11/07/2009, 08:49 AM
|
 | مشرف سابق بمنتدى الرياضه العربيه والعالميه | | تاريخ التسجيل: 30/08/2003 المكان: الرياض
مشاركات: 7,618
| |
قضية إيتو .. صراحة ياشباب أنا أنقد على الي يدافعون عن إيتو بشكل جنوني وكأنه الشخص النبيل الي يحب الخير لكل الناس ودايم مضطهد ومغلوب على أمره .. وبالجهه الاخرى الإداره الماكره الناكره الشريرة التي دائما تأكل حقوق اللاعبين وتنكر أفعالهم الحسنه لها وتكره الخير لهم أيا كان .. أدري قسوت شوي  لكن صراحة من القهر الي طاقن تسبدي من الوضع الي يصير .. أشوف إيتو غاثنا بالطالعه والنازله وأشوف احد يدافع عنه بنفس الوقت .. غبنه صراحة .. إيتو كـ لاعب ماحد يختلف عليه بتاتا .. أحد أفضل اللاعبين الي مروا بتاريخ النادي ويعتبر أحد أفضل خمس مهاجمين بتاريخ النادي .. ماحد يختلف على إمكانياته التهديفيه .. وماراح اتكلم كثير بخصوص اهدافه لأن هالشي لك وضدك .. لكن كلنا نعرف ان إيتو لاعب مزاجي بشكل كبير وقبيح أيضا .. ليش هو اللاعب الوحيد الي دايم يسوي مشاكل في الفريق ويبغى كل شي له ومايبغى أحد يقول له شي .. يبغى يلعب متى مابغى ويبغى يرتاح متى مابغى واذا ماسجل مايبغى احد يقول له شي واذا ماناول له فلان يتهاوش معه .. مهب الدعوه حواري النسيم يابو الشباب .. تبي تلعب زي الرجاجيل ومثلك مثل غيرك تعال .. ماتبي الباب يفوت باخرة تايتانيك .. أنا هنا ما أتكلم عن إيتو الهداف .. اتكلم عن إيتو الخال ماراح اتكلم عن الماضي .. خلونا بالحاظر .. وتحديدا في هالميركاتو المقيت .. خلونا نشوف الخال وش يبغى والإدارة وش تبغى .. إيتو يبغى زياده في راتبه بحيث يكون اعلى من ميسي .. مع العلم انه سوى قلق برضو على أيام رونالدينهو ويبغى زيادة في الراتب .. والحين تتجدد الحركة لكن هالمره مع ميسي .. إيتو حاليا رافض التجديد من الإداره بحجة ان الراتب قليل بحقه .. ويبغى زياده .. مع العلم ان راتبه بالأصل عالي وماهو قليل .. لكن نار الغيره تاكله أكل .. الإدارة ماوافقت على طلبه وعرضت عليه التجديد سنتين بنفس الراتب .. هنا اللاعب رفض .. ومازال رافض عرض السيتيزين برضو .. مع العلم ان اللاعب والنادي مستفيدين 100% من عرض السيتيزن .. اللاعب راح يكون اعلى راتب بالعالم وأعلى راتب من ميسي ومن رونالدو ومن كاكا ومن ابراموفيتش .. كل اللاعبين .. والإدارة راح يجيها على الأقل 25 مليون يورو من ورى هالصفقة .. لكنه رفض ومازال رافض أي عرض مقدم من أي نادي آخر .. المدرب صرح قبل كذا وقال انه مايبغى روني وديكو وإيتو .. الأول والثاني مادي وش السبب .. لكن الأكيد ان الثالث بسبب مشاكله في غرفة الملابس .. وسبحان الله هذا الي صار على حسب كلام بيب ان إيتو سبق وان عصب في غرفة الملابس ورمى الجزمه (تكرمون) وسوى بلبله .. وكأن بيب داخله يقول قايلكم يالجحلط مابيه! .. خلص الموسم واحس ان بيب قال للابورتا يا انا يا إيتو في الفريق .. هنا ايتو سوى نفسه اللاعب المظلوم المأكول حقه ويقول قدوما لي عرض شوي وانا استاهل اكثر ومادري ايش .. من انت علشان تقول انك تستاهل أكثر .. فيه مليون نفر يقرر هل انت تستاهل أكثر ولا لأ .. إيتو بالنهايه يبدولي انه يخطط تحطيط ماراح يفيده ولا مثقال ذره .. يبغى يبعد هالموسم في الفريق ومايبغى الاداره تستفيد من مبلغ انتقاله ويبغى ينتقل نهاية الموسم الجاي بالمجان .. نكاية بالإداره وليش مازودوا راتبه .. يعني اول شي شل من راسك ان بيب راح يخليك من أعمدة الفريق .. ثاني شي وهو الاهم انه ماراح يجيك ولو نص المبلغ الي جاك من السيتيزن .. بل انه راح يصير أقل من راتبك الحالي من البارسا .. وكل هذا علشان مخ الخال الفاصل .. وزيادة راتبه بالنهاية إيتو خدم الفريق خمس سنوات سجل فيها 150 هدف مع الفريق وسبق صار الهداف وسجل اهداف حاسمه في نهائيي باريس وروما .. لكن في حال اعتقادي ولو %1 ان هاللاعب راح يخلق بلبله في غرفة الملابس .. وفوق هذا يساوم الإداره ويحط لنفسه سعر بالسوق .. لأ هنا نوقف ونقول الباب يوسع باخرة تايتانيك مره ثانيه .. والمعذره على الإطاله .. لكن سالفة إيتو طولت صراحة والوضع صار مزري .. |
![][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا ||](iconimages/t609377_rtl.gif)
صحيح والله ما امزح 
الوضع العادي
