تكفون سوني3 ولااكس بوكس360
 

السلام عليكم ورحمة الله وبركاته

انا الاسبوع الجاي بشتري نجاحةs60s<<<تو الناس:naughty:

بــــــــــــس فكرت واحترت وش اشتري :upset: سوني3 ولااكس بوكس360

وش اشتري؟؟

نبي الرد العاجل (لاهنتم) عشانه بعد اسبوع

والله اي واحد تشتري منت خسران

انت تبي كورة ولا تبي اون لاين خذ بلاي 3

واذا تبي تلعب مراحل ومغامرات وطيخ طاخ وكرسي حرب خذ اكس بوكس

على فكرة الاكس بوكس يمتاز بسعر الاشرطة رخيصة عشرين ريال
اما البلايستيشن ناااار ياحبيبي ناااار 250-350

بس للمعلومية ترا الاون لاين لازم اشرطة اصلية يعني تاخذ اكس بوكس تبي تلعب اون لاين
لازم تشتري شريط اصلي

وفي الاخير لو تاخذ اكس بوكس يشغل كوبي اذا كشفوك وصلحوا لك باند انسى الاون لاين

وفي النهاية عني انا اخذت بلاي 3 بعد دراسة وتمعن في القضية الانفة

تبي شي انا في الخدمة

والله شوف السوني 3 ترا احسن هو صح ان الاشرطه غاليه بس اول ماتشتريه يجي معاه 3 اشرطه وترى ماراح تستمر على هالغلاء
واذا مانزل سعر الاشرطه خلي نجاحتك في المره الجايه شريط

ps3
مافيها كلام
بالكورة : احسن شي ps3
المغامرات والحروب :xbox360
بس صراحة انصحك بالاكس بوكس لان الاشرطة 20 -50
اما ps3
200-500

.: انا افضل سوني 3 اذا كنت تحب الوينج الفين :.

من خلال تجربه للجهازين الأكس بوكس 360 و البلايستيشن 3 اتضح لي الآتي :

1- من ناحية الجرافيكس و التطور باللعب البلايستيشن 3 افضل بمراحل من الأكس بوكس

2- الأون لاين بالأكس بوكس مايشتغل إلا على الأصلي اما بالبلايستيشن3 يشتغل على الأصلي فقط ولكن تقدر تحمل اللعبه كامله من النت و تلعب فيها بدون الشريط اون لاين ولا يعطونك باند

3- اشرطة الإكس بوكس الآن من 10 إلى 20 اسعارها بينما البلايستيشن يختلف من شريط إلى شريط

فالكورهـ الويننق إلفين النسخه الأوروبيه سعرهـ بـ250 اما النسخه الأمريكيه سعرها 200 و اليابانيه 180

نيد فور سبيد كاربون النسخه الأوروبيه سعرهـ بـ140 و الأمريكيه بـ 160 ولا يوجد نسخه يابانيه

سبايدر مان سعرهـ بـ90 ريال نسخه موحده لايوجد اوروبي او امريكي او ياباني

جراند تيرموز GT سعرهـ 190 نسخه موحدهـ << سباق سيارات

جراند ثيفت اوتو GTA سعرهـ بـ300 ولا اعلم فيه نسخ او النسخه موحدهـ << المعروف لايعرّف

الأفضليه انك تاخذ اي شريط نسخه اوروبيه من اجل تلعب مع الكل في الأون لاين فمثلاً اذا اخذت ويننق إلفين نسخه امريكيه تلعب فقط مع الأمريكان اما اليابانيه تلعب فقط مع اليابانيين اما الأوروبيه تلعب مع جميع من تريد الياباني او الأمريكي او الهولندي او النمساوي او البولندي او السويسري ... إلخ

عموماً اخوي اذا بغيت تشتري بلايستيشن 3 او اكس بوكس 360 راسلني اعطيك رقم محل سعر البلايستيشن رخيص عندهـ سبق و اخذت منه شريط كورهـ ويننق إلفين و نيد فور سبيد كاربون و محركـ ( يد لعب ) و كلفني فقط 2100 ريال صافي

بينما سعر الجهاز عندهـ كان 1750 و سعر شريط الكورهـ عندهـ 230 و نيد فور سبيد كاربون سعرهـ بـ180 و نزل لي 150 من المبلغ ليكون المبلغ 2100

الله يسلمك :smilie47: اشوى انك علمتن ولا دوهي:d نفعتنا الله ينفع بكs60s

الله لا يديم الغلاء

تسلم يالغالي:smilie47:

مشكلة الغلا:nono: الله ليديمه

مشكور عالرد والإئفادة

الله يسلمك ويبقيك ايه احب الوينج الفين :)

هلا وغلا الله يسلمك والله جبت كل اللي ابيه

عاد الباقي عالخاص واقول مرة مشكور ماتكفي لك

اذا تحب الكوره خذ ps3
بس اذا تحب العاب التصويب وتنوع الالعاب خذ xbox360

PLAYSTATION 3
مشكوووووووووووووووور
................................

بزود شعر بيت تراى قريب أن شاء الله وينزل عدسة سوني 3 تشغل الشريط 15 _20_25

انصح في بلايستيشن 3

لان الكوره فيه خيال الوننغ اليفن

ولازم راح تنزل نسخ ب 20 ريال

بالتوفيق لك