راؤول جونزالس لن يعترف بهذا الشيئ ابدا , لكنه كان نجم لقاء الريال واشبيليه على الهاترك الرائع .
" اشبيليه افتتحوا التسجيل , لكن المباراه كانت متساويه في النصف الثاني من الشوط الاول وقدرنا نسجل التعادل قبل نهايه الوقت "
" عرفنا ان اشبيليه سيعقد المباراه لنا , لكن المباراه 90 وكنا نعرف ان المباراه ستنفتح وسنملك افضليه وهذا ماحدث . الفريق أدى بشكل مبدع .!!
" استغلينا فرصنا لتقليل المسافه مع المتصدر , لكن برشلونه يملكون الدوري بين ايديهم , هناك مباريات معقده قادمه مثل التي سنلعبها ضدهم الويك اند القادم , لازم نواصل الفوز عشان نشوف الى اي حد نقدر نوصل. المباراه بتكون معقده , لكن اتمنى ان الجو في البرنابيو راح يساعدنا كثيرا في الفوز"
" انا فخور بهذا الفريق على ماقدمووه , هذا يدل على عظمه وتاريخ هذا النادي , انا فخور جدا لأرتدائي هذا القميص , خاصه اليوم. انتصارات الفريق مهمه جدا وانا بطبيعه الحال سعيد بالهاترك ولكن هذا كان نتيجه لجهد جماعي عظيم من الفريق . "
" هدفي كان رائع , لكن اهم شي اننا اخذنا الثلاث نقاط . هناك العديد من المباريات المتبقيه في الموسم , يجب ان نحارب بقوه لنفوز باللقب . اذا ماحاربنا , لن نحقق اي شي."
" كما توقعنا , كانت مباراه معقده .!! لقد خططنا ان نسجل وفزنا( لاياشيخ ) يجب ان نكمل اللعب بهذه الطريقه لكي نحقق الدوري. اعتقد ان الفريق متحد وهذا مهم جدا . المباراه ضد برشلونه بتكون معقده , لايوجد مباراه سهله."
Torres
" الفريق لعب بشكل جيد , كانت مباراه معقده , لكن كنا شجعان . أعتقد اني استطيع ان اقدم افضل من هذا المستوى , ولكني ممتن جدا للدقائق التي يعطيني اياها المدرب , احاول ان اقدم افضل ماعندي."
" اليوم رأينا راؤول الحقيقي , هو لاعب مميز وقد اثبت ذلك في مباراه مهمه جدا "
قبل المباراه قلنا خواندي ممكن يكون سلاح ذو حدين ! إما انه يكسر عقدة البيزخوان وهو من صنع ربيعه ,,
او تنعكس علينا فورة " قرويين " اشبيله تجاه طموح خواندي المشروع ,,
خواندي دخل المباراه بأكثر اسلوب افضله ! و الأسلوب اللي للأسف افسدته المجاملات و عشوائية بعض الصفقات .. 4-2-3-1 و بحث عن امتصاص الحاله الانتحاريه اللي يكون عليها اشبيليه ببداية اي لقاء ضد الريال ,,
خانه المدافعين بخطأ ساذج و بهدف لوهله شعرت انه سجل على طريقة الإعاده البطيئه !
بعد الهدف مر الفريق بحالة عدم توازن لفتره بعدها خلق اكثر من فرصه سجل منها راؤول هدف بوقت جداً مهم خصوصاً بعد ماضيع البيبيتا 2 !
الشوط الثاني عادةً مايكون شوط خواندي لكن هالمره سذاجة العادي خيمينز سهلة الأمور ..
و بأمانه اخطاء خيمينز تتكرر بكل مباراه كبيره من موسمين ,, في نقطه اخيره ممكن نعيبها على خواندي او لا !
الزج بجارسيا بدل جوتي ! ممكن نعتبره تبديل ذكي لتحصين الدفاع , و ممكن نعتبره تراجع زايد ,,
لكن بالمجمل خواندي قدم مباراه ممتازه خانه فيها خطئين فرديين ,, و نجح في اختبار مهم له ! و حقق فوز في ملعب مشؤوم !
صحيح اشبيليه اضعف من المواسم السابقه ,, لكن الريال بالمقابل جريح و مايمر بأفضل فتراته رغم الأرقام !
شخصياً اعتقد ان خواندي إذا ما انتصر في مباريات الكبار القادمه الكلاسيكو فالنسيا فياريال راح يكون بنسبه كبيره مدرب الريال القادم ,,
- -
احد الاسباب اللي اضافت للفوز نكهه , غير انه اتى بملعب نحس !
و غير انه كان غير متوقع بالنسبه لي بعد تبعات لقاء خيتافي ,,
هي انتصار خواندي على جمهور اشبيليه ,, و إثباته لهم ان هو من صنع اشبيليه و هو من يستطيع اسقاطها كروياً طبعاً !
رجل خدم اشبيليه مثل ماخدمها خواندي كان يستحق استقبال الأبطال ! لكن للأسف جمهور ماهو متحضر ,,
عموماً .. انتصار بالكلاسيكو الصعب القادم + انتصار على المتألق بقيادة الرائع ايميري فالنسيا و فياريال ,,
بعدها راح يكون اتم الفريق 20 مباراه بدون هزيمه ! يومها ماراح نقبل بأي تعثر في اللقاءات التاليه !
لأن المهمه المستحيله بإنهاء دور كامل من الدوري بلاهزيمه بتكون قريبه ! و مابقي بوجهها إلا مايوركا و اوساسونا !
و حرام و ألف حرام ان الفريق بعد كل هذا يخسر حظوظه بسبب مايوركا او اوساسونا - مع كامل احترامي و إقراري بصعوبتهم ايضأ -
- -
- -
* من الليغا //
- اسبانيول واصل نتائجه الإيجابيه مؤخراً و ابتعد عن مقاعد الهبوط ,, بالتوفيق و حرام الليغا تخسر ديربي كاتلونيا ! - خيتافي اصبح في خطر حقيقي و على رئيسه ان يدرك ان الليغا اكبر من مجرد نتيجه امام الريال او برشلونه و ظهور بالإعلام ! - لابد و ان مارسيلو سـ يكون مدين جداً لـ خواندي طوال مسيرته ,, - الريال مازال يواصل صدارة الليغا بالدور الثاني , و الفارق توسع ! - خواندي دخل تاريخ الريال بـ اكثر عدد انتصارات متتالي خارج الأرض ,, - تعادل الديربي حرمنا من استرداد رقمنا التاريخي من الانتر كأكبر عدد انتصارات متتالي بتاريخ الدوريات 3 الكبيره ,, - مايقدمه خواندي مع فريق غير متوازن زادت مصاعبه الإصابات و شتته مشاكل الرئاسه يستحق التحيه ,, - متى يدرك المدريدي و صحافته ان للإداره و اللاعبين اخطاء بدل تعليق كل مصايب الدنيا بوجه المدرب ؟
لقـد ذهبـنــآ لـ ملاقة اشبيلية وكنـآ نـعرف بـأنه فـريق قـوي وانـه هـزمنـآ على ملعبـه المـوسـمـ المـآضـي ، لقـد اثبتنـآ اننـآ فـريق قـوي لـ الغـآيـة ، سـنـلآحـق بـرشلـونة حـتى الرمـق الأخير ، لقـد قـدمنـآ مستويـآت رائـعه في اخـر المبـآريـآت والأن تنتظرنـآ مبـآرآة قـويـة يـومـ السـبت امـآم "برشلـونه"
وقال : "المباراة ضد برشلونة سـتـكون قـوية والعـآلم بـأسـرهـ سيتـآبـعهـآ ، الأسـآبيـع المقبلة هـي مـن ستحـدد البـطل وسيتعين علينا أن نركز على أنفسنا في مبـآرآة برشـلونه وهذا الشئ ينطبق ايضـاً على فالنسيا وفيـآريـآل هذهـ المبـآريـآت مـهمه والفوز هـو الأمر المـهمـ وهـذا مـآ سنفعله .
وقـآل ايضـاً : نـحن نـعلمـ ان فريقـنا جـيد وسنـحـآول ان نبذل جـهد مضـآعف لأن هذهـ المبـآريـآت ستكـون مفصليه ، كل مبـآريتنــآ القـآدمة نهـآئيـآت لأنها هـي مـن ستحدد بـطل الدوري .
لقد دافعنا بشكل جيد نوعا مـآ ، مهمتي هي أن ادآفـع بـشكل جيـد واسـآعـد الفـريــق ، فـي بعض يـجب ان تتــقدمـ لـ تسـآعـد الفريـق فـي الهــجـومـ ، لـقد تلقـيت الكـوره ومـررت الكـره لـ قـآئد الفـريق "راؤول" وجـأ بـ هـدف التعـآدل وانا سـعـيد لـ المستوى الذي قـدمته.
مبروووكـ ...
احلى انتصار من كل الظروف
قبل الكلاسيكو + تقليص الفارق + في ملعب اشبيليه + خواندي انتقم + راؤول هاتريكـ
و اهم شي راؤول رجع !!
هذا اللي كنت ابيه من زمان راؤول هذي مبارياته لا تلعبه
الا في هذي المباريات هاتريكـ لبى قلبكـ من زمان عن سوالفكـ
شفتو راؤول كيف فرح في الهدف الثالث .. و مارسيلو فرحته رهيبه
عقبال ما تسويها 3 مرات في السنتياغو السبت الجاي
خواندي تبديلااته سلم الوسط لـ اشبيليه بس الحمدلله
عدت على خير
راموس مدري وش فيه يا ناس
بس هذي عادته في مباره اشبيليه
متزلدر .. قلت لكم قبل المباره هـ الألماني
مجنون .. ومو صاحي .. و شفتو كيف تفلت عليهم
احلى تحضير قبل الكلاسيكو .. متى يجي السبت
تحضير خواندي النفسي واضح انه روعه
و لو تلاحظون دائما الفريق تشوفه في الشوط الثاني
يتغير 180 درجه
وفي نقطه ثانيه .. راؤول + هونتلار = ما يصلحون ابدا ابدا
شفنا كيف راؤول تغير يوم راح هونتلار
و لو تلاحظون من اول ما بدا يلعب هونتلار اساسي
راؤول وقف عن التهديف او قل مستواهـ ..
بسألك سؤال وين الحظ في فريق يلعب
مبارته ضد غريمه التقليدي بـ 9 غيابات
ومدرب جديد اول مباره له وقبلها مهزوم !!
بظلم تحكيمي
وين الحظ في فريق يتغير مدربه و رئيسه
في نص الدوري
وغبيابات على كيف كيفكـ
فان قول هداف الريال قبل موسمين
مصاب طول الموسم
ديارا افضل محاور الريال مصاب طول
الموسم
ديلا ريد الرهيب يوم بدع جاته اصابه يمكن تخليه يعتزل
وغير اصابات روبين اللي وصلت 10 اصابات له
و اصابه شنايدر من بدايه الموسم و نزول مستواه !!
لا والحظ الرهيب ان تحط القرعه ضد ليفربول في ابطال اوربا
وزيادهـ على كذا
تقريبا ريال مدريد هذا الموسم ما لعب ولا مباره بـ دون غيابات !!
قولي الحظ وينه !!
السالفه ومافييها ان تكتيكـ خواندي
يعتبر حظ عندكم !!
على فكره مو شرط انكـ يكون لعبك ممتع تاخذ البطوله !!
ايطاليا تكتيكها مليون !! وبطلت العالم
هولندا اللي يا لبى قلب لعبهم
كيف شفناه في اليورو شوف كيف طلعو
ترا ما تفرق اذا فزت 10 ولا 1 اهم شي 3 نقاط والتركيز
ذهب المهم وبقي { الاهم } ! والان المهمه بدأت أصعب على كل من الريال و برشلونه ! الملكي يواجه غيابات كثيره ! وامامه فرصه سانحه لتقليص الفارق لـ نقطه واحده فقط ! وبرشلونه في مهمه صعبه جداً امام ابناء هيدينك بنظري ان وقت الكلاسيكو من افضل الاوقات بالنسبه لنا ! وخصوصاً بعد التعادل الاخير في المستايا لبرشلونه ! ومهمتهم القادمه الصعبه امام تشلسي ! كلنا بلوز
**
اجمل خبر ينتظره اي مدريدي الان ! هو عودة روبين في الكلاسيكو ! وش اخر اخبار اصابة روبين يا شباب ؟
**
محمد { مملكة الريال } ! احب فيك عشقك للريال يا صديقي
و المحاول بـ فوز .. يكون اكبر من فوز البرسا علينا
لأن لا سمح الله وتعادلنا بـ النقاط يكون مواجهه الفريقين
تحسم مثل ما صار الموسم القبل الماضي
وخصوصا ان النقاط الفارق فيها شوي
بعدها يكون التركيز على فالنسيا و فيا ريال
وعلى فكره فالنسيا وفيا ريال هزمناهم الموسم
الماضي كل واحد منهم على خماسيه
بس يختلف الوقت و ظروف المباريات من مباره
الى مباره .. ايام شوستر كان الفريق كامل ومرتاح
على الاخر لكن الحين ضغط يجيكـ من كل جهه
بس بما ان الأبطال قدرو ينهون مهمه بيزخوان كذا
فـ اتوقع ان مهم المستايا والمدريقال اسهل
خصوصا المدريقال لأن مستواه كل يوم ينزل
من بعد خروجهم من الابطال .. لكن المستايا
يخوف بعد تألق فالنسيا هـ الأيام
اتمنى تواجد روبين .. ولا اتمنى تواجد في نفس الوقت في الكلاسيكو
روبين صحيح ينهي لك مباريات لكن بـ مجهود فردي !! واناني
الفريق بدون روبين تشوفه جماعي اكثر .. تمريرات افضل
لكن اذا كان روبين موجود .. ياخذ الكوره ويركض يركض
اخرتها يشوتها يا برا او يشوتها في وجهه الحارس ما يعرف
يشوتها يمين ولا يسار !! ويحب يضيق على نفسه الزاويه
ياخي مرر ما راح تخسر شي ولا راح تموت !!
واذا ماعندهـ مشاكل زيادهـ راموس .. ياليت بـ نفس التشكيله
في مباره اشبيليه .. مع تصحيح بعض الأخطاء .. وخصوصا
الدفاعيهـ .. توريس !! تحتار معاه لكن مين تلعب بداله !!
اللي بداله اسوء منه .. يعني خلكـ على مجنونكـ لا يجيكـ اجن منه
بس في شي لاس يكون متواجد في الجهه اليسرى بدال يمنى وقاقو في اليمنى
ولاس راح يعدم وجود ميسي من الملعب .. تتذكرون المباره الوديه بين
فرنسا و الأرجنتين .. كيف تحمس لاس هههه و حشر ميسي صح وخلاهـ دايخ
ياليت يلعب على هذي النقطه خواندي ولا يتهور ويفتح اللعب .. لأن واضح
عليه اذا لعبنا في السنتياغو تشوفهـ يفتح الوسط ما ادري ليه !!
اللعب على المضمون .. الله يستر المباره صعبه مهما كانت ظروف البرسا
قبل المباره .. فـ راح تظل ظروفنا تصعب وتصعب !!