^^

احب اضيف نقطه وهي :

ان الانتر واجه فريق كبير وخلانا نكتشف عيوب فريقنا ولعلها تكون قرصة اذن
ونتحسن في الاياب مع اكتمال عناصر الفريق ان شاء الله

السلام عليكم ..

صبآح الورد ..

الحمدلله على التعادل .. والخصم ضيع فوز قد يحصل أحد مفاجأة الشامبيونز ويندم
على هالشي ..

صرآحة قمة الأحباط بالشوط الأول بسبب الضغط الهائل من الخصم .. مورينيو اخطأ
بـ ريفاس اوكي وهذي غلطة مورينيو ..

لكن ماشوف أحد يتكلم عن اللآعبين وهم الخطأ الأكبر في الشوط الأول .. هل شاهدنا ضغط
من لاعبين الارتكاز على الخصم .. !

هل شاهدنا جميعهم مع المدافعين في الفورمه ..!

أعتقد هـ السببين جعلت من الخصم يضرب من البداية ولكن ستر الله ..

ايضاً بالشوط الثاني كان هناك خطاء وهو الابقاء على مونتاري الذي كان بخارج الفورمه
نهائياً .. صراحة اسوء لاعب بالمباراة هو .. وايضاً الحمدلله ان كريس كان خارج الفورمه
الشوط الثاني ..

كان لابد اخراج مونتاري وادخال فيغوس وليس كروز والتبديل الاخير ادخال بالوتيلي
بدل ادريانو ..

مع تثبيت ابرا مهاجم صريح ..


وجعل فيغو وماريو بالوتيلي اللعب بالطرف اليسار لنا لعمل ضغط على ضعف منطقة
الخصم الي شاهدنا تركيز فيرغسون على منطقة مايكون والي كثف فيها لاعبينه وكان
لابد استغلال ذلك .. مع ذلك لم يحسن القراءهـ مورينيو في ذلك ..

بالنسبة لقاء الأياب ..

لابد ندخل بالدفاع هكذا ولا سأفتقد كل أملي بتحقيق التأهل .. لأن الخصم ليس بـ السهل
على ملعبه .. لكن بامكانا نسهل ذلك بتجهيز الفريق من الآن وخاصة صامويل وماتيرازي
والباتريوت ..

الدفاع هكذا

شيفو .. ماتريكس .. صامويل .. مايكون

سانتون لاعب جيد لكن مثل هـ اللقاءات مابي لاعب يقدم اداء جيد .. اذا لم يقدم
مستوى ممتاز لا أشوفه بالتشكيلة .. هذي بطولة خروج مغلوب وأمام بطل المسابقة
والعالم وليس أمام خصم صغير ..

شاهدت تكتيك بالأمس رائع من مورينيو وكان واضح إن مورينيو متكتك للخصم
صح لكن لم يستفيد منها لاعبينا بكل أمانة ..

التكتيك الي عمله وعارف ضعف الخصم فيه .. الا وهو العرضيات الأرضية لمنطقة
الخصم .. وشاهدناها أكثر من 3 فرص سامحه بالتسجيل لكن لاحياة لمن تنادي اجاد
أضاعتها ادريانو وستانكوفيتش ..

الاياب ليس بالسهل لكن فرصتنا أكبر من الخصم لو سجلنا هدف بداية الشوط ..

^^

فعلاً الانتر كان زلاتان من الناحية الهجومية وكفى

ليتهم حتى أجادو الناحية الدفاعية ..!

مع تحفظنا بالخلف الا مع ذلك المساحات أمام مهارة لاعبين المان متوآجدهـ ..

مورينيو مشكلته يحب يأمن منطقة الدفاع قد مايقدر من اللآعبين .. لكن المشكلة
الأكبر انها تكون على حساب منطقة الوسط الهجومي ..

فوق أنك لاتملك صانع ألعاب تعوقها زيادهـ برجوع ستانكو للأرتكاز ..

يالعالم أرحمونا كفاكم تطبيل في هذا الاعب ؟؟

طفشنا وأحنا نقول بيرجع .. بيرجع وفي النهاية يخيب الأمل ..

أدريانو اكتسب اللياقة البدنية نسبياً عما قبل

ولكن يفتقد: التركيز , السرعة , المهارة , الذكاء , التسديد , الضربات الرأسية , التمرير الخ ..

ما أعتقد فريق طموحه الفوز بالألقاب العالمية يعتمد على مهاجم مثل هذا !!

شوفوا مهاجمين الفرق الأخرى , وليش نروح بعيد شوفوا اللي لعبنا معهم أمس ..

رحمكم الله بذا الحارس ياويلي ياجوليو

مورينهو طبعــا اســتهبل في التشكيــلة .. دخول ريفاس غلطة كادت تودينا في داهية .! .. المباراة أكبــر منه بـ كثيــر التشكيل المفروض مورينهو ما تفلسف فيه .! .. 80 % من خطورة مانشيستر كانت وجود ريفاس

المانيو لعب بـ 5 لاعبين في خط الوسـط و3 من اللاعبين ممتازين مهاريا وواحد منهم افضل لاعب في العالم .! طبيعي يمسكون خط الوسط ويتحكمون فيه خصوصاً ان ستانكو ومونتاري خارج الفورمه نهائياً ولا كأنهم في المـلعب

زلاتان قلتها من قبل مامعه وسط يخدمه .! .. لا تتوقعون منه يستلم من النص ويسحب بأربعه ويجيب لك هدف .! .. لكن انا كنت ابيه في الفورمه ولا كان داخل فيــها لـ الأسف

زانيتي وكمبياسو من نجوم اللقاء والشاب الصغير سانتون ماقصر ايضا

الإياب فيه كلام ثاني وحسابات ثانيه على النـص ساعة الأولى في المباراة الخروج بـ نتيجة 0 - 0 شيء ايجابي من الفريق

من بداية المباراة المفروض كوردوبا يلعب .!

مع الدقيقة 60 كان من المفروض يخرج مونتاري وينزل ماكسويل أو فيجو

مع الدقيقه 70 المفروض ادريانو يطلع وينزل بالوتيلي راس حربه مع ابرا

المباراة في الأولد ترافور مهيب مستحيلة لكن يبيلنا نلعب بتركيز وثقة اكبر .! .. اللاعبين كلهم لازم يحظرون في مستوياتهم

اتوقع السير يلعب بـ مهاجمين في الأولد عشان كذا بتقل قوته في الوسط وممكن الإنتر يجاري في اللعب .!

وسطنا الهجومي رايح فيها .. اتوقع واضحه للكل يامورينهو اتمنى التصحيح في الصيف الجاي

لا اخفيكم علما اني مبسوط لأني يوم شفت التشكيلة الرسمية احبطت بشكل غير طبيعي وتوقعتها خسارة كبيرة

سلام

تحياتي للجميع

اتوقع ان نتيجة التعادل كانت مقنعه نظرا لـ مجريات المباراة مع العلم ان المان كان الاخطر على المرمى

في البداية تخبط جديد من مورينهو في التشكيلة وبالذات في متوسطي الدفاع اللي كل مباراة يغير فيهم

يعني ابي افهم كيف تنزل لاعب تقريبا انت مالعبته الا مباراتين او ثلاث في مباراة مصيرية مثل هاذي واول مره يلعب مع تشيفو وتخلي كوردوبا على الدكة عشان خطأ او اثنين!! صراحه هذا خطأ لايغتفر لمورينهو وكاد يودينا بداهيه لولا ستر الله

بداية المباراة مستوى كوارثي يعني لعبنا نص ساعه تحت ضغط رهيب من المان وتشتت من الاعبين دفاعيا وهجوميا واتوقع ان سيزار كان له الفضل في بقاء الشباك نظيفة

الشوط الثاني ادرك مورينهو خطأه ولعب كوردوبا اللي اعاد تنظيم الخط الخلفي وشفنا التفاهم بينه وبين تشيفو وايضا الفريق تحرك بشكل ايجابي للامام ولكن تبقى الحلول الهجومية ضعيفة

صراحه خط وسطنا هجوميا يرثى له لو قلنا زانتي ومونتاري وستانكو ولا واحد من هالاعبين عنده المهارة او صناعة لعب شفنا الكورة اذا صارت عندهم في الهجوم بطء شديد وينقلون الكورة بينهم وبين بعض ولاقادرين يسون اي شي واتسائل ليش ابعاد خمينيز بهذا الشكل عن الفريق

بينما لو تشوف وسط المان كريستيانو وقيقز وبارك كلهم لاعبين مهاريين وعندهم سرعه وصناعة لعب ويجيدون التسجيل وهذا الفرق بين وسطنا ووسطهم

تبقى الحلول عند ابرا اللي يضطر للرجوع للخلف لأستلام الكور لكن وش تبي من لاعب مهاجم يرجع ياخذ كورة ويقابل ثلاث او اربع لاعبين امامه واتوقع ماعمله ابرا في الشوط الثاني كان جيد

المفتاح الاخر مايكون صراحه السير عرف كيف يحد خطورته لانه وضع ثلاث لاعبين تراقبه اول مايستلم الكورة نشوف بارك قدامه ومن ثم يجي فليتشر وغير ايفرا اللي موجود في الظهير الايسر ولا تقدم الا في كورات نادره

لازلت اقول ان وجود سانتون في الجهه اليسرى غلط صحيح انه لاعب جيد لكن وجوده مايخلينا نستفيد من الجهه اليسرى هجوميا ولا الومه لانه في النهاية ظهير ايمن لذلك مايقدر يطلع كور عرضية

ادريانو لم يقدم شيء واستغرب من قلة التركيز بصراحه في بعض الكور تجيه سهله يتعامل معها بشكل غريب مثل عكسية كامبياسو اللي فوتها له ابرا

بالنسبة للتغييرات انا اشوف دخول ماريو وكروز كان خطأ وكان الاجدر دخول واحد منهم بدل ادريانو والتغيير الثاني بدخول فيجو بدل ستانكو اللي ماشفناه لادفاعيا ولاهجوميا

عموما النتيجة كانت مقبولة واتوقع ان نجوم المباراة كان اولهم سيزار وكمبياسو وابرا في الشوط الثاني

في النهاية خلونا نكون صريحين ولا ابي اكون متشائم بصراحه انا اشوف تأهلنا شبه مستحيل بهذا الاداء من فريقنا وخصوصا في مباراة الاياب راح يضرب مانشستر بكل قوته في الهجوم واحنا حلولنا الهجومية ضعيفة جدا وتبقى اجتهادات فردية ماتوقع انها راح تجلب لك الفوز في مباراة صعبه مثل هاذي

المنافسة على الشامبيونز صعبه جدا ونحتاج الى تغييرات جذرية في الصيف اذا اردنا البطولة لان صفقاتنا في هذا الصيف فاشلة ولابد من التغيير في منطقة الوسط لان سئمنا صراحه ان نشاهد فريق لايملك صانع لعب نهائيا