
08/12/2008, 01:25 AM
|
 | زعيــم مميــز | | تاريخ التسجيل: 18/09/2004
مشاركات: 2,529
| |
الإصابات !!!!! شوستر كان يطالب بظهير أيمن من سنة جدّي .. والإدارة كارشته فريق هذا كبره ماعنده الا محورين .. أصيب واحد وضاع الفريق !! طالب بمهاجم وتوهم يجيبون في يناير .. طالب بجناح يمين صريح وجابوا فارت وهو لاعب ايسر .. المشاكل كلها من راس كالديرون و ( الثعلب ) مياتوفيتش !! الفارق 9 نقاط في 14 مباراة .. أتوقع شي كبير كبير كبير .. ولو خسرنا الجاية بيصير 12 في 15 !! صحيح التعويض ممكن وفي أيدينا .. بس بعد الصدارة كانت في أيدينا لو تنفذت طلبات المدرب وكان ماشكينا من النقص مثل الي صاير الحين .. هل يعقل فريق في العالم عنده محور صاحي واحد بس ( بعد إصابة ديارا ) !! نفس المشكلة في صناعة اللعب .. شنايدر هو صانع الألعاب ( الآدمي ) الوحيد جوتي ابو مستوى متذبذب .. يفيدك في مباراتين من 38 .. وفارت الي مايعتبر صانع ألعاب أصلا أقرب للاعب الساعد على قولة ايمن جادة يسند مع صانع اللعب ومع المحور ومع الطرف المهاجم من متى وشوستر يصيح على الإدارة .. إلا غصب سافيولا ؟؟! أنا المدرب وأنا المسؤول عن الاختيار وعن النتائج .. أما انك تفرض علي لاعب وتبغى نتائج فاعذرني انت انسان بجيح ياكالديرون !! فيه مشاكل كبيرة من راس هالإدارة .. الميزانية 400.2 .. وماتجيب الا فارت بـ 16 مليون !! نحتاج مهاجم ( تم ) ، جناح أيمن أو أيسر بشرط تثبت روبين يمين طول الموسم ، محور متقدم ، ظهير أيمن ، قلب دفاع مكان متزلدر إذا ماتبي تلعبه أتوقع كذا بتصير الغيابات أخف مهما بلغ عدد اللاعبين المصابين والموقوفين . التحكيم هالسنة التحكيم غير .. شي مايصدقه عاقل ، لو ماشفت المباريات وواحد جلس يسولف لي عن الحكام ماصدقت !! بالذات اليوم .. لقطة طرد روبين النكتة .. الحين البلنتي لنا وطرد للحارس لأن الكورة تعتبر هجمة ( محققة ) .. والهجمة المحققة أي إعاقة فيها بطرد .. هيجوين مواجه المرمى والكورة في رجله والباب قدامه ويعيقه الحارس ولا تبينا نعترض ياسيد حكم ننتظر الموافقة على الإستئناف .. وشوستر على كثر بلاويه وتقليعاته مايتحمل هالي جالس يصير لأن طلباته مانُفذت .. وقناعتي الشخصية إن أي مدرب ماتنفذ طلباته مهما كانت غريبة ( هذا اذا كانت غريبة ) مايحق للادارة تطالبه بشي |