موراتي سيقابل بيريز سيلتقي موراتي رئيس الانتر نظيره رئيس ريال مدريد بيريز هذا الأسبوع، لمناقشة انتقال لاعب الانتر البرازيلي مايكون إلى الريال، كما سيقابل موراتي أيضا مسؤولي تشيلسي لبحث انتقال لاعب الانتر المهاجم السويدي زالاتان ابراهموفيتش موراتي يريد الانتهاء من الصفقتين في خلال عشرة ايام حتى يستطيع الانتر شراء لاعبين يصبح بإمكانهم الإنضمام لمعسكر الانتر التحضيري للموسم القادم
دام أن الموضوع فيه مقابلة رئيس لرئيس، أعتقد بأن موضوع انتقال مايكون للملكي سالفة وقت لا اكثر المهم عندي لا يدخل شنايدر في الموضوع قبل مايشوف بيريز سالفة الونسو اعتقد بعد أن بيريز بيجس نبض رئيس فالنسيا عشان فيا قبل مايكلم موراتي عشان ابرا
ننتظر ونشوف
تم سرقة هذا الرد إلى رابطة تشيلسي بعد إذن صاحبها
إقتباس
ودي بتيري
أضحك الله سنك يا إياد
يحلمووووون
لي عودة لرابطتكم الموقرة بعد الاختبارات ( حق 3 ايام ) ان شاء الله
إبتدأ رونالدو تصريحه بقول : " اذا اصبحت اللاعب الافضل في ريال مدريد هذا يعني انك الافضل في العالم " أردت الرحيل عن ما نشستر قبل عام بعد تحقيقي لكأس الابطال 2008 والان ليس لدي اي هدف لأحققه هناك .. أذا حققت كل شيء فاعلم انه قد حان الوقت المناسب للبحث عن تحدي جديد بعد تحقيقي لبطولة الدوري الانجليزي هذا الموسم علمت انه علي تحقيق حلمي والانتقال الى ريال مدريد ..
" بداية هذا الشهر كان مانشستر قد وافق على انتقال رونالدو الى ريال مدريد بمبلغ 94 مليون دولار وهو الان يتفاوض على بعض الشروط مع ريال مدريد " وأكد رونالدو مره اخرى قائلاً : " بالطبع أنا لم اذهب لمدريد من أجل المال " هذا الامر تطلب مني الكثير من الوقت للتفكير ولكن يبقى في الاخير هدف كان علي تحقيقيه .. وأختتم : " بالطبع إذا كنت الافضل في ريال مدريد ذلك يعني انك الافضل في العالم "
ما بقى فرنسي ما قاله تعال كل ما قالو فيه خانة ناقصة .. قال ايه فيه فرنسي يلعب بهالمركز خخخخ مدري ليه مصرّ يجي ريبيري لـ مدريد !؟ شغل تجميع عيال حارتنا ما يصلح يا زيزو - مع كامل احترامي (وجه قامط من العيال هههه) -
معليش فهد
لو خيروني بين كريس وريبيري
راح اختار ريبيري
من وجهة نظري راح يفيد الفريق اكثر من كريس ( انا هنا ماقلل من كريس)
لكن ريبيري متشوق لنادي مثل الريال ومتشوق لبطولة التشامبينز... وللانجازات الشخصيه
ريبيري الى الحين اتمناه
ريبيري لو جا للريال... اتوقع من اول سنه سيكون من ابرز 10 اسماء لعبو في الدوري الاسباني منذ تأسيسه
لو بايرن قال عطونا كريس ونعطيكم ريبيري.. انا اول المؤيدين
الجزء الخلفي من قميص ريال مدريد ، وعينة من حيث الأسلوب والابتكار
إن تاريخ قمصان ريال مدريد مايميزها انها مرنه اكثر من اي وقت مضى والاعبين الذين يرتدون افضل ملابس في العالم
لقد تم اختيار التصميم من حيث الاسلوب والابتكار بعد جوله في خمس قارات وذلك من منظور وضع اخر التكنلوجيا في هذا القميص التي جعلت في كل موسم تتغير عن سابقتها .
ان نادي الريال يهدف الى تكوين قمصان ثلاثية الابعاد تستخدم الاسماء والارقام بمعدات معايره مخصصه لذوبان الحراره
فهي خفيفة الوزن للغايه ومرنه الى حد كبير ومقاومه للماء .
ان شركة اديداس هي الشركه المسؤوليه عن التصاميم منذو عام 2003 ولديها سلسلة قويه من التصنيع والتوريد مع المصميين ذوي الخبره العاليه في جميع الكفائات والمجالات التطبيقيه الصناعيه والمبيعات .. وهي المخوله في توزيع قمصان الريال والمسؤوله لعرضها في جميع الوكالات العالميه في اي مكانٍ في العالم .
الهوية الرياضية والتعاون بين أديداس وريال مدريد على بدأت في عام 2003. من ذلك العام حتى عام 2005 ،ثم بعد ذلك تم استخدام أسلوب اللون الاصفر والاسود في تداخل القميص وبالتحديد استوحت الفكره مع وصول بيكهام الى نادي ريال مدريد .
مدافع فريق ريال مدريد الاسباني صرح بقوله ان البرتغالي كريستيانو لن يسبب مشكله للاعبين ولكل لاعب أجره
في مقابلة مع صحيفة ديلي ميرور البريطانية ذكر المدافع سيرجيو راموس ان جلب كريستيانو رونالدو الى ريال مدريد يمثل الحافز والقدرة على المنافسة ، في حين أن تدفع الأجور والمرتبات الضخمه في كل من البرتغالي والبرازيلي كاكا لا تسبب مشكلة في النادي الملكي.
"نحن نعيش في مدريد في جو من التوقعات الكبيرة . وفي العام المقبل سيكون لدينا كريستيانو رونالدو وكاكا ، وهما من افضل اللاعبين في العالم ، وبذلك شكلا قدرا كبيرا من الحماس للسنه المقبلة "
وهذا هو الشعار الذي قد يدعو فلورنتينو بيريز خلال السنوات التي قضاها في رئاسة نادي ريال مدريد الاسباني واضاف "في ريال مدريد العب دائما لأفضل اللاعبين في العالم لأنه النادي الأكبر والأكثر شهرة هذا بكل بساطة وكريستيانو أفضل لاعب في العامين الماضيين.
وبالمثل فإن اللاعبين الاندلسيين اقل اجور من اللاعبين الجدد ولكن نحن راضيين كل الرضاء عن مرتباتنا ولا ينبغى ان نتكلم اكثر بهذا الشأن .
الاخوان المترجمين , نشكركم على المجهود لكن نبي شوي تركيز , الاخبار كثيرة ومكررة بشكل ممل
نفس الكلام الي دايم نكرره لـ جميع الشباب
صفحة ولا صفحتين رجعتها ما بتضرك وتخلص عليك الأخبار ! اليوم يمكن فيه 7 الى 8 اخبـار مكررة .. حتى وان اختلف المصدر ،، رجآء خاص لـ العيال المترجمين يصبرون شوي ويقرون الي فاتهم
ردك يُدرس قمة في الواقعية اللي نادراً ما نقرأها أو حتى نفكر فيها هاليومين.. الموجة أخذت الجميع لبعيد لدرجة نسيان احتياجات الفريق الفعلية وعدم التقييم والتحليل الصحيح
إقتباس
خلونا نكون صريحين شوي , انتوا ليه عايشين جو ان بيريز جاب كاكا و رونالدو بدهاءه و كسر خشوم الاندية و هالكلام الفاضي !؟
شخصياً عجزت أحلل كل هالزخم من الخيارات المطروحة.. وعجزت اكتشف سر التفاؤل المفرط والتبرير اللي بصيغة الرد الآلي لكل حركة يعملها بيريز حتى الآن
بيريز ذكي لكن مو منزه عن الخطأ.. قراءتنا المفترض تكون من واقع محايد ورياضي مهما تداخلت العناصر الإقتصادية
ثقافة التأييد المطلق والتبعية العمياء.. شيء ما تخيلت نرجع له وخلفنا 5 سنوات مريرة المفترض إنها علمتنا الكثير
مازلت عند مبدأي بأن تقييم شغل بيريز بالصيف المفترض يكون بنهاية أغسطس.. لكن المزعج بالفعل هو عدم قدرتنا على تطبيق فكرة التوازن الرياضي والإقتصادي ويمكن حتى فهمها حتى الآن
مشاريع بيريز خلاقة وغير مقلدة وخارقة.. لكن لا ننسى دائماً إن نجاحاتها لازم تكون داخل الملعب وليس خارجه فقط
إقتباس
الزبدة , لا حنا ولا اللاعبين نفسهم عارفين وش وضع الفريق الموسم الجاي محد يدري وش ناوي عليه هالبيريز
طبينا ف السوق بقوة.. كنا نحتاج المفاجأة والجرأة لكن مو التهور والعشوائية
المشروع الرياضي أفترض شخصياً إن وراه الفيلسوف فالدانو.. لكن أي متمرس في كرة القدم عدا كونه صاحب تجربة سابقة بيفكر مرتين قبل يثير كل هالشبهات حول مجموعته الحالية
جبهات كثيرة انفتحت ما كان لها داعي.. لاعبين كُثر كانوا بعيدين عن الشبهات واكتشفنا إنهم عوملوا بقلة احترام وعدم ثقة
أدري ترا ممكن تكون مقصودة ومتعمدة ومخطط لها وفق دراسة علمية وعملية من سنوات.. وأدري يمكن تكون مبرمجة مسبقاً بكل تأثيراتها الصوتية والضوئية والموسيقية
أدري ممكن نختلق لها عشرات الأعذار والتحليلات الآن..
لكن نادراً ما فكرنا إنها ممكن تكون مكابرة وتبرير لأخطاء رياضية عشناها سابقاً
تونا ما ابتدينا ،، والله أدري وما نسيت،،
بس خلونا بين كل أسبوع والثاني،، نتذكر هالكلمتين عشان ما ننسى على الأقل
نفعني الله وإياكم
اللي عليهم اختبارات يروحون ينامون،، خلاص شطبنا
خلونا نكون صريحين شوي , انتوا ليه عايشين جو ان بيريز جاب كاكا و رونالدو بدهاءه و كسر خشوم الاندية و هالكلام الفاضي !؟ كاكا كان واضح انه طالع طالع من يناير .. ميلان كانو يبون يبيعونه بـ مقابل كويس يمكن .. علاقته مع قالياني سهلت المفاوضات حبتين كالديرون مشكلته انه كان يطلب اللاعب بـ وقت مستحيل يطلع من فريقه فيه بيريز جا بـ الوقت المناسب .. ولا رونالدو؟ كالديرون اللي جابه ترا موقع معه من سنة كل اللي سواه بيريز انه دفع المبلغ اللي متفق عليه !
الصراحه انك تزرف بيريز عيني عينك كذا ؟
نقطة ان علاقة بيريز مع جالياني سهّلت المفاوضات تكفي وانت قلتها بلسانك كيف هذي ماتحسب لبيريز ؟
لو سألتك قبل مايجي كاكا و رونالدو , هل بيريز يقدر يجمعهم ويجيبهم ؟ مستحيل تصدق !
مافيه ولا ادمي في الرابطه هنا يقدر يجزم ان بيريز بيجيب كاكا و رونالدو قبل مايتولّى الرئاسه ..
لكن بيريز سوّاها وفي اقل من اسبوعين ! بس تبي الصدق ! بيريز مُخرج فااااااشل
المفروض يسوي اكشن واثاره ويحسس الناس انّه تعب في الصفقتين عشان تحس انه بذل مجهود ..
لكن كذا وفي اقل من اسبوعين ! خلانا نجحده بعد ماكنّا نقول مستحيل يجي رونالدو وكاكا في صيف واحد ..
سالفة ان كالديرون هو اللي موقع صفقة رونالدو ماخشّت مخي , اذا انت مقتنع ياليت تقنعني ..
لو فعلا صحيحه سالفة العقد المبدئي , ليه ماطلع كالديرون وأعلن هالشيء بعد ماشاتوه من النادي ؟
وش مصلحته يكتم الموضوع ؟ موب هم يقولون انه فيه شرط "العقد يكون سري ومايظهر للإعلام"
المفروض كالديرون يستغل النقطه هذي ويطلع يعلن عن العقد عشان يخرب على بيريز !
صحيح ان كالديرون غبي ومغفّل , لكن مستحيل تفوته مثل هذي الا اذا كان بيريز ماسك عليه شيء ويهدده فيه !
كالديرون قد طلع قبل فتره وقال انا وقعت مع واحد من افضل لاعبي العالم , والصحافه استنتجت من كلامه ان المقصود رونالدو !
لكن كالديرون لو فعلا موقع مع رونالدو كان شفناه يطلع على كل قناة الان ويقول انا اللي جبته لكم صوح ولا لااااع ؟
حتّى لو كان فعلا كالديرون هو اللي موقع مع رونالدو يحسب لبيريز انه اللي اكل طقّة انتقاد العالم على راسه ,,
ويحسب لبيريز انه هو اللي بيدفع المبلغ ويحسب له ان رونالدو جاء في عهده حتى لو الحظ خدمه ..
إقتباس
# مايكون من أفضل الأظهرة بالعالم .. ما قلنا شي بس انت عندك راموس ! من جدكم ودكم ينحطّ سنتر ؟ حتى لو جنبه تيري !! بس كذا بتدمّر موهبته .. راموس اداءه بطللل .. هجومياً بطل بكل شي " عرضيات - سرعة - مهارات (ان دعت الحاجة هههه) " وش الحاجة بـ مايكون !؟ .. جب لك سنتر و خلصنا , الا اذا ناوي يحطه يسار بعد ألعن و ألعن هههههههههه حاجة الفريق واضحة .. ظهير ايسر و سنتر شايب ما ينفع كل السناتر ورعان هههه
انا مثلك من معارضين صفقة مايكون ونقل راموس للسنتر , لكن فيه نقطتين مهمه لازم نعرفها
الاولى اكيد بليجريني وفالدانو وبارديزا لهم نظرتهم الفنّيه ونتائجها بتظهر على ارض الواقع
وبعدين نقيمهم عليها ,,
الثانيه , فالدانو او بلجريني ما اتذكر اي واحد فيهم بالضبط مصرح تصريح بأنه بيلعب بطريقه هجوميه و (( دفاع متقدم ))
يعني يحتاج الى سناتر سريعين بسبب لعبه بدفاع متقدم , خوان ؟ راموس ؟
كلهم سريعين , الاول خطواته طويله والثاني سرعته مقبوله اظن لهذا السبب بلجريني يبي يعتمد على راموس سنتر
ومايكون ظهير وخوان كـ خيار احتياطي ..
الفكره صحيحه او خاطئه ؟ النتايج اللي تحكم , نحاسبهم بعدين موب على اخبار صحف نحاسبهم ..
إقتباس
ريبري ؟ اصلاً وش الحاجة له بوجود روبين !؟ انت تبيع روبين نقول بـ20 و تجيب ريبري بـ 60 , ليه طيب !؟ حتى لو جا ريبري .. و قلنا رونالدو - كاكا - ريبري طيب مين البديل بالدكة !؟ بترجع على مارسيلو جناح ؟ ولا بعد بتحط هيغوين !؟ روبين احسن بديل و موجود عندك بالفريق , مع تشيلسي كان دايم يدخل بديل يهجول بـ الدفاع لما يتعبون .. من اول كان بديل بطل لـ روبينهو و شنايدر !
ريبيري خيار افضل من روبين حتّى لو كلف النادي فارق 40 مليون !
لآنك على الاقل بتضمنه اساسي اكثر من روبين ..
سواء جاء ريبيري او لا بليجريني بيلعب بنفس الطريقه اظن ..
4-4-2
هجوم ( رونالدو - ايجواين مثلا )
وسط ( كاكا - ريبيري )
واذا ماجاء ريبيري بيسحب رونالدو للجناح بدلا عن ريبيري وبيعتمد على ايجوايين واي مهاجم ثاني معه ..
هي صفقة ريبيري اللي اقترحها زيدان والصفقه الثانيه اللاعب الشاب نسيت اسمه
بس ! , وين المشكله ؟! بالعكس وجود زيدان لازم نستغله ونجيب ريبيري وان شاء
الله بنزيما في المستقبل ..
إقتباس
بيريز , كل ما سألوه عن صفقة .. قال استثمار , ما شبعت فلوس !؟ جب لنا لاعبين يحتاجهم الفريق .. وش فادنا ان النادي الاغنى بالعالم ؟
بيريز ماقال استثمار حافّه كذا , قال صفقة رونالدو وكاكا فنيّه + اقتصاديه
انت اخذت الجزء الاقتصادي فقط وتحاسبه عليها !
صفقاتنا الى الان الفريق محتاجهم , كاكا و رونالدو الفريق يحتاجهم ومحد ينكر ذا الشيء !
وش اعتراضك عليه !؟
إقتباس
اذكر بيلغريني او فالدانو قال بنعتمد على 22 لاعب بس ( مانيب متأكد )
سواء قال ولا ماقال غصب عليه بيعتمد على 22 لاعب , لان الحد الاعلى للاعبين 25 فقط
وبيكون عندك حارس احتياطي ثالث بيبقى خانتين زائده فقط ..
إقتباس
الزبدة , لا حنا ولا اللاعبين نفسهم عارفين وش وضع الفريق الموسم الجاي محد يدري وش ناوي عليه هالبيريز ... الله يستر بس
كل هالشب اللي فوق واخرتها ماتدري وش ناوي عليه بيريز !؟ , طيب اصبر لين ينتهي الميركاتو
وبعدين قيم بيريز وشغله , والنتايج في النهايه هي اللي بتحكم على عمله ..
واحدة من الوجهات المحتملة لـ رويستون درينثي القادمة هو العودة الى بلاده واللعب مع نادي اياكس امستردام الهولندي وذلك وفقاً لـ صحيفة 'Sportsweek' التي ذكرت ان الهولندي هو احد اهتمامات المدرب الجديد لـ اياكس مارتن يول .
الصحيفة ذاته أوردت خبر اهتمام فيورنتينا الكبير بـ الحصول على اللاعب وقرب المفاوضات لـ الأنتهاء ولكن حتى الآن لم يقدم اي فريق عرضاً رسمياً لـ ادارة النادي الا نادي باناثينايكوس اليوناني .
![●● ║ رابطة عشاق ريال مدريد..][ 2008-2009 ][║●║● UNO,DOS,TRES..WELCOME CRIS ][](iconimages/t609623_rtl.gif)
لكل حركة يعملها بيريز حتى الآن
وعملية من سنوات..
موقع معه من سنة
الوضع العادي
