[س/ في الجولتين الماضيتين رأينا الانتر مختلف تماما عن بداية الدوري برأيك مالذي حدث ؟
من رايي ان من الطبيعي ان الفريق مايبدى بداية قوية وان تطوير الاداء يكون تدريجي وخاصة ان الفريق مر بظروف صعبة ( اصابات ) لدرجة ان الفريق مالعب مبارتين متتالية بنفس العناصر ( التشكيلة الاساسية ) , وماننسى ان المدير الفني جديد على الفريق والاعبين ماتشربوا طريقته بشكل كبير لكن المباريات القادمة بأذن الله تكون افضل وافضل خاصة بعد الفوز المعنوي على اليوفي .
س/ مورينهو منذ قدومه للانتر استطاع أن يُكسر عُقد كثيرة منها الفوز على اودنيزي والان يفوز على اليوفي . تعليقك على مورينهو ؟
ماهو مهم انك تكسر عقدة فريق معين بقدر ماهو مهم انك ماتخسر نقاط اكثر لانك ممكن تفوز عاليوفي والاودنيزي وتخسر قدام فرق متواضعة وتخسر الدوري .. انا اللي اشوف ان مورينهو زرع في اللعيبة قوة الشخصية وفرض شخصية الفريق البطل على اداء الاعبين وها انعكاس لقوة شخصية المدرب نفسه عكس مانشيني اللي كنا نفوز صحيح لكن الاعبين متفككين وروحهم مزعزعة والدليل مشاكل المدرب مع اكثر من لاعب وهذا ان دل على شي يدل على احترام الاعبين لمدربهم ويمكن يكون سببه قلة خبرة مانشيني عكس موري اللي درب في اكثر من بلد وفي اكثر من فريق كلهم سوبر ستار وهذا شي ايجابي .
س/ أدريانو بعد العودة كيف رأيته ؟
بصراحة مستوى رائع وماكنت اتوقع انه يقدم هالمستوى ومن وجهة نظري ان وجود ادريانو بجوار ابرا راح يحرر ابرا بشكل كبير وراح يساعد ادري نفسه انه يرجع لمستواه الطبيعي؛ لكن هذا كله يتوقف على قوة شخصية ادري نفسه انه يبطل الخراب اللي كان فيه ويهتم بتطوير نفسه , ووقتها ماراح احد يقدر يتنفس بوجود الانتر .
مباراة مجنــونــه وتكتيكيـه بحته موري عرف كيف يشتت الفريق ، ويقولون أنـه سوا مقلب بـ اليوفاويـه قبل المباراة بث التمارين والتشكيله الاساسيه وكل شي عاد رانييري مسوي انا الذيب وفهم كل شي واذا بـ الملعب شي آخر وأنسحبو على وجيههم زي العاده !
سيـزار .. أسـد أســـد أســــد ! سـآمويل .. ماتريـكس دفـآع من حديد نسانا قورطبـه ! ماكسويل .. مـآيكون أطلق اظهـره بـ العـآلم ! الكوتشو .. ساتكا .. مونتاري .. زانتــي وش سويتو فيـهم يـآمهبـل ! أبـرا .. يكفـي سحبتهم على وجييههم ! أدريـانو .. راجع بقوه ولا عزاء لـ الحـآقدين !
صراحة اشوفها احلى مباراة لعبها الانتر هذا الموسم الى جانب مباراة روما ... العزيمة والاصرار كانت واضحة على اللاعبين لتحقيق الفوز ولهذا كانت السيطرة لهم اغلب فترات المباراة .
لاعبو الفريق كلهم نجوم بداية من الحارس ونهاية بخط الهجوم ، وخاصة الدفاع كان قمة تركيز عالي وحضور قوي بدون اخطاء اللي كانت حاضرة في المباريات الماضية ( حضر صامويل مع الماتريكس فاختفى اماوري واليكس )
ادريانو تحرك كثير ولعب مباراة جيدة وان شاء الله تكون العودة من جديد للامبراطور ، وابرا كان رايق في المباراة لكن مشكلته كانت في اضاعة الانفرادات والا كانت النتيجة تاريخية .
مبروك لعشاق الانتر مرة اخرى والقادم احلى وأجمل ، واتوقع لو يكون مستوى الدفاع في كل مباراة مثل ماكان عليه البارحة فلن يكون هناك فريق قادر على ايقاف مسيرة النيرازوري نحو الاسكوديتو .
أهلا بك أستاذي الكريم
الله يبارك فيك يا عــواد ،
و بخصوص الابداع في الدفاع ... تصدق اننا من المباارة الماضية اكتشفنا اننا كنا بدون مدافعين طوال
سيزار ... اسد والله واثبت انه الافضل في الكالشيو لكن بدون اعلام .!!
ماكسويل .. ذا اللاعب كنت دائما اخاف منه دفاعيا لكنه البارح كان نجم دفاعيا وهجوميا
الماتريكس .. فاجئني بذا المستوى الخيالي
سامويل .. ما اصدق انك غايب عن الفريق 11 شهر وتلعب بذا المستوى
مايكون .. دائما اقولها هو اللاعب الوحيد اللي ما يخذل
مونتاري .. يالبى قلبه ويكفيه الهدف لكن مستواه بالعموم كان عادي
كامبياسو .. من افضل المحاور في العالم ومهندس الوسط وقاتل هجمات الخصوم
ستانكو .. اجمل مباراة لك من موسمين واحترم وجهة نظر اللي يقول انه افضل لاعب
زانتي .. رجع لنا القائد الحقيقي ,, بثقته ,, وروحه ,, ولياقته ,, ومستواه الرائع
ابرا .. سحبهم وبهذلهم واشغلهم وكل لعب الانتر عليه وكل الاعتماد عليه وكان نجم في المباراة لولا انه ضيع هدفين كان ممكن انه يسجلها لكن يبقى قدم مباراة كبيرة جدا
ادريانو .. راجع يا ناس بس خلوه يفتك من السهر والله ان تشوفون هجوم مرعب مع ابرا واحلى شئ يوم الهدف ثبت الكوره وطبوا عليه اثنين وكلهم اجسام وطرحهم الكبير وكان سبب كبير في الهدف
مورينهو .. اخرستهم ,, تفوقت على تكتيكهم ,, واثبت لهم انك السبشل ون
تطبيبته لادريانو فيها من الحكمه والدهاء الشئ الكثير
اولا يستفيد من جسمه خصوصا ان دفاعهم كيليني وليقرو وكلهم اجسام
ثانيا يعيد له الروح ,, فبعد ما كان احتياطي اربع مباريات طببه في اهم مباريات الموسم وهذي كفيلة باعادة الامبراطور بس تكفى لا تسهر وان شاء الله تعلم الدرس جيداً
![₪₪ " Blue Shirt " ][ رابطة عشاق الإنتـر ][ 2008 - 2009 || " 17 Campioni d'italia ":: ₪₪](iconimages/t610022_rtl.gif "₪₪ \" Blue Shirt \" ][ رابطة عشاق الإنتـر ][ 2008 - 2009 || \" 17 Campioni d'italia \":: ₪₪")
واذا تبي نصيحتي ارجع وشف المباراه صدقني ماراح تندم 
الله يرجك رح دوره في المحلات اللي بالسيح وبتحصله 
الوضع العادي
