|
كم النتيجه وكم باقي وتنتهي المباراه |
إقتباس:
2/1 ليوفنتوس:upset: وتقريبا باقي ربع ساعة |
السلام عليكم ورحمة الله وبركاته للأسـف شوستر أضاع فرصه كبيرة للانتصار على اليوفي في تورينو بحيث أن أوضاع اليوفي الحالية ليست بالجيـدة بالإضافة للغيابات في صفوفه .. الريال قدم مباراة عادية في الشوط الأول وجيدة في الشوط الثاني وسيطر على المباراة بشكل كلي وجائته أكثر من 5 فرص محققة لم يسجل إلا واحـدة فقط عكس اليوفي اللي سجل هدفين من فرصتين أو ثلاث فرص محققة فقط !! شوستر أخطأ بإشراكه هيجوين أساسي لأن روبين من الواضح أنه جاهز وآداءه في الشوط الثاني متميز من كل النواحي فمن الظلم بقاءه في الدكة بحجة عودته من الإصابة ! أيضا ً بعـد هدف الرود توقعنا جميعا ً أن الريال بإمكانه أن يسجل التعادل وربما التقدم أيضا ً ولكـن للأسف لاعبي الريال قلَ عطائهم في آخر ربع ساعة وبالتالي حافـظ اليوفي ببراعة على تقدمه كعادة الفرق الإيطالية التي لاأحـد يستطيع ان يجاريها دفاعيا ً .. يظل شنايدر هو نجم الفريق في مباراة اليوم خصوصا ً في الشوط الثاني ولكن الحـظ لم يحالفه مع تصويباته الرائعة جـدا ً .. أيضا ً شوستر يخفق مجددا ً في إبقاء راؤول حتى الرمق الأخير رغم أن سافيولا بإمكانه أن يشاغـب ويشكل عبء كبير على المدافعين ويفك الحصار المشدد على الرود .! هاردلـكـ ،، ونتمنى أن تعوض في البرنابيـو :) |
مباراة حلوة .. بس مدري وش مشكلة الريال بايطاليا !! قبل سنه لاتسيو ماكان بمستواه وتعادلنا معهم برومـا ,, اليوم فيه عقد مفقود بين لاعبين الوسط يمكن لو لعب بمحورين افضل خاصتن ان سيسوكو ماخلا احد بحالـه !! هاينـزه اسوء مباراة له من عرفته حتى مناوله زي الناس مافيــه .. مدريد لو ركز بالعرضيات كان جبنا الفوز ... ـاهـ ياشنايدر هو اللي يبرد القلب اليوم .. هاردلك والوعد في البرنابيو ... |
شكرآ شوستر شكرآ من الاعماق مني ومن انصار اليوفي فلقد واسيتاهم بالفوز علينا للاسف شوستر لسى بدري عليه الشامبيون اليوفي وبعدد اصابات فلكي ويفوز عليك استغفرالله..عقب مباراة اليوم فقد كل املي بالوصول للادوار المتقدمه فريق اقل من عادي مع مدرب اقل من عادي وفاشل بالشامبيون..حدك خيخون واريسنج..!! // افضل الاعبين جاجو بيبي كنافارو الرود شنايدر اسوء الاعبين هاينزا فشل في الاداور الهجوميه هواجين متواضع القدرات راؤول الواسطه والمصفقاتي وربي ما شفت شي يذكر منه هو بس لعب راموس تعد واحده من اسوء مبارياته كاسياس صح انه اخفق اليوم بس مانحمله كل شي لن المسئول معروف الكوتش سلم الله..!! |
هاردلكم ياشباب الريال كان بإمكانه الفوز على اليوفي كلهم شياب لعبو شوط وطفو شوط واحد شوستر اخطا في هالمباراة كان من المفروض يحتفظ بهيقواين كورقه رابحه او يلعبه من البداية بدل من راؤول او الرود ان شاءالله يتلافى هالاخطاء في المباريات القادمه كاسياس احس وهو يلعب جالس يفكر بالجوائز باله مشغووول وخارج التغطيه خاصه بالهدف الاول لابد ان تجي مباراة يكون فيها اخطاء وعلى اخطاءنا اللي اليوم الفريق ماكان سيئ بالتوفيق في الجولة القادمه من الليقا |
راؤول ، فان نستلروي ، هيجوين دايم هـ الثلاثي ما يصلح يلعب مع بعض .. لازم اثنين منهم يميل للجناح و لا واحد منهم يميل للعب في الجناح ! شوستر هالمباراة كثرت اخطائه .. التبديلات كانت ممتازة بس متأخرة جدًا خصوصًا تبديل درينثي .. فارت كان اناني و مو مركز .. شنايدر الأفضل مع الرود روبين دخوله ممتاز و اضاف حيوية للعب .. جاجو تحسّن مستواه عن الشوط الاول درينثي مثل حالة روبين .. هاينزه يستمر بمستوياته السيئة ! .. المباراة كانت ممتعة .. السيطرة لنا .. كنا الأفضل بدون شك .. بس الحظ ما حالفنا و الاغلاط من شوستر و الحماس الزايد في التصويب .. ما همّت المباراة .. فيه اياب .. و ان شاء الله نعوّض .. و عقبال التشامبيونز :smilie47::stoned: |
هاردلك لنا :d >>> من زماآآآآآآن ما قلناها :d شباب انا ما أدري سر العصبية والنرفزة على شوستر :smilie47: شوستر جرب طريقة جديدة اليوم وبعد أول مرة ينزل فارت وشنايدر سوا لو نلاحظ ان الشوط الأول كانت السيطرة لنا من دون خطورة على المرمى ابدا لكن الشوط الثاني وبعد هدف اليوفي الغريب :stoned: شفنا الريال مسك الكورة وهدد مرمى اليوفي وفرص لأهداف محققه أعتقد الريال كان غير محظوظ اليوم ابداً وهي كلمة مفروض ما تستخدم في كرة القدم لكن هذا الواقع شفنا فرص كثيرة للريال أول كور كانت ممكن تتهيأ بشكل أفضل فرصة فارت الي بالهد وكرة شنايدر الي بالقائم وكور روبين الي من الأطراف كانت كثيرة ويبيلها شوية تركيز يعني ما أدري هل بإمكان شوستر ينزل للملعب ويسجل :surprised::d بالمقابل اليوفي ما ظهر الا في الهدفين والي كانت اخطاء فردية الهدف الأول الظاهر الكورة انقطعت من النص اما الثاني وخر عنه بس :d بيبي جا بيطلع الكورة عطاها نيدفيد :d وابو عمر قال الله :dالحين ذا يغلط وانا ما أغلط :razz: أنا أوريك الأغلاط كيف :d الريال ماكان سيء بالعكس كان مستواه جيد في اغلب أوقات المبارة صحيح كانت فرصة للفوز على اليوفي في هذي الضروف لكن الله ما كتب وان شاء الله في مبارة في البرنابيو ألف مبروك لليوفي وننتظر نجومكم في مقبرة النجوم :smilie47: |
|
هاردلك على الخساره .! هذا الي يدخل المباراه وهو واثق ويلعب بخطه هجوميه .:d الفريق الشوط الاول الى الدقيقه 15 ما دخل بجو المباراه ودخل علينا قول , الدفاع والحارس ما يلعب فيها الى بيبي والبقيه يتفرجون . جاجو لحاله بالوسط والهجوم نيستلروي يدور احد والي بجنبه دلوخ . شوستر يتحمل الخساره 100 % لا من تشكيله ولا من تجهيز لنفسيه الاعبين قبل المباراه . سافيولا ليش ما تستدعيه وتحطه بديل وانت بتلعب بثلاث مهاجمين وما فيه بديل لهم ؟ ديلاريد المفروض يكون اساسي مع جاجو بدال فارت او شنايدر . هاينز ؟؟؟؟ والله انه من جنبه بالظهير .! مارسيلو اصرف وازين بمليون مره . هاينز حطه قلب ولا الاحتياط يشكي . بمركز الظهير لا دفاع ولا هجوم . مارسيلو :smilie47: سلام . |
اخير يا زيد لقيت من يأيدني في كلامي عن هاينزا فالاعب فقير فنينآ ومكانه الطبيعي سنتر غير لا يقرب للظهير اليوم رفع ضغطي بشكل ما تتصور ولا رفعة صح ويسمع بقوة الرفعات كلها مرمى لليوفي..!! |
هاردلك .. اعتقد التشكيله الي وضعها الرسمي .. هي الي مفروض يبدأ فيها شوستر .. مع وضع شنايدر مكان فارت .. ماراح اتكلم الحين .. لكن .. احمل الخسارة اثنين .. شوستر وكاسياس .. فمان الله .. |
السلام عليكم مبروك لشوستر .. تشكيلة خاطئة 100% .. انت عارف ان اليوفي ضعيف مع الأطراف وجالس تصر على العمق .. واليوفي عنده عمق ممتاز وعنيف .. هيجوين جناح أيمن .. الرود أقرب للجناح الأيسر .. أنهيت خطورتهم .. كل واحد أسوء من الثاني .. راؤول المرهق لاعب في العمق .. الرود أخطر راس حربة في العالم أنهيت خطورته بيدك .. روبين جالس احتياطي والفريق يحتاجه بحكم انه أنشط لاعب في الفريق ويلعب على الطرفين المحور الواحد خطأ بدائي .. بتقولي شنايدر وفارت يغطون .. طيب من بيوصل الكورة للمهاجمين وبيقلل المسافة بين الهجوم والنص .. الربط سيء في الريال والدعم الدفاعي سيء .. تقدم أي ظهير يعني كشف العمق لأن جاجو بيغطيه .. معناها تقدم لاعبين إلى ثلاثة من اليوفي وبيضطر كنافارو وبيبي انهم يطلعون يغطون .. ينكشف مرمى كاسياس والهدف الأول لليوفي بهالطريقة الشوط الثاني نزول روبين حرّك الفريق .. لكن بعد ايش .. اليوفي سكّر ملعبه تماما .. وسجل هدف ثاني .. صح الريال ضيّع هجمات كثير ومسك الملعب .. بس التكتيك ما أعتقد هو السبب السبب إن اليوفي انكمش وترك الريال يلعب براحته ويسيطر على الملعب ووضح ضعف اليوفي جاجو .. ديلارد .. شنايدر .. روبين .. راؤول ( هيجوين ) .. الرود أتوقع الأقرب .. لازم تضحّي بفارت مقابل شنايدر وروبين .. مالك إلا كذا .. أو تلعب بمهاجم واحد وهي الي أفضلها لكن مستحيل يسويها شوستر .. أتمنى شوستر ينسى شي اسمه ثلاث مهاجمين لأنه مهما فاز فيها تظل طريقة غير مقنعة وتضيع وجه الفريق الحقيقي وتضعف النص !! |
السلام عليكم هارد لك الخسارة ... والله قهر المباراة كانت من جهه واحده... الريال يلعب واليوفي يدافع .. كعادة الطليان وحتى على ارضهم! الهدفين غلطة الدفاع .. غلطات تقهر الصراحه ومالها داعي وغلطة الشاطر بالف يا بيبي ... مهما احترقت في الملعب مايعوض غلطات الاهداف.. الي جعلت فريق متراجع 100% يفوز عليك من هجمتين ونص الشباب صابين غضبهم على راؤول... صار الموضوع بدون تفكير اي خسارة نلوم راؤول.. طيب شفتوا هيجواين؟ المباراة هذي ومباراة الاتليتيك كان ضايع تماما.. متنرفز ومافي تركيز... تمريرات كلها خاطئه و لا سوا شي في خانته... الخطأ نتفق عليه ان شوستر المفروض ما يبدا بهالتشكيله لانك تلعب ضد فريق كبير وعلى ارضه... كنت اتمنى اني اشوف جاجو ودي لا ريد ( مع اني ما اؤمن بهذا اللاعب ) عشان يمسكون الوسط... ومن ثم ادخال روبين... درينثي ربش عالفاضي!! الشوط الثاني كان افضل بكثير بس بعد بغيير فارت صار في برود شديد وكانهم اكتفوا بهدف واحد!! راموس اليوم مو يومه.. كاد ان يتسبب بفاولات مالها سنع بس ربك رحم...هاينزه في الدفاع ممتاز في الهجمات مش ولا بد... جاجو ما قصر بس تمنيت ديارا... ياخسارة المباراة تضيع مننا واحنا كنا الافضل... نقول ان شاء الله التعويض في البرنابيو بين جماهيرنا وبالتوفيق للبلانكو |
على فكره بيبي ما ينلام على الخطئين . كان يلعب لحاله بدون اي مساعده ومع ذلك كتم اماوري بكثير من الكور . أكيد اكثركم بيقول خلاص الفريق ما راح ينافس على اي بطوله بالمستوى هذا وانا اقول الموسم طويل وهالمباراه له ظروفه. المجموعه لسى فيه 3 مباريات يمدينا نرجع الصداره وحنا مرتاحين . ديارا واضح غيابه واذا رجع مع جاجو بيشكلون قوه دفاعيه جباره . |
| الوقت المعتمد في المنتدى بتوقيت جرينتش +3.
الوقت الان » 04:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd