إقتباس الرسالة الأصلية كتبت بواسطة عاشق الأمير الأسيوي [] {} [] .. رسمياً داكور الى فولهام .. [] {} []

لاعب يستلم راتب على الفاضي ومنتهي فنيا

رحيلة كان شي اكيد لان الفريق لايعتمد عليه نهائيا

إقتباس الرسالة الأصلية كتبت بواسطة عبودي المدريدي || رسميـاً // كـواريسما ينتقل الى تشيلسي على سبيل الأعـارة ||

الف مبروك خروج المقلب كواريزما

صراحه صفقة مفاجئة لكنها بداية التصحيح من مورينهو في الانتر

الاعب ماقدم اي شيء وجاء بمبلغ كبير وهاله اعلامية ولكن في الاخير لم ينجح

اتمنى انه ينجح مع البلوز لكي ينتقل نهائيا بسعر مناسب

^^

اعتقد ان انتقال كواريزما هو تمهيد لصفقة دروجبا

عشان كذا لازم كواريزما يبدع مع البلوز عشان تصير المبادلة

عشان كذا كلنا كواريزما

اكيد حمد .. اذا ابدع كوارزما مبلغ انتقاله اعلى من دروجبا الي لن يبعد عن 14 مليون يورو
واعتبرها كثير عليه ..

فيه نقطة ثانية .. واذا لم ينجح كوارزما .. فـ اذا كان سكولاري ع الهرم الفني للبلوز اتوقع
وبنسبه كبيرهـ بيجينا دروجبا .. ولن يعيقه أي شيء بما ان سكولاري بالجهاز الفني ..


بـ معنى اذا سكولاري الموسم الجاي موجود .. دروجبا بالآنتر بيكون موجود ..

سلامين شباب ..

الحمد لله الاستعراضي ذلف .. وان شاء الله يبدع مع تشيلسي عشان نبيعه
بـ سعر فلكي .. واتوقع انه بيبدع في دوري البريمر الي عنوانه [ مافيش دفاع .. حياك وجب قول ]


الموسم هذا الدوري هو المطلوب فقط .. وان جت معه كاس ايطاليا يكون موسم روعه ..
السوبر + السكوديتو + الكوبا ..

خصوصا السكوديتو .. لازم نركز عليه .. !

وترى مانشستر فريق بن كلب .. وسط ودفاع وهجوم .. ! وحنا دفاع ووسط لاباس فيه وهجوم جيد ..

مأملين على دروقبا كأنه ابو 22 سنة !!!

دروغبا انتهى سنة ولا سنتين و يعتزل

كوارزما بيتأقلم مع تشلسي و يمكن يباع لهم نهاية الموسم لكنه أفضل من دروغبا لو تأقلم

إقتباس الرسالة الأصلية كتبت بواسطة I B R A H I M O VIC فرقـــاك عيـــد .! .. يا حسافة ترجمتي لـ أخباركـ هذي بداية التصحيح يا جماعة .! ,,, مورينهو الآن عرف ان الفريق ما يحتاج له اجنحة وله طريقه معينة يلعب فيها الأبطال يمكن صعبة الموسم هذا ولا راح أطالب مورينهو بـ أقوى بطولة في اول سنة له مع الفريق قدامه الوقت وقدامه ثلاث سنين لـ يضع بصمته في الفريق وانا واثق فيـه افتكينا من عاهتين وباقي كم عاهه ان شاء الله في الصيف نفتك منهم خذوها مني من هالحين .. دروجبا انتراوي لكن بالصيف سييا

وراكم متحمسين مره على الخاال ؟

و الله ياهوو غادين ما يعرف و لا يثبت الكوره !

عقب إصابته الأخيره مستواه أبداُ ما يأهله يطلع إلا لـموناكو

و زد على كذا عمره 31 يعني الصفقه مهيب بطله مثل ما شكله يقول

.

إقتباس الرسالة الأصلية كتبت بواسطة عاشق الأمير الأسيوي [] {} [] .. رسمياً داكور الى فولهام .. [] {} []

لاعب منتهي ولا اظن انه راح يضيف شي لـ فولهام
بس مدري اعاره على ايش بالضبط ... لو يعتزل اصرف له

إقتباس الرسالة الأصلية كتبت بواسطة عبودي المدريدي || رسميـاً // كـواريسما ينتقل الى تشيلسي على سبيل الأعـارة ||

كنت مأمل في اللاعب هذا بصراحه .. لكن للأسف خذلنا وخذل موري
هكذا هو الدوري الايطالي ... الاصعب والاقوى ...

يضبطه مورينيو .. وبالنسبة لي دافيد فيا هو أفضل شي لكن مستحيل يطلع من الخفافيش
فـ ماعندك الا دروجبا ينفعك سنتين وع الأقل يجيب لنا الشامبيونز الموسم الجاي ..

اللاعب يملك الروح القتالية وهذي الي بتفيدهـ وبترجع مستواهـ مع مورينيو .. لكن تشلسي
ماعطاهـ سكولاري فرصه يسترجع فيها لياقته كامله .. فـ كيف تبي مستواهـ يرجع ..

نقطة ثانية .. كروز عمرهـ 34 وبتأديب مورينيو خلاهـ يحرث الملعب له حرث .. فـ دروجبا
مع مورينيو بيقدر يسترجع موسم 2006 وموسم 2007 ..

^^

محد ينكر اه ديديه لاعب كبير .. بس فيه واحد ينفع لنا اكثر .. ومايرحم قدام الباب ابد .. !

جيبوه وابشروا بالتدمير

ابرا + دروجبا هجوم .. والله من الخبال

دروجبا لاعب كبير وفي اصعب الظروف الموسم الماضي رجع وبدع وكرش الكبار

كان الموسم الماضي يعاني من خروج مورينهو وكان يعاني من الاصابة

لكن قرانت حط فيه الثقة ورجع دروجبا لمستواه

لكن دروجبا الآن من اصابة لأصابة وسكولاري الآن زاد عليه

معاد صار يثق فيه وصار يلعب انيلكا مكانه .!!

بالله وشلون يصير دروجبا احتياطي لأنيلكا .!!؟

عشان كذا اللاعب مستواه نازل ولا بعد خذ فرصته الى الآن مع سكولاري من وجهة نظري

^^^

في مؤتمر قديم لمورينهو قال فيه دروغبا هو الوحيد اللي يفهم وش أبي بالملعب ، دروغبا مخلص لمورينهو ومتوقع إبداعه بنسبة كبيرة لانه بيلقى الراحة وهذا أهم شي وبالنسبة للعمر لاتكبرون الموضوع ، وين المهاجم الصغير بشرط عنده مهارات ومعروض بمبلغ معقول ، أتوقع ما فيه .

^^

دروجبا موب كبير ياناس

توه 31 سنه .. يعني بيعطيك سنتين قدام بالراحة