R D H
مع حبّي وتقديري الكبير لـ شخصك وعظيم فراغك وقلّة أشغالك .
اسمح لي أخالفك بكم نقطة لو سمحت .. وهي على العموم رأيي بـ اللي صاير هـ اليومين بتوسّع شوي .
أولاً .. مافيه عاقل يقول الإدارة ما أخطت .. ندري الإدارة أخطت وندري إن اللاعبين نازلة مستوياتهم
انا ما أقول كل شيء على شوستر .. ولا أحمله النسبة الأعلى .. بس تعال معي أفهّمك المقصد .
لمّا تجي أنت أو غيرك ويقول وش ذنب شوستر لمّا راموس ينزل مستواه ؟
ببساطة .. وين شخصيّة شوستر ؟ .. ليه مايلحطه بـ الدكّة حتـّى لو لعب بـ تورّيس مو مشكلة ؟
وينه عن قوتي واستعباطه ؟ .. يلعب مباريات كاملة وهو مثل الرقاصّة ليه ؟ .. راؤول يلعب متشات كاملة وهو سيّء ليه ؟
سؤال ثاني أهمّ من كذا .. وش ذا الهبال .. ضد اليوفي تلعب بمحور واحد .. ضدّ بلد الوليد محورين ؟
أهم من هـ السؤال .. شيء بديهي ومعروف .. أخوي الصغير لو يناظر المباراة 10 دقايق بيقول ليش قاقو يلعب هنا ؟
الألعن من قاقو وتوظيف قاقو .. تشوف قارسيا مجنّح على أساس إنه محور ثاني ؟
مايشوف قاقو مع الأرجنتين وش مركزه ؟ .. أشياء بديهيّة .. مايحتاج مدرّب كبير يسويّها .
اللي يذبحك ويغبنك .. إنك تشوف أخوك دلخ .. يطلع بالشارع لحاله ويتوطون ببطنه عيال الحارة .
ويجي مرّة ثانية تقول له لاتطلع ياحمار .. ويسويها ويطلع لحاله .. ويجيك عقبها يصيح .. وتقول أحسسسن تستاهل
.
يقول وهو يشاهق .. مالك شغل ..أصلاً أنا قوي ضربوني بس تكلمت عليهم خخخ .
أقصد اليوفي " ذهاب إياب " .. يلعب بمحور واحد .. ويلقم المرّة الأولى بـ 2 .. يرجع مرّة ثانية ويلعب بمحور واحد ويلقم 2 برضو ؟
هههههههههههههههههه ويصرّح أنا راضي عن المستوى ؟
أنا ماقد شفت فريق يلعب على أرضه مايقدر يلعب كورة صح طول المباراة " باستثناء الكور الثابتة " .
شخصيّته مع اللاعبين معدوووومة معدوووومة " بالعربي صفر يشيله بشليله " راموس واستعباطاته ويلعب أساسي ؟
لاعب مثل قوتي قدّام اليوفي يهزمك .. ولايتعاقب ولاشيء ؟ .. والألعن من هذا كلّه يلعب كل متش للنهاية ؟
هالاشياء كلّها مالها علاقة بـ الميركاتو ترا .. مايحتاج ميركاتو كبير عشان تصير له شخصيّة .
مايحتاج ميركاتو كبير عشان ما يلعب بقاقو محور ثاني وديارا محور دفاعي .
مايحتاج ميركاتو كبير عشان ما يحشر هيغو والرود وراؤول بخط الهجوم جميع ؟
يذكرني بـ البلايستيشن أيام أوين .. أوين يسار رونالدو رأس حربة ويسار قدّم روبرتو كارلوس وخله يشوّت ؟
طريقة لعبنا مريييضة .. معليش .. أبفهم المتش اللي فات هذا .. قوتي وش يسوي بالملعب ؟
فارت وش مركزه ؟
بالذات فااارت .. يعيد حركة سنايدر العام 4 أهداف بالدوري وتفلّت وبعدها هبوط حاد بـ المستوى .
مايحتاج ميركاتو عشان لاعب مثل قوتي يرجع من الاصابة ويلعب أساسي دايركت وينلطع ديلاريد اللي مقدم مستوى إحتياط .
مشكلتك مبسّط المسألة وقاعد تحسبها على ورق و1+1=2 ..
إدارة وهرم وأضلاع حسستني ياشيخ إنك خريّج المعهد التجاري
خخخخخخخخ .
مهما كانت الادارة بنت كلب وقذرة .. وحقرت المدرّب ولاعطته وجه .. كل هذا مايلغي أخطاءه الفااضحة .
مو مشكلة شوستر بـ أشياء كماليّة أو نواقص وبس ..شوستر له أخطاء بدائيييية جداً .. تشكيلته غالباً تذكرني بحركات البلايستيشن .
لها الدرجة أمس مايشوف سوء قوتي ؟ .. مايشوف سوء راؤول ؟ .. أشياء واضحة تاركها كذا وتقول لاتلومونه ؟
مهيب مشكلتي ترا إن راؤول سيّء .. ولاهي مشكلة مدريد ولاهي مشكلة راؤول نفسه .. المشكلة مشكلة المدرّب .
يعني سوء راؤول أو سوء اللاعبين كلّهم معناتها سوء نتايج .. معناتها الصحافة تلعن خيّرك ..
بالعربي تنشات من منصبك .
شوفته لقوتي وراؤول بهالسوء والإصرار إنهم يلعبون كل المتش .. مالها إلا تفسيرين ..
يا إن شوستر أمس بحركاته ودّه ينشات من منصبه .. أو إنه غبي وماعنده ماعند جدتي
الموشكلة وين ؟ المشكلة إنك لو جيت وقلت ليه المستوى كذا ؟ .. شوستر مايشوف اللاعبين ؟
زعل زيد
وقال وش يسوي إذا اللاعبين دمار خخخ ؟
سؤالي هنا .. وين شخصيّته ؟ .. ليه مايلعن جدفهم إذا خنبقوا ؟ .. الدكّة تربّي .
فلان عابط .. جلسّه على الدكّة .. ويلعب إحتياطيّه وانتهينا .. بشرط ماتخرّب خطّة لعبك .
مو معناتها كنكن نكبك مرّة تروح تلحطه المرة الجاية وهاينزه مطرود وتلعب بـ خافي وميتزلدر
.
أنا لو إحتياطي وأشوف حركات راموس ولا أحد يعاقبه على طرده السخيف بحقد عليه .
لازم شوستر يبيّن لنا قوّة شخصيّته .. هنا تذكر المدرب الكبير .. بوقت الشدّة يبيّن المدرّب الصّح .
على فكرة بنفس هـ الفريق بدون روبينهو " الزلابة خخخخ بوجهة نظر الكثيرين " وبنفس الاصابات اللي هالسنة أو أكثر .
الرود وبيبي وروبينهو وروبين وميتزلدر وهاينزه وديارا وسنايدر .. كلهم أصيبوا إلا إننا كنّا متفلتين .
العام ماكان أحد ينافس بقوة .. وتعادلنا مع بلد الوليد ومشت الأمور .. لأن مافيه أحد فوقك بـ الترتيب .
لكن هـ الموسم المنافسة أقوى .. فيه البرسا متفلّت .. وين شوستر الحين ؟ .. هذا وقت المدرّب البطل .
وين شخصيّة الريال .. وين قلب النتايج ؟ ..ليه أقلت كابيللو إذا بديله ماقدر يداقش مع فرق تنافس بقوّة ؟
( وجه يناظر زيد ويقول داري بتجي تقول يعني قصدك الموسم الماضي مافيه منافسة قوية
؟ )
مهما كان الفريق ناقص .. ماتوصل لدرجة إنك قدّام فريق مثل اليوفي تلعب بمحور واحد وصلب الوليد تلعب بمحورين .
هذا دليل إن يا ماعندك أحد .. أو إنك تُلقّن التشكيلة تلقيناً
.. أو عندك إنفصام بالشخصيّة التدريبية خخخ .
ما أطالب بنتايج " وااااااو " .. أطالب بأشياء بديهيّة .. ناصر الجوهر سوّاها وهو مهزوم بـ 8 من ألمانيا خخخ .
أبي تشكيلة بدون إختراعات .. أبي تغييرات لـ اللاعبين الأسوأ بالمتش .. أبي مصارخ على اللاعبين وهم يلعبون .
أبي شخصيّة حتى لو يبيني أضبطها له ماعندي مانع خخخخ
.. بس أبي أشوف شخصيّته على الفريق .
كلامي الطويل هذا كلّه مايلغي إن كالديرون ومياتو يتحملون شيء كبييير من المسؤولية ..
ولو الود ودي كان أشوتهم قبل شوستر .
يكفي إنك تدري إن أسوأ ميركاتو للريال من سنوااات طوييلة كان بوجودهم .
على العموم مازلت أقول أنا ضدّ إقالة شوستر إلا لو كان البديل خواندي راموس ..
وبرضو
أنا عندي إيمان إن الفريق لو ماتعدّل يبي له مباراة كبييرة " كلاسيكو مثلاً " ..
يقدر فيها يطلع من هالدوامة ويستعيد ثقته بنفسه .. فوز ضد هويلفا بالبيرنابيو مو كافي للخروج من هـ الدوّامة
على فكرة .. بالميركاتو الشتوي .. محتااجين جنااااح .. مانبي أحد يعوّض الرود أبد .. ومحتاجين عودة ديلاريد بأسرع وقت وبس .
كل واحد قرأ ردّي له منّي إجازة يومين مايقرأ شي
خوفاً على صحّة عيونه
ودمتم سالمين
![●● ║ رابطة عشاق ريال مدريد..][ 2008-2009 ][║●║● UNO,DOS,TRES..WELCOME CRIS ][](iconimages/t609623_rtl.gif)
مقدمين مستوى احلى مننا , ومحد قال فيهم ماعندنا مريكاتو قوي والا ماعندنا دكه 
) .
الوضع العادي
