوالد صعبه اقوله شي بس من جد في حياتي ماشفت نصراوي صاحي احس فيهم مرض اسمه سامي والهلال وركز اكثر شي على سامي اذا تناقشت انا والوالد عن الهلال والنصر لازم يدخل اسم سامي في الموضوع يااااااااااعمري بس اذا رديت عليه وقلت له الكلام الصح مايقدر يرد علي يقول اصلا انتي ماتفهمين

احلى شي بالموضوع كله انك جبت طاري خالد عبدالرحمن

كبيييييير ياأبو نايف

السلام عليكم

إلى انت من اي مدرسه ؟؟؟؟؟ كنت لاني اعرف واحد عندنا بالفصل كان اسمه نفس اسمك هذا ان كانك دارس بالرياض

الله يوفقك بقرار التعيين ان شاء الله
الموضوع شيق مشكور