|
يعطيكم العافية شباب .. عندي بس دخلة صغيــــرة بخصوص ولدنا هونتلار ووجهته القادمة :smilie47: http://content.mcfc.co.uk/~/media/Im...50&thn=0&w=800 رسمياً أصبح لاعب مانشستر سيتي .. وطلب هنتر من فالدانو إنه يمهله إلى الإثنين النية واضحة جداً .. الولد ناوي يروح للأرسنال .. ماوده يروح لأندية صغيرة .. وده يبصم بإسمه في نادي كبير وأنا شخصياً فرحت وبقوة إن أديبايور طلع من الأرسنال لأنه فضى مكان لهونتلار في تشكيلة فينجر الأساسية :smilie47: ألف مبروك لأرسنال انتقال الرائع هنتر إلى صفوفهم مقدماً .. وأتمنى له كل التوفيق في مسيرته الكروية :smilie47: قنبلة الموسم على قولة آل برسا .. ونكتة الموسم بالنسبة لي .. يقولك لابورتا راح يجيب فيا حتى لو وقع مع ابراهيموفيتش .. ونا اقول اضمنوا كيرسون أول ووقعوا معاه رسمي بعدين احلموا فالإثنين فيا وابرا :D قفلة # شبهوا مانشستر سيتي بريال مدريد من حيث الصفقات المدوية وتفاعل الجماهير .. 300 مشجع حضروا تقديم أديبايور .. بالفعل مان سيتي يشبه ريال مدريد وجمهوره :D تحيتي .,,. |
إقتباس:
السيتي الظاهر انه بيكسر الدنيا السنه الجايه :s5s: .. ذكرني بتشيلسي اول مااجاهم الروسي ! .. وزي ماايقال .. صحيح المال لا يصنع التاريـخ :s5s: .. بس اتوقع انه يصنع بداايته :s5s: .. خروج اديبايور في الوقت ذا وطلب هونتلار لتأجيل قراره الى الغد .. يدل على انه فيه اتفاق من ارسن فينقر انه يقدم عرض للهونتلار ! .. واتوقع ان الارسنال قادر على انه يقدم عرض يساوي عرض شتوتغارت .. وكمان بصراحه اذا هونتلار فكر بهذه الطريقه اتوقع انه فكر تفكير صحيح فالارسنال افضل مكان يروحله هونتلار يفجر موهبته ! .. ووجود فينقر هناك بتساعده اكثر ! .. وايضا لا ننسى عمر هونتلار يعني الاعب مهو صغير مره ! .. وروحته شتوتغارت اتوقع انها بتضر مستقبله ! .. الارسنال افضل خيار لهونتلار :rose: اما بالنسبه للنكته الي تقول عنها :d .. اول حاجه خلهم يضمنون ابرا لانه فيه اخبار تقول ان الخال ايتو استعبد ويبي يخرب :d .. بعدين يتكلموا عن فيا الي صرح انه يبي يقعد في الفالنس :s5s: .. ماتدري ممكن يسحبون عليهم كلهم :s2: .. ويطلعون غلاف كذا انهم اخس مهاجمين على وجه الارض :d .. |
ألونسو وصل فيينا للإنضمام إلى بقية لاعبي ليفربول يبدو بأنه سيسافر مع الفريق إلى آسيا و قرَّر البقاء موسماً آخر في أنفيلد !!!!! http://www.thisisanfield.com/news/20...th-reds-squad/ |
إقتباس:
هنا يقولون انه قرر انه يبقى سنه اخرى في الليفر .. وهناك يقوولون انه بيخاطب بينتيز ويقوله انه يود الانتقال الى الريال بشكل صريح ! .. :s5s: اما سالفه انه بيساافر مع الفريق الى اسيا وانها تعني ان الونسو باقي ! .. اتوقع انها غير صحيحه الاعب فكره احترافي بشكل كبير وصعب انه ماايساافر مع الفريق عشان احتماليه انتقاله او لا ! .. الاعب بيواصل العمل مع الليفر احترام للفريقه وزملائه وينتظر الخبر اما بالموافقه على انتقاله او لا ! .. صحيح انه عنده رغبه في اللعب للريال وانه اوضحها لبينيتز ولكن برضو اتوقع ان الاعب ماايمانع انه يبقى سنه اخرى في الانفليد ! .. صفقه الونسو ماافيها اي ضغط من ناحيه الاعب ! .. وهذا الي يصعبها على الريال ! .. واذا الريال يبي الونسو اتوقع انه عليه دفع المبلغ الي يبيه بينتيز او ماايقارب له مهو المبلغ الي تعرضه انت وماايقااربه ! .. ومدام فيه نيه بيع اتمنى الريال يستغلها قبل مااتصير قرار عدم بيع ! .. وبصراحه 35 مليون اتوقع انه سعر عادل لالونسو نظرا للضروف واحتياج الفريق له :) .. |
إقتباس:
ماعتقد كل هالمفاوضات وعدم جلب اي محور حتى الان واخرتها يبقى في الانفيلد:yes: وين الاتفاق اللي يقولون :mad::mad::mad: لا يصير صدق بس فالدانو مفكر في جرانيرو :to::to::to: |
إن فشل بيريز في الحصول على ألونسو لن تكون مـُـجرَّد صفقة خسرناها بل ستكون تكريس لفشل بيريز في الحصول على أيّ هدف إسباني أو لاعب إسباني كبير خلال شهر يفشل في صفقتين إسبانيتين كبيرتين رغم أنَّ الأسعار لم تكن كبيرة ، في المقابل يصرف أكثر من 200 مليون على لاعبين اثنين أجانب !! طبعاً هالشيء من وجهة نظري مقبول في صفقة فيا لأنّ لورينتي كان طفلاً في تعامله خلالها لكن مع ألونسو أرى الوضع يختلف و القصور كان من جانب ريال مدريد رغم أنَّ المبلغ المطلوب من ليفربول كبيييير جداً خارج الموضوع إليكم نكتة اليوم: أحدهم يقول بأنَّ إبرا أفضل من كاكا و كريستيانو و بنزيما على الصعيد الفني :d <<< نحن نصنع النجوم و هم يشترونهم و تقبل الله منا و منكم صالح الأعمال :laugh: :rose: |
جهاد :smilie47: ودي أشكيلك من شي دامك فاضي معاي :cry: يقولون إبرا لحاله أفضل من كاكا وكريس وبنز :cry: ..للأسف انضحك علينا ياعيال فهالثلاثي المرح وطلع إبرا أحسن منهم :cry: لا والمصيبة إنه طلع مو أحسن منهم واحد واحد .. لا أحسن منهم وهم مجتمعين يعني هو = 3 في واحد :cry: آآآآه يالقهر يالسمي وش خلاك تشتري أحسن لاعب في العالم 2009 وأحسن لاعب في العالم 2008 وأحسن لاعب في فرنسا 2008 وتترك اللاعب اللي أعظم إنجاز في حياته = هداف الدوري الإيطالي :cry: انضحك علينا بألقاب مالها معنى وانعمت عيوننا وماشفنا لقب هداف الدوري وراح علينا للأسف :cry: وربي عقول فارغة :d تحيتي .,,. |
اعذروني على الدخله انا من رابطه مانشستر بصراحه احب الريال مو عشان رونالدو لابالعكس انا احبه من ايام 2001 اكره شي اسمه برشا هالفريق جايب لي المرض بصراحه كلام بدون فعل حبيت اهنيكم على الفريق وان شاء كل البطولات تكون من نصيبكم وماودكم تعطونا بيريز اسبوع؟ <<<يمزح محبكم/ فهد |
إقتباس:
ياخي خلك من ذا :d .. الحين يوم جبنا كريس وكاكا .. الاعب الاول الي كان يتغنوا فيه وانه الافضل من كاكا والي بتكون الصفقه الحقيقيه لهم هو :d .. بن زيما هههههههههه .. ويوم سحب عليهم بن زيما من صار الرجال الحين فيا خخخخخخ :d .. وقبل فيا والزحمه ذي كانوا يترجون لابورتا تكفى جيب ريبري على اغلفتهم :d .. وريبري اعطاهم اشكل :d .. طيب سؤال كذا .. مدام ابرا افضل من كريس وكاكا وبن زيما مثل مااتقولوا :d ؟ ليه كنتوا تلاحقوا كل من ريبري وفيا وبن زيما :d .. ليه مااحرقتوا صحفكم من اول على ابرا :d .. ولا عشانكم جبتوه :s5s: ! .. وترا للمعلوميه الى الان مااجاابوه :d .. ايتو مستلكع يقولون :d .. اووووه لو ينسحب عليهم كماان هههه بتشوف صحفهم ثاني يوم مطلعه .. الذااااابح سعد افضل من ابرا خخخخخخخخخخخخ :d بعدين مالها داعي نتكلم عن القاب ابرا وقيمته :d .. لانه لو كان فيه خير مثل ماايقولوا وانه افضل من كاكا .. كان سوا نصف او حتى ربع مااسواه كاكا في دوري ابطال اوروبا 2007 ! .. الي استطاع جلب الابطال بمجهوده في تلك السنه الكبيره وماكان معه احد ! .. مهو ابرا الي مااقدر يقدم شيء لفريقه في البطوله الاهم رغم كل الامكانيات الي لدى الانتر وخرج على يد كريس رونالدو ! .. ويقولون كمان انه افضل من كاكا وكريس مجتمعين .. وهو مااقدر يسوي ربع ماافعله احدهم ! عقول مهي فاضيه .. الا عقول تلقى منها كثير في شهار :d |
إذا صحت الاقاويل بخصوص الونسو وإنه قرر يقعد مع الليفر موسم اضافي فمعناهـ أن شنايدر هو الحل الأمثل . ريبري - الونسو - ؟؟؟ من ما لاشك فيه أن بيريز ستعاقد مع لاعب ربيري موضوعه معقد و خروجه أصعب من بقائه الونسو موضوعه سهل نسبياً لأن العائق الوحيد هو الماده و فلورنتينو الماده أخر همه الريال إذا أراد الونسو قادر عليه و ماهي خسارة الكم مليون الي بياخذونها الليفر من ورى المايسترو الي أعتقد جيته فيها مكاسب عدة لكن إذا بيريز بيتعامل مع الليفر بنفس طريقة فالنسيا فترقبوا التوقيع مع دي روسي أو أي بديل آخر لألونسو . |
بالنسبـه لألونسو ! .. بيريز ملزوم بجلبه من اجل مشروع الاسبنه ! .. من الصعب على بيريز انه يتقبل فكره انه فشل مرتين في جلب اي نجم اسباني كبير ! .. فيا الاول والونسو الثاني ! .. وايضا لا ننسى ان الونسو الافضل في هذا المركز ! .. وزود على كذا اسباني ! .. ولا اعتقد انه فيه لاعب افضل من الونسو بهذا المركز ! .. عشان كذا الريال اتوقع انه ملزوم بجلبه لانه زود على الي ذكرته .. اهم مركز في الريال يجب حاليا تدعيمه ! .. انا متفائل بجلب الونسو من ناحيه بيريز والاداره لانه الونسو الاعب الي ماله اي بديل بنظري ومهما علي السعر الريال بيدفع في الاخير ! .. ولكن ابقى خايف من ناحيه الوقت ! .. لانه كل مااتأخر الريال كل ماالليفر بيقوى موقفه والخوف في الاخير ان توصل لمرحله عدم البيع ! .. لانه مهما كان الليفر نادي كبير يريد تعويض خروج الونسو المهم بأقرب وقت ! .. واذا تأخر الوقت كثير فأن الليفر لن يبيع الونسو ! .. عشان كذا على بيريز الاسراع في هذه الصفقه ! .. لانه لا الوقت ولا موقف الاعب من صالحنا ! |
إقتباس:
.. اتوقع ان وضع الونسو مختلف عن فيا :s5s: .. اول حاجه الليفر ماعنده مشكله في البيع ! .. ثاني شيء الونسو مهما كانت بدائله فهو الافضل ومافي احد غيره بيكون الافضل في المركز الي نحتاجه .. واما خيار دي روسي اتوقع انه اصعب من الونسو لان روما راافض بيعه وزود على كذا اغلى من الونسو الي عليها المشكله اصلا :d .. فيا .. كانت حاجته مهي ملحه ابد ! .. فعندك هيغواين والرود ونيغريدو وراؤول وهونتلار ! هجوم مدمر وايضا لا تنسى انن السوق فيه مهاجمين كبار وكثر ! .. اما الونسو ! .. مركزه ماافيه احد عندنا ! وزود على كذا هو الافضل في المركز والاعبين البدائل الي يجدون اللعب في هذا المركز قله واغلى من الونسو نفسه !.. وزد على ان الونسو اسباني .. فهو الافضل ولاانسب والاوحد :d .. صدقني مافيه بديل افضل من الونسو ! .. الونسو هو الونسو :s5s: .. افضل مرر كره وافضل ضابط ايقاع وافضل رابط بين هجوم الريال ودفاعه وهو الحل لمشكلته يعاني الريال منها من فتره طويله ! اتمنى ان الصفقه تنتهي بأسرع وقت ! .. لان الخوف من الليفر لا يستعبد ويقول ماانبي نبيع :d .. |
1,120,100 مشاهدة 25000 رد رقم خرافي وقياسي ..!! نبغى تكون الرابطة الجديده بسرعة حتى نستطيع اللحاق بالركب المتقدمة !! عذرآ على الرد السلبي !! |
مارسيلو " مع خواندي لعبت على الجناح .. ولكني في الاساس ظهير :d " http://www.as.com/recorte/20090719da...oy_lateral.jpg as ذيبان :d .. يبي يظمن مكان ورا لانه مابيحصله قدام :d .. عامه الظهير العصري افضل من التقليدي ! .. وهذا الشيء مااررسيلو قادر على الوصول له ! .. لانه حاليا مارسليو قوي هجوميا ولكنه مفلت دفاعيا :s5s: .. مهو تفليت يعني ماايعرف يدافع لا انما ينسى نفسه اذا تقدم ويترك ثغرات خلفه تنكب عفش الفريق ! .. على العموم مارسيلو قادر على التطور من الناحيه الدفاعيه .. ولكن برضو الاداره ماتبي تخاطر فيه .. لان عموما الظهير مهمته الدفاع اولا قبل الهجوم ! .. فممكن الايتاء بظهير مثل اربيلوا كبديل ! .. وتعطى الفرصه لمارسيلو ! .. وفي حال تفليته يكون اربيلوا موجود :d .. اتوقع الاداره ممكن تفكر كذا :d .. ولا اربيلوا عامه مهو الظهير الي تبني عليه امالك الكبيره :s5s: |
حصلت على معلومه منذ قليل من شخص يدعي ان له اتصال مع نائب بيريز ولكني لا استطيع تأكيدها لأني لم اختبر مصداقية المصدر قبل الان المعلومه تقول ان الونسو سيوقع الخميس المقبل والاعلان الرسمي يوم الاثنين القادم السبب في تأخير الاعلان هو رغبة الليفر بأعلان تعاقدهم مع اكيلاني في نفس الوقت ترددت قليلا في وضع الخبر هنا ولكن قلت على الاقل تشاركوني المعلومه اكرر مره اخرى المصدر بالنسبه لي غير مجرب مثل فريدريك |
| الوقت المعتمد في المنتدى بتوقيت جرينتش +3.
الوقت الان » 08:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd