|
حرام يااخوان والله حرام السلام عليكم وحمة الله وبركاته اخواني الاعزاء اسعد الله اوقاكم بالخير والمسرات كلنا يعرف ان الوفد الهولندي الان موجود في الرياض لاجل مفاوضة النادي لشراء عقد لاعبنا المحبوب نواف التمياط لكن ماادري ماذا يحصل وراء الكواليس يعني النادي هل ادارة النادي مترددة في الموافقة ام ماذا ؟؟\ هل هو تقاعس من الادارة واستخدام سياسة من يدفع اكثر ؟؟؟ هل يتحجج النادي بالاستفادة من اللاعب طبعا هذا شئ اكيد لكن الاستفادة الصحيحة ؟؟ والى اخره من الاسئلة التي تدور في اذهاننا انا اقول من وجهة نظري والله حرام الي قاعد يصير حرام ياناس حرام تحرق موهبة زي هاذي وتخليها تلعب هنا يعني مشاءالله نواف مستواه في اوروبا بدون مجاملة اقولها وافضل شئ يناسب نواف الدوري الايطالي لانه ماشاءالله عليه دفش اشوي لكن الانسا ن لايحصل على الامتياز دفعة واحدة بل على دفعة دفعة يعني يحترف في هولندا ان شاءالله وبعد نهاية الموسم يجيه عقد احتراف من الفرق العريقة وغيرها وخير مثال اللاعب الياباني نكاتا الذي نافس نواف التمياط عل جائزة افضل لاعب اسيوي وعلى فكرة ناكاتا احترف في نادي رودا الهولندي ثم باع عقده مبلغ عالي جدا وقام نادي روما الايطالي بشرا ء عقده ثم باعه وقد تندم جدا جدا وعلى فكرة واحد من زملائي قد لعب مع نواف عندما كان في زيارة لاخواله وكان عمره حينها 17 سنة زميلي يقول لي : والله فنان ولد فلته لعيب لعيب جد لعيب يعني بالعربي نواف ماشاءالله عليه لاعب فنان بالفطرة وحرام لاعب فنان زي كذا تحرق موهبته فما رايكم يا محبي الكيان الازرق ودمتم في رعاية الله وحفظه واسف على الايطالة |
اول شي الحمدالله على سلامتك اخوي عاشق القمره ... بعدين والله ان كلامك عين العقل لكن من يسمع.... |
ان شاء الله يخترف نواف ويشرفنا عالميا |
مساء الوررررررررررررررررررررررررررررررررررررررد 3 مليون دولار !! أعتقد أن نواف يساوي أضعاف هذا المبلغ وخاصة إذا علمنا أن أحتراف نواف ليس مرحلي أو بنظام الأعارة !! بل 3 مليون دولار مقابل شراء عقده ،، مليون للأعب ومليونان للنادي !! بأقل المقاييس الصفقه خسرانه !! تحياتي !! |
إقتباس:
|
تتوقع إذا راح واحترف في هولندا وبعد احترافه في ذاك رحت أنا و زرت هولندا توقع يسكني في شقته علاشاني هلالي، واللا يقول اقلب وجهك هذاك أول يومني العب للهلال. |
هذي مشكلتنا نجوم تلهث وتتمنى كل الانديه الحصول عليها لكن للاسف لا يوجد من يهتم بها , واذا كان نواف هو الضحيه هذه المره فالله يعين من عليه الدور. وزي ماقلت اخوي (عاشق القمره) حرام اللي قاعد يصير وخصوصا ان نواف خدم الهلال باخلاص لكن لقد أسمعت لو ناديت حيا.................. |
كل شيء الان من مصلحة نواف صدقوني كل ما يعلمه ادارة سعود بن تركي الان هو عين الصواب كلنا نعلم ان العقد المقدم من الفريق الهولندي لا يساوي نص نواف حنا ما نقول لازم يجيه روما والا الانتر لا اهم شيء العقد متى ما كان رهيب عادي والله لو انه الدوري الماليزي :) تحياتي لكم ،،، |
السلام عليكم اخى عاشق القمرة بالنسبة لاحتراف نواف انا اؤيد احتراف نواف في هولندا لانة ولد يستاهل وبعدين ابغى ارد على الى قال ان نواف فنان من زمان ترى نواف بغى يتنسق من الهلال بس الولد يوم حس بالخطر طور نفسة وهذا الى يعجبنى فية بصراحة لانة اذا انتبة لنفسة راح يكون لة شان كبير في المستقبل القريب على مستوى العالم ولكم ان تسال فهد المصيبيح في النادي |
السلام عليكم ورحمة الله وبركاته اخوي/ famous822 الله يسلمك ويطول عمرك وكلامك صحيح من يسمع يعني والله العظيم يااخي احس في اهمال بالعربي شبه تطنيش للموضوع لكن ان شاءالله يكتب الي فيه الخير الله يعطك العافية وتقبل تحياتي اختي / الهلالية الله يسمع منك يااختي وان شاءالله يشرفنا ان شاءالله الله يعطيك العافية وتقبلي تحياتي اخوي / سراب الدمع يااخي الله يرضى عليك المسالة مو مسالة استنى لين ماتجيني صفقة ذات مبلغ يااخي يعني الين ماالطيور تطير بارزاقها مايصير حنا نبيه يحترف وندري انه يساوي اكثر لكن زي ماقلتلك التمييز مايجي دفعه واحدة الله يعطيك العافية وتقبل تحياتي اخي / THE FUGITIVE ان شاء الله كتبت اسمك صح اوكيه انا اؤيد انا الاطراف الثلاثة تستفيد لكن الاستفادة الكبرى ان شاءالله انها تكون من نصيب نواف الله يعطيك العافية وتقبل تحياتي اخي / عزيز ههههههههههههههههههههههه يااخي خله يحترف وذيك الساعة يصير خير ولااعتقد ان نواف راح يردك لكن والله اتمنى انك تشوفه يلعب في هولندا وانت في الملعب وانت تقول هلااااااااااااااااااااااااااااااااال (ههههههههههههه) بالله ابيك تتخيلها الله يعطيك العافية وشكرا على مشاركتك الحلوة وتقبل تحياتي اخي / MY ZAEEM والله كلامك في محله والدليل كاس العالم 94 واه والف اه ان نواف يكون ضحية مثل زملائه اللاعبين الذين لم يحصلوا على احتراف خارجي لكن ان شاءالله خير الله يعطيك العافية وشكرا جزيلا لك اخي / المنتهي الله يرضى عليك وين عين الصواب يااخي الى مايحترق نواف انت تدري ان في مباراة الهلال والطائي على مااعتقد جاي وفد من نادي لاتسيو الايطالي تدري والا لا والله ودي لو تفكر اشوي بس بعقلانية وراح ان شاءالله تشوف الله يعطيك العافية وشاكرك لك مشاركتك الاخ / احمد عاشق الهلال والله شوف الرجال زميل لي عزيز وبعدين انا العب مع عيال خال نواف ومشاءالله عليهم كلهم جيدين اوكيه يتنسق بس كل واحد ينتسق يعني مايعرف يلعب ياكثر الي تنسقوا وهم افضل من غيرهم على العموم اشرك جزيل الشكر وتقبل تحياتي |
| الوقت المعتمد في المنتدى بتوقيت جرينتش +3.
الوقت الان » 05:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd