19/06/2009, 02:15 PM
|
| زعيــم متواصــل | | تاريخ التسجيل: 17/10/2006 المكان: الرياض
مشاركات: 98
| |
حياك وليد . .
شف يا الغالي كون بنزيما ما أثبت نفسه هذي ما أعتقد فيها اختلاف . . لكن لا ننسى برضو إن اللاعب عمره ٢١ سنة . .
عنده الرغبة و العزيمة لإثبات شي . .
موهبة اللاعب ماهي محل نقاش . . و وجهة نظري بنزيما ، باتو ، أوجويرو ، هيجواين هم أفضل المواهب الهجومية في العالم حالياً . .
الريال محتاج مهاجم سريع يجيد اللعب خارج المنطقة و للأسف فريقنا ما فيه غير لاعب واحد يجيد هالدور إلي هو جونزالو . .
البقية يا مهاجمين منطقة ، يا منتهين . .
الخيارات المطروحة في السوق محدودة . .
فيا فريقه ما يبي يبيعه للريال . . باتو مستحيل يطلع من الميلان . . أوجويرو يلعب مع الغريم و يعشق برشلونة . .
من بقى كاريسون أو نيلمار ؟! . .
مع احترامي للثنين إلي فوق بس لسه بدري عليهم يلعبون في الريال و محتاجين كذا موسم لحد ما يوصلون لمستوى فرق التوب في أوروبا . .
الريال محتاج مهاجم يملك تجربة أوروبية . . إحتك بالفرق الأقوى عالمياً . . و غير كذا متاح للبيع . . مافي غير بنزيما . .
معدله التهديفي أوروبياً آخر موسمين يتفوق على لاعبي الريال كلهم . .
الموسم الماضي سجل ٢٣ هدف منهم ٥ في ٨ مباريات أوروبية و إلي قبله سجل ٣١ هدف منهم ٤ في ٧ مباريات أوروبية . .
مع فريق منتهي مثل ليون السنة الماضية أشوف إنه انجاز . .
يجيد التسديد بالقدمين . . سريع . . مهارياً ما عليه كلام . . قوي بدنياً بشكل غير عادي . .
و فوق كذا عنده الرغبة إنه يلعب للريال . . وش نبي أكثر من كذا . .
مقارنته برونالدو مع احترامي له بدري عليه و بدري على أي مهاجم حالياً . .
الدب هو أفضل مهاجم في التاريخ و ما ظنتي بيتكرر مرة ثانية . .
رونالدو و عمره ١٩ سنة هو هداف أوروبا و عمره ٢٠ هو حامل الكرة الذهبية . . الدب مسيرته استثنائية . . لا البرازيل و لا غيرها قادرة تطلع رونالدو ثاني . .
في نفس الوقت أشوف تشبيه بنزيما بأنيلكا ظلم كبير له . .
أنيلكا ما فشل لأنه سيء بالعكس بدايته كانت روعة . . لكنه فشل لقلة إنضباطه . .
و إلا فيه أحد ينسى الذهاب و الإياب قدام البايرن و البلاوي إلي سواها  . .
في النهاية هي وجهة نظر . . ممكن تصيب و ممكن تخيب . .
شخصياً واثق من نجاح الفرنسي في أي فريق يلعب له . .
و أتمناه في الريال من كل قلبي   . .
أهم شي لا نبدأ الموسم باللاعبي الهجوم الحاليين . .
حرام كاكا و رونالدو و قدامهم راؤول أو الرود أو حتى هانتيلار . .
نبي مهاجم متكامل قادر على ايجاد الحلول لنفسه . .
لمشاهدة روائع الجوهرة الفرنسية . .
Benzema
إعذروني إذا الرد محيوس شوي . . كاتبه على عجالة . .
لي عودة في وقت لاحق . .
. .
|
![●● ║ رابطة عشاق ريال مدريد..][ 2008-2009 ][║●║● UNO,DOS,TRES..WELCOME CRIS ][](iconimages/t609623_rtl.gif)
أول مرة احاول اترجم
الوضع العادي
