][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا || - صفحة رقم 554 - نادي الهلال السعودي - شبكة الزعيم

Ronldinho - 10 · #8296 15/02/2009, 01:50 AM

وليد

يا سلام عليك تعجبني صراحتك ، وابتعادك عن المجاملات

يوم اشوف كل الفرق عندها حراس أتحسف وأقول انت يا برسا تمتلك فالديس

يعني عشان كتلوني بس

ريكاردو اليوم خرافي نجم المتش ، وينكم يا برسا كل الفرق الكبيرة تملك حراس على مستوى عاااااالي .. تشيك ، بوفون ............

وأنا أقول إن بيب اليوم فاصل مخه مع إحترامي للمكشوف وحبي له

يعني معقولة ضربة ركنية ولا أحد عند الباب من اللاعبين يغطون الزاوية ، مخلين فالديس لحاله

معقولة ما يدربهم بيب على تغطيه المرمى ، هذي حتى العجلاني كان يدرب القادسية عليها

!!

بعدين للمرة المليون أيتو لا يشوت بلنتيااااااااااات

صدقوني يمكن لو ما جاب الهدف ، كان البرسا خرج من المباراة تماما@

حازم

.. كفت ووفيت

صراحة نقدر نقول بيب اليوم كان له نصيب الأسد في التعادل الهازل .. يعني يدخل عليك في الشوط الأول هدفين !!

غلط كبيرة أنك تعلب مدافعين لـ ثاني مرة يلعبوا سوا

وخارج ملعبك ! خصوصاً كاسيراس اللي ما عمره اشركه ، ما غير احتياط أو out من التشكيلة الرسمية

مفروض على الأقل ماركيز يكون موجود ، بجوار أحدهم يا بيكي يا كاسيراس

تشافي خصوصاً كان مفروض out عشان يريحه واضح عليه التعب والأرهاق ما شاء الله عليه من بداية الموسم وهو يلعب أساسي ، وثاني شيء خط الوسط عندنا مزدحم بالنجوم ، ممكن كن يلعب بـ هيلب مكانه تشافي

يعني خيارات الوسط كثيرة .. ما نبيك تتفلسف وتلعب هيلب جناح ! مكان هنري ، طامه كبرى ، الوسط انكشف وأداء بيتيس رجولي وكانوا أبطال حتى لو فازوا يستاهلون

يعني تبي تتفلسف عندك من يقوم بمهام الهجوم أكثر فعالية من هيلب ، ممكن انيستا يسد هالمكان لهنري أو بوجان المهم مكان بمكان وليس وسط تلعبه جناح .. أعطي الخبر لـ خبازه

وهذا والله من أثار دكة الإحتياط لـ هيلب و كاسيراس .. وصدقوني إذا أنصاب أحد من الأساسيين راح نأكلها ، لأنهم طول الوقت إحتياط ، وما تعودوا على المباريات

داني الفيس .. والله معذور هالآدمي ، يمكن هو اللي بعد فالديس كل المباريات يلعبها بالدوري والكأس والشامبيونز ، مفروض يريحه ، حتى خذا كرت ، راحوا يستأنفونه !

ما ألومك تعوضنا بظهير خرافي نحسد عليه ، ما شاء الله تبارك الله عليه هالآدمي

والله علامات إستفهام كبيرة حول بيب ، يعني بترجعنا لـ عاده ريكارد كل يوم تشكيلة

ولا فيه ثبات

^
^
^

هذا الكلام اللي فوق كله وجهه نظر

محب الذئب9 · #8297 15/02/2009, 02:29 AM

سلآم عليكم ..

ييييييييييييييييي متعآدلين آجل هآآ ..

كخة عليكم وعلى بيب وآللآعبين ..

آصلآ بيب مآ يعرف يدرب .. وآللآعبين مآ في رآس آمهم كورة .. <- بـ لله كيف يآ وليد ..

صرآحة مبآرآة آليوم آنآ آشوف آن آلفريق مآ قصـر آبد .. وآنآ صرآحة مآ آلوم بيب آبد ..

!!
شفنآ كيف آن ريكآردو آستقعد لنآ وكآن يومة ..

وغير آن في فرص كثير ضآئعة
آيتو ضيع
هنري ضيع
كزكز ضيع
مآهو معقول بيب ينزل يجيب هـ آلفرص آلضآئعة ..

وآلفيس بعد مآكآ في يومة .. وآلدفآع غآيب عنه آلآسد وآلقيصر
يعني هذى كلهآ عوآمل سآعدت على التعآدل
تعآدل عآدل

هلالي الكتلان · #8298 15/02/2009, 03:59 AM

.

الحمد لله نتيجة جيدة جداً ، تعادل عآدل فكلا الفريقين قدموا مباراة حلوة ، والعين على الأسبوع الجاي الصعب الديربي ضد اسبانيول ومباراة ليون في الأبطال .

مافيه أحد ينلام المدرب واللاعبين سووا اللي عليهم لكن بيتيس اليوم لعب لعب رجولي وتضييع عدة فرص من لاعبينا وتألق ريكاردو أهم الأسباب للتعادل .

بيب فضل اراحة ميسي وهنري وتوريه وهو أدرى بمصلحة الفريق ويعلم أنه مقبل على فترة أصعب من السابقة ، الفريق الشوط الأول ماكان داخل في جو المباراة واللاعبين ماكانوا بالفورمة أبد ماعدا انييستا ، هدفين من كرتين عرضيتين والهدفين كانوا من أخطاء سخيفة من الدفاع اللي أثر فيه غياب بويول وماركيز لأن كاسيرس وبيكي مابينهم انسجام وخبرتهم قليلة أفضل مافي الشوط الأول الهدف اللي كان توقيته رائع جداً وهو اللي أعاد الأمل لبرشلونة لانك تدخل غرفة الملابس بفارق هدف أفضل من هدفين .

في الثاني الفريق قدم مباراة حلوة وأفضل من الشوط الأول وكنت واثق أن الفريق لو مافاز كان بيجيب التعادل أسوأ مافي الشوط اضاعة الفرص اللي كان بعضها سهل والأفظل تصدي فالدس لكرة أوليفيرا الانفرادية اللي لو كانت هدف انتهت المباراة .

الشي الوحيد اللي مستغربه بيب يريح يايا توريه للأسبوع الثاني على التوالي واللاعب ماشارك ولادقيقة من أسبوعين ! ، ايتو لاعمرك تقرب البلنتي واللي يرحم والديك

، ألفيس قدم اليوم مباراة سيئة للغاية بس لاعب مكروووف بجد هالموسم يشارك بكل اللقاءات بالليغا والكأس والأبطال

، غياب بويول وماركيز الاجباري أثر على عمق الدفاع ، الأفظل : انييستا

، والأسوء الدفاع في الشوط الأول .

في استديو الجزيرة يقولون أن البارسا أثبت أنه لايقدم مباراة جيدة لوغاب ميسي < ماأقول الا الله يستر عليكم بس

، ودي أدري ميسي وش سوا يوم نزل ؟ وهل كان له دور بالهدفين ؟ ، صراحة لاتعليق !!

ماننسى أن الفريق من بداية السنة وهو يلعب سبت وأربعاء واللاعبين بشر مو آلات

، لأن تأثير الارهاق كان واضح جداً على اللاعبين اليوم .

يالبى قلبك يالرسام

قاطرة التهديف االتي لاتتوقف ، 23 من 23

،،

قفلة ،،

" we miss you "

طووووولت الغيبة يامارشال

،،،

،،

PUYOL Carles · #8299 15/02/2009, 06:23 AM

سلام ..خير الكلام ماقل ودل .. لو ماجا التعثر اليوم جا بكره .. نقطه مفيده جدا قياسا على طريقته ومبروك على التعادل ..

وليد لو مااعرفك قلت عنك يوزر انتحاري

كثرانه هالفتره ردودك الملتهبه كطبق الدجاج المطبوخ على الطريقه الهنديه

احيي فيك واقعيتك حبوب

روح والقلب داعيلك يابيب

S!R BARCA · #8300 15/02/2009, 07:07 AM

ما كان نااقص امس الا جودي علشان تكمل ..

مباراة سيئه من الفريق وبالذات من بيب ..

سياسة الترييح زادة عن اللازم ..

وخصوصا" ان اغلب المبارايات في يوم الفيفا كانت في اوربا عدا ماركيز على ما اعتقد ..

الدفااااع امس شوارع .. اي هجمه لـ بيتيس كانت خطره ..

بالذات بيكيه اللي اشوفه يعاني اذا لعب ضد مهاجم سريع ..

الفيس كان واضح عليه التعب امس وبشكل كبير ..

وجااا هليب وطينها قدامه .. هليب سيء جدا" اتعب الفيس ع الفاضي ..

لا هو اللي يهاجم ولا هو اللي يدافع صح ..

فوق كل هذا بيب ما انتبه ان الوسط وضح عليه التعب في الشوط الثاني ..

كان الاولى بدل ما يدخل بويان يدخل توريه ويمسك الكوره اكثر ..

لكن قدر الله وما شاء فعل ..

============

حسين

بالنسبه لـ سانشيز راح نصبر عليه ونشوف ..

وراح اذكرك اللاعب نهايته برا الفريق ..

==============

بالنسبه للي ما يطلعون اذا اللاعب كان جيد .. وقاعدين للاعب ع الطالعه والنازله ..

ما ادري وين المشكله في الموضوع ..

مو لازم احب كل لاعبين الفريق اللي اشجعه ..

ولا اعتقد انه في احد هنا موكله اللاعب يدافع عنه ..

يعني يا تمدح ولا تراك ما تفهم كوره .. منطق غريب ..

وبعدين طبيعي لمّا الفريق يكون جيد نسكت ونخلي الامور تمشي ..

بس اذا تعثر وصار فيه مشاكل لازم تتكلم وتبين وجهة نظرك ..

H U N T E L A A R · #8301 15/02/2009, 07:45 AM

الـظـاهـر حـسـيـن لازم كـل سـنـة يـطـلـعـنـا واحـد جـديـد يـسـوي فـيـهـا انـا الـفـاهـم وابـو الـنـقـاشـات !

يـا خـوي يـا BARCA-2007 انـت تـقـول بـردك

إقتباس


	بالنسبه للي ما يطلعون اذا اللاعب كان جيد .. وقاعدين للاعب ع الطالعه والنازله .. ما ادري وين المشكله في الموضوع ..

شـلـون مـهـيـب مـشـكـلـة وانـت تـتـصـيـد اخـطـاء ! بـعـديـن تـحـب الـلاعـب و لا لا شـي راجـعـلـك مـحـد مـلـزوم فـيـك وتـرا فـيـه فـرق بـيـن انـك تـحـب لاعـب وبـيـن اعـجـاب

بـطـريـقـة لـعـبـه ، يـعـنـي بـرد سـابـق لـك تـقـول " خـالـف تـعـرف " والأن تـقـول " مـنـطـق غـريـب " يـالـيـت احـتـرام شـوي لـي هـنـا بـالـمـنـتـدي اكـثـر مـن 3 سـنـوات

مـهـوب انـت الـي تـعـلـمـنـي الـمـنـطـق

، اذا عـنـدك انـتـقـاد لـ الاعـب خـذ راحـتـك بـس بـحـدود ان مـاتـكـون الـرابـطـة مـتـنـفـس لـغـضـبـك مـن الـفـريـق

يـعـنـي جـوارديـولا بـتـصـريـحـه يـقـول " جـوديـنـسـن يـفـعـل مـا أمـر بـه " وش رايـك خـالـفـك تـعـرف او يـمـكـن مـنـطـقـه غـريـب او انـت ادري بـشـغـل بـيـب

دامـك تـصـنـف الـلاعـبـيـن عـلـي هـواك هـذا عـاهـة هـذا مـو عـاهـة

إقتباس


	وبعدين طبيعي لمّا الفريق يكون جيد نسكت ونخلي الامور تمشي .. بس اذا تعثر وصار فيه مشاكل لازم تتكلم وتبين وجهة نظرك ..

تـسـمـيـه تـعـثـر مـن جـدك انـت !! تـذكـر الـمـوسـم الـي قـبـل مـايـجـي فـيـه ريـكـارد كـان الـفـريـق يـلـعـب بـالـجـدول تـحـت وكـنـا كـ مـشـجـعـيـن

نـسـمـيـه مـوسـم مـتـعـثـر و الـمـوسـم هـذا مـتـصـدريـن و نـنـافـس عـلـي 3 بـطـولات تـقـولـي تـعـثـر !

إقتباس


	ما كان نااقص امس الا جودي علشان تكمل ..

تـرا تـعـادلـنـا عـلـي مـلـعـبـهـم بـس و ابـشـرك لازلـنـا مـتـصـدريـن حـسـيـت مـن كـلامـك ان نـنـافـس عـلـي مـقـعـد بـ كـاس الاتـحـاد الاوربـي !

S U L A I M A N · #8302 15/02/2009, 07:57 AM

السلام عليكم

هارد لك التعادل ياشباب .. أنا ماشفت المباراة لظروف سريرية

.. لكن من خلال مكالمة بعد نهاية المباراة وتحاليل الشباب هنا .. عرفت ان فيه بعض الأمور الي نبهنا عنها في سابق الأيام وحدثت للأسف ..

اولا بيب ..

النقد دائما هادف يابيب .. لاتتصور اننا راح نمجدك حتى وانت متعادل او مهزوم لاسمح الله .. يعني حنا نشوف اخطاء نتوقع انها أخطاء لكن ماندري وش تفكيرك فيها ممكن لاعب مصاب ممكن شي .. لكن التشكيلة الأساسية في مباراة الأمس أخالفك فيها بيب 100% .. لما أصيب بويول لعبت بـ ماركيز وبيكيه أساسيين .. وأدوا مستوى كويس .. لكنهم للأسف انطردوا في هذيك المباراة وخسرناهم قدام خيخون .. طيب يابيب .. انت هنا كنت ناقص لاعب واحد بس في القلب الي هو بويول .. لعبت بماركيز وبيكيه .. طيب مباراة اليوم ماركيز موجود لا ومنطرد من لقاء منتخبه قدام أمريكا يعني اللياقه موجوده نقدر نقول .. طيب ليش تلعب بتوليفه دفاعيه اول مره تلعب مع بعض تقريبا .. ليش تغامر يابيب قدام مهاجمين معروف عنهم اقتناص الفرص .. أولفييرا نعرفه من يوم الدنيا دنيا وهو ملعون والدين .. تلعب قدامه الصتيمه بيكيه ولا التمثال كاسيريس ! الاثنين ذولا تلعبهم مع بعض قدام يونيون وفيجتابولز ياشيخ لو تبي .. مهب قدام فريق يصنف من المستوى الثاني في الليقا إلى جانب الأتلتكو واسبانيول وكذا فريق ! ..

ميسي وهنري أنا معك يابيب تبغى تريحهم وماكنت متوقع ان الي صار راح يصير .. لكن ليش تحط نفسك بموقف محرج وتعرض نفسك للقيل والقال وان الفريق بدون ميسي مايمشي وكذا .. وتنتظر لين تسوء الأمور وتدخله .. صحيح الي جاب الهدفين ايتو لكن لو كان ميسي موجود ما أتوقع بتنتهي بهالنتيجة .. برضو هنري كان مفروض انك تعزز المنطقة الأماميه مع إيتو ..

هليب كان فاقد لحساسية المباريات كيف تلعبه أساسي اليوم يابيب ؟ .. مركز هليب حساس جدا خصوصا ان ألفيس ماكان في يومه أبد على حسب علمي .. الحمل بهالحاله صار أكبر على هليب .. لكنه بالأخير ما أتوقع انه أدى بالشكل المطلوب لأن لو كان كلامي خطأ كان صارت هجمات برشلونة عن طريق هليب من الطرف مهب بس إينيستا الي يشتغل ..

بالنسبة لفالديس فـ الي عرفته انه لعب مباراة ممتازه أمس .. طيب وش حارق رزكم !؟ .. لا والي عرفته زود لولا الله ثم فالديز كان انتهى الشوط الأول 5 - 6 ! .. طيب وراكم شابين عليه

ختاما .. هارد لك النقطتين وبإذن الله تكون آخر نقطتين نخسرها .. بإنتظار خيخون

قفله

مادري ليش المنطق على فالديس ماينطبق على جودي

مع التحفظ على المقارنه بينهم لإيماني بقدرات فالديس وعدمها عند جودي .. لكن الي أشوفه ان فوائد فالديس أضعاف جودي .. يبقى الي سواه جودي مع الفريق نسبة إلى عدد الدقائق اللي لعبها ممكن غيره يسوي أفضل من الي سواه أضعاف .. مو ممكن الا أكيد

PUYOL Carles · #8303 15/02/2009, 07:59 AM

شباب .. هدوء في نقاشكم .. اوكي هي كتابه صحيح

بس خففو حدة الكلام بانتقاءكم كلمات الطف ..

عبدالله عبدالرحمن · #8304 15/02/2009, 08:05 AM

الاختلاف طبيعي يا شباب ومستحيل تجتمع الناس على شي واحد وبالنسبه لعناصر الفريق فطبيعي ان تلقى شخص يشوف بعضها ما يستحق تمثيل الفريق حتى لو كان اهم لاعب والبعض يشوفه العكس واللي نشوفه صح غيرنا يشوفه خطأ والعكس صحيح

من رأيي نترك حرية التعبير لكل شخص ما دامت تحكمها ضوابط المنتدى اللي اعتقد انها تسمح بكل رد ما عدا ما يخالف الشريعه الاسلاميه والادب الرياضي واخلاقه الساميه لاني اشوف بعض النقاشات لو تطول الى ما لا نهايه ما بنطلع بنتيجه غير خسارة الوقت والجهد في حوارات عقيمه وكل واحد يشوف انه صح وغيره غلط

انا احيانا اشوف ردود فعل واراء اتمنى عندي صلاحيه عشان اطرد العضو صاحب الرد او اهزأه بس الصبر في مثل هذه المواقف مطلوب بشكل كبير لاننا هنا نخدم الموقع باطروحاتنا وردودنا وما هو من حق اي شخص يجي يحاسبني على شي انا قلته اذا ماهو مخالف ولاني اخسر مالي ووقتي فلي حريتي كامله في طرح ارائي حسب ما اراه

الكلام اللي فوق مجرد تناول للقضيه من عدة جهات وللكل هنا محبتي قبل احترامي والجميع هنا اخوان دين قبل الدم وسلامتكم

S!R BARCA · #8305 15/02/2009, 08:26 AM

إقتباس


	الـظـاهـر حـسـيـن لازم كـل سـنـة يـطـلـعـنـا واحـد جـديـد يـسـوي فـيـهـا انـا الـفـاهـم وابـو الـنـقـاشـات !

من اولها واضح الاحترام .. حلوهـ ذي واحد فاهم .. ؟؟

إقتباس


	شـلـون مـهـيـب مـشـكـلـة وانـت تـتـصـيـد اخـطـاء ! بـعـديـن تـحـب الـلاعـب و لا لا شـي راجـعـلـك مـحـد مـلـزوم فـيـك وتـرا فـيـه فـرق بـيـن انـك تـحـب لاعـب وبـيـن اعـجـاب بـطـريـقـة لـعـبـه ، يـعـنـي بـرد سـابـق لـك تـقـول " خـالـف تـعـرف " والأن تـقـول " مـنـطـق غـريـب " يـالـيـت احـتـرام شـوي لـي هـنـا بـالـمـنـتـدي اكـثـر مـن 3 سـنـوات مـهـوب انـت الـي تـعـلـمـنـي الـمـنـطـق ، اذا عـنـدك انـتـقـاد لـ الاعـب خـذ راحـتـك بـس بـحـدود ان مـاتـكـون الـرابـطـة مـتـنـفـس لـغـضـبـك مـن الـفـريـق يـعـنـي جـوارديـولا بـتـصـريـحـه يـقـول " جـوديـنـسـن يـفـعـل مـا أمـر بـه " وش رايـك خـالـفـك تـعـرف او يـمـكـن مـنـطـقـه غـريـب او انـت ادري بـشـغـل بـيـب دامـك تـصـنـف الـلاعـبـيـن عـلـي هـواك هـذا عـاهـة هـذا مـو عـاهـة

يعني حتى لو سبيت اللاعب ياخي انت مو مجبر تقرا ردي ..
اسهل شي تسويه انك تتجاوزه للي بعده ..

وبعدين مسألة لك 3 سنوات او اكثر وش تهم ..
بالنسبه لي الاحترام موجود للصغير قبل الكبير ..

وبعدين ياخي مو بس انت اللي تحب جودي او على قولتك معجب بطريقة لعبه ..
هذا حسين برضوا عاجبه اللاعب بس ما جاااا هاجم اللي انتقدوه ..

وبعدين انت اول من اساء لنا بقولتك اننا ننتقد اللاعب لكونه ايسلندي ..
ولو انه برازيلي كان تقبلناه في الفريق .. صحح لي اذا كنت غلطان ..

إقتباس


	تـسـمـيـه تـعـثـر مـن جـدك انـت !! تـذكـر الـمـوسـم الـي قـبـل مـايـجـي فـيـه ريـكـارد كـان الـفـريـق يـلـعـب بـالـجـدول تـحـت وكـنـا كـ مـشـجـعـيـن نـسـمـيـه مـوسـم مـتـعـثـر و الـمـوسـم هـذا مـتـصـدريـن و نـنـافـس عـلـي 3 بـطـولات تـقـولـي تـعـثـر !

طيب اذا مو تعثر وش تحب نسميه .. علمنا طال عمرك ..
الفريق تعادل في مباراة توقعناها صعبه ..
بس بعد ما بدت المباراة وشفنا مستوى بتيس .. طمعنا في الفوز مو بالتعادل ..

إقتباس


	تـرا تـعـادلـنـا عـلـي مـلـعـبـهـم بـس و ابـشـرك لازلـنـا مـتـصـدريـن حـسـيـت مـن كـلامـك ان نـنـافـس عـلـي مـقـعـد بـ كـاس الاتـحـاد الاوربـي !

مو ها الكلام نقوله حتى ما يصير لنا زي اللي صار قبل موسمين ..
كنا متصدرين وراح علينا الدوري في النهايه ..

وبعدين لازم ازعل على ها النقاط ..
مباراياتنا الجايه بتكون اصعب وبتداخل مع دوري الابطال ..

اذا بنفقد نقاط يكون في الجاي .. كون الفريق راح يكون مضغوط ..
وصعبه نطالبه بالفوز في مبارايات الدوري والابطال ..

Hilali 3asal · #8306 15/02/2009, 08:50 AM

في البداية هاردلك على التعادل ويبقى افضل من خسارة النقاط الثلاث كاملة .

الفريق كادت ان تضيع منه المباراة لأسباب واضحة وهي ارتباك الدفاع اولا وعدم القدرة على التعامل مع الكرات العرضية بشكل جيد ، وثانيا الاستعجال وعدم التركيز امام المرمى وثالثا الاندفاع المبالغ فيه للهجوم من لاعبي الوسط والدفاع بعد تأخر الفريق بهدفين .

بالنسبة للتشكيلة اتوقع ان تفكير بيب كان واضح ، هو يعرف ان بيتيس سيبدا المباراة بحماس زائد واراد قتل هذا الحماس في الشوط الاول ومحاولة انهاك الخصم حتى يجهز عليه في الشوط الثاني ولهذا ربما احتفظ بميسي وهنري للشوط الثاني ولكنه لم يتوقع دخول هدفين في مرماه بهذه الاخطاء الدفاعية ، ولكن كان مطلوب من المدرب جوارديولا تنبيه اللاعبين لموضوع عدم الاندفاع الزائد مع بداية الشوط الثاني ... يعني الفارق اصبح هدف واحد مع نهاية الشوط الاول وبيتيس كان واضح انهم بذلوا طاقة كبيرة جدا في الشوط الاول وكان من المؤكد انخفاض لياقتهم بشكل كبير في الشوط الثاني كما ان فريقهم اجرى تغييرين اضطراريين في الشوط الاول ، يعني كل المطلوب اللعب بتوازن والتركيز امام المرمى ولكن هذا لم يحدث ، ومن يشاهد الفرصة اللي ضيعها ايتو وهو على بعد امتار عن المرمى ومنفرد بالحارس يؤكد ان الفريق كان متسرع في اداءه الهجومي بشكل واضح .

نجومية المباراة تركزت في اثنين هما انيستا اللي كان خط هجوم لوحده في الشوط الاول ، وفالديز المتألق في انقاذ اكثر من انفرادة كادت تطير بالنقاط الثلاث بسبب تقدم لاعبي الدفاع للامام .

بالتوفيق للفريق في مباراة الديربي القادمة ، والفارق اتسع الى 13 نقطة وفي انتظار مباراة الليلة .

Hilali 3asal · #8307 15/02/2009, 09:12 AM

الأفضل والأسوء في مباراة برشلونه وبيتيس

الأفضل : قتالية ايتو ، والروح والتضحية للفريق
المهاجم الكاميروني صامويل ايتو سجل هدفين ليصل برصيده إلى 23 هدف في 22 مباراة ويثبت انه نجم يظهر عندما يحتاجه الفريق ، ايضا يجب التركيز على التضحية والروح القتالية للفريق وهي مازرعها جوارديولا لدى لاعبيه في اصعب الاوقات حيث رأينا فريقا لا يستسلم بسهولة في أسوء الظروف

الأسوء : هدفين مكررين من كرات عرضية
أسوء مافي المباراة هو سوء التمركز لدى اللاعبين في المناطق الخلفية وهو ما نتج عنه هدفين بنفس الطريقة من الكرات العكسية ولا شك ان مثل هذه الاهداف سيكون ثمنها غاليا في مباريات الشامبيونز ليغ والكاس ... ايضا هذه المباراة اثبتت ان هناك لاعبين يجب ان يكون تطبيق مبدأ التدوير عليهم بشكل اقل من البقية مثل ميسي وهنري الذين كان دخولهم سببا في تحريك الفريق وتصحيح بعض الاخطاء .

السبورت

Hilali 3asal · #8308 15/02/2009, 09:26 AM

الفريق يواصل الاقتراب من تحطيم رقم قياسي

بتعادله امام بيتيس يكون فريق المدرب جوارديولا قد اكمل 22 مباراة متتالية بدون اي خسارة من خلال 19 انتصار و 3 تعادلات ، ليقترب بذلك من تحطيم الرقم القياسي الذي حققه الفريق في موسم 1973/1974 بقيادة المدرب الهولندي رينوس ميكلز وبحضور نجوم امثال كرويف وريكساخ عندما وصل الى المباراة رقم 26 بدون هزيمة محققا 19 انتصار و 7 تعادلات .

اسبانيول ، اتلتيكو مدريد ، اتلتيكو بلباو ، الميريا هي المباريات الاربع القادمة والتي يطالب فيها الفريق بعدم الخسارة للوصول الى رقم ذلك الفريق في فترة السبعينات .

السبورت