|
قبل كم اسبوع سوو السبورت اظن مقابله مع سيلفينيو الشايب :smilie47: سالوه عن توقعاته لحظوظ فريقه ومدى تركيز الفريق على البطولات .. جاوب اجابه خرافيه دبلوماسيه :d قال الحين لو انت خططت تجيب ولدين عندك مشكله انه بعدين يجيك ولد زياده :d .. هو قصده انه فيه بطولتين قاعد يركز عليهم الفريق .. لكن مازالو مؤمنين بالحظوظ الا ممكن تجي من البطوله الثالثه .. الأولويه لليقا .. لكن اتوقع لو لوووو حصل شئ وصار الفارق 9 نقاط مثلا .. هذا اذا ماخسرنا من خيتافي او شئ من هالقبيل :d:to: .. ممكن ندخل الكلاسيكو بجزء من الاحتياط .. |
^ ^^ الكل أعتقد أن خيتافي سيكون صيد سهل في الكامب نو في الذهاب :to: .. لكن حصل العكس تماماً .. الفريق فاز على [ اشبيلة & فالنسيا & ريال مدريد & فياريال ] :to::smilie47: .. المباراة صعبة جداً جداً جداً .. خصوصا أن خيتافي منتشي على الفوز على أشبيلة [ سانشيز بيزخوان ] :to: .. أهم شئ تسجيل هدف مبكر للبارسا في المباراة .. وأفضل اراحه ميسي :to: .. الولد مسكين والله :cry: .. بيب كرف ميسي كرف غير طبيعي .. أهم شئ رئيس خيتافي مايروح لـ المشعوذين اللي في أفريقيا ولا ياحسين ههههههههههه :d .! |
تشافي طلع كتاب يتكلم على سيرته الذاتية .. يتكلم فيها عن بطولاته ومبارياته مع البارسا وأسبانيا ... ألخ الكتاب باللغة الأسبانية :d .! |
][ .. لابورتـا : لا أتصور الفريق بدون تشافي :smilie47: .. ][ http://www.sport.es/vivo/recursos/fo...356406_CAS.jpg :smilie47: ................ :smilie47: خوان لابورتـا رئيس نادي برشـلونة قال بأنه لايتصور الفريق بدون تشافي هيرناديز .! أشاد رئيس نادي برشلونة [ خوان لابورتا ] بـ المايسترو تشافي ووصفه بأنه من الأفضل الاعبين الذين لعبوا في البارسا .. فهو [ ملك الوسط ] :smilie47: .. ومستوى الفريق يعود إلى تشافي وزملائه .. مؤكداً بأنه من ركائز الفريق المهمة . sport |
. جلست مع نفسي شوي ومسكت ورقه وقلم ، وبديت أكتب مبارياتنا الشهر الجاي اللي بنلعب بكل أسابيعه الأربعة مباراتين وبالمحصلة ثمان مباريات .!! الأسبوع الأول : خيتافي و اشبيلية ، وبالأسبوع الثاني : فالنسيا و تشيلسي ، وبالثالث : الريال وتشيلسي ، وأخر أسبوع من الشهر : فياريال وبيلباو بنهائي الكأس .!! كل مباراة تقول الزود عندي لامن ناحية صعوبة المباراة وحساسيته ولا من ناحية أهمية النتيجة وتأثيره المباشر على حظوظ الفريق بالبطولات الثلاث ، شهر صعب جداً ومرهق وحاسم مجرد التفكير فيه يتعبك واسألون :d .! أنا أشوف أن الفوز على خيتافي واشبيلية بيقرب لنا الليقا بشكل كبير جداً وبيخفف على الفريق شوي بس من هم الليغا لأن الأسبوع اللي بعده بيدخل علينا الأبطال ، الأهم بالموضوع أننا ناصل للكلاسيكو وفوز الريال علينا لاسمح الله مايعطيهم الصدارة بهالشكل بنرتاح ويمدينا نركز على تشيلسي يعني أن التعثر بالمباريات الثلاث اللي قبل الكلاسيكو ممنوع لأنه بيسبب لنا ظغط بين الليقا والأبطال .! السيناريو الأجمل لو تمكنا من جمع 9 من 9 في مباريات ( خيتافي ، اشبيلية ، فالنسيا ) رغم أنه شي صعب وأنا يكفين ومقتنع بـ 7 واللي أقصده بهالحسبة أني مثل ماقلت فوق أن خسارة الكلاسيكو لو حدثت ماتسبب لنا خسارة صدارة الليغا يعني ممكن نركز أكثر على تشيلسي وبعد الكلاسيكو الريال عنده فالنسيا وفياريال خارج أرضه وبرشلونة عنده مباريات أسهل وان شاء الله يكون فيها حسم اللقب .! مثل ماقلت مجرد التفكير يتعب ولو تجلس تحسب وتحط سيناريو للي بيصير بتزيد تعب وهم :to::d ، فالأفظل أنك تجلس تنتظر وش بيطلعلنا هالشهر والله يكتب اللي فيه الخير للبرشا :smilie47: ، شهر بيخلينا نعيش أفظل موسم على الاطلاق ومستحيل يتكرر علينا ولو بالحلم أو أنه بيصير كابوس لو ماحصلنا شي لاسمح الله .! حتى لو تجلس تحط أولويات طبعاً الكأس مباراة وخلاص لكن بين الليغا والأبطال أشوف أن الأهم أننا مانفقد الليقا للريال بعد كل هالتعب والأداء لكن حتى الأبطال وصلنا فيها لشيئ عظيم ومتقدم اللي هو نصف النهائي وكله 3 مباريات ونظفر باللقب ولافكرت بكل الألقاب تقول النادي طول 109 سنوات ماحققها وبعدين تتعب مره ثانية :d .! آخرته قلت ياولد وراك اختبارات الأسبوع الجاي قمت سفطت الورقة وجدعته وقلت بيننا هالشهر والله يكتب اللي فيه الخير :d:smilie47: ،، - - - - - الحين أقرب مباراة لنا خيتافي بألفونسو بيريز :no: من بعد ماطلعونا من الكاس وحنا مافزنا عليهم لا بالكامب ولا بملعبهم ، فريق وخاصة على ملعبه صعب جداً وبثر الله يستر :no: .! أسبوع عصيب كروياً ودراسيا ً الله يعين ويوفق الجميع :smilie47::rose: ،، برب ،،،، |
^ ^^ بالتوفيق للجميع :d:smilie47: .. كلنا ورانا أختبارات :cry: .! الشهر القادم أصعب شهر مر على تاريخ برشلونة :to::d .. مباريات صعبة جداً ومصيرية في نفس الوقت .. الألولية طبعـاً [ الليغـا والكأس ] .. الأهم الفوز في الثلاث مباريات القادمة [ خيتافي & اشبيلة & فالنسيا ] . وأنتـظار هدية من اشبيلة :d:smilie47: .. بتعطيعنا راحة كبيرة .. بالنسبة لـي متفائل بأذن الله أن فزنا على [ خيتافي & اشبيلة & فالنسيا ] قادرين الفوز على الريال في البرنابيو خصوصاً ان الاخير عليه الفوز اذا كان يريد الفوز بالليغـا .! امـا التشامب .. مباراة صعبة لـ الغاية فريق قوي .. تقريبـا فقد الأمل لـ المنافسة على الدوري .. يريد تحقيق أول بطولة له في دوري الأبطال .. حظوظنـا كبيرة في التأهل بأذن الله :smilie47: .! مرحلة صعبة للغـاية .. أتمنى ان لا يصاب لاعب مهم في الفريق خصوصاً في هذي المرحلة الصعبة والحساسة جداً .! بالتوفيـق :smilie47::smilie47::smilie47: |
وش ذا الجدول الجهنمي :to::to::to: أنا أشوف إن التركيز على مباراتي خيتافي وإشبيلية مهم جداً لأني متوقع سقوط الأعداء أمام كانوتيه:smilie47: يعني مباراة فالنسيا إن شاء الله تكون خياراتنا أكبر ولازم الإتحاد الأسباني يشوف له حل بوضع المباراة السبت وتقديم مباراتنا يوم الثلاثاء مع إشبيلية وش عندهم حاطين الريال يوم الثلاثاء الله أكبر ياللي بيقابل مانشستر في دور الأربعة :naughty: الريال فاضين في أسبانيا يعني يحطونهم أي يوم ماعندهم مشكلة أما تجدول مباراة برشلونة يوم الأربعاء مع إشبيلية والأحد مع فالنسيا والثلاثاء مع تشلسي هذي حركات الإتحاد السعودي الظاهر فيصل عبدالهادي مستشار عندهم :d:d الجدول بصراحة مايعطيك مجال للتفكير ووضع حلول كثيرة ولكن أتوقع النتائج القادمة هي المفتاح الحقيقي للمكشوف :naughty: للتحكم في وضع الأولويات من ناحية التشكيل لكل مباراة .. |
بالتوفيق للبرشا في كل المباريات وعقبال الفوز باللطولات الثلاث وعقبال ربيري يجي :d:d |
|
إقتباس:
وآآو عز الله ضعنـآ ..,/ :to: وش الافرقه هذي .,.: :no: ... لكن ماعليه ماعليه شباااب البرشا قدهـآ وقدود .., :clapping: :smilie47: يالله جميييع ياشبـآآب ..,:: فورسـآ بـآرســآ ..,:: :d :smilie47: |
هاي قايز :razz: بصراحة كل هالتفكيرات الي نسويها ووجع الراس والحسابات .. سببها المعتوه فالديز لاغير .. سبحان الله أخطاؤه تبتل تغثك ماتروح .. يعني بعيدا عن وضع الريال الحالي والفوز الصعب على فرق متوسطة المستوى وضعيفة المستوى .. لكن ممكن يفوزون بعد على فرق كبيره وممكن يتصدرون الله لايقوله .. وكل هذا برضو ببركات فالديز لو بتل يحوق بالمرمى .. اكون صريح معكم ياشباب .. وضع فريقي الحالي يخليني اتطمن .. في أي تشكيلة نفوز الحمد لله سواء بتواجد الهجوم كامل او بعدمه .. وهذا الي شفناه بأواخر المباريات .. بالإضافة إلى إني أشوف ان الملاحق ما لعب مع فريق عليه القيمه نكون صريحين .. بيب حاول يبربس في فتره من الفترات وصار يلعب بتشكيلات غريبه نوعا ما .. وما نلومه قدامه جدول طويل ولازم يعرف قدرات اللاعبين كيف بتكون اذا لعب بهالتشكيلة مثلا لأن قدامه ضغط .. علشان كذا ما اتصور انه في الفتره القادمه راح يلعب بتشكيلات غريبه او شي .. كل الي راح يسويه انه راح يركز حبتين على نظام المداوره .. وهذا الي اتمناه أصلا .. لكن المداوره ماتكون لمركز واحد زي الهجوم لوحده .. الوسط عندنا مميز الحمد لله وعندنا دكه ناريه ممكن يستفيد منها .. خصوصا انه قدام تشيلسي مفروض انه يلعب بكيتا وتوريه علشان يضمن نص الملعب بحكم ان خط وسط تشلسي قوي لذلك عندهم مفاتيح لعب في الوسط وممكن يوقفها عن طريق سعيد ويحيى .. بكل صراحة الأبطال ماخفت منها .. لأني كنت خايف من الليفر لا نقابله لكن زين جت على تشلسي لأني أشوفهم أضعف الأقوياء بصراحة .. صحيح هيدينك مهب سهل لكن اللاعبين انفسهم ممكن تسيطر عليهم .. مادري هذا تصوري للأبطال صراحة وأشوف ان البلوز أسهل من الليفر .. أما بالنسبه للدوري فـ خيتافي عيال كلب صراحة .. يلعبون قدامك كنهم يلعبون بنهائي كاس العالم وأول مره يلعبون بهالبطوله ! لكن بإذن الله نطلع بنتيجة حلوه قدامهم وبعدها عاد عندنا اشبيليه مادري عندي إحساس انها بتكون مباراة حلوه لنا خصوصا ان خيتافي متخصص في الريال .. خلاصة الكلام .. إذا طلعنا من الشهر هذا بنقاط ناقصه .. تأكدوا نقاط الريال راح تكون ضعف نقاطنا الناقصه والله أعلم .. عموما .. أحبكم s77s |
احتفلوا بعض " لاعبي تشيلسي" الإنجليزي بعد التأهل إلى نصف نهائي دوري الابطال على على حساب " ليفربول " . " لاعبي تشيلسي " احتفلوا في نادي في إحدى شوارع العاصمة " لندن" و تأخروا حتى الخامسة صباحاً , و كان أكثر الاعبين تأثرا بـ الكحول هو [ فرانك لمبارد ] و بشكل أقل " ديدي دروغبا " و " بيترك شيك " . بعد انتهاء مباراة ليفربول كانوا الاعبين يرافقون [ أب لمبارد ] و معهم شخص مجهول جنسيته " إيطالي " في مطعم " الـ الكارباشيو " حيث سهروا في ذلك المكان حتى الساعة الخامسة صباحاً . و المصورين كانوا حاضرين و كان يمكنهم إلتقاط صور الفضيحة أكثر فـ أكثر و بالتحديد في شارع " South Kensington ". الأسوء من هذا ووفقاً لـ صحيفة [ THE SUN ] أن ليس هي المرة الأولى في مسيرته الرياضية التي يشرب فيها " لامبارد " الكثير من الكحول في أحد النوادي , فـ في عام 2000 قد قال لـ بعض الناس كلمات بديئة لـ بعض السياح في فندق قبرص بسبب تأثره الكحول , وفي الموسم المنصرم فقد استثمر 12.000 يورو في كازينو أو لعب القمار في مدينة " لاس فيغاس" و برفقته شاب إسباني و معه زوجته أيضاً . السبورت |
^ ^ ^ والله يالييت يكثرون منهـآ قبل المبـآرآهـ ,, :d علشاان يلعبوون زين ,,.:: >>> اسـآل رونالدينو .., :cry: على العمـووم فراانك لاعب ماهو اول مرهـ يسويها مثل ماذكرت لانه اخلاقه تسـآعدهـ .,،::.,// :laugh: >> شووف وجهه بس وهو تحت الكحول واغسل يدك .., :to: شكله يخـوف .,/ :d |
http://img1.picturewizard.com/1328E2F/0/R7.JPG صرح فرانك ريبري صبـآح اليوم انه ليس عندهـ ادنى شك بـ آن يبقى مع البـآيرن وقـآل ريبري [ لدي الكثير لـ اقدمه للبايرن .. واريد ان استمر معهم .] .! وعندما سـآل حول انقـآله للبرشـآ في الموسم المقبل .:: / قـآل فرآنك [ بالطبع لا اعتقد ان هنـآك لاعب في العالم لايرغب في اللعب للبرشــآ .,] :smilie47: footylatest |
][ مباريات مكثفة بشكل جنوني جداً قبل تشيلسي ][ http:///photo/2009/4/16/06/zxhiuqiqx.jpg/jpg بعدما سارت الأمور بـ نجاح ضد " بلد الوليد " و " ريكرياتيفو" و " بايرن ميونيخ " [ ذهابا و إيابا ] هذه مباريات كانت في ظرف 10 أيام فقط . و القادم سيكون أكثر رعباً و خوفاً حيث سيلعب الفريق في الشهر و نصف القادم 10 أو 12 لقاء , و يجب أن يكن الاعبين مستعدين من الناحية البدنية و التقنية و المعنوية حيث ستبدأ المباريات من 18 أبريل حتى 17 ماي المقبل و سيلعب الفريق 9 مباريات حساسة جدا , و أكيد مباريات مكثفة و بشكل جنوني . يوم السبت المقبل سيسافر " برشلونة " إلى مدريد لـ مواجة " خيتافي" و ستكون مباراة مهمة جداً لـ المضي قدما إلى اللقب , و سيواجه " إيشبيلة " على ملعب " الكامب نو" يوم الأربعاء القادم , و من ثم سيلعب ضد " فالنسيا " على ملعب " الميستايا " , و بعد ذلك سيستضيف "برشلونة " فريق " تشيلسي" في إطار ذهاب نصف نهائي دوري الأبطال , و بعد ذلك سيلعب " الكلاسيكو" ضمن الجولة 34 من عمر الدوري الإسباني على ملعب " السانتياغو بيرنابيو" , و بعد ذلك سيسافر الفريق إلى لندن لـ مواجة " تشيلسي" على ملعب " ستامفورد بريدج " و بعدها سيستضيف "برشلونة " فريق " فياريال " على ملعب " الكامب نو" , و من ثم سيخوض " برشلونة " نهائي كأس إسبانيا ضد " أتلتيك بيلباو" يوم 13 ماي . هذه المباريات ستكون حياة أو موت لـ جماهير برشلونة ستضع يدها على قلبها , لكن في حال تخطي " برشلونة " هذه المباريات بـ نجاح سيخوض برشلونة ثلاث جولات تعتبر سهلة ضد كل من " مايوركا " و " أوساسونا " و المباراة الختامية ضد " ديبورتيفو لاكورونا " على ملعب " الريازور" . أما عن الجانب الآخر فـ نادي " تشيلسي" سيكون مع موعد مع مباريات ليست بالسهلة حيث سيلعب مع كل من " إيفيرتون " و " ويستهام" و " فولهام " قبل مباراة الذهاب ضد " برشلونة " , و سيلعب ضد " الأرسنال " في مباراة ضمن كاس الاتحاد الإنجليزي وواحدة ضمن الدوري الإنجليزي . الموندو |
| الوقت المعتمد في المنتدى بتوقيت جرينتش +3.
الوقت الان » 01:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd