اكد موقع الماركا الاسباني انه ستكون اتصالات جديدة من ريال مدريد الاسبوع المقبل مع وكيل كريسبو من اجل خطفه من فريقه .
المحادثات لن تستأنف الا الاسبوع القادم ، و حتى هذه اللحظة لم يصل الطرفين الى أي اتفاق ,الاختلاف يكمن في شروط العقد, مدريد لايريد إنفاق اموال كثيره في السوق . الاعب يريد عقد سنه والمعروض ستة اشهر . والشيء الواضح هو أن كريسبو لا يمكن ملء مكان فان نيستلروي الذي يغيب بسبب الاصابة .
][ المؤتمر ,, مـوريـنـهو : فـريـقـي هـو الأقـوى دائـمــاً ][
.
1- مورينهو أنت ما قدرت تلعب بفريقك كامل هالموسم << سؤالك ؟
و منب قادر فعل هذا باتسر بعد , لأنه فيه أشياء تخليه مستحيل , هل هذه مشكله ؟ امم أنا مدرب يحب الإستقرار
لفريقه لكن حتى الآن مستحيل بالنسبه لي اللعب بنفس الفريق , مايكون كوردوبا صامويل ماكسويل لعبوا مع بعض
مباريتين متتاليتين و كانوا خرافيين , ودي ألعب بهم يكرا بس هذا مستحيل , كوردوبا موقف !
و على العموم هذي الكوره و هذا الموقف ما نقدر نسوي بوه شي.
و ترا عندي الأساطير ماترازي و بورديسو متوفرين لبكرا << وذكر المصدرأنه يقولها و نفسه في خشمه
2- يوم كنت في لندن ماذا كانت تعني لك إنتر X يوفي ؟
و الله أنا كنت اركز أكثر بشغلي و بطولتي , إنتر ضد يوفي أو ميلان أو حتى برشلونه ضد مدريد مباريات كبيره لكن أنا
عني أحب أركز على البطوله اللي أنا بها , إذا كان فيه مباراة بالسيري أ بالتلفزيون و بنفس الوقت في مدريد برشلونه
أبتفرج على مباراة السيري أ :p أنا ما أروح ادور الديربيات حول العالم أركز بدوريي و بشغلي , و خوذوا مثال : يوم كنت
بتشلسي ما أتذكر إني قد شفت مباراة ديربي إيطاليا << التنافض كنت أحب أتفرج على أي مباراة إنقليزيه صغيره
لها علاقه بشغلي أحسن لي من أي مباراة ثانيه
3- أنا داري أنك منتب قايلن لنا فريقكم لبكرا لكن وشتقول باليوفي ؟
و الله يا حوبي شف اليوفي فريق مستقر الحين و المدرب ما عنده مشاكل يحلها , و لا عنده لعيبه مصابين بآخر لحظه ,
هم بيكونون نفس فريق الإسابيع اللي فاتت إلا يمكن عاد يدخل الشغاله بدال تياقو أو ماركيوني , الزبده أنه بيكون
نفس الفريق مهوب متغير.
4- هل توفق مع اللي يقولون إن الإنتر يلعب زين إذا كان إيبرا بيومه؟
لا , لأنه دايم يكون بيومه و حنا نفوز و نخسر و نتعادل .
5- بمؤتمره الصحفي رانييري بارك لمورينهو أنه غير تكتيكه شوي و خش بالتكتيك الإيطالي وش عندك تعليق؟
أنا أبكلمه إلامني شفته , ما أحتاج أحد يكون رسول لي .. , بكرة القدم أنت تلتقي بالناس لما تلعب معهم , و لما تروح
للسينما , أو بالمطار , أو بأي مكان ثاني , أنتم دايم تتساألون وش بيصير لو أقابل رانييري , و لمعلوميتكم ترا تقابلنا
يوم الإثنين بكوفيركيانو و ما كان فيه أي أحد و هذا حدث بعيد عن العيون الفاشيه , هذه كرة القدم و هذي فلسفتي بالحياة , شكراً , ما أحتاج مراسيل .
6- كيف هي أهمية الأيام اللي إرتاحها إيبرا ؟
بكرا بنشوف إذا كان لها فايده أو لا , أنا أعتقد أنها مهمه جداً أيام الراحه و شي جميل أنه تصرف مدرب السويد مثل
كذا و أتوقع إذا كان المدرب الوطني معطيه راحه مب زين أنه يتدرب الإثنين , فـ قررت أنه يتدرب بنفس الوقت اللي
المفترض أنه تدرب به لو كان راح مع السويد .
7- ديل بييرو بالفورمه هذه الأبام , هل هذا يخوفك ؟
دل بييرو متخصص بالكرات الميته , و هو يخوفني مثل أي شوييت فاولات << إبه هين
8- البرازيل فازوا على البرتغال 6 - 2 عندك شي تقوله ؟
يضحك , برازيليين الإنتر لعبوا بشكل رائع .
9- الإسبوع الماضي أنت قلت إنتر و يوفي مب لاعبين و النقاط نفس بعض و كنت على حق , كيف بيكون الترتيب بكرا
بالليل ؟
خلنا نصير و نشوف ..
10- مورينهو انت قلت قبل ديربي ميلانو إنها مباراة عاديه , الحين وشرايك بهذي ؟
نعم , هذي بعد مباراة عاديه و ستظل كذا , و تسوى 3 نقاط .
11- هل تحسنت علاقتك برانييري شوي ؟
العلاقه اللي بيني أنا و رانييري هي مشكلتك أنت , مهيب مشكلتنا , و أنا ما أحب أتكلم عن الأشياء الخاصه بي للناس ,
حنا تكلمنا بـ Coverciano يوم الإثنين بدون صحافه , مثل أي زملاء عمل يسوون شغلهم , و هذا كافي بالنسبه لي , و
بكرا بالمياتزا , أبنتظر لرانييري بالنفق حق اللاعبين مثل ما أسوي لأي مدري ثاني , أنا اللي ألعب بأرضي لذلك يجب
أن أكون محترم مع زملائي كالعاده , و راح أتصرف مثل ما أتصرف مع بافي المدربين .
12- هل تنوي إستدعاء ادريانو لبكرا , و وش رايك باللي قاله ؟
كل اللاعبين المتاحيين بكرا أبستدعيهم , أنا أؤمن تماماُ باللي قاله ’’ كل لاعب دائماً يريد اللعب و هو أصلاً وجد ليلعب ,
إذا كان ما يلعب فعليه التغير , و حنا متفقين على هالشي .
13- هل أنت بتخلي أدريانو بنفس مستوى بقية اللاعبين ؟
هو اللي عليه أنه يحط نفسه بنفس المستوى مع البقيه , بالنسبه لي هم كلهم في نفس المستوى . كيف كان
أمس؟
سيزار , مايكون عندهم عوائل بميلانو لذلك أنا قلت أحسن أخليهم يروحون لعائلاتهم و يرتاحون , أدريانو يعيش في
كومو و سهل له الجيه فـ جاء و تدرب مع Rui Faria لنصف ساعه و كانت جلسه خفيفه بعد رحله طويله عشان تساعده
على الرجوع للياقه العاليه بعد رحله طويله .
14- هل أنت تفضل أن أدريانو يصرح زي كذا في وقت آخر ؟ هل هو قالها بوقت خطأ ؟
لا لا , بالنسبه لي عادي يقولها سواءً اليوم بكرا قبل أمس , و اللي قاله كان عادي و أنا موافق معه تماماُ , و إذا أدريانو
سوا مثل ما يسوون باقي الفريق إذاً هو لاعب مثلهم و مهم لنا , هو عنده إمكانيات هائله و قيمه عظيمه ,
و إمكانية اللعب معنا كبيره , و ما فيه شي جديد باللي قاله و كل هذا عادي .
15- أين سيكون الفوز في هذه المباراة ؟
بالملعب , أنت تفوز بالملعب , ما تفوز على الصحافه , و لا تفوز بالحتسي و الإستفزاز تفوز بالملعب .
16- بالنسبه للإستفزاز , رئيس اليوفي قال أنه بيفوز عليكم على هذا يخوفك ؟
لا , أنا ما أعرفه و لا أعرف عقليته و لا يهمني وش يقول , آخر مره رئيس قال بفوز عليك كان يوم كنت أدرب بورتو و كان
رئيس بنفيكيا و بالنهايه هو خسر ... . على أية حال ما أعرف رئيس اليوفي و لا شخصيته , و لا
أنا مهتم بلقائه , حنا هنا نسوي شغلنا , أنا قعدت هادي طول الإسبوع , و حنا هنا مجتمعين عشان نتناقش و
نستفيد من بعض, الزبده أنا هنا أتكلم عن إنتر , و هذي المباراة مباراة عاديه بالنسبه لي , وأتا منب متكلم عن
وش قال مدرب اليوفي , لاعبين اليوفي , رئيس اليوفي , بعد بكرا الأحد و بيكون يوم جديد !
17- مع توقيف إيفان كوردوبا أنت عارف انه ماراح يلعب , هل قررت مين بتلعب بكرا ؟
إ
يه , أنا مقرر و خالص , هل أقولك ؟ لا .
18- هل هذي مباراة بين مورينهو رانييري تكتيكياً , أو دلبيرو إيبرا على الملعب ؟
ولا واحد هذي فقط إنتر - يوفي .
19- وش المباراة المتوقعه بكرا ؟
و الله ياخوي مدري , الشي الوحيد اللي أعرفه هو كيف أبي فريقي يلعب بكرا , و مين لازم يبدأ بكرا , و مين لازم يكون
على الدكه عشان يكون حل نطور فيه وضعنا بالمباراة , ما أقدر أتخيل شي ثاني , هو دايم شي صغير و يغير المتش
كامل .
20- هل تعتقد إن الإنتر أقوى من يوفنتوس ؟
فريقي دائماً الأقوى , أنا دربت لييرا بالبرتغال و لعبت ضد بورتو و بنفيكيا و قلت إن فريقي الأفضل , يعني الحين تخيل أنا
أدرب الإنتر فوش رايك ؟ أو يوم كنت أدرب تشلسي , فريقي دائماً هو الأفضل , لاعبيني دائماُ هم الأفضل ,
و سؤالكم الدائم عن أي لاعب أريد من الفريق المنافس جوابي هو : لا أحد .
ابيانو جنتلي -- الانتر يستطع تحقيق الفوز في يوم السبت ضد يوفنتوس بعد الدورة التدريبية التي كانت مفتوحة للجمهور والصحافة.
بعد الاحماء ، مورينيو واللاعبين قاموا بأداء التدريبات الهوائية وحيازة الكره ، و سلسلة من الألعاب التكتيكية.
لاعبين مصابين كريستيان شيفو ونيلسون ريفاس عملوا على حدة ، في حين فيكتور اوبنا هو في طريق عودته الى ايطاليا بعد ان لعب لنيجيريا ضد كولومبيا في منتصف الاسبوع.
كما أعلن في تقريره قبل المباراة مؤتمر صحفى قبل التدريب ، ومورينيو قد استدعى جميع اللاعبين المتاحين للمشاركه ضد يوفنتوس.
س/ رأيك حول استدعاء ادريانو للتشكيلة وهل تتوقع ان يقدم الشي المأمول ؟
س/ من تفضل بورديسو أم ماتيرازي ؟
س/ التشكيلة المتوقعة من قبلك ؟
س/ المساحة لك ...
مسابقة التوقعات
النتيجة ...
أفضل لاعب ...
مسجلي الاهداف ...
جـ 1 : و الله اتوقع انه بيكون حماسي و السيطره للـ يوفي فـ البدايه .. و الشوط الثاني بـ يضع مورينهو لمساته الساحره و الإنتر بـ يأدي اداء خورافي
جـ 2 : انا أأيد الاستدعاء يمكن تكون فيه ذره من الحماس و يـقدمها بالمباراة .. لكن على الاداء بالميدان .. ما اظن بيسوي اي شيء مؤموول .. لأن خلاص .. ادريانو مافي امل يرجع ..
جـ 3 : ماتيراتزي .. لكن اللي يخوف بـ ماتيراتزي ان لعبه وصخ و بيرتكب اخطاء قريبه من المنطقه و دل دل مراح يقصر .. عموماً ان شاء الله يبلي بلاء حسن
5 جـ : اعتقد ان المباراة بـ تكون مفتوحه من اول المباراة .. و ان شاء الله الإنتر يورينا الإبداع اللي على اصووله .. بس تصدقون .. رانييري ما يطمن ابد ابد .. شووفو وش سوى بالريال !! و الله توقعو منه اي شي عقب ما مورينهو مسح فيه الارض .. لكن ان شاء الله مورينهو يكمل اكتساحه للدوري
النتيجه .. 3-1 للإنتر ان شاء الله افضل لاعب ابراا ان شاء الله الاهداف .. ابرا كروز سامويل
أضحك الله سنك يا صاحبي .. هل ترى أنك ستفوز بدون كمبياسو ؟؟ أنسيت العام الماضي عندما خلى وسط الميدان من كمبياسو و فاز اليوفي بأسيست رائع من بورديسو المعتوه؟؟
يعطيكم العافية انت والشباب على تقديمكم .. بس للاسف جهدكم راح لانكم مانسقتو مع اللجنه الاعلاميه , لان هم عندهم اليه خاصه في التقديمات .. تقدر تشوفها في هالموضوع
![₪₪ " Blue Shirt " ][ رابطة عشاق الإنتـر ][ 2008 - 2009 || " 17 Campioni d'italia ":: ₪₪](iconimages/t610022_rtl.gif)
؟
..
..
الوضع العادي
