إقتباس الرسالة الأصلية كتبت بواسطة القطو الازرق ^

إقتباس الرسالة الأصلية كتبت بواسطة القطو الازرق يعطيك العافية شباب بالله وش مصدركم على ان قيمة فسخ العقد 150 مليون ؟ لاني اشوف كثير من الشباب يتكلمون عن هالرقم ولا اذكر اني قد قريت خبر او معلومة على ان هذي قيمته ؟ 150 مليون ؟!!

إقتباس عظمة وكبرياء مدريد رغماً عنك وعن الي مايرضى

وينها وأنت تصيح على الدون !؟
عظمة مدريد تخليّك تقول اصبروا 5 متشات لـ شوستر وينطرد !؟
وإلا تخليك تسحب على الرابطة عشان الكلّ ماكان يأيد رأيك !؟
عظمة مدريد .. اكتسبها بـ الألقاب .. مو بـ البيانات اللي جاي تطبّل لها .
مو بـ التسحيب كلّ ميركاتو .. وإذا جاء الجدّ أوّل من يطلع من التشامب الريال !؟
مو بـ الوعود الإنتخابيّة والصياح كل موسم عند أفضل لاعب بـ العالم .. والمشكلة ياليته يجي خخ
أجل من عظمة مدريد الرئيس يقول بنجيب أفضل لاعب بـ العالم .. وبـ نهاية الميركاتو
ياكلها الفريق ويطلع واحد من أهم أعمدته .. والأفضل يسحب عليك ؟!
ردّ على مضمون كلامي .. خل عنك الصياح وكل شوي يارئيس يانائب شوفوا لي حلّ !! .
وينك عن تصريح أنشيلوتّي .. وينك عن كلام فيرجسون ؟!
من اللي جلب لـ النادي العار وقتها !؟ .. ليه ماتشبّ عليه ؟!
أو بس الدعوى تطبيل .. وخذوهم بـ الصوت !؟
الخطأ الأساسي الكل يتركه .. ويصيح عشان كلمتين بـ تصريح
الكل ينسى ذبّات فيرجسون علينا .. وينسى كلام هونيس عن مدريد ( ولو إنه حاقد )
وينسى كلام انشيلوتّي العام .. وينسى اللي خلا روبينهو يطلع من الفريق ..
لو العظمة بـ تنحسب بـ الكلام .. مابقى لنا عظمة .. كل ميركاتوّ ناكل ذبّ من الأندية
العظمة تجي بـ البطولات .. بالألقاب .. غير هذا مايلزمنا من العظمة

إقتباس http://www.esportenegocio.com/2008/0...ebol-0708.html

مصدرك مايلزمنا .. أجل روبينهو يستلم أعلى من توتّي وزلاتان وبوفون !؟
زلاتان اللي العام راتبه وصل أكثر من الـ 10 مليون !؟ ..

اللي نعرفه إن روبينهو جاء ووقع لـ النادي بـ راتب 2.1 مليون .. عندك مصدر يقول إن راتبه ارتفع !؟
المشكلة تزرف وبـ مصدر بعد لـ موسم 2007/2008 !؟
أجل روبينهو أعلى من زلاتان ههههههههههه !؟ .. بالعقل ماتجي مادام إن رئيسه موراتّي .
ياليتك ماجبت مصدر بس .

إقتباس لاكن انا اول من يصفق له احترام وتقدير على سرعة ردة فعلة على تصريحات روبينهو لأنه فعل الصح

الصحّ بعد وش ؟!
الصحّ اللي سوّاه .. بعد مسلسل فشل ذريع .. مثل اللي يكفر بدينه .. ولمّا يجي يحاسب ويحاكم
يقول .. اوكي انا كفرت بـ الدين .. وغلطت .. بس الدين .. شيء جميل بـ الحياة .. يا سلام على الصحّ!؟
فشل غير طبيعي .. يخطي أكثر من مرّة .. وعشانه يرد على لاعب بيطلع غصب عنه
بعد ماكان مضمون بقاءهـ عندك .. وماطلع إلا بسبب تعامل النادي معه .. يصير سوّا الصح !؟
.. مثل اللي له 4 اترام يحمل بـ مادّة .. ويقرّر بعدين مايدرسها ويخليّها بعدين ..
وياخذ بدالها مادة سهلة .. ينجح .. أجي أقول له .. والله إنك شنب .. يابطل أنت !؟ .. ياكنق !؟
إلا يادلخ .. ويانكبة .. توّك تنجح ؟! .. ومافلحت إلا بهالمادة اللي مثل وجهك !؟
تسمع بـ الصحّ أنت ؟!

إقتباس واذا موب عاجبك الفريق روح شجعلك نادي من الاندية الي تذل نفسها للاعبيها

شف أنا معك إنها أصرف من اللي يشجع مدرب ويصيح عنده .. بس منب حاجة تعلمني من أشجـّع .. لأني مدريدي قبل ما أشوف روبينهو وقبل ما أتشرف بـ معرفتك

إقتباس القليل من الاحترام رجاءً

لاحول ولاقوّة إلا بـ الله العليّ العظيم !؟
تكلمّت فيك !؟ .. تبون الواحد يرد عليكم وهو راكع يعني !؟ .. ماتبون أحد ينتقد أراءكم !؟
مو مشكلتي إن رأيك مايعجبني .. مثل إنها مو مشكلتك إذا ما أعجبك رأيي .. المشكلة إذا ماعرفت تردّ وتروح تقلب النقاش وتقول شويّة إحترام ..
إذا ما أعجبك رأيي استظرف بيديك ورجليك .. وقل اللي تبي .. أهم شيء لايوصل الكلام لا لـ شخصي ولا لـ شخصك يابعدي ورده .
أهم شيء محترم شخصك الكريم .. ردّك أحترمه .. بس مايمنع إني أختلف معك أنت أو غيرك .


أفهم شيء واحد بس .. كلّ ماعارضك أحد بـ رأيك.. تجي وتكتب .. رجاءً يا الرئيس والنائب شوفوا لنا حلّ ؟! ..
عسى ماشرّ .. إلا يطبلوّن لك !؟ .. إلا يمشون معك لـ نهاية الخطّ !؟
المشكلة صياح على شيء مايستاهل . وتعديل ردود وحالتك حالة .. على وش ذا كلّه !؟
ماتبي أحد يردّ عليك .. اكتب ملاحظة اخر ردّك
( رجاءً لا أحد يعارضني ) .
ووقتها لو تقول اللي تبي .. مالك إلا أجيك واكتب يسلم كيبوردك ياخلفهم .

الوضع يحتاج تعوّد نفسك بس .. والأمور بـ تمشي معك إن شاء الله ورده


اخر مرّة أشرح .. روبينهو قراره صحيح 100% .. أخطأ بـ بعض جزئيّات كلامه
لكن الفكرة بـ شكل عام صحيحة ..
وماهو مجبور يداري خاطر أحد أو يحسب حساب عظمة فريق مزلبّه ومعطيه الخامس !!
كنّا نتمنّى إنه يجلس .. بس مايعني إني أقلب عليه والخطأ الأساسي ماجاء منه

تبي تتعب يا يحيى ..
كلامك مابعده كلام
ولكم باك عموماً
v

قـنـ مـدريـ10ـدي ـاص

اتفق معك على ان الموضوع كله فشل الاحمق كالديرون ولا روبينيو لا يلام... بس لو انه جابها بطريقة لبقة اكثر..

ربي بلانا برؤوساء حمقى وش نسوي... الاول بيريز ماخلى لاعب ماجابه بس على غير سنع.. والثاني هالاهبل وتصاريحه الي مالها معنى...

ولكن انا مع الحركه الي سواها لان لها ابعاد اخرى من وجة نظري

المهم شباب ارفقوا بالنقاش مايحتاج هالتعصب وهالعصبيه

وبالتوفيق للبلانكو

ديارا
........... ديلاريد

فارت ................. روبين

راؤول ........ الرود

لا يوجد اي لاعب مهما كانت قيمته الفنيه اعلى من هذا الشعاار

روبينهو اذا اردت ان تتركـ النادي .. فـ لكـ الحريه في ذلكـ .. لان الريال لا يقف على لاعب مثلكـ .. لانه نادي القرن .. نادي الارقام القياسيه

انتمائنا لا يكون على لاعب معين .. بل لـ النادي

مر على النادي اساطير لو تضعها بـ جانب اسمكـ سـ يختفي جسمكـ النحيل امام هذه الاسماء

لم اتخيل ان تصل الامور الى هذا الحد
الريال له الفضل الاكبر في بروزكـ عالميا و في نهايه الامر تتمرد على الناادي

اتمنى من كاسياس يعطيكـ دروس مجانيه في روح الفريق و البكاء من اجل شعار النادي
لكن في النهايه تبقى انت برازيلي ... عبد الدولار

اذهب ... فـ مثل هذه الاشكال لا تلوي يد الريال

كنت تطربني ... كنت تمتعني ... كنت تسحرني

لكن الان ... صدقني اود ان اراكـ خارج اسوار النادي بسبب تصريحكـ الاخير

و على قوله المثل ... اللي ما يبينا .. ما نبيه

إقتباس الرسالة الأصلية كتبت بواسطة LoVeFoReVeR للمرة الثانية هذا قائمة رواتب الاعبين وبلاش ترديد اكاذيب لا اساس لها من الصحه سلقادو اعلى من روبينهو راتب ومش عارف ايش http://www.esportenegocio.com/2008/0...ebol-0708.html اتمنى رئيس الرابطة يشوف لنا حل مع الظرفاء الي يستخفون دمهم ويتطاولون على الفريق

الترجمه من البرتغاليه الى الانجليزيه

إقتباس Wages of footballers 07/08 The Football Finance publishes several weeks after the search, the list of salaries of the best paid players in the world. In those tables are represented ordered gross of players and is always dependent on new contracts recently signed and renegotiations. The figures represented are unofficial and approximate, taken from about 50 publications where the signatures of contracts, being dependent on recent signatures of recent contracts and renegotiations.

ترجمة المكتوب بالاحمر
هذه القائمه تقريبيه و غير رسميه ومأخوذه من 50 منشوره عباره عن عقود اللاعبين والعقود الجاري توقيعها والعقود المعروضه للتفاوض


تعليقي

يعني راتب روبينهو المذكور هو القيمه اللي عرضوها عليه النادي مو راتبه الحالي

عبدالرحمن..

اوافقك في نقطة واخالفك في نقطة..!

اللي اوافقك فيها..هي ان الاداره الحاليه جعلة اسم الريال في الحضيض وماصار لنا هيبه خاصه على صعيد الانتقالات صار اي لاعب يرفض الريال شي عادي عكس اول كل لاعب حلمه ريال مدريد المشكله ليتها وقفت على رفض الاكبر
من هذي هي انهم صارو يفضلون افرقه متوسطه علينا..

اللي اخالفك فيها..انك تدافع عن روبينهو في كل شي وكأنه ما سفل في الريال وصغر من قيمته ومادرا
انه لاعب جيد الي حد ما ياروبينهو مهما وصلت ماتتكلم على الريال لانك امامه مثل الحشره افهمها ياعبد المال..

//

في النهايه ياليت تكون الحورات بشكل اخوي وبعيده عن الغمز واللمز..ولا بلاش نقاشات تسبب خساره
أعضاء لهم ثقلهم..أتمنى من الجميع يحط هالكلام بين عيونه الرجاء يا اخوان..مانبي نخسر احد..!

إقتباس الرسالة الأصلية كتبت بواسطة البلانكو10 $$الــمــلــكــي$$ ورده صحيح ان التاريخ ماايؤكل عيش حاليا .. او بطريقه ثانيه ماايفيدك بشيء .. بس عني انا اهتم فيه كثير .. انا اكثر شيء يشدني في الريال ويعجبني فيه الهياط ... يااخي يكفي لما يطلع لاعب تهايط وتقول الريال لا يقف على هذا الاعب حتى ولو اننا بنعاني .. نحن الريال .. هاايط على كيفك اذا كنت انت الريال ... نافخ .. شد صدرك .. يااخي يكفيك الانديه ترتعش منا ولنا هيبتنا مع اننا كنا نتصقع تصقيع ابن كلب في ايام لوكسمبورغو وطخته ... لانك الريال .. يااخي يكفيك انك لما تكون في مكان عام كلن يقول وش تشجع يقوول ذا الفريق الفلاني وينتقده مشجع الفريق الاخر ويجيك الثالث وينتقد الثاني .. وتجي انت وبكل برود تنتقد وتسفل فيهم ولااحد يقدر يكلمك .. لانك الريال .. يكفيني اني اسفل اخوي الكبير مشجع برشلوني ... وهم في عز مستواهم ونحن في اذل مستوانا يتكلم ويتكلم ويتكلم .. اقووله كم كلمه بس وينطق .. كم عندكم ابطال كم عندكم دوري هاه قربتوا منا يسكت على طول ولا يتكلم الا بكلام البرشلوونيين وانت ماشي انت فريق حكومه ومن ذا الكلام .. يكفيني اذا كنا في قمه مستوانا نكون في العلالي < كتشب .. واذا كنا في في اذل مستوياتنـــــــا بتاريخنا نتعالى ... يعني في عزك وذلك انت تبقى الافضل .. يكفيك انك تحاول انك انت بنفسك تكسر ارقامك .. بينما البقيه جميعهم يحاولون الوصول الى ارقامك .. عشان كذا خذني بهيااط اذا كان فيه مشجعين الفرق الثانيه ... امسك الشيشه مع اني ماشيش انفخ الدخان وانواع الكحه والراس محروق واقول انا الافضل .. ولا ابن امه يتكلم هاذي احد اسباب حبي للكيان المدريدي .. الي ابيه بس يرجع زي اول واقوى عشان يجي الهياط على اصوووله ... داري ان ردي مدري وش يبي ولا له علاقه في ردك بس شفتك تكلمت عن التاريخ قلت يارجال فرصه عشان ابين للعالم اني انسان على خلق ولا اشيش .. اقصد ابين للجميع عن شيء ان الريال الفريق الوحيد الي تقدر تتفاخر فيه سوى كان في عزه او في ذله وكل الشكر لك

هههههههههه الله يرجك يآ شيخ .. كلامك عين العقل
ريال مدريد = خذ رآحتك بالهياط


بالنسبه للمدعويين من شوستر
شوستر استدعى مارسيلو وروبينهو << اللي بالقلب بالقلب

الحين اطمأنيت على الظهير الأيسر .!!



تحياتي

التشكيلة المتوقعة من الـ AS لـ مباراة فالنسيا ..

بس غريبة سلجادو متواجد أساسي ,, وراموس إحتياط ,,
وأصلا هو مب مستدعي ,,

إقتباس اللي اخالفك فيها..انك تدافع عن روبينهو في كل شي وكأنه ما سفل في الريال وصغر من قيمته ومادرا انه لاعب جيد الي حد ما ياروبينهو مهما وصلت ماتتكلم على الريال لانك امامه مثل الحشره افهمها ياعبد المال..

ياعيال اعقلوا .. والله إني تعبت أوضّح .
من قال إني أقول إن روبينهو ما أخطأ !؟ .. روبينهو أخطأ .. بس خطأه مايسمّى شيء بجنب أخطاء الإدارة ضدّه .
أخطأ بـ توقيت كلامه .. وبـ إنه قلل من زملائه ( وهو قال المنطق ترا ) .. بس ماتصلح تجي من لاعب بـ الفريق .
لكن مو معناتها إنه أخطأ مرّة وحدة ألعن شكله .. وازرفه حقّه .. واطبّل لـ السبب اللي خلاه يطلع
هو ما أخطأ بـ فكرة إنتقاله .. معه حقّ إنه يبي ينتقل .. لكن أخطأ بـ بعض جزئيّات كلامه ( واضح !؟ )
وإذا أخطأ مرّة بـ كلامه .. فـ هو لمّا كان الريال يفاوض المان .. كانت كل تصاريحه إيجابيّة
مع إن معاملته سيّئة من الإدارة ..
طبيعي بـ تصير عنده ردّة فعل .. إنسان مثلك يشرب ياكل ينام يتزوّج النساء خخ يمارس حياته طبيعياً .
وكل إنسان له هـ المواصفات .. له إحساس ومشاعر .. وله فعل وردّة فعل ..
فـ ردّة فعله طبيعيّة ( من ناحيته هو ) .. مشينة بحق الفريق ( لو كانت الإدارة ما أخطأت ضدّه ) .
لأني مدريدي ابـ قول كلامه خطأ .. بـ تسأل شخص محايد .. بيقول لك معه حقّ وزين منه جت على كذا .

يرحم أمكّم طلعت عيني وأنا أوضّح كلامي ..

من جدّ اخر مرّة ارد بـ الموضوع هذا .. تعبت قسم .. وكرتي بيحترق خخخ .

روعة جنوني .. شلون الجو عندكم !؟

إقتباس الرسالة الأصلية كتبت بواسطة تورام اتمنى من كاسياس يعطيكـ دروس مجانيه في روح الفريق و البكاء من اجل شعار النادي لكن في النهايه تبقى انت برازيلي ... عبد الدولار

إقتباس الرسالة الأصلية كتبت بواسطة M A D R I D هنا اللاعب تحوم تسبده .. ومهوب والله مقطوع سرّه في البرنابيو عشان يسحب ع العالم كلها ومصالحيه عشانهم ياأعزائي اللي مايعتبرني مكسب .. مااعتبره رأس مال

السلام عليكم

اليوم كنت انا والصديق الدحمي اللي خاق مع روبي , قناص مدريدي , في حوار ماسينجري حول قضية روبينيو ,

من وجهة تظر محايدة مايهمني لا ذا ولا ذاك , بقول رأئي واتمنى ماحد يزعل مني

الحين هل الريال كامل ؟ هل الريال عنده احتياطي يضاهي في مستواه الاساسي , هل الريال عقد صفقات تعوض خروج اي لاعب حتى لو كان سلجادو , هل الريال بالفريق الحالي سواء روبينهواو بدون قادر على تحقيق البطولات (اترك الليقا , خلنا نقول الابطال ) , والسؤال الاهم , مين قادر على تعويض روبينهو وموجود بالسوق حاليا وناديه بيتخلى عنه بالسهوله اللي الريال طرد فيها روبينهو ؟ هل ادارة الريال شاورت المدرب قبل زيادة او رفض عروض او الاستغناء عن اللاعب ؟

طبعا اجزم ان الاجابات بتكون لا بالنسبه للاسئله كلها اعلاه .

وقبل ماسترسل بحديثي , صح ان روبينهوبرازيلي وفيه خناز البرازيليين وصح انه توقيت تصريحه (وليس التصريح) كان خاطئ جدا , الاعب كان يطالب بزيادة راتبه , والريال قالوا ماراح يطلع ورفضوا عرض تشلسي مرتين , طيب اللاعب وش يتوقع ؟ يتوقع زيادة بالراتب , وتحسين العقد , ماحصل هالكلام قال بستغل الوقت والظروف واضغط عليهم واخذ اللي ابي , فخانه التعبير والوقت .

ردة فعل الريال وموقفها من اللاعب :

ردة فعل الريال مبالغ فيها جدا , بلاعظمة بلا طل (لاتزعل مني ياوليد قسم امزح معك) , ياخي لاعب انت محتاجه وشوله ردة الفعل هذي , ياخي كان بالامكان تلافيها , اولا بزيادة راتب اللاعب او باعطاءه وعد مربوط بعمل معين مثلا .

مثلا يقولون له لو حققنا السوبر وساهمت فيه انت بقوه بنزيدك , ولو سجلت هالموسم العدد الفلاني من الاهداف , ترى بنعطيك الراتب اللي كذا وكذا , وتكون دافع للاعب لتقديم المزيد .

بس هالاسلوب العربي البحث مبالغ فيه مع احترامي لكل مشجعي الريال .

روبينهواساسي بمنتخب البرازيل , روبينهو يوم اخذ فرصته بالكوبا امريكا قاد البرازيل للبطوله والذهب ووقتها كلكم تتغنون فيه .

روبينهو مين هو اللي مايتمناه بفريقه ؟ بالعقل والمنطق كلا يتمناه ولو ان عند ويجان فلوس كان قلت لهم اشتروه

خسارة الريال للاعب في هالموسم بالذات كبيره جدا وماتتعوض , للاسف ريال مدريد مثله مثل بقية الاندية الاسبانيه والايطاليه يدار بعقليه ان الرئيس هو اللي يبي وهو اللي يسوي كل شئ , وهذا اصبح خطأ في عصر الاحتراف .

ايضا هالوضع اللي صار مع روبينهو بياثر على الريال في اي تعاقد قادم , فاللاعبين اللي بيفاوضهم الريال بيطلبون مرتب عالي , اضافة الى قيمة كسر عقد اقل , خوفا من ان يكون مصيرة مصير روبينهو في يوما من الايام , لان التعامل بالطريقه هذي فيه ظلم واجحاف للاعب .

طيب تقول الريال مايتوقف على لاعب , معك انا مافيه فريق يتوقف على لاعب , بس هذا لما يكون فريقك كامل والفريق الكامل ماهو بس 11 لاعب , لا ايضا احتياطي كامل , وهذا اعتقد ان الجميع يتفق معي في انه غير موجود بالريال , سواء لظروف الاصابات او لوجود بعض العاهات واشباه اللاعبين .

ودامك تقول مانتوقف على لاعب وراك مابعته على تشلسي وهم عرضوا عليك مبالغ كبيره , وراك مثلا ماطالبت بمبادله مع تشلسي باحد المراكز اللي تحتاجها , وشوله هالتعقيد وكانك تقول بتلعب بوضعك الحالي وراتبك والا رح بلط البحر (اي عظمة ياوليد << امزح), بالعقل روبينهو ماراح يكسر العقد ب 150 ابدا الا اذا تشلسي سواها , وهذا يعني ان ادارة الريال بتقول بتدفع لنا والا اقعد غصب عنك , وانت مثل الحمار , ترى بيان الريال ظاهره ان الريال مايبي اللاعب , بس باطنة ان الريال يطلب لبن العصفور من اللاعب , فما فيه فريق راح يدفع 150 مليون في لاعب , واللاعب ماتوقع بيدفعها (ان كانت صحيحه) وهذا ترى هو الاستعباد اللي تكلم عليه بلاتر , يعني الريال الان ماسك اللاعب مع يده اللي توجعه ويقوله بتكمل عقدك بوضعك الحالي وانطق واكل تراب , والا ادفع لنا 150 مليون (ماهي عظمة ياوليد ) هذا هو الاستعباد بعينه , ومستحيل ان الريال يكسر العقد من طرف النادي , ويخسر كل شئ على كذا يبيعونه على تشلسي اصرف لهم , وكما هو معروف الريال اغنى نادي بالعالم , يعني ماهو محتاج فلوس بس الشغله استلعان واستقعاد

ختاما ان اصبت فتوفيق من الله وان اخطأت فمن نفسي والشيطان , وخذوا كلكم وورده

وخصوصا صديقي وليد ترى احب ان امازحك اخ العرب ورده