|
إممم خالد معك بكل كلمة .. لكن إذا جاء فيّا وكريس وطلع روبينهو .. أو فيّا لحاله وروبينهو موجود بحالة إن كريس وفيّا كلهم أخذناهم وطلع روبينهو .. وعندك مركز مضمون لـ راؤول يبقى مركزين يتنافس عليها | الرود - رونالدو - فيّا - روبين | .. !! رونالدو أكيد ضامن مكانه أساسي .. لكن فيّا والرود !؟ وفوقهم روبين !؟ المشكلة إن فيّا مو حااااجة لـ إننا ناقصيين لاعب وبس .. المشكلة عندك لاعب ضامن مكانه وهـ الشي مافيه نقاش .. وفوقها يمكن يروح لـ البرسا .. يعني زود على إنّك خسرت لاعب مثل فيّا فـ هو راح لـ خصمك الأوّل !! يعني خسارهـ مزدوجة على قولتهم !؟ لو جلس روبينهو وجاء فيّا .. نفس الكلام اللي صاير .. المنافسة بتكون بين ثلاثة | فيّا - الرود - روبين | .. إمممم الرود مايجلس بـ الدكـّة .. التفكير بالموضوع هذا غباء .. طيّب روبين !؟ ماطلع من تشلسي إلا عشانه إحتياطي .. فوقها إنه وعد إنتخابي .. !! .. روبينهو !؟ برازيلي ومعروف مايرضى بـ الشيء هذا .. وأنا أحبّه بعد :d !! .. الحلّ الوحيد إذا تبي فيّا بـ فريقك ومعاهـ الرود تقتل راؤول أو حزام ناسف .. أو ديارا بـ حكم الملّة اللي تجمعنا فيه يسوّي معروف ويشوف له حلّ :d .. !! .. إمممممم نقطة ذو صلة بـ موضوعك لكن من جانب آخر < خخخخخخخخخخخخخ كلام كبييير :d .. التركيز على المراكز الهجوميّة شي كوّيس مانختلف .. بس وينهم عن المراكز الدفاعيّة !؟ شوستر يقول أقدر أقول إن صفقاتي بالوسط الهجومي .. !! .. طيّب ليه !؟ .. تبون لاعب وسط يسجّل .. سنايدر يسجّل .. روبينهو يسجّل .. روبين يسجّل !! .. Ok كريس وفيّا .. لاعبين نبيهم .. بس وين الفريق عن كيتا قبل ينتقل !؟ وين الفريق أساساً عن فكرهـ محور ثاني !؟ .. أنا ماعمري شفت فريق الاحتياطي لـ الاجنحة والهجوم فيه | روبين ويمكن الرود أو فيّا إذ1 جاء | وأساسي المحور الهجومي | قوتي أو ديارا اللي مايعرف يلعب باصين صح ورا بعض | !؟ بتقولون فارت !؟ هذا مو مركزه أساساً .. يمكن يعطيك بـ المركز هذا ويطلع كوّيس .. بس ليه أجيب لاعب ترقيع !؟ وأنت أصلاً تعاني فيه !؟ غير إنّه بيكون أحياناً لاعب جناح | بوقت الإصابات لأي لاعب | .. المشكلة مو بـ فارت لا .. هو لاعب كوّيس .. المشكلة إن الادارهـ مافكـّرت بـ محور هجومي أصلاً إممم ماودّي أضرب مثال بـ أحد .. لكن البرشا عنده إنييستا وتشافي ويايا كلّهم يقدرون يلعبون محور هجومي ودفاعي | بوقت الحاجة لـ اللي تحتهم خط ّ | .. ويشتري كيتا .. وحنّا نقعد على قوتي وديارا !؟ .. الدفاع محتاجين لاعب .. إممم لو يرجع قاراي أحسن .. خصوصا إن عندنا بيبّي وهاينزهـ ماتعوق معهم الإصابة .. !! .. خالد أدري إنك تقول الله يلعنك أنت وردّك :d.. يبي لك جرعة إيمانيّة بـ الفريق الحين بعد ردّي خخخخخخخخخخخ عشان تتفائل :d . لاهنت خالد على النقاش البطل :smilie47: ورده |
باك آقين / بعد فرفره بـ اليوتيوب ومراجعه أهم أحداث الموسم الفائت جيت عشان أحل أسئله سليم / س1) ما اجمل هدف سجله الريال الموسم الماضي ؟! هدف درنثي في كأس السوبر ضد أشبيليه / س2) ما اجمل لقطة مهارية لاحد لاعبي الريال الموسم الماضي ؟! مسلسل روبي وبويل في الكامب نو / س3) ما اجمل تصدي قام به كاسياس الموسم الماضي ؟! تصدي لي انفراده ديغو مليتو في مباراه سرقسطه / س4) ما اجمل لعبة تكتيكيه لم تنتهي بهدف الموسم الماضي ؟! مناولات بين راؤول والرود ضد برشلونه / س5 ) ما اجمل هدف سجل في مرمانا الموسم الماضي ؟! هدف ايباجازا ضد مايوركا / س6) ما اجمل لقطة دفاعية الموسم الماضي ؟!</B> بيبي & كنكن ضد البرشا في النوكامب / شكراً سليم على الاسئله / ../..سياااا../..</B> </B></B> |
شباب اتوقع قدوم كرستيانو في قادم الايام حاله كحال بيكهام وانتقاله للريال |
إقتباس:
ياسلام يادحمي :smilie47: رد جميل ومثري واتفق معك في 90 % فيما قلت ماعدا ان انيستا وتشافي محاور دفاعيين عند الضروره اذا على الضروره انا بعد محور دفاعي :d فيه وجهتي نظر في الشارع المدريدي حاليا في موضوع الانتقالات هذا الصيف ودي اطرحها ويشرفني النقاش حولها من الاعضاء وجهة النظر الاولى ان الريال بنى فريقا في اخر موسمين ولكنه من اجل الحصول على التشاميونز على الريال التعاقد مع لاعب من حجم مختلف فالمشروع الذي بدأه الريال من سنتين نجح محليا ولكنه لازال مخفقا على المستوى الاوربي وان الوقت قد حان من اجل خطوه اكبر وللامام ك.رونالدو مع المان كاكا مع الميلان جيرارد مع ليفربول امثله حيه لمؤيدي وجهة النظر هذه ابرز مؤيدي هذه الفكره هم الاداره الحاليه و فالدانو وهناك وجهة نظر اخرى وهي ان الريال يجب عليه التعاقد مع اسماء متوسطه او غير مشهوره في مراكز متعدده مثل ماحدث في اخر موسمين واكمال بعض المراكز الاخرى وان الفريق يحتاج 3 لاعبين جدد للدكه ولاعبان او 3 جدد في التشكيله الاساسيه مع اي وجهة نظر انت؟ ولماذا ؟ |
إقتباس:
محمد ويقولون ليه احبك :smilie47: انا نفس الاجوبة تقريبا س1) ما اجمل هدف سجله الريال الموسم الماضي ؟ هدف درنثي في كأس السوبر ضد أشبيليه س2) ما اجمل لقطة مهارية لاحد لاعبي الريال الموسم الماضي ؟ روبينيو وما فعله ببويل في الذهاب س3) ما اجمل تصدي قام به كاسياس الموسم الماضي ؟ تصدي لي انفراده ديغو مليتو في مباراه سرقسطه س4) ما اجمل لعبة تكتيكيه لم تنتهي بهدف الموسم الماضي لقطة قوتي ومارسيليو امام البرشا اياب س5 ) ما اجمل هدف سجل في مرمانا الموسم الماضي ؟ هدف هنري ضدنا في البرنابيو ، بصراحة حط الكورة في الزاوية الصعبة ومع ذلك بهدوء تام ذكرني وهو يسجل الهدف بهنري الارسنال . س6) ما اجمل لقطة دفاعية الموسم الماضي ؟ </B> كانا وبيبي وما فعلاه بايتو في الذهاب . خالد والدحمي :smilie47: اعجبني كثير تفكير الدحمي في مسألة المحور الثاني ولكن للعلم عندنا الان ديلاريد ويقدر يلعب هالدور بشكل رائع جدا ولا ننسى ان شنايدر نوعا ما يقدر يلعب هالدور. صحيح حرام يروح كيتا من قدام عيوننا لكن ديلاريد اتوقع ممكن يملأ هالمكان . اما مسألة روبينيو :smilie47:وفيا:smilie47: وكريس انا ضد قدوم كريس الان نهائيا لسبب مهم كريس نظريا جلس 3 سنوات وهو يتعلم بالمان ويشارك ويبدع من فترة لأخرى وفي موسمه الرابع تفجرت المواهب كاملة . روبينيو :smilie47:نفس الشي موسمه القادم هو الرابع له . روبينيو:smilie47: جانا موسم 2005 - 2006 وفي الصيف لعب كأس العالم وبدع نسبيا في موسم 2007 -2008 الا مو نسبيا بدع مع كابيللو وراجعوا مباراة اشبيلية وتعرفون المهم انه برضوا في الصيف لعب كوبا اميركا ورجع العام وكان كل مالعب بدع والاصابات لعبت به لعب . السنه هذي روبينيو ما لعب في الصيف والان يتعالج انا اعتقد انه نضج كرويا والسنه الجاية راح يكون حريقة . :d اذا ما نحتاج الا فقط لـ فيا رغم ان مكان راؤول محجوز وعلى فكرة انا اتوقع موسم كبير لراؤول:smilie47: المهم مكانه محجوز . والرود صعب يجلس احتياط لكن لا تنسون الرود يصاب كثير وممكن يفقد مركزه في هالحالة . ممكن اذا جا فيا يشغله شوستر على احد الاجنحه على اعتبار انه يستطيع اللعب خارج المنطقة عكس الثنائي راؤول والرود . لذا نحتاج بقاء روبينيو واستقدام فيا فقط . فارت ما اشوف له مكان الا الدكة . هذا اللي راح كله كلام القلب :d نقاش خالد :smilie47: انا مع الثانية لان لو لاحظنا ان الريال ياما جاب الابطال بالمجموعة ولا يهم فيها الاسماء وراجع 98 و2000 كان الفريق كمجموعة ومافيه اسماء خورافية في وقتها . يعني مو زي2002 لما كان زيزو الافضل في الكون كله . وايضا انك تحافظ على الليجا وتجيب الابطال ما مثلها ابد مثل 98 بالضبط واللي راح يكون معنا غدا ان شاء الله في الجزء الرابع من لحظات لا تنسى . ولو لاحظت ان لو اتخذنا المشروع الاول راح يكلفنا كثير ونسب نجاحه غير مضمونه اطلاقا حتى وان اعاد التكلفة من الاعلانات . وجهة نظر شكرا لكم ورده |
بالنسبه لاسئلت سليم س1) ما اجمل هدف سجله الريال الموسم الماضي ؟! امممم هدف الوحش باب تيستا على الغريم التقليدي برشلونه س2) ما اجمل لقطة مهارية لاحد لاعبي الريال الموسم الماضي ؟! مهارة الشكولاته روبينهو على قلب الاسد بيول ههه يوم الكبتنيه تجي لروبينهو س3) ما اجمل تصدي قام به كاسياس الموسم الماضي ؟! اممم ميرااة الو مبيااكس اخر دقيقه الباكويرد من الاعب نسيت اسمه ووتصدي لبلنتي لاعب اتلتيك بلبااو س4) ما اجمل لعبة تكتيكيه لم تنتهي بهدف الموسم الماضي ؟! التفااهم بين راؤول والرود فان قول في التمريرات س5 ) ما اجمل هدف سجل في مرمانا الموسم الماضي ؟! اممم هدف لاعب مايوركا بورخا فاليرو اعتقد هو اجمل هدف دخل على العملاق كاسياس س6) ما اجمل لقطة دفاعية الموسم الماضي ؟! اعتقد لقطة كانفارو على ايتو في الكامب نو مشكوور اخووي سليم على الاسئله دمتم بود اخوكم/عبدالله |
حبيت وضع اسئله نقاشيه لمبراة الغد بعد تأكد غياب كل من كانفارو ومارسيلو و غاغو و درنثي وراموس وكاسياس وديلاريد ومتزلدر 1- الفريق بغيابات عدّة ، هل سيؤثر ذلك على مردود الفريق ؟ 2-هل تتمنى إشراك اللاعبين الإحتياطيين كأساسيين أم تُفضّل البدء باللاعبين الأساسيين ؟ 3- هل ستكون المباراة محكّا حقيقيا بالنظر للغيابات، بمعنى آخر هل ستكون فرصة لتقييم الإحتياطيين ؟ اتمنى التفااعل من الاعضاء وخصوصن سليم دمتم بود اخوكم/عبدالله |
تسيف حالك يالدحمي انت فتحت مشاريع وهمية :d ابوخلود ذكر امور معقولة ممكن تنبلع :d لكن بنهاية تراني معك ابوداحم بخصوص القتل والحزام الناسف اذا كان فيا او الرود يلزمون الدكة لعيون المحصن :d |
إقتباس:
اولا المباراة تحظيرية ولا تهم كثيرا اذا علمنا ان دورة الامارات هي المحك الحقيقي للفريق قبل السوبر . ما الاصابات فأكيد تأثر على اي فريق في العالم لكن مباراة اليوم عادية لان الفريق اللي امامنا مو ذاك الفريق ولان شوستر قال انه بيشرك الاساسين الجاهزين لمدة 60 دقيقة فانا اشوف الوضع عادي . ممكن نقول ان الفريق كويس او لا في دورة الامارات فقط . اجابتي شاملة لاسئلتك كلها مشكور على تواصلك معنا واتمنى نشوفك دايم فاي مجال داخل الرابطة ورده يالله نشوفكم على خير |
إقتباس:
إقتباس:
- آتـوقع بيـآثـر عليـه قليلاً لكـن الغيآبآت الحآصلة يوجد لهـآ بديل .. - آتمـنى إشرآك الآسآسيين فـ بدآية المبآرة .. و فـ الشوط الثآني آجرآء بعض التبديلآت بـ إشرآك بعض اللاعبين الشبآب.. - لآ آتـوقع ,, نوعـآ مـآ .. بـرآيفت للمـصممين :- شـبآب لا هنـتم آبي آسوي موضوع و آبيـ مصـمم ..:smilie47: |
█ { SaMbA MiLlAnIsTa .... وقصة عشق لاتنتهي } █ ورده :smilie47: ورده مـروركـم يـزيـدنـا شـرفــا ورده :smilie47: ورده |
غلاف صحيفة الماركا ليوم الأحد 27 / 7 / 2008 http://www.marca.com/primeras/08/07/g0727.jpg * شوستر يطلب بأن الصفقات تتم . * سيسك للماركا :" لقد قلت لـ كالديرون بأن لن أنتقل هذه الوقت " . |
تشـاؤم كبير حول إتمام صفقة رونالدو MARCA.COM يجري موقع الماركا حاليا ً استفتاء حـول التعاقـد مع رونالدو فكان السؤال / هل تعتقد أن الريال قادر على التوقيع معـه ؟ 36 % يعتقدون بأن رونالدو سيكون مدريديا ً .. بينمـا 64 % يعتقدون أن الريال لن يوقع معه .. [ للمشاركـة في التصويت اضغـط على الرابط ] http://upload.alhilal.com/users/001/files2/marca.gif |
رئيس فالنسيـا : لن ينتقل أي نجـم من فريقي أعلن السيد فيسنتي سوريـانو رئيس نادي فالنسيا الجديد أن النادي لن يفرط بأي لاعـب أساسي وطمئن جماهير النادي ببقـاء النجمين الدوليين ديفيد فيا و سيلفـا مع الفريق للموسم المقبل وقال مؤكـدا ً أن النادي سيعـود ضمن نخبة أندية أوروبا وأن نجومه سيبقون في الفريق وقلل من شأن التقارير التي تشير إلى الديون الضخمة على النادي وقال إنه ليس صحيحا ً أن لدينا 439 مليون يورو من الديون وأوضح أنه يعمل في الوقت الحالي لتوفير 650 مليون يورو من الاستثمارات التي ستفيد النادي قريبا ً |
يـاربّ عد هالصّيف على خير .. طفشت وتعبت من الخطط الممكنة للموسم الجاي, المشكلة لو تدري ايش الفريق ناوي بالضبط كان ممكن تقول وتخطط براسك بس على اللي شايفينه لا تستبعد شي وضع الفريق بيوضح اكثر بعد ما يعلن او تعاقد له هالصيف, اتكلم عن تعاقدات اساسية مب طقة جاراي ولاعبين الدرجة الثانية اما حتى الان لا تستبعدون شي يصير لان وجهة الفريق ابدا مو واضحة لهالماريكاتو باستثناء انهم ناويين صدق على كريس لا صار شي صحوني من النوم :upset: # على فكرة بخصوص اقتراح سليّم عن نقل المباريات, ليه ما تكون بـ ردّ واحد و يتم التعديل عليه لو حدث اي شيّ، تخلي شكل الرابطة احلى حتى ،، واعذرونا على القصور بس نحاول نتابع من بعيد لبعيد < داخل من خط دايل اب :d:smilie47: لكم وحشة :smilie47: برايفت حكيم/ شاري درازن ورود شكلك :d:smilie47: ياحبينلك كل ما شفت دعاية برررر تذكرتك :) برب ! |
| الوقت المعتمد في المنتدى بتوقيت جرينتش +3.
الوقت الان » 10:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd