السلام عليكم ورحمة الله وبركاته 3 تنبيهات حبينا نذكرها لكم الأول بالنسبة للشال اللي سبق وطرحنا فكرته في الرابطة خلال الشهر الحالي تم الاتفاق مع الاعضاء الكرام اللي حضروا للاجتماع في الاستراحة ان الشال يكون بالطلب بـ معنى أي عضو يبي شال ياليت يرسل لنا طلبه على الخاص الكمية اللي بنسويها ان شاء الله ماراح تكون كثيرة بل راح نسويها بالطلب كـ مثال فقط جانا 30 طلب راح نسوي 30 شال فقط الشال راح يتضمن كتابة يوزر كل من طلب الشال راح تكتب الاسماء مجتمعة أي عضو سيطلب الشال سيصبح لزاماً عليه شراءهـ لـ ان مثل ماقلنا ماراح نسوي الشال الا بالطلب فقط الشال بعد الانتهاء منه قد يوضع في أحد المحلات أو راح يكون موجود في اي اجتماع قادم للرابطة كما سيتم الحديث عنه بعد قليل ان شاء الله تصميم الشال سيعرض في الرابطة لـ أخذ الآراء قبل البدء في تصميمه بعد مانعتمد التصميم النهائي له راح نستقبل الطلبات في وقتها ان شاء الله الثاني بعد مشاورات مع الاعضاء الكرام وباقتراح قدموه هم راح يكون هناك اجتماعات للرابطة في احد الاستراحات كل شهر تقريباً راح تكون البداية في شهر شوال بحيث يكون الاجتماع في آخر خميس من كل شهر - اول خميس بعد الرواتب على قولة يحيـى - الدعوة عامة للجميع ولن تكون محتكرة على اعضاء دون أعضاء رغم ان الاجتماع الاخير وجهت الدعوة لـ مايقارب الـ 30 عضو لذلك انطلاقاً من المرات القادمة ان شاء الله راح تكون الاجتماعات معلن عنها بوقت كافي في الرابطة مع وصف الاستراحة مع كل شي الثالث وصلني على الخاص كم رسالة تشتكي من بعض القروبات ومايحصل فيها من اساءة للبعض لذلك نحب نؤكد لـ جميع الاعضاء أن الرابطة لايوجد لديها أي قروب رسمي وكل القروبات الحالية الموجودة لا شأن للرابطة فيها ولاتتحمل الرابطة أي مشكلة تحصل لـ اي عضو مشترك في احد القروبات وعلى ذلك جرى التنويه

السلام عليكم ..

تسجيل دخول من جديد .. وان شاء الله تقل القطعات .. مبارة امس لـ الأسف
ما شفتهـا .. شفت ملخص واكثر لاعب لفت نظري ابو حسين .. صحيح الآن
ما نقدر نحكم على مستوى اللاعب لا ايجابي ولا سلبي لكن يقولك ’’ ليالي العيد باينه من عصاريهـا ‘‘ ..




خروجه كان غير متوقع بـ النسبة لي .. طبعاً مو يعني اني كنت ابغاه يجلس
بس اللاعب ما كان مرغوب فيه بشكل كبير .. اللاعب عنده امكانيات كبيرة لكن
احسن شي انه طلع .. ما نحتاج لاعبين محور عندنا 4 والخامس جاي في الطريق
بحول الله .. بـ التوفيق لـ خافي مع بنفيكا .. يمديه يا عيال يلعب مع بنفيكا الحين
ضد اتليتكو .. الظاهر بيفـوز بنفيكا لأن فيه كم مدريدي .



كل يوم بعد يوم يزيد القلق على صفقة ألونسو .. السالفة بتطول وهذا الشي ممكن
يبغـاه بيريث .. طبعاً السبب معروف وهو الوقت الي يخليه يبيع كم لاعب وتقريباً
بدأ الآن بـ خافي و هونتي وبيلحقهم درينثي و فارت و هاينزه و باريخو .. باقي قدامنا
وقت كبير و المطلوب في هـ المدة صفقتين فقط !! .. تتوقعون يعجز عنها بيريز ؟!
عن نفسي ما اتوقع .. وحتى ان ما كان التآرقت A بيكون التارقت B .

صفقة ألونسو بتطول .. اتوقع بتنتهي بعد عودة الريدز من جولة اسيا .. يكون الفريق
باع كم لاعب وبكذا يكون التفرغ تـــــام لـ صفقة أكسـابي .



الولد ممتـآز جداً .. لكن الهدف موب هذا .. الهدف احنا في ايش نحتاج جرانيرو !!
لو بناخذه بشوية منطق بنشوف ان الحاجة الى جراني 0% .. ممكن يكون طلب من
المدرب وبكذا ما بنقدر نتكلم على طلب المدرب .. ممكن يكون لـ الأحتياط والأستفادة
من التدريب مع نجوم بحجم ’’ رونالدو - كاكا - روبين ‘‘ .. جراني لاعب مستقبلي
لـ النادي ولكن أستعادته في هذا الوقت ما اشوفه شي مناسب .. لو يقعد مع فريقنا
خيتافي افضل .. خيتافي افضل فريق يدرب لاعبين الريال الصغار .. من
ديـلا لـ جراني وان شاء الله يكون الجاي باريخـو .

***

مرة ثانية اعذرونا على القصور
لي رجعة مع كم خبر