|
مِن جُرف .. لـ دُحديرهـ ! تفائلنا خير بالتعاقدات الجديدهـ .. لكن مع هكذا إدارهـ لن تبقى متفائلاً طويلاً . شيء مُخزي إن حدث هذا فعلاً .. لن أطيل الحديث عن المهزله هذه .. لكن على فرض كان الكلام صحيح .. فـ بدون أدنى تفكير .. يجب إشراك لاسانا .. ليس .. هونتيلار .. أولا ../ الهجوم بإمكاننا تعويضه .. بهيجوين .. وكذلك بانتفاضة راؤول في مباريات التشامبينز .. ( مع أن ماظنيت أحد بيسد مكان الرود ) ثانيا ../ طريقة لعب خواندي أساسها يبدأ من الدفاع أولاً .. ثم بناء الهجمه من الدفاع .. يعني تدعيم المحور الدفاعي أهم بمليون مره من تدعيم الهجوم .. فـ الليجا لو تدخل بمحور واحد ثابت .. ممكن يمشي وضعك مع بعض الفرق .. لكن في التشامبينز إن دخلت بمحور واحد هذه بتكون مخاطره فظيعه بمعنى الكلمه .. خصوصا أن المباريات القادمه بالليجا مع فرق متوسطه وتحت المتوسطه ( الفرق القويه ستكون مبارياتها بأخر الموسم ) .. لكن بالتشامبينز ليج رح نواجد أقوى لاعبي العالم بالوسط والهجوم .. ومستحيل نقدر نوقفهم بجـاجو .. واللي ما أتوقع أبداً أنه يقدر يستمر على هالمستوى في ظِل الضغط الرهيب عليه بالفتره الماضيه .. بيجي له وقت ويخووور .. ثالثاً ../ سأنظر للمستقبل القريب .. ليفربول .. من أول ماشفنا القرعه ووجدنا نفسنا أمامهم .. كلنا قلنا يجب إحضاء لاسانا بأسرع وقت .. لأنه من الصعب جداً إيقاف هجوم الليفر وخط وسطهم .. بـ جاجو فقط .. حتى لو تعدينا الليفر إن شاء الله .. ما أتوقع أن جاجو يبقى بمستواه كي يصمد أمام وسط مانشستر مثلاً .. أو غيرهـ ..! ومثل ماقال أخوي عبدالإله ورده الهجـوم لدينا بديل .. بإمكان راموس إراحة راؤول بالدوري .. وإعطاء الفرصه كامله لـ هونتي .. علي بالحرام إن يستلج بشكل موب طبيعي قدام فرق الليغا .. وإشراك البيبيتا مع راؤول بالتشامبينز .. وراؤول معروف أنه يستلج أيضا بالتشامبينز ! يعني الهجوم أمر بإمكاننا تغطيته مع تكثيف الوسط الممتاز .. لكن المحور الدفاعي .. مستحيييييييل تلاعب أقوى فرق العالم بمحور واحد .. ومحور ضاغط بعد اللي هو جاجو .. ! فـ لاسانا .. أهم .. أهم .. أهم .. من هونتي في التشامبينز ..! // \\ إن كان القانون صحيح .. وماقدر هونتي يلعب بالتشامبينز .. فيجب على الإداره أنها تفكر بلاعب .. من أمريكا الجنوبيه .. ! ومن أبرزهم .. ريكيلمي .. ياناس .. مو لازم نلعب بـ جناحين .. ! النفاثه وبجواره ريكيلمي سيشكلون قوة رهيبه .. ناهيك عن أن ريكلمي .. صانع لعب بمعنى الكلمه .. وهالشي اللي مفتقدينه بمدريد عقب ماراح زيدان .. ومعه روبين النفاثه .. ياويلي بس مافي إلا كذا .. مادام القانون صحيح وهونتيلار مب لاعب .. لازم تجيب صانع العاب يقدر يلعب بدوري الابطال .. ويكون بطل .. يعني دي ماريا وطقته مارح يقدروا يلعبوا معنا إن كان القانون صحيح .. مافيش إلا ريكلمي .. والله لو يسويها مياتو بس .. إن يصير أكوس واحد بالعالم سلاميشن |
السلام عليكم أول دايما نضرب المثل بأن مدير المدرسة زلابة ولا يحل ولا يربط وان الوكيل و المشرف الطلابي هم اللي مضبطين وضع الطلاب ووضع المدرسة بشكل عام طبعا غالبا المشرف الطلابي إما انه يكون مدرس تاريخ وجغرافيا...أو بربسة وعلم نفس ويسد الخانه أحيانا لو غاب مدرس الفنية ولا مدرس التعبير أما الوضع في مدرستنا,,,اقصد مدريد لا مدير ولا وكيل ولا مشرف طلابي يعني كالدي كديش.. وهذه منتهين منها مثل ماحنا منتهين من مسألة نادي القرن لكن الدور على مياتو...ياشيخ بحل فيصل عبدالهادي جنبك أجل عضو بالاتحاد ومسؤول صفقات وجل كل هذا وتعدي عليك سالفة تسجيل لسانا وهنتر والجناح الجاي في التشامب والمشكلة كل كلامهم ان التعزيز من أجل التشامب أبوكم أبو من جمعكم زلايب مصير مدريد بين ايدينكم بصراحه في نغمة تفاؤل من بعض الشباب انهم مو بهذه الدرجة من الغباء وانعدام التفكير ونفس النغمة كانت موجودة بالصيف وان من غير المعقول ان ادارة ريال مدريد ما تحط لها خطة ب بديلا لكريس والادهى ان البعض توقع ان اصلا اللاعبين موجودين بس يبون يرزون كريس بينهم بالتقديم واذا ماجا ارقدوا و أمنو ترانا موقعين مع جيش لعيبة أتوقع لو اننا فعلا امام تسجيل لاعب واحد بس الافضل يكلممون د عبدالله البرقان يشوف لهم حل ولا يستشيرونه في التعاقدات من النواحي القانونية أقل كلمة تنقال عن هالادارة الحفلة قلة أدب وسوء تغذية ++++ دمتم بود سعود |
إقتباس:
|
الرد السابق نزلته بالقهوة:d ولما رجعت وقريت الاخبار هنا خصوصا خبر وليد ومن الموقع الرسمي هنا تتضح الصورة أن الريال يقوده عاهات فكريه ناس معاقين فكريا يعني على الاقل يازلابة يابن ستين زلابة انت واياه ياخي جس نبض الاتحاد الاوربي ارفع اوراقك لهم بالاول وشوف وش الرد جاي مدرعم وجايب اثنين والثالث نفس وضعهم ودافع فلوس ومسوين نفسكم الابطال وبالاخير ترفعون طلب؟؟؟؟؟؟؟؟:upset::upset: حتى لو كان عندهم حجة قوية اصابات وغيرها حتى لو عندهم مليون محامي قادرين انهم يقلبون الوضع لصالحنا ... لا ويمديهم يغيرون القانون كله ونجيب 11 لاعب من لعيبة التشامب حاليا المسألة كلها تتمحور في نقطة التفكير السليم والتحضير المناسب وعدم ترك أي شيء للصدفة ليه أحط نفسي بموقف بايخ زي كذا و أحاجج مين...أحاجج الاتحاد الاوربي بكبره؟؟؟:upset: يارجل لو إدارة أبها ما ظنتي بتطيح في نفس الخطأ الشنيع |
beckham 0723 سعود يامجرم :d :smilie47: لاتقطع :( . . . اجل صار كل شئ رسمي :( بالفعل ادارة مغفلة على كذا :( يارب تتسهل الآمور :( |
الله بـ الخير .. :smilie47: نآدي كورتيبآ : من يريد كيرسون عليه الانتظآر قآل مسؤولون في نآدي كورتيبآ أن نجمهم البرآزيلي كيرسون لن يغآدر النآدي في الانتقآلآت الشتوية القآدمة الشآب البرآزيلي الذي يلعب مع منتخب بلاده تحت الـ 23 عآما ً , كآن قد تلقى في وقت سآبق عرضين من فآلنسيآ و ريآل مدريد , ولكن اللاعب صرح أنه بآق ٍ في فريقه مطلع العآم القآدم 2009 وقآل المتحدث الرسمي بـ اسم النآدي : " كورتيبآ لن يبيعوآ كيرسون في ينآير القآدم , نحن نعلم أن اللاعب لديه العديد من العروض الجآدة من أندية كبيرة , ولكننآ نحتآجه في مطلع العآم القآدم " * يآ رب مآيكون مكرر .. واذا مكرر مشكلتكم .. :d:smilie47: |
|
هلالـ2005ـــــي :smilie47: احترامي استاذي اسمح لي أعارضك و أوافق رأي أغلب الشباب ان ديارا2 أهم من هونتي إقتباس:
ديارا كانت اصابته وحسب التقارير الاولية انها شد عضل مدري تمزق وان السالفة اسبوعين بالكثير ثلاثة وهو مسنتر قدام كانا و بيبي شف وين وصلت...جخر مدري جحر على قولة الشباب و ردد :d بعدين تضمن الجهاز الطبي الحفلة اللي عندنا؟؟؟:bigeek: ممكن بالاخير يقول لك حمى الوادي المتصدع غير كذا...جاجو كرت ولا اصابة ....من محاورك؟؟؟خافي؟؟؟ مع الفارق الكبير طبعا بس احس ( وليت لو أحد من الشباب الخبره يصححوني لو اخطيت ) احس ان المحور وكل ما صار للاعب أدوار دفاعيه اكثر... يبي له انسجام ويبي ان اللاعب ما ينقطع عن الكورة عشان يؤدي بشكل سليم ويبي له استمرارية...جاجو لما جا الكثير ما تقبل مستواه...لما راح ديارا كأس أفريقيا انحدينا على جاجو وبدأ ياخذ وضعه طبعا الموهبة تفرق...بس موهبه وتلعبه في 10 دقايق....يندمر وغيره لاعبين ذو صبغة هجومية عندنا شنايدر وفارت وجوتي....ولا واحد منهم له أبسط خصائص المحور الدفاعي الياقة والسرعة و قوة الالتحام نقطة أخيرة عزيزي واعذرني على الاطالة....لسانا يلعب ظهير,,,يعني تستفيد منه وقت الزنقه دمت بود ++++++++++++ عبدالإله :smilie47: إقتباس:
أكثر الشباب يؤيدون مسألة راول للتشامب وهنتر للليغا:smilie47: إقتباس:
ملك :smilie47:s60s +++++++++++++++ مدريدي موت:smilie47: فيصل؟؟؟عبدالرحمن؟؟؟عبدالله؟؟؟برعي؟؟؟؟ يارب يكون اسمك واحد من هذول :d ياحبي للاعضاء والله :smilie47: ورده الواحد يجي يدخل بيشارك...يلاقي أفكاره موجودة ماشالله شغالين لطش أفكار و أخبار :smilie47: فمالي الا اني استرخي و استمتع بمسلسل كالديرون مياتو السامج:upset: ++++++++++++++ http://tbn0.google.com/images?q=tbn:..._mijatovic.jpg ان طاعك الزمن...ولا طيعه http://tbn3.google.com/images?q=tbn:...c-calderon.jpg حينما يتجسد الغباء الفاضح بصفة المسؤول :upset: |
|
^ والله اخر زمن صار اسمي برعي :( :d الآدآرة قدمت استئناف ونشوف وش الناتج عندي تفاؤول انه راح يقبلوه الآتحاد الآوربي بسبب اصابة الرود وديارا الي هي الى نهاية الموسم اتوقع التعويض مسموح .. صرآحة انا اشوف اجنحة مانحتآآج ! يعني مو ضروري تجيب جناح ! فيه فارت وسنايدر تقدر تعمل خلطة وتسويهم بدون جناح ! :d قصدي انووه فيه روبين صحيح الاصابات لاعبة فيييه بس الوقت اصبح متآآخر يعني كآن مفروض من الصيف جايب جناح آو مابعت روبينهو :( يعني بالنهاية جناح مو ملزومين فيه ! |
بيان رسمي من ريال مدريد http://www.realmadrid.com/cs/Satelli...&ssbinary=true فيما يتعلق بالمعلومات التي نشرتها ماركا في عددها لهذا اليوم 26.12.08 ريال مدريد يريد ايضاح التالي : 1- النادي قبل تنفيذ اي عملية شراء يقوم بعمل تقارير شاملة حول الاعب من الناحية الرياضية والاقتصادية والطبية والقانونية 2- الجوانب الرياضية بطبيعة الحال أكثر أهمية وقم تم ضم هنتلار ولاسانا ديارا فضلاً عن اي توقيعات اخرى يمكن ان تجرى حالياً تأتي بسبب الحاجة الملحة والفورية للنادي بسبب الاصابات التي يعاني منها و النادي كان يخطط على المدى المتوسط والبعيد وهذا ثبت من مبالغ المال التي تم استثمارها في كل التعاقدات وحقيقة ان كل الاعبان الجدد وقعو عقود لأكثر من اربع سنوات 3- الخدمات القانونية بالنادي كانت على علم من حقيقة ان لاعب واحد من الاثنين المذكورين اعلاه لايمكن تسجيله للعب في دوري الابطال بسبب احد قوانين الاتحاد الاوروبي لكرة القدم ومع ذلك النادي يعتقد تفسير اخر ملائم للمادتين 17.17 و 17.18 ويعتقد ان المعنى تجنب الغش في المنافسة في حال مشاركة الاعب مع فريقه الجديد في نفس البطولة بعد ان سبق وان لعب فيها مع فريقه السابق ومن الواضح ان المخاطر لاتحدث في في حال شارك الاعب في بطولتين مختلفتين وبناء على ذلك النادي سيشرع برفع حجته الى الاتحاد الاوروبي لكرة القدم 4. مع المشورة القانونية مدير الرياضة والمدرب نصحا بالتوقيع مع الاعبين على حداً سواء لأنهم يعتقدون انهم سيكون مفيدين لمستقبل وحاضر النادي للحاضر 5- ختاماً النادي يعتقد ان جعل التوقيع فقط لتدعيم صفوف الفريق استعداداً لمرحلة خروج المغلوب في دوري ابطال اوروبا سيكون فيه تقليل للفريق وتجاهل التوقعات التي لاتزال قائمة في الدوري http://upload.alhilal.com/users/001/files2/real.gif |
فيصل ياخي شدراني انك رديت بالقهوة؟؟:d بعدين برعي كويس ياخي يعني من زود ما انت بارع في شي معين صرت برعي:d نرجع للريال الجناح مهم اقولك ليه روبين اصاب....بتلعب من غير اجنحه؟؟؟ احتجت تلعب جناح ثاني لان الفريق للي قدامك مقفل؟؟؟ديرنثي؟؟؟:d يا رجل مابيني وبينه اي فرق من ناحيه الكنترول والمهارة..وربي ما يفرق عني بشي :d الحل الوحيد مع عدم احضار جناح....هو احضار اما صانع لعب متمكن وحط تحت متمكن ما شاءت من الخطوط طبعا هذه بعيده المنال والمنى و الأماني وزينب :d بسبب ادارتنا الحفله او انك تضمن لي ان دفاع الكلاسيكو دايم جاهز ولاهو مصاب على اساس انك تقدر تستعين بمارسيلو هو وجزمته الوردية ( تكرمون ) في النواحي الهجومية وهذه برضو جيب البنات اللي فوق و زد عليهم اللي تبي بما ان جهازنا الطبي حفله ++++++++++ يعطيك العافية وليد على المتابعه:smilie47: ياشباب تطمنوا الادارة مظبطة وضعها وواضح انها تفهم وتستوعب:upset: يالاتحاد ماندري انه كذا....نحسبه كذا....بالله؟؟؟قولو قسم؟؟:upset: اها.....غلط مطبعي....اوكي خلاص:upset: مسألة انك تحط نفسك بالموقف هذا = انك زلابة ودلخ وغبي وعندك بدل المخ علبة ببسي فاضية انا كذبت الكذبة وصدقتها....:d شكلهم يبون يجيبون الليغا وكلامهم عن التشامب والتعزيزات عشان يرتخون برشلونه:d +++++++++ ملاحظين شباب لا أدارة ولا جهاز طبي وش بقى صاحي عندنا؟؟؟:upset: |
تم ترجمة البيان الرسمي بالكامل اتوقع ان يوافق الاتحاد الاوروبي على طلب الاستئناف ليتهم يرفقون بطلب الاستئناف طلب تسجيل لاعب ثالث دامهم مصممين على الجناح ويفكونا من السكران بينانت واذا مافيه غير هالسكران ولافيه امل يتعاقدون مع ريكيلمي ولو اعارة لايجيبون اي لاعب زيادة ابرك قوانين الفيفا بتسجيل لاعب مكان الاعب المصاب ستنصف ريال مدريد ولاتسوي فيها شخص مثالي يا كالديرون واطلب من بلاتر ان يضغط على دميته بلاتيني لتسجيل الاعبين لابد ان تكون خبيث وتلعب من تحت الطاولة مثل مايعمل الاخرين |
سعود قصدي انه الوضع معقد انك تجيب جناح كفو يعني ياتجيبلك جناح زي الناس آو آركد :stoned: :) . زي ماتوقعت تماماً الادارة ماتعاقدت مع لاعبين كذا وراح تقدم استئناف وراح تكسب الاستئناف الادارة بعد غضب الجمهور وفشلهم في الجمعية العمومية ووالخ مايحتاجون بعد غلطة تزيد الطين عليهم بلة ! |
وليد ورده إقتباس:
كلامهم يتمحور حول تفسيرهم الشخصي للقانون وان المسالة خوف من غش اللاعب وتراخيه ومدري وشو يعني لو يقولون كذا على بلاطة عندنا فلان وفلان الى نهاية الموسم ونبي بدالهم هذا حقنا وبالعكس مو ضعف ولا عيب انك تطالب بحقك بس ان تجي لمرحلة تفسر القانون على ماتشتهي وتقول هنا الفاعل منصوب وهنا الفعل ماضي والخبر قبل حرف الجر المبتدأ؟؟؟ ومعليش والله يا بلاتيني النسخة اللي وصلتنا مو واضحه وفيها حروف ناقصة؟؟؟ هنا ندخل في قلة الأدب وسوء التغذية +++++++++ فيصل وضعنا الحالي كله عبارة عن تراكم سلبيات من بداية الصيفية وحنا وضعنا مزري المسالة الادارية كلها من اساسها غلط في غلط |
| الوقت المعتمد في المنتدى بتوقيت جرينتش +3.
الوقت الان » 05:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd