|
سمعت بمثل ( مجبر اخاك لا بطل ؟ ) ابد طبقه عليهم :) |
المفرج نجم رضى من رضى وابى من ابى ادري ملايين بيقولوا اني اقرب للمفرج اقولكم اقسم بالله العظيم اني ماقرب للمفرج ولااعرفه ولااعرف حتى حد بعرفه ولاعمري كلمته بس [اذا حبتك عيني مالامك الدهر] واقرب دليل مباراة الوحده في الاسيويه يخطي تفاريس والمفرج ياكل الذنب مننا ياخوان اتقوا ربكم شوي ، لا واللي قاهرني محمد العبدي في مداخله تلفونيه مهزوزه في احد البرامج يقول لو المفرج نجم كان انضم للمنتخب واهو اعلامي كبير واطرح واضرب ولايدري انه المفرج كابيتن منتخبي الناشئين والشباب ولعب للمنتخب الاول في احدى البطولات العربيه بس استبعد بسبب الاصابه سر يامفرج وانا من وراك:smilie47: >> حرام عليكم والله |
إقتباس:
|
لاعبي الهلال كلهم أن شاء الله فيهم الخير والبركة :) العنقري ماهو بطموح الهــلال مع أحترامي له في منظقة الظهير الايمن :) |
الهلال باختصااااااااااااار واسطته لعبت فيه والا من جدك فيه اي نادي بالعالم بيقبل بالمفرج والله حتى الركض مايعرف يركض اللهم لا شماته والى العنقري ههههه والخراشي والبرقان ياصبر الارض والا زحرور العبدسلام طول اصبعي واخو المفرج الي سحبه ريان بلال الي جاي من الصومال ياعمي طييييييييييييييير المدرب مومعجبه اللاعبين الي ذكرت بس الوااااااسطه يخوي لعبت فينااااااا ياخوي الكورة موهبه مو لعب ورعااااان |
إقتباس:
لو سمحت لا تتكلم بدون علم والله ناس جاهله مع احترامي المفرج له حوالي خمسين مباراة دولية ولكن الحقد والظلم تمكن في قلوب الظالمين لا تزعل ولكن سؤالك يفشل |
الحق ماينزعل منه ليش التجديد للمفرج انا نبي لاعبين شباب ينفعون الهلال في المستقبل تجدد للمفرج طيب وين يروح خيرات وهوساوي والمرشدي ورونالد والا يجددون معه ب2,000.000 واحتياط وش الفايده التنسيق هو الحل يشكرونه على كل اللي قدمه |
أنا اتوقع من سنة 1998 إلى الآن فهد المفرج هو رئيس الهلال أي لعب الي اتكلمون عنه ...... ؟ العنقري < هذا تقريبااا نفس كافوا ..؟ يغرد خارج السرب نرجع لنيستا < ابي مهاجم فالدوري المحلي ماطافه على سبيل المثال: المحياني _ مالك _ اسماعيل مطر _ الحارثي والله مخرج 17 << احلى لقب له .. الرجاء كل الرجاء : فكونا من العواطف والمجاملااااااااااااااااااااااااااااااات .. |
هاَت شنبك ياَولد الاَجواد !! http://tnsem.net/vb/images/smilies/tnsem-s/33.gif قسم هذا الكلاَم الي ادور عليه من زماَن .. ياخي وين الي زيك بالمنتدى !! كلاَم سليم يا سليم s60s والف شكر يافندم :).. |
بصراحة ماكان ودي أعلق على الموضوع لأننا مللنا من الحديث عن المستهلكين لكـن لا أحـد يسمعنـا !! ولكن أدهشني أحـد الردود : - إقتباس:
50 مباراة دولية !!! لايكون النعيمة وأنا ما أدري !!! المفرج طوال تاريخه لم يمثل المنتخب السعودي رسميا ً .. أتمنى اننا مانخلي العاطفة هي اللي تتحكم في ردودنـا :) |
مشكله المفرج الجمهور مــايــرحــم صحيح له اخــطــأ بس اهون من بعض اللاعبين |
السلام عليكم .. كل لاعب معرض للانتقاد سواء رضي أم لا .. ولكن ان تصل للتجريح كما هو حاصل للكابتن القدير فهد المفرج وبعض اللاعبين فهذا مالايرضاه أي شخص يملك شئ من الاخلاق .. أنا أقول فهد لاعب كبير ونجم بشهادة مدربين كبار افهم مني ومنكم .. وبإذن الله سيستمر في عطاءه للزعيم الا ان يأتي الوقت الذي يعتزل فيه مثل من سبقه من اللاعبين .. نحن لانقول لاتنتقدون .. ننتقد بأدب ولمصلحة الزعيم فقط .. بعض الكلمات الجارحة والتواقيع السخيفة والسافلة جدا في بعض المنتديات لاتمثل الجمهور الهلالي الواعي الخلوق الملتزم بالأخلاق الاسلامية مع الجميع .. فمابالك بلاعب خدم الهلال لسنين طويلة وساهم في تحقيق الكثير من البطولات .. لنرتقي في طرحنا وننتقي الحسن من كلماتنا ونضع مخافة الله امام اعيننا فيما نكتبه ونقوله ليوفقنا الله سبحانه وتعالى .. ولنعلم اننا محاسبون عن كل حرف وكل كلمة وكل همسة .. لن يحاسبنا لافهد ولا خالد ولاحسن ولاياسر ولاسامي بل سيحاسنا رب هؤلاء عز وجل .. سهل العاقل اشكرك وتقبل مروري .. أبوفيصل .. |
يابن الحلال المدربين يطالبون فيهم الانهم مواظبين على التدريبات يجون اول الناس ويروحون آخر الناس زي الجنوبي وشريفي في النصر اللاعبين الي انت تتكلم عنهم ماعندهم امكانيات امكانياتهم محدوده وبذات العنقري موب خامه لاعب يعني مره مره رايح فيها مكانه سدوس ويخب بعد مايستحق ارتداء شعار الهلال ماهو في مستوى الطموح ابدا |
المشكله ببعض الجماهير أنهم عاطفيين ولدرجة التجريح وشكراً |
والله يالغالي المشكله بعض الأعضاء مسوي نفسه زاجالو أوكندينو زمانه وهو ماقد طق الكوره أبد بس يردد نفس الكلام اللي يقولونه الأعضاء وإذا ناقشته في الأسباب الفنيه ماعرف يبرر وقعد يقول نكبه وغيره من هالكلام ياناس إذا كان المدرب غير مقتنع به راح يركنه إحتياتي وترا المدرب أكثر خبره من بعض نقاد هذا الزمن |
| الوقت المعتمد في المنتدى بتوقيت جرينتش +3.
الوقت الان » 08:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd