●● ║ رابطة عشاق ريال مدريد..][ 2008-2009 ][║●‎║● UNO,DOS,TRES..WELCOME CRIS ][ - صفحة رقم 814 - نادي الهلال السعودي - شبكة الزعيم

beckham 0723 · #12196 03/02/2009, 12:11 AM

إقتباس


	صح انه غير مؤثر لكن اللاعب مايندرى متى يبرز

يزيد

شاكر لك هالخبرية الحلوة

باقي يقطون جيرارد بالتوقيف

بس يا استاذي

توريس غاب كثير عن الليفر هالسنة

وعلى قولتك كين ماهو مؤثر

وعلى الرغم من هذا للحين الليفر يقدم أفضل المستويات والنتائج في نطاق مباريات الدوري منذ مدة طويلة

على هالكلام نستنتج ان الليفر أساسه قوي ... قد يكون أقوى من الريال تأسيسيا في المرحلة هذه

بالتوفيق في اختباراتك

++++++

بالنسبة لللغط الحاصل في في مسألة أرقام اللاعبين

أذكر في أيام بيريز...أذكر هالفترة على اعتبار ان البعض يعتبرها فترة بهرجة أكثر منها فترة كروية ...

في ذيك الايام ولما جا بيكس للريال ... طلع الكلام على رقم بيكس...وهل يتنازل عنه راول...أو أن بيكس بيختار رقم 77

طلع بيريز وذكر ان أرقام النادي المتوفرة من 1 - 25 او 30 ما اذكر

وان على بيكهام ان يختار احد الارقام الشاغرة في هذه القائمة فقط

وهذا اللي خلا بيكس يختار رقم الاسطورة دي ستيفانو

بصراحة ما اتوقع ان بيكس كان يعرف ان في لاعب اسمه دي ستيفانو وداخ يوم شاف رقمه

الذبة على بيكس مو على دي ستيفانو منعا للانبراش <<<<<

يبدو لي ان سياسة الارقام في مدريد - وقد تكون سياسة الاتحاد الاسباني -
السياسة يبدو انها قائمة على أساس عدد اللاعبين في القائمة الرئيسية واليل عادة تكون 25 اسم

ولا ننسى ان الرود وديارا وديلارد تقريبا هالموسم game over

أشوف ان هذه السياسة أجدى من بهرجة الارقام و 88 و 77 و99

دمتم بود

هتلر الرياض · #12197 03/02/2009, 12:36 AM

إقتباس

الرسالة الأصلية كتبت بواسطة beckham 0723


	يزيد شاكر لك هالخبرية الحلوة باقي يقطون جيرارد بالتوقيف بس يا استاذي توريس غاب كثير عن الليفر هالسنة وعلى قولتك كين ماهو مؤثر وعلى الرغم من هذا للحين الليفر يقدم أفضل المستويات والنتائج في نطاق مباريات الدوري منذ مدة طويلة على هالكلام نستنتج ان الليفر أساسه قوي ... قد يكون أقوى من الريال تأسيسيا في المرحلة هذه بالتوفيق في اختباراتك دمتم بود

هلا سعود

توريس غاب كثير جداً عن الدوري

على فكره

أهدافه في مباراة تشلسي هي الاولى له من 16 مباراة ماضية في الدوري الإنجليزي

عناصر قوة ليفربول في 3 لاعبين فقط

توريس ، جيرارد ، ألونسو

أما ماسيكرانو

بينتيز كثير مايطلعه الموسم هذا من المباريات

مايكمل المباريات الا قليل جداً

مستواه مش ولابد خاصة الفترة الأخيرة

لما نقارن عناصر فريقنا مع عناصر ليفربول

الحراسة

بكل تأكيد لمصلحة كاسياس

في الدفاع ريال مدريد أفضل في كل شيء

الا يمكن خانة الظهير الأيسر

في المحاور

ألونسو أفضل من قاقو و أفضل من ديارا كـ امكانيات فردية

أما لعب وانسجام

ألونسو ثابت بالتشكيل والمحاور بالغالب يتغيرون ،،

وأما في مدريد

الحمدلله

منسجمين وثابتين

الوسط

جيرارد أفضل من شنايدر

روبين أفضل من كويت

الهجوم

توريس أفضل من هيجواين

على فكرة يا سعود

ليفربول الموسم هذا

تعادلاته كثيرة على ملعبه - الأنفيلد -

ستوك و بقية الفرق

كلهم يتعادل معهم على أرضه

ان شاء الله ريال مدريد يكون في كامل جاهزيته بـ جميع العناصر المتوفرة حاليا

دبيب نحيف · #12198 03/02/2009, 12:56 AM

beckham 0723

بنسبه لارقام اللاعبين كني شايف ارقام لاعبين الكستيا فوق 30 طبعا لما يلعبون مع الفريق الاول

beckham 0723 · #12199 03/02/2009, 01:03 AM

هلا يزيد

شاكر لك تعليقك ومداخلتك

شوف ياصاحبي
تحليلك منطقي ومقنع

وواضح انك ماشالله متابع لليفر أكثر مني

بس فكرتي كاستنتاج عام بناءا على ووقائع و أرقام متوفرة

فريق يغيب عنه أحد عناصره الاساسيين - توريس - لفترة طويلة

رغم كذا ينافس بقوة وسط منافسة شرسة بين أكثر من 3 أطراق على اللقب وتسيد البريمير لفترات طويلة هالسنة

وفريق ثاني يفصله عن المتصدر 12 نقطة بس

اكيد برشلونه فريق يخوف الحين مافيها أي نقاش

لكن لو كان يلعب في البريمير لما تسيد بهالفارق المهول

هنا نستنتج - أو استنتج أنا عشان لا أعمم أفكاري - ان الريال مضروب في أساساته

أكيد لو نرجع لكتاب الريال هالسنه ونشوف الاصابات وغرابتها... والتعاقدات وغرابتها في جهة...وعدم تقديم النتيجة المرجوة - أقلها حتى الان - في جهة ثانية

الكفة هنا تميل للليفر

الأكيد ان المباراة من الوزن الثقيل ...مباراة بين زعيمين

أشوفها تتشابهه مع الديربيات والكلاسيكو ان كلام الورق والتحليل الفني قد لا ينطبق ولا حتى ربعه داخل الملعب

والتحليل بالاساس مانقدر نتكلم فيه الا قبل المباراة بأسبوع لنرى جاهزية الفريقين وظروفهم وظروف اللاعبين

دمت بود

++++++++

دبيب نحيف

عزيزي أنا صراحة هذا استنتاجي الشخصي ... يعني ماهي معلومة مؤكدة

يمكن تصعيد لاعبين من الكاستايا في نص الموسم - في غير فترات تسجيل اللاعبين يعني - يمكن لهم حاله ثانية

ويمكن ان القائمة بالاساس فيها 30 لاعب و 35 لاعب وكلن له رقمه

انا قصدي ان حتى لو القائمة فيها مثلا 40 لاعب وكل لاعب برقمه...وجاني لاعب زيادة من بره - هنتر مثلا - أنا كنادي راح أدور له في الارقام الموجودة بين 1 - 40

لان بالاساس ماراح أقدر أزيد عن 40 لاعب في القائمة أصلا

أرجع أقولك أخوي ان هالبربسة ذي كلها من راسي

سعدت بالنقاش معك عزيزي

ماتشرفت باسمك

تحيتي وودي

سعود

Queen of Hearts · #12200 03/02/2009, 03:25 AM

صباح الخير اعضاء رابطة الريال .. فتحنا موضوع من شوي
مع اخواني برابطة الارسنال ما يخص الارسنال وجينا هنا لنكمل النقاش ..

إقتباس


	معليش عـ الدخلة .. بس مثل مين ؟! نادراً الإدراة تدفع مبالغ على لاعبين ما يستحقون !! أو بـ الأحرى العقد يجبر الإدارة تدفع كذا .. وبعدين مُجرّد الريال يدخل في الصفقة , النادي الثاني يبالغ في السعر , بس لـ أنّ الريال دخل فيها ..

الاخ A B B O D جاوب عليك لان هذا المعنى من كلامي ..
ان بعض اللاعبين ما يستحقون المبالغ المدفوعه لهم ..

رد عبود

إقتباس


	الاخت " فديتني هلاليه " قصدها انه الريال يدفع في اللاعب أكثر مما يستحقه لا أعرف الصراحة صفقات الريال وأقيامها .. لكن مثل ما قلت الريال هو اللي جاب سمعة انه يدفع بدون مبالاة لنفسه أما الآرسنال .. شف كم كان ارشافين بكم ؟! 25 مليون يورو .. واخذناه بالنصف 12 مليون يورو !! تحس حدا عجز القصيم معهم تكاسر اتوقع هذا اللي كانت الأخت تبي توصله لك أمس مثل هالوقت ادخل واكتب محدن موجود .. الحين اكثر الروابط حضور حنا

بمعنى ان مجرد دخول الريال في الصفقه او صفقة اللاعب .. تصل اسعارها لاكثر من 20 مليون !
ليش حتى يوصل سعر اللاعب لهذا المبلغ

اكيد السبب وجود الريال ..

إقتباس


	هلا فديتني .. تذكرين أيـام النقـاش على ديـارا <<بس للتذكير أنس كسبت النقـاش

اهلين عبودي

..
ايه اذكر ... ومبروك عليكم ديارا

لاعب اثبت انه صفقه ناجحه .. وان شاء الله يستفيد منه فريقكم ..

إقتباس


	من نـاحية أن فريقي هو السبب في هـالأسعـار ! أنـا أختلف معك 180 درجـة .. السبب طول الله عمركِ شخص يدعى فلورنتينو بيريز هذا الرجل يدفع ميـة في أبو ريـال رجل مبـالغ فيه جداً .. ولكن له هيبـة غير طبيعيـة .. يعني لمـا تقولين الريال هو السبب .. شوفي سياسة كالديرون جلدة بشكل مو طبيعي .. والمشكلة انه ثور يقعد يفـاصل في السعر وفي الأخير يضطر يدفع المبلغ الي طلبه النـادي الثـاني في اللعب .. والسبب انه ريال مدريد ومأخذين سمعه انه بيدفع سعر اللاعب دبل ..

اعتقد انت جاوبت ..
بيريز من يكون ؟

رئيس نادي ريال مدريــــد .. وهذا الي ذكرته انا ان ناديكم هو السبب ..
واعتقد انك ما تستبعده .. بالنسبة لـ كالديرون حتى هو سوا نفس الشي في الريال
يعني اعتقد جلب المدافع بيبي من بورتو بـ 30 مليون
هذا المبلغ في مدافع !

إقتباس


	بالنسبـة للقسم الثـاني من كلامك ! أتمنى تعطيني أسمـاء لاعبين ما يستاهلون المبـالغ فيهم ؟؟ بعدهـا أقدر أنـاقشك ويـاليت تشرفينـا في رابطة الريال وتطرحين النقـاش

نفس الكلام الي ذكرته لـ انا مدريدي
ولو تعطوني شوية وقت شفت لكم اسعار لاعبينكم ..

,,

وتشرفنا ..

ANA MADRIDI · #12201 03/02/2009, 03:33 AM

.

إقتباس


	يعني اعتقد جلب المدافع بيبي من بورتو بـ 30 مليون هذا المبلغ في مدافع !

معليش ,
بس والله كررّناها أكثر من مرّة ,

قيمة فسخ عقد بيبي مع بورتو كانت 20 مليون ..
+ 10 مليون قيمة اللاعب = 30 مليون

..

لـ أن مُستحيل يطلع لاعب من دون فسخ عقد

..

أتمنى وضحت معك ..

إقتباس


	بمعنى ان مجرد دخول الريال في الصفقه او صفقة اللاعب .. تصل اسعارها لاكثر من 20 مليون ! ليش حتى يوصل سعر اللاعب لهذا المبلغ اكيد السبب وجود الريال ..

ترى سياسة الرياضة في آوروبا تختلف تماماً عن السياسة هُنا

..
يعني 20 مليون مو المبلغ اللي يتبالغ فيه , وبعدين على حسب اللاعب المدفوع فيه ,
وأيضاً نادي عن نادي يفرق

..

إقتباس


	ولو تعطوني شوية وقت شفت لكم اسعار لاعبينكم ..

لك الوقت

..

حياك الله إختي بـ أي وقت

..

.

Queen of Hearts · #12202 03/02/2009, 03:54 AM

إقتباس

الرسالة الأصلية كتبت بواسطة ANA MADRIDI


	. معليش , بس والله كررّناها أكثر من مرّة , قيمة فسخ عقد بيبي مع بورتو كانت 20 مليون .. + 10 مليون قيمة اللاعب = 30 مليون .. لـ أن مُستحيل يطلع لاعب من دون فسخ عقد .. أتمنى وضحت معك .. لك الوقت .. حياك الله إختي بـ أي وقت .. .

مشكور عالتوضيح .. بس 20 مليون لفسخ عقد !
اعتقد مبلغ كبير جداً ..

الله يحيك اخي ..

سيرجيو راموس انتقل للريال وعمره 20 سنة بـ 28 مليون !
بتقول لي بع د فسخ عقد ؟ بس يضل المبلغ كبير للاعب في هذا العمر ..
لاسانا ديارا .. 20 مليون !
جاجو انتقل للريال بـ 20 مليون .. ووقتها عمره 20 سنة ..
محمد ديارا اعتقد مو متاكده انه بـ 27 مليون !

كل هذي مبالغ .. مـُبالغ في دفعها من قبل ادارتكم
اتمنى اني وضحت وجهت نظري ..

وهذا الي جا معي من لاعبي الريال .. ولاحظ ما ذكرت الا الحاليين

تحياتي ,,,

FLORINTINO · #12203 03/02/2009, 04:02 AM

|| شنـايدر : نحن الأن على الطـريق الصحيــح ||

.. واثقيـن الأن بعد 6 أنتصـارات من أستقرار وضعنـا في الدوري ..

تحسـن مدريــد في الجولة الثـانية من الدوري الأسبـاني ولقد لحظنـا ذلك على جميع
الـلاعبين الذي تمكنوا من أحراز ست أنتصـارات على التوالــي ولكن من دون أي
تقليــص للفـارق مع المتصدر الحـالي للـدوري .. ولكن الوضع الحـالي في الفريق
يجب أن يستمــر في الــدوري و في دوري أبطــــال أوروبـا .

وفــي موقعه الرسمي على الأنترنت قـال لاعب الفريق الهولنــدي شنايــدر " لقـد
رسمنــا خطة عمل واضحـة ، ونحن الأن نعمــل بشكل جيد على جميع المستويـات "
وأضــاف " لقد ركزنـا على عدم قبول أي هدف ، أن الفريـق يتحسن بشكل جيد الأن
ونحن حتى الأن مستمرون في تحسيـن وضع الفريــق "

الهـولندي يعتبـر من أحد الركـائز الأساسية في تشكيلة المدرب خواندي راموس
والذي تغير نشـاطه كثير مع خطة 4-4-2 كـ لاعب خط وسط ولكنه يسعى لأستعـادة
أفضـل مستويـاته ، وهو أحد اللاعبين الذيــن يعلمون العمــل العظيم الذي يحــدث في
غرف خلــع الملابس للـميرنجي " يــوم السبت على الميدان .. يمكن أن ترى الحماس
والرغبـة في الفريــق للمواصلــة في الــدوري على نفس النهج ، خرجنـا من سوريـا
بـ 3 نقـاط ثمينـة وأيضـاً بالأنتصـار السـادس على التـوالي وكل ذلـك يدل على أن
الفريـــق يسيــر في المســار الصحيـح وينبغـي لنا المواصله الـعمل بأعتبـــار ان
المجمــوعة جيــدة جداً "

ANA MADRIDI · #12204 03/02/2009, 04:15 AM

إقتباس

الرسالة الأصلية كتبت بواسطة فديتني هلالية


	مشكور عالتوضيح .. بس 20 مليون لفسخ عقد ! اعتقد مبلغ كبير جداً .. الله يحيك اخي .. سيرجيو راموس انتقل للريال وعمره 20 سنة بـ 28 مليون ! بتقول لي بع د فسخ عقد ؟ بس يضل المبلغ كبير للاعب في هذا العمر .. لاسانا ديارا .. 20 مليون ! جاجو انتقل للريال بـ 20 مليون .. ووقتها عمره 20 سنة .. محمد ديارا اعتقد مو متاكده انه بـ 27 مليون ! كل هذي مبالغ .. مـُبالغ في دفعها من قبل ادارتكم اتمنى اني وضحت وجهت نظري .. وهذا الي جا معي من لاعبي الريال .. ولاحظ ما ذكرت الا الحاليين تحياتي ,,,

إذا ماني واهم , وقتها كان أغلب الأندية الكبار تطارد راموس ,
وكان ديل نيدو مُستحيل يخليه يطلع , بـ أقل من السعر اللي هو يطلبه

..
< عاد ذاك راسه يابس

..

يعني يا ندفع هـ المبلغ ولا ما فيه ,
بعدين راموس ألحين يستاهل دبل هـ المبلغ 6 مرات , واسألي ميلان

..

لاسانا ديارا , صح إنه مُبالغ فيه , بس حتى هـ الوقت ,
اللاعب مقدّم مستوى مُمتاز , وإذا استمر أتوقع بـ يستحق المبلغ وزيادة بعد ..

جاجو ,
إذا كنتي ما تدرين , وقتها يوم جاجو كان في البوكا ,
هو كان مايسترو الوسط هناك , يعني المُدرب وقتها يعتمد عليه ,
واذكر إن عقده مطوّل معهم , يعني مدري متى ينتهي بـ الظبط ,
بس برضوا لازم فسخ عقد ,
بعدين 20 ولا 30 مليون , جاجو ألحين غيير

..

ونفس الكلام لـ ديارا ,
رئيس ليون مثل رئيس إشبيلية ,
يكون عنده نجوم , يصنعهم , بعدين إذا برزوا يبيعهم بـ السعر اللي يبيه ,
مثل ديارا أو إيسيان ,
أغلب الاندية الكبيرة عليهم ,

وهذا إيسيان يوم يروح تشيلسي , راح تقريباً بـ نفس مبلغ ديارا أو أكثر ,
مع إن إيسيان وقتها مو ذاك اللاعب المعروف , سواءاً إعلامياً أو من ناحية المُستوى ,
بس يوم جاء تشيلسي نساهم المبلغ

,

الكلام ينطبق أيضاً على ديارا ,
يعني أفهم من كلامك ديارا ما يستاهل المبلغ المدفوع فيه ؟!
بـ تقولين إلا يستاهل ومدري إيش , بس ليه 27 مدفوع عليه ؟!

أنا أقولك ليه , السعر كان محددّه رئيس ليون نفسه , وقال ما راح يطلع ديارا إلا إذا دفعتوا المبلغ المُحدّد ,
ديارا بعدها ما صار يحضر التدريبات ,
قال أبي الريال

, لين إتفقوا الريال وليون على المبلغ المتفق عليه الرئيس وراح ,
يعني مُستحيل ديارا يطلع بـ سعر أقل من اللي محدده رئيس ليون !!

بس كل اللاعبين اللي ذكرتيهم والمبالغ اللي شارينها لهم ,
ألحين بس تتمنين أي لاعب منهم , ولو بـ قيمته مرتين

..

بعدين ترى سياسة الإنتقالات في إنجلترا وبـ التحديد في الآرسنال ,
تختلف كثيييييييير < لاحظي كثرة الياء

, عن أسبانيا وبـ الذات الريال ..

يا شينك يا بيريز , كرّهتهم في أسعار اللاعبين ,
حشى كننا نلعب ماستر ليج والله

..

عيوني كذا

, ما أقدر أفتحّ أكثر

,

تصبحون على خير

..

.

Queen of Hearts · #12205 03/02/2009, 04:36 AM

احنا طلعنا عن زبدة الموضوع وهو ان الريال هو السبب الرئيسي بارتفاع مبالغ اللاعبين ..

صحيح الدوري الانجليزي اسعار لاعبينه معقوله .. ويضل الافضل !

الريال ياخذ اللاعبين جاهزين .. وبعض اللاعبين الموهوبين يدمرهم !
وشفنا هذا في اوين كاكبر مثال ..

ما احب اطيل بالنقاش .. بس ما كنت ابي اطلع برا المضمون
وانت من اهل الخير انا مدريدي .. واستانت بالنقاش معكم ..

بالتوفيق للريال ... وتمنياتي ياخذها ولا ياخذها برشلونه

<

beckham 0723 · #12206 03/02/2009, 05:49 AM

عبدالملك

فديتني هلالية

احترامي لكم على هيك نقاش

اذا تسمحون انبرش بمعلومة نشوفها أمامنا

ان أساسا أسعار اللاعبين في ارتفاع حاليا

أعتقد السبب بالاضافة لارتفاع أسعار الحديد وكرتون الطماط والايجارات

ان النادي يكسب من اللاعب ... من الناحية المالية و الاعلامية

رئيس نادي نابولي لما تعاقد مع ماردونا... أكيد ماهو بالأرقام اللي نشوفها الحين .. لكن رئيس نابولي وضح ان جزء كبير من قيمة انتقال ماردونا سيتم تسديدها اعلاميا وجماهيريا...يعني هالمسألة بدت وقاعدة تزيد حاليا

مثل انتقال بيكس للـ إل ايه جلاكسي ... متأكد ان العوائد المالية أكثر بكثير من المدفوع له ابن اللذين

نقطة إضافية

زيزو

انتقاله يعتبر الاغلى في العالم حتى الان
لما انتقل الناس وصفت بيريز بالمجنون....

الحين تسعيرة ميسي و كريس وكاكا بثمانين او تسعين وحتى فوق المية مليون

أما اذا بناخذها لكل لاعب وظروف انتقاله...فأكيد ان اسم النادي اللي طالب اللاعب...وميزانيته .. و أحيانا دلاخة إدارته...بالاضافة لظروف أخرى...أكيد ممكن ترفع سعر اللاعب في المفاوضات

++++++++

إقتباس


	وشفنا هذا في اوين كاكبر مثال

اوين ما اندمر في الريال...اللي يندمر هو اللي مايلعب او يطيح مستواه في فريق معين
اوين دمره الاصابات وبنيته الضعيفة

مو دفاعا عن الريال...بس ريكورد اللاعب لما جا يطلع ...كان ممتاز جدا تهديفيا مقارنة بعدد الدقائق اللي لعبها...والسبب يطول لو جينا لمسالة ليه وليه

المقصد ان اي نادي كان ممكن يتقدم وياخذه...خصوصا لما يعرف ان أوين مسجل قريب ال12 هدف رغم انه المهاجم الثالث..واغلب المباريات كان احتياط

احترامي وودي

سليل السيف · #12207 03/02/2009, 10:22 AM

فيه عوامل كثيرة تحدد سعر اللاعب :.
" مستوى اللاعب / عمره / مده عقده مع فريقه / اهميته لفريقه / توفر بديل له / رغبة اللاعب / شهرة اللاعب / عدد الفرق اللى تحاول تشتريه / توفر الاعبين المميزين بالسوق بنفس المركز " ..
وش يخلي كاكا بهالقيمة الخرافيه ..و وش يخلي كريستيانو بهالقيمة الخرافيه ؟
يوم تناظر جميع العوامل السابقة تتأكد انهم يستحقون هالمبالغ الفلكية ، لا طلع كاكا مافي لاعب بيعوض كاكا بسهولة ، ومافي لاعب متوفر بالسوق يخلي الميلان يجيب لاعب بمثل مواصفات كاكا ..
فيه فرق يوم تاخذ لاعب بعز مستواه وناديه متمسك فيه وبين انك تاخذ لاعب ناديه ماهو متمسك فيه او له مشكله مع مدربه مثل ما صار مع الرود مثلاً ..
سعر الحصان بالسوق اعلى بكثير من سعر انتقاله للريال لولا مشكلته مع السير ..
نفس الكلام اوين اللى جبناه بـ 12 مليون بسبب انه يبي يغير تجربته مع الليفر وانتقل لنا بهالمبلغ اللى اقل من مستوى اوين وبعناه بضعف المبلغ بحوالي " 24 مليون يورو "
وما باعه الريال إلا عشان يمول صفقة راموس ..
ارشيفن مثلاً وهو السبب بفتح الموضوع اصلاً ..
سعره ما يتجاوز الـ 10 ملايين منطقياً ..
لعدة اسباب ..
اللاعب مده عقده منتهيه وادارة ناديه تبي تبيعه وتستفيد منه قبل لا يصير ببلاش ..
مافي اي نادي دخل بمفاوضات معه غير الارسنال حسب ماقرأنا بالصحف
رغبة اللاعب بالإضافة ان اللاعب قد لعب بالأبطال وما راح يقدر يفيد اي نادي كبير لو انتقل لهم ..
بهالحالة يقدر الارسنال يكاسرهم على كيفه لأنه ضامن ان ادارة زينيت بتوافق غصباً عنها ..
نجي لسالفه ثانية ..
المحاور والدفاع حالياً وبوقتنا الحالي لاعبين هالمراكز يعتبرون من اهم واغلى اللاعبين بالعالم لأن كرة القدم صارت تعتمد على الناحية الدفاعيه اكثر من الناحية الهجوميه ..
لهالسبب صرنا نشوف ارقام فلكية للاعبين ..
قاقو كان لاعب مهم جداً بالبوكا ورئيس ناديه رافض انتقاله والميلان والبرسا كانو يفاوضونه بنفس الوقت
وانتقل بـ 20 مليون مقابل عقد " 6 سنين " وبراتب مليون ونص بالسنه
وللعلم تراه تنازل عن مليونين وسبع مية الف من حصته للريال عشان ينتقل ..
لكن الآن لو تبي تبيعه بكم بتجيب ؟! خصوصاً مع المستويات الخرافيه اللى جالس يقدمها ..
فيه فرق بين سعر اجير اللى انتقل بحوالي 10 ملايين دولار
وسكيرتيل وسعر بيبي بـ 30 مليون ..
وعلى فكرة بيبي انباع بهالمبلغ مع رواتبه وعلى طول بدون محاولات لترخيص سعره
بسبب سالفه قديمة صارت للريال مع بورتو ايام كارفاليو
وهي ان الريال قدم عرض لبورتو بـ 25 مليون يورو واللاعب وافق بس رئيس ناديه رفض وقال يا تحطون ثلاثين ولا يفتح الله وادارة الريال رفضت وحاولت انها تضغط عليه وبعد فتره بسيطه انتقل بنفس السعر لتشيلسي بالثلاثين وقشرنا بصل وقتها ..
يعني لو ادارة الريال ما دفعت هالمبلغ لبيبي كان انتقل لنادي ثاني نفس السعر ..
لو الريال خاسر من هالأرقام مادفع هالأرقام للاعبين ..
لأن الفريق قادر يطلع قيمة اللاعب مرتين بالاعلانات

إقتباس


	سيرجيو راموس انتقل للريال وعمره 20 سنة بـ 28 مليون ! بتقول لي بع د فسخ عقد ؟ بس يضل المبلغ كبير للاعب في هذا العمر ..

اذكر انه انتقل وعمره 19 سنه وبـ 27 مليون ..
وهالمبلغ هو قيمة فسخ العقد بالإضافة لعقد لمدة 8 سنوات مع الفريق ..
بذيك الايام كان العقد غالي بس الولد موهبته كانت بارزة وبشكل كبير ويستحق الرقم

إقتباس


	الريال ياخذ اللاعبين جاهزين .. وبعض اللاعبين الموهوبين يدمرهم ! وشفنا هذا في اوين كاكبر مثال ..

ذي كذبة انقالت والعالم صدقتها .. من اللى دمرهم !
اتركي لاعبين الكاستيا على جنب ..
لأن الجمهور ماعنده صبر على الاعبين الصغار عكس الارسنال مثلاً
اوين انتقل لأن الريال بذيك الفتره جاب روبينيو وبابتيستا
وقبلها جات فتره كان فيه رونالدو وهو وراؤول ومورينتس مهاجمين ..
ومع ذلك اوين اثبت نفسه كلاعب مهم بالاحتياط ومعدله ممتاز مع الفريق
ولولا ان بيريز كان يحتاج يمول صفقة راموس ما باعه بالأساس ..
قاقو صغير بالسن وموهوب وللآن يبدع مع الفريق .. راموس نفس الكلام ..
روبينيو كان ممتاز معنا ..

Madrid Magic · #12208 03/02/2009, 11:27 AM

السـلام عليكـُم و رحمـة الله و بركـاتِـه ..

..

مـن Goalء,,
تشكـيلة الأسبوع , تبقي روبين و راؤول فـ الإحتيـاط !

و كانت التشكيلة كـ الآتي ../

الحـراسـة : ريكاردو " ريـال بيتيس "

الدفـاع : سيزار " أوساسونا " , لويس بريتو " بلد الوليد " , فيلبي " ديبورتيفولاكرونيا " .

الوسـط : أنخيل لافيتا " ديبورتيفولاكرونيا " , فاليرون "
ديبورتيفولاكرونيا " , دودا " ملقا " .

الهجـُوم : دافيد فيا " فالنسيا " , أوتشي " خيتافي " , ميسّـي " برشلونة " , ألفارو نيجريدو " ألميريا " .

الاحتيـاط : إيناكي " سبورتنج خيخون " , باريخا " إسبانيول " , آرين روبين " ريال مدريد " , راؤول " ريال مدريد " , فرناندو لورينتي " أتليتكو بلباو " .

هتلر الرياض · #12209 03/02/2009, 11:32 AM

إقتباس

الرسالة الأصلية كتبت بواسطة فديتني هلالية


	احنا طلعنا عن زبدة الموضوع وهو ان الريال هو السبب الرئيسي بارتفاع مبالغ اللاعبين .. الريال ياخذ اللاعبين جاهزين .. وبعض اللاعبين الموهوبين يدمرهم ! وشفنا هذا في اوين كاكبر مثال ..