محد يطالب بأبعاد راؤول ,لكن لما تشوف لاعب مثل هنتلار يحتاجه فريقك يقعد ع دكة البدلاء..
راؤول يبقى اسطوره حيه من اعمدة الريال بس المطالبه هنا انه يكون لاعب بديل ع الاقل لكم مباراه..وهنتلار ياخذ فرصته..
يعني انا اشوف اصابة الفان جول هالسنه شي طيب للريال ..ولا كان ما تفجرت مواهب هيجواين وما اكتسبنا لاعب شاب واثق بنفسه وامكانيته ..بالعكس راح يكون لاعب ع دكه ويشرك المدرب اخر 20 دقيقه ,هنا تفرط بلاعبينك على حساب المجامله..

هذا رد سابق لي عن نفس الموضوع وتناقشت فيه أنا و عبودي في إستديو اللاليقا



بالنسبة للكلام اللي لازلنا نسمعه عن راؤول و اللي ذكره عبودي في رد سابق
كل مباراة للريال من هنا حتى نهاية الموسم لو الله وفق و قدرنا نعدي الـ 16
بيكون فيها راؤول لاعب أساسي ..
خواندي من يوم ما نزل قرار اليويفا وهو قاعد يحاول يلقى حل للمشكلة اللي حاست كل شي ..
ومالقى إلا راؤول على أساس هيجويين و راؤول راح يكونون هجومنا في التشامب ..
و يبغى منهم يتجانسون أكثر حتى يكونون في مباراة الليفر على أتم الجاهزية و التفاهم

الأمور واضحه ..
هنتر ما يقدر يشارك في التشامب و سافيولا خارج حسابات خواندي
و لذلك الأفضلية لراؤول ..

شخصيا أنا متأكد من أن خواندي يفضل هنتر على راؤول و مقتنع فيه تماما
لكنه لا يريد خسارة لاسانا في وسط الميدان ...

وسلامتكم

إقتباس الرسالة الأصلية كتبت بواسطة عبودي المدريدي الي ودي أفهمه شلون راؤول يعطي الفرصة لـ هنتيلار !! انت قلت دل بيرو كان يقعد احتيـاط .. هل الأمر كان على كيفه ؟؟ ولا فيه مدرب يختـار اللاعبين ويفرض على دل بيرو يقعد جمبه !! يعني مثلاً اذا اختـار المدرب راؤول في المبارة الجاية اساسي تبيه يروح لـ خواندي ويقوله تكفى طلبتك لاتردني لعب هنتيـلار !! ياخي انت تتكلم عن فريق محترف .. عن لاعبين محترفين ومدرب عـالمي .. هل تتوقـع ان الأمر بيد راؤول ؟؟ اذا جـاوبت فأعتقد انك جاوبت على نفسك

مو قصدي عاد بهالطريقه عاد انت الله يهدييك<<طيب حسستني اني ما عندي سالفه....
بس يعني يشووفون حل ..لما تشوف اخبار هنتلار وحالته حاليا شي يقهر..لأنه لاعب راح يقدم الكثير للفريق وهداف وكل هذا مع ذلك تشوفه ع دكة البدلاء..
شي يبط تشبدك..

مشكور ع الحوار اخوي عبوود ولو انك ..شسمه ..

دمتم بود..

إقتباس الرسالة الأصلية كتبت بواسطة Bo zidane_madridi مو قصدي عاد بهالطريقه عاد انت الله يهدييك<<طيب حسستني اني ما عندي سالفه.... بس يعني يشووفون حل ..لما تشوف اخبار هنتلار وحالته حاليا شي يقهر..لأنه لاعب راح يقدم الكثير للفريق وهداف وكل هذا مع ذلك تشوفه ع دكة البدلاء.. شي يبط تشبدك.. مشكور ع الحوار اخوي عبوود ولو انك ..شسمه .. دمتم بود..

يا عزيزي الأخبار اللي تكلمت عن هنتر كلها غير صحيحة ..
وطلع وكيل أعمال اللاعب و كذب كل هالأخبار ..
وإنت مصدق هنتر توه مكمل شهرين يبي يطلع من الفريق ..
وغير كذا شف الفرق اللي تبي تتعاقد معه ..
وإغسل يدك

تحياتي لك

إقتباس مو قصدي عاد بهالطريقه عاد انت الله يهدييك<<طيب حسستني اني ما عندي سالفه.... بس يعني يشووفون حل ..لما تشوف اخبار هنتلار وحالته حاليا شي يقهر..لأنه لاعب راح يقدم الكثير للفريق وهداف وكل شي هذا مع ذلك تشوفه ع دكة البدلاء.. شي يبط تشبدك..

بمناسبة الكلام عن راؤول

الكل يعلم ان خواندي عقده 6 شهور

والكل يعلم ان الليقا صعبه جداً ينافس عليها

ماعنده الا التشامبينز

ومستحيل خواندي بكل هالظروف هذي يجامل احد او يسمح لاحد يفرض رايه عليه

كل تفكيره الحين هو مباراة ليفربول الي هي اهم مباراة للريال هالموسم

ومن استلم الفريق وهو بوضع حرج يشرك لاسانا او هنتيلار

والكل شاهد مستوى لاسانا ومايقدمه بوسط الملعب اللي هو المهم في المباراة

ويمكن يواجه قوة وسط الليفر

عشان كذا اختاره ومافضل عليه هنتيلار

والهجوم راح يعتمد على راؤول وهيقواين

فمستحيل الحين انه يتكي راؤول ع الدكه ويلعب هنتيلار واذا جت مباراة الليفر لعب راؤول اساسي بيلخبط تفاهم وانسجام اللاعبين

الظروف حكمت على خواندي كذا وهذا الصح انه يلعب راؤول

ولاننسى انه يقدم مستوى جيد جداً الفتره هذي

لاسمح الله وطلعنا من الليفر ذيك الساعه اتوقع راح يعتمد على هنتيلار بنسبة كبيره

فلا تطالبون خواندي بشي وهو يعرف انه ماقدامه الا مباراة الليفر والابطال عموماً

من أسباب تطور برشلونة و تدهور الريال أن الريال يحتفظ بلاعبين مثل راؤول أو يتعاقد مع لاعبين أقل من مستوى الفريق أما برشلونة تحرص على التجديد في خطوط الفريق دائما و غالبا ما تتخلص من اللاعب إذا لوحظ عليه انخفاض في المستوى.. مثال: ريفالدو-رونالدينيو-ديكو.. رغم أن إدارة الريال أقوىو أغنى من برشلونة و أعتقد أن الريال أكثر جاذبية للنجوم الكبار من برشلونة.. يقال أن مورينيو رفض تدريب الريال لأنه اشترط على الإدارة التخلص من بعض اللاعبين و التعاقد مع أسماء طلبها هو و عارضت الإدارة هذا الشرط.

وجهة نظر تحتمل الخطأ..

إقتباس الرسالة الأصلية كتبت بواسطة عبودي المدريدي لا والله موب قصدي شي ترا مجرد لـ تلطيف الأجواء <-- انت علمني الحين كيف يشوفون حل ؟ .. الأمر موب في يد المدرب ! والمدرب ذا هو الي لاطع هنتـيلار احتياط ؟ ونفس المدرب ذا هو الي فريقنـا ما خسر معه في 8 مبـاريات ومرمانا ما لقم الا 3 أهـداف بس ! أذاً طول الله عمرك حتى لو يلعب سلجـادو ويفوز لي في 8 مباريات وبالمرمى نظيف في 6 مبـاريات انا ما ابي شي منه ولا استرجي انتقده على انه ما اعطى فرصة لـ فلان وعلان . هنتيـلار لاعب مميز .. لكن لازم يثبت نفسه عشان يمسك الأساسي . بتقول كيف والمدرب ما يلعبه الا ربع ساعة أو 20 دقيقـه ؟؟ بقولك احسن مثال هذا هيغـوين .. الفرصة جاته بعد ما قدم اداء جيد مع الفريق وكان مثل هنتي يلعب 10 أو 15 دقيقة ومع ذلك كان يسوي فـارق ويقدر يسجل ويـااااااه ما أكثر أهداف هيغوين الحـاسمة والي تكون بعد نزوله مبـاشرة . هنتيـلار .. اللعب في النادي الملكي موب سهل .. لازم اذا جاتك ربع فرصة تمسكهـا عشان تصير أحد ركائز الفريق . هذا هو ردي على عدم أشـراك هنتيـلار ولا شسمـه ولا غيره مجرد مزحتن عابره ياليت تشرفنـا بأسمك أخوي وكثر من هـ الطلات >> هذا الشخص يناظر الدحمي الي مسنتر تحت وينتظر انبراشته

قفله.., لأخوي بنزيما10..

المدير الفني لهنتلار طلع وصرح وانا معاك ..بس ما تستبعد لو يطلع كلام من هنتلار بعد مده..أذا استمر هالوضع..!

عبوودي..معاك محمد او بو زيدان

هيجواين بعد متى جته الفرصه ..بعد موسمين تقريبا وقلت لك لولا اصابة الفان جول ما طقها..
وضع هيجواين يختلف عن وضع هنتلار ,هيجواين يوم جاء الريال كان عمره 19 ما عنده مشكله يقعد ع الدكه ويحتري الفرصه لما تجيه..بعكس هنتلار 25سنه ولاعب اساسي بالمنتخب طبعا راح يكون خايف على مكانه بالمنتخب لما ما يكون اساسي مع ناديه ..والخ

واختلاف الرأي لا يفسد للود قضيه ونبقى اخوان ..ترى انبراشتاتك لا غنى عنها

السلام عليكم اخواني بالرابطه

معاكم اخوكم احـــمـــــد من اكبر مشجعين الملكي ولي الفخر, من سكان الرياض واقيم بالخبر لاني طالب بجامعة الملك فهد للبترول والمعادن

جتني اخبار طيبه عن الرابطه وكثير من الشباب يمدحونها لي , فسجلت فيها قبل اسبوعين وما كنت اقدر اضيف رد والحين تفعلت العضوية وبامكاني الرد , فحبيت بهاذي المناسبه اشكر جميع الاخوان اللي بالرابطه على جهودهم الجبارة وآرائهم السديده اللي كنت اراقبها خلال الاسبوعين الماضيين واللي خلتني انـــــــــســــــــى جميع المواقع الاخرى الخاصة باخبار الملكي والسبب وصول الاخبار اول باول والاهم وضع مـــــــــــصـــــــــــــدر الخبر

اعذروني اذا طولت عليكم و يصير لي الشرف انضم للاخوان بالرابطه

هلا ولله بـ اخونا احمد

اهم شي انك تقضي وقت ممتع معنى

وتضيف الرابطه جمال بمشاركتك معنا وتواجدك

,,

اخوك محمد

إقتباس الرسالة الأصلية كتبت بواسطة دبيب نحيف السلام عليكم بالامكانيات اللي عندنا وان هونتلار ما يقدر يلعب بالابطال و هو موقع خمس سنين قدام يعني لاحقين خير ان شاء الله فهل انت تفضل يلعب هنتلار بدال رؤول في الدوري فيبتعد رؤول عن جو المباريات ويفقد التجانس مع المجموعه فاحتمال تخسر الدوري و الابطال, او انت تفضل رؤول بدال هونتلار ولو للفتره الحاليه فقط لإحتمال تفوز بالابطال او على الاقل تتعدا 16 ؟

وعليكم السلام

بالنسبه للنقاش انا افضل اشراك هونتيلار تدريجياً وكل مره ياخذ وقت اكثر ويصبر عليه

وهو الصادق الحين جايبينه من اياكس علشان يلعب 15د واحياناً ما يلعب يعني شوي شوي يلعبه وبعدها يلعبه مباراه كامله حتى لو ماسجل يصبر عليه يعني يتناوب هو وراؤول مره هذا يلعب شوط ومره الثاني
مو معقوله انك تبعد
المهاجمين الاحتياطين عن الاجواء وتغيبهم مباريات كثيره طبعا التناوب على حسب اجواء المباريات

اذا انت خسران مثلاً وانت بادي من الشوط الاول دخل هونتيلار الشوط الثاني والعكس يعمله مع راؤول
وبعض الاحيان يتناوب مع هيقواين وبرظو في حاله الفوز ينطق عليها

ماهي حاله يلعب ربع ساعه وش يضمنه انه هالثنائي ماتجيبهم اصابات لاسمح الله