يستاهل الديبور..

من بداية المباراة ومتوقعين هالشي..
من تخبيص شوستر بالتشكيل السي والهجومي والي تأخر التغيرات
الي اخطاء كاسياس الكارثيه مستغرب بصراحة من مستواه هو اصلن ضعيف
بالكوراة العرضيه
فرق كبير بين تنفيذ الفاولات والركنيات لدينا فـ خورداو درست لعبينا بالكوارة العرضيه
واكررها كم مره ظعفنا اليوم بالكرات العرضيه وسوء تغطيتها..

//

لاتتفألو كثيرآ فالفريق يفتقد لـ اشياء كثيره..!

.


حظ أوفر شباب

عزاءي إن البرشا انهزم بعد

ماشفت إلا الشوط الثاني من المباراة .. تعرفون زيارة الأقارب والأهل والأحباب .. قصة حياتي

فلذلكـ اعتذر عن تحليل المباراة .. بس واضح إن قوتي قاعد يتمشى في الملعب آآآآبو آآآآآبوه ياشيخ


.

لو نلعب ضدّ 11 خشبة بـ الريازور .. ماراح نفوز أبد .
الموضوع نفسي بحت ..
وش اللي زاد عن الموسم الماضي ؟!
مدريد يلعب " بدون ميركاتّو .. مشاكل بـ الفريق .. راؤول وقوتي يحاربون ديارا .. هو يقطع الكورة .. يمرّر لهم ..
هم مايصدقون خبر ويعطونها الديبور .. يعني نلعب بـ 9 لاعبين ضدّ 13 وفوقهم جمهور وصخ .. ناقصين دكـّة "
الديبور " ميركاتّو كوّيس ( ارانزوبيا - ميستا - برافو الإحتياطي ) .. استغلال العامل النفسي .. ويلعبون بـ قوتي وراؤول "
لا وعقدة من 18 سنة ؟! .. وتبون نفوز !؟ .. لا والله اللي أبطينا .

روبين تبيه يعطيك موسم كامل بـ نفس العطاء !؟ .. " اتركوا الإصابات على جنب "
طيّب لو مايُصاب .. أكيد وقت من الأوقات بينزل مستواه .. من بديله !؟
ترقـّع بـ هيجوايين ؟! .. وإلا درينثي !؟ .. الوضع سيّء جداً على مستوى الدكـّة .
ونقول موسم العاشرة !؟ .. هو ماهو حُكم مبني على هـ المباراة .. هـ الحُكم كان من زمااان .
وهـ المباراة تأكيد .. أجل بـ نصّ المباراة تبي حلّ ماتلقى إلا درينثي وديلاريد !؟
لا ويدخلون بدال مين ؟! .. قوتي وراؤول " اللي أساساً المفروض إنهّم يدفّون الدكـّة "

ماراح يأكلها أحد غير شوستر .. ميركاتّو سيّء .. إدارة غبيّة .. اللاعب اللي كان يبني عليه أمل البقاء زلبّه !! .

مواريها كذا .. ينتهي الموسم .. شوستر Out .. جب 7 لاعبين ..إنهووو موسم العاشرة .. نريد التشامب خخخخ وتستمرّ الحكاية مع هـ الرئيس التحفة .
حتى لو جبنا الليقا تراه بينطرد .. لأن الرئيس مصرّح يقول نبي التشامب وكأس الملك أبطينا عنها .. وبندافع عن لقبنا " إيه وش فيكم تناظروني كذا .. هذا كلام رئيسنا وقسم " .
" انا شفت بجيحييين كثيير .. وأغبياء كثر التراب .. لكن مثل رئيسنا .. الله حقّ ماقد شفت مثله بـ غباءه وبجاحته وسعة وجهه خخ "

تدرون إن الرود سجّل اليوم هدفه 42 بـ الليقا !؟ " أفضل مهاجم مرّ على الريال من 10 سنوات .. لبى قليبه بس "

هاردلك نتيجة متوقـّعة ومستحقـّة .

طارق .. ولكم باك ياوحش .. تدري إنك واحشني !؟

اهم شئ قلت لكم الرود بيكمل الـ5000
هــاردلكـم شباب انامتوقع اننا بنخسر بوجود تكشيله مثل هذي
ورئيس مثل هذاا
الله يرجه لاكن اتيلتكو مدريد الاول باربعة اهجاف فالنسيا الثاني ولاكننا تعثرنا
البرشا سم سم حنا او حنا متقدمين عليه
وعيال تونا في بداي الموسم لحد يسوي فيها كئيب زعلان
الكئيب والزعلان يطلع برى ينام ولا يتسحر تحاوروا بهدؤء واخواني
الطق فالميت جرام نسب سب كالديرون وربينهو
اللي يشوفنا يقول بيدخلون ويسمعون كلامكم تراه مجرد فضاوه
وتعبير رأي وانا منكم لاكن بوقف عن سبهم الا ان سووا وحده جديده جركه جديده
يعني روبينهو يسب جماهير الهلال ساعتها احجز اقرب طيارره واشلحها
كالديرون يوعد الريال انه بيجيب كاكا
::::::::::::
اخوااني انا امس قريت فالرياضيه خب عن كرستيانو انه حزين
وكئيب لوجوده بالمانيو وانه تدرب وهو صامت sailnt مايكلم احد
عكس عادته لاكن تكفى رونالدو تدلع عليهم وسبهم وتعال يابعد حيي

.

ياجماعة ملاحظين إن كل ماجاب الرود هدف انهزمنا في المباراة

عكس الموسم اللي راح

فالنسيا مباراة الذهاب .. والآن الديبور ..

شكلها عين .

السلام عليكم
مبروك عليكم الشهر
وكل عام وانتم بخير

أخوكم : فيصل

وعليكم السلام اخوي فيصل

الله يبارك فيك

وانا اقول

مبروك وكل عام وانتم بالف بالف خير

اخوكم : محمد

إقتباس الرسالة الأصلية كتبت بواسطة LoVeFoReVeR مدريد لايشرفها تواجد الصغار مثلك فيها حتى الرجل الي وقف معك ودعمك لم تقدره = مرتزق وقح صغير فلتذهب الى الجحيم