صح لسان ياابو يوسف انا اتفق معك بكل شي ماعدا خروج سنايدر

اقول شباب حطولنا تصاميم شي خلونا نفرح ولا لازن ننتظر لين يخلص كاس القارات هو الي مخلي الوقت بطيء

الله يالدنيا بعد البزر ماسكيرانو، هاينزه حبيب الكل صاير كابتن منتخب الأرجنتين في مبارتهم مع الإكوادور

واللي يقهر صدق خافير زانيتي موجود في الملعب

انا مادري وش يحس فيه مارادونا

مين قدك ياهاينزه باريس سان جيرمان يبيك في نفس اليوم اللي تصير فيه كابتن لمنتخب التانجو

دنيا حظوظ

إقتباس ودي أحد يعطيني ’ سبب ‘ مقنـع لـ أبداع فارت بـ التي شيرت البرتقالي ومستواه الأقـل من متواضع في مدريد ! .. حـاولت ’ أقنـع ‘ نفسي بكم سبب لكن مـآش عيت تدخل مخي .. فارت عنده الكثير يمكن أسلوب لعبه ماينـاسب ريال مدريد ! كل شي جـايز !!

عبدالله حبيبي ... انا بقولك :

عطني السبب اللي يخلي ميسي خرافي مع البرسا ، وزبالة مع منتخبهم ، رغم ان لاعبي التانغو ممتازين ؟!!!

اذا جاوبتني فاعلم انك جاوبت على نفسك !

إقتباس الرسالة الأصلية كتبت بواسطة Madridi عبدالله حبيبي ... انا بقولك : عطني السبب اللي يخلي ميسي خرافي مع البرسا ، وزبالة مع منتخبهم ، رغم ان لاعبي التانغو ممتازين ؟!!! اذا جاوبتني فاعلم انك جاوبت على نفسك !

إقتباس آمـااااا ميسي زبـالة مع الآرجنتين ،، يعني عشـانهم انهزموا قبل شوي صـار زبالة ! او كلامك بنيته على قنـاعه قديمة أو على أيش بـ الضبط

انا اتكلم عن مشوارهم الان في التصفيات بشكل عام وصدقني ماله دخل في نتيجة اليوم ، تابع اخر
5 مباريات للارجنتين وتعرف !

حبيبي ميسي ابدع مع الفئات السنية والاولمبي لكن صدقني مع التانغو الاول لم يقدم الكثير والكثير رغم وجود لاعبين على مستوى ممتاز .

مارادونا صحيح صعب تقارن به اي احد لكن على سبيل المثال شال منتخب كامل على اكتافه .

ريفالدو لحاله شال البرازيل عام 2002 لين جابوا الكاس .

زيزو لوحده شال فرنسا لين طقوا النهائي ..

هنا المقصد الاساسي ، ولكن ما دعاني للكتابه هي اخر لقاءات الارجنتين وبالتحديد اخر 5 لقاءات ثم
تعال تفاهم معي ... تابعها قبل !

..................................

كاكا بيلعب بعد ساعة ... ان سجل هدف يصير اكثر لاعب برازيلي يسجل في التصفيات بواقع 11
هدف لانه الان متعادل مع روماريو بـ 10 اهداف .

فعلا كلامك صحيح ميسي مع الارجنتين زباله

عبدالله حبيب قلبي انا كتبت لك رد طويل عريض بس بس للاسف جهازي خبط

الشي اللي كنت ابي اقوله لك يا قلبي

فارت بكل الفرق اللي لعب فيها كان هو النجم الاول للجمهور و لصحافه والصحفي الي ينتقده كانو يعتبرونه مجنون <<< اتكلم عن الصحافه اللمانيه

بس يوم انتقل الريال الجمهور كان يبي يشوف اداء فارت القوي وكانت بدايته قويه بس جته اصابه و للاسف رجع على وقت راموس وما الوم راموس لانه ما يلعبه لانه كان في حاجه لكل نقاط المباريات الي يلعبها ومو فاضي يلعب واحد توه راجع من اصابه
واختلاف التكتيك اثر عليه مثل ما ياثر على اي لاعب بالعالم وخصوصا للاعب وسط متعدد المراكز حتى يوم لعبه راموس والله ما كنت اعرف وين محل فارت بالملعب باختصار كان ضايع

وفيه امثله كثيره مثلا خوارزما ما فيه احد يختلف على فنياته وموهبته بس ما قدر يثبت نفسه بالانتر وجاء تحت ضغط اول مره يصير عليه بعد ما كان نجم النجوم بفريقه الاول

* بالنهايه انا مستبعد ان فارت بيكون بالريال الموسم الجاي واتمنى انهم يستفيدون منه كورقه رابحه في صفقة ريبيري


نسيت اقول شطحه بسيطه كنت كاتبها

* اذا كانت تعاقدات الريال من طرف فالدانو او المدرب انا من اول المرحبين فيها اما اذا كانت من دكتاتوريت بيريز فما اقول الا الله يستر

طول عمرك زلابه يا مندوب المبيعات الفاشل
حتى ما تعرف تسوق لـ نفسك
بعد ما طلع له ريش و جابوه جيراننا الزلايب طلع طلعات مثل هذي
أغويرو : [ لن ألعب لفريق يبدأ بحرف الـ R ]
بعد ما طلعنا قدام روما العام قبل الماضي
أغويرو : [ أنا سعيد لـ خسارة ريال مدريد ]
يتميلح بدون سبب ما أحب جاب طاريه حتى الإشاعات ما درت عنه ولا جابت إسمه .. يقول
أغويرو : [ لن أخون أتليتكو و أذهب لـ ريال مدريد ]
عاد من الآخر جابها على بلاطه و كأنه يقول يا لابورتا يا لوح وش بقى أكثر من كذا تلميح
أغويرو : [ أتمنى أن يأخذني ميسي معه إلى برشلونه ]

شوفوني أنا[ أنتي مدريد ] تعالوا كلموني قدموا عرضكم أبيكم أنا شاريكم
ولا أحد جاب خبره ولا أحد درى عنه و في الأخير لو إنتقل لـ تشيلسي بيقول :
[ أحب تشيلسي منذ صغري كما أكره ريال مدريد ]

إذهب إلى الجحيم يا مسخره

عذرا على الشطحه
بس ترا هالآدمي قاهرني
تدرون إني حبيت الديربي بسبته كل ما لزخنا أتليتكو ما أفرح إلا علشان أشوف وجهه ..
الزبده مو موضوعنا >>>>> لا يا شيخ



أنا متأكد من شيء واحد مثل كلامي عن صفقة كاكا قبل ما يجي النفي من إدارة تشيلسي ..
ريبري يجي للريال أو يبقى في البايرن .. المشكله الحاليه هي إن إدارة البايرن ما تبي تبيع ..
وهذا الشي اللي بيوقف قدام بيريز .. الدعوه مب غصب ..
أما لو فيه مجال للتفاوض متأكد مليون في الألف إن اللاعب أقرب لنا بنسبة 99,99 %
تصريح بكنباور يقول قضية ريبري مالها إلا شيئين ..
إما تجديد العقد أو بيع اللاعب ..
و أقولها مره ثانيه متى ما أعطى البايرن مجال للتفاوض سأراهن على دهاء بيريز ..
بيريز ما يدخل في مفاوضات مع لاعب إلا ويكون عارف من قبل رغبته علشان تسهل عليه الأمور
مثل ما صار مع فيغو و زيدان و رونالدو

بيريز ذكي
ماكانت له ردة فعل قويه على رد مسؤولي البايرن
وما طلع في الإعلام و قال أعدكم بالتعاقد مع ريبري و بأجيبه يعني أجيبه ..
لا .. رده كان عادي و بطل شوفوا وش قال :
"ريبيري ملك للبايرن والبايرن لايريد بيعه ولابد أن أحترم ذلك، لكن سيكون هناك كلاماً آخر في حالة تغيير رأيهم".
ما عطاهم أمل علشان يستغلون رغبته الكبيره و يرفعون السعر ..
و يبي يخليها تجي من عندهم قال ما راح نتعاقد مع ريبري إلا لما يغيرون رايهم
البايرن يدري عن رغبة ريبري بالإنتقال للريال ولا راح يخلي اللاعب عنده و اللاعب ما يبي يجلس ..
بس ألحين هم يشوفون الوقت طويل على نهاية الميركاتو و فيه مجال يطلعون بلزخة دراهم ..



ما فيه شك إن بيريز راح يحاول إنه يتعاقد مع رونالدو بكل ما يقدر
لكنه ما راح يكون غبي و يدفع القيمه اللي طلعت في الإعلام
و في نفس الوقت ما راح يكون أغبى و يصرف النظر عن التعاقد معه و يروح يدفع 30 مليون الشرط الجزائي للإتفاقية
متى ما كان فيه مجال للتفاوض متأكد إن اللاعب بيجي و بسعر مناسب و بأقل من اللي طلع في الإعلام ..
بيريز أكيد بيتكتك للسالفه هذي و بيفكر مليون مره قبل ما يتعاقد مع اللاعب أو يخل بالإتفاقيه ..
تخيل يصدق كلامك يا وليد و يقدر بيريز يخليها في ظهر كالديرون و الله إن طعمها في الراس بعد ..

إنتهى