|
الله يرحم حال حنيين شعوور صعب مثل شعور اي بنت مقبلة على حياة جديده ومشكلة التأقلم والتعايش يبغالها وقت هي تسرعت لو خلت مدة الملكه تطول عشان تطمئن وترتاح وتتعرف عليه اكثر التصادم بالتوجهات والاراء وارد لكن الراحه والتوفيق هي الاهم بس هي ماحبت تزعل امها واهل زوجها .. وارضتهم على حساب نفسها والنتيجه الانفصال.. بانتظار بقية الاجزاء .. لعله ينبثق شعاع فرح في سطور الحرمان .. دمت بخير ..‘‘ |
. مشكله بناتنا علشان يرضون و يفرحون اهلهم يضحون بأنفسهم ! التأني بكل الامور زين و الإستعجال عكسه , ننتظر الـ يتبع القادم |
سطور تجبرنا على الصمت والمتابعة .. في انتظار هطول الأجزاء لترتوي الأرض إبداعا وتألقا .. أكثر ما يشد في الجزء الأول علاقة أخوية راقية رائعة بكل ما تحمله .. وتتابعت الأجزاء ولكن في الجزء الخامس لا بد للفتاة قبل أن تقرر موعد الزواج أن تختار الموعد المناسب باقتناع لأن الاختيار بيدها ويقع على اختيارها مستقبلها .. ننتظر القادم الكل يتطلع لبقية الأجزاء .. كل التقدير .. |
أبو ناصر ،،، شكراً جزيلاً لك . طالبني البعض بسردها متتالية و لم أرى مناسبته من يدي ، فشكراً لك عندما حدث بيديك . @@@@@@@@@@@@@@@@@@@@@@@@@@@@@@@@@@@@@@@@@ بالتأكيد أننا كمجتمع نفتقد لثقافة ما قبل الزواج و ما بعده !! القصة من واقعنا ! حنين ككثير من فتياتنا الذين دفعوا ثمن ( خطأهم ) إما بانفصال أو بحياة ( مملة ) !! شكراً لمتابعتكم ... أفتقد الهنوف ، فعسى المانع خيراً .. |
أخوي عبدالرحمن أنا قرأت الجزئين الرابع والخامس لكن ما راح أكذب عليك وراح أقول رأيي بصراحه 1- كان بالجزئين تسارع رهيب بالأحداث ( بزواج حنين ) ، بعد ما كنا عايشين أدوار عبدالرحمن وحنين ( بالساعه والثانيه ) 2- غفلت عن الأحداث اللي صارت بالخارج بين ( سعود وحنين ) والمفروض إن سعود حاول يتقرب لحنين لما شافها تبتعد عنه و نفسيتها متغيره. 3- تكرار الكلمات والأسامي بنفس الجملة بالجزء الخامس : مثل ( أنا أفكر في كلام سعود و ماقدرت أقتنع بكلام سعود إنها عين ) ومثل ( ليلة من الليالي دخلت البيت متأخر في الليل ) ومثل ( مركز لازم أسوي نفسي مركز ) كل الأمور هذي خلتني أتشتت ، كل ما قريت لي كم سطر أسرح !! خارج النص : أبوريمان إن كان إنتقادي يزعجك صدقني راح أقرأ بصمت وما راح أعلق |
بالعكس مواصل ،،، ملاحظاتك رائعة . الملاحظة الأولى و الثانية أفضل الخوض في التفاصيل أحياناً و البعد عنها في أحايين أخرى ، بعض القراء يحبون تفاصيل التفاصيل و البعض لا يحبها . الثالثة نعم صحيح ، هناك تكرار في بعض الكلمات من الممكن تفاديه ، سأتنبه له مستقبلاً بإذن الله . الهنوف كنت باعذرك لأني أحسبك غائبة !! لكن دامهم يقولون إنك موجودة اليوم فما لك عذر !! |
أتمنى نشوف سبب عدم تقبل حنين للزواج قريبآ لو كان عدم التقبل عشان أهلها وزي كذا فيبقى مجرد دلع بنات ننتظر وش ورانا |
إقتباس:
من جد شكلها رواية (انت لي) انا كرهت اقرا قصص من بعدها:upset: اموت والقى نسخه من الكتاب :"( لي عودة لقراءة الموضوع :) |
عودة ..,, بصراحة اجزاء رائعة .. ونصيحة مني اقروا الاجزاء مرة وحدة :razz: وناسة .. :stoned: لكن تصرف حنين في التسرع بالزواج والرضوخ لرضى الأهل ..وعدم التفاهم مع الزوج قبل الزواج والعرس مثل ما تفضلوا اللي قبلي هو سبب مهم جداً و أكيد لفشل الزواجات ودمارها ..!! قصة فعلاً رائعة .. اتحمس جداً اني اعرف وش بيصير بعدين !! و يشدني العنوان للغاااااااااااااااااية !! :smilie47: * * * ابو ريمان الف شكــر لكـ ما قصرت ..,, |
احلى شي الواحد يجي متاخر ويقرا كم كبير من الاجزاء:stoned: انا احب لما امسك كتاب اخلصه بنفس اليوم حتى لو رواية 400 صفحه:yes: متحمسه للاجزاء الباقيه :) |
أبوريمان ورده ترى ما قريت إلا أول جزئين .. وللأسف ما لقيت وقت :( إن شاء الله أرجع في أسرع وقت وألقى اجزاء كثيرة أقراها مع بعض ..! بالتوفيق لأبطال رواية الحرمان s45s |
وعليكم السلام ورحمة الله وبركاته والله حي الحكااااااااااوااااااااااتي ابو ريماااااااااااان:naughty: وصدقني اخوي ان الجزء الاول والثاني قلب فيني الموااااااااجع وذكرني يوووووووم وديت اغراااااض اختي لبيت زوجهااااااا مع امي ومع ان اختي هذي اصغر مني بكثير بيني وبينهااا اخوين الا اني وقتها ما تملكت نفسي يوم رجعت البيت وبكيت يعني بلحظه كل شيء يتغير بس الحمدلله امورهاااااااا كلها تماااااااااام والله يخلي لها نواف واللي بالطريق:clap: واخووووي تجربة ماقبل الزوااااج >الخطبة<صدقني هي اللبنة الاساسية لبناء زواج نااااااااجح واطاااااااالة وقت الخطبه له سلبيااااااااته وايجابياته اخوي الروايه رائعه جدا كاروعتك ياااااااابو ريماااااااان تصدق عصبت على بنت اخوي بسبب روايتك تقول ياعمي من المغرب وانت على الكمبيوتر ابي العب وعااد هي توها ناجحه لثالث وتعمل عليها انهاااااااااا فااااااااهمه:d وتقبل تحيااااااااتي ورده:smilie47:ورده |
مرآآآآآآآآآآآآآحب خيو "ابوريمان".. الروآآآآآيه رائعه ومن واقعنا الآن واغلب الفتيات يبون الزواج .. وهم مايدرون انه مسؤليه كبيره تكون النهايه الطلاق<<صدقت نفسي اني متزوجه:d بس صراااحه ضحكت يوم قريت ان حنين كانت تعلق اوراق على غرفتها نسخه مني..:naughty::naughty: غالبا اذا كنت ابغى مكان اروح له انا ويااه بس لاختلاف اوقات النوم بينا" اعلق له ورقه ومره حسيت اني طولتها ولاعلقت ورقه :d:d مادريت الا محمد جااااي في غرفتي قال "بسم الله عليك اموت في الحيا اللي زي كذا" عااد انا ماصدقت نفسي انه جااني بنفسه الا لبست ووركبت السياااره قبله :naughty::naughty: الله لايحرمني ولايحرمكم من الاخواااان :smilie47::smilie47:<<بس اهم شي تقدرونهم:d الله لايحرمنا من طلتك ياابو ريمااااان رواايه جوناااااان |
@@ الجزء السادس @@ عبدالرحمن : " وش اسمها ؟ " حنين : " مياسم " عبدالرحمن : " ليلتها لما قررت أطلع قبل التصوير مع سعود لقيت بنت خلف الباب و فاجأتها مسكينة و أذكر كانت تبكي " حنين : " أيووووه ! هي نفس البنت اللي أحكي لك عنها ، كانت معنا في الغرفة و لما عرفت إنك بتدخل طلعت و صارت واقفة عند الباب و لأنا قلنا لها إنهم بيجلسون لحد ما ينتهي التصوير كانت تتوقع إنك ما تطلع قبل ما ينتهي التصوير بس أنت طلعت و فاجأتها " رجعت نظري للشاشة و اكتفيت بقولة : " آهاااا " طمنت حنين رأسها و تابعت : " مياسم و نجلاء هم اللي كانوا يدرون عن شعوري قبل الزواج ، كنت أحكي عن إحساسي بعدم الراحة ! مو بس كذا ! كنت أحكي لمياسم أكثر من نجلاء لأن نجلاء كانت في بداية زواجها و تلهى أحياناً مع زوجها " ما رفعت رأسي ! لكن حسيت إن الأرض اللي أناظرها تدوووور !! إحساس بعدم الراحة !! من اللي جبرك حنين ؟! كنت أقول لك ما راح يصير أي شيء إلا إذا أنت مقتنعة ، و كنت توقفين بصف أمي ضدي !! يمكن كان المفروض إني أرفض كلامك!! و ما أخلي القرار بيدك !! معقولة قرار زواجك و مستقبلك ما يكون بيدك ؟! والله صرت ما أدري وين الصح و وين الغلط ؟؟ عبدالرحمن : " تصبحين على خير حنين " ما ردت حنين و لما قربت أطلع من الصالة قالت : " عبدالرحمن لا تتضايق ! والله مو قصدي ! " سبحان الله كيف البنت هذي ما أقدر أغبي عنها شيء !! أحس إنها بتجنني !! مرت الأيام و شخصياً كنت مبسوط بشوفة حنين مرتاحة و إن كانت أمي أحياناً تنغص بسطتي باعتقادها إن حنين انتهى مستقبلها !! يمكن أمي تستقي رؤيتها من وجهة النظر الخاطئة للمطلقة من قبل المجتمع . طلعت من الدوام و رجعت للبيت . عبدالرحمن : " السلام عليكم ، مساك الله يالخير يمه " أم عبدالرحمن : " مساك الله بالنور و السرور " حنين كانت تتابع مسلسل ، وقفت أمام الشاشة ! هالحركة كافية تخلي الضغط عند حنين يرتفع . حنين : " وخخخخخخخخخخر " عبدالرحمن : " أول قولي مساك الله بالخير " حنين بابتسامة ماكرة : " ليه أقولها ؟! ما أبيك توديني مكان !! " حتى و هي معصبة ما تترك عنها اللكاعة !! استسلمت و مشيت . جلست على السفرة و كنت أتكلم مع أمي عن الأخبار اللي تحب أمي تحكي عنها و شوي و شاركتنا الجلسة حنين . حنين : " عبدالرحمن ! ترى صاحباتي بيجون اليوم " عبدالرحمن : " و المطلوب ؟! " حنين : " و لا شيء ! بس أخلي عندك خبر يا رجال البيت " عبدالرحمن : " هذا اللي صعب أصدقه !! " حنين : " أجل دام ما فيك حيلة طلع جهاز الدي في دي من غرفتك !! " عبدالرحمن : " كذا معقول !! " ضحكنا و طلعت غرفتي أنوم . صحيت من النوم و حصلت صاحبات حنين عندها و طلعت لحنين الجهاز ، جلست في الملحق الخارجي بناءً على رغبة أمي ما أطلع من البيت . بعد وجبة العشاء عرفت إنهم بيروحون قلت أطلع قبلهم عشان ما أتأخر و عند الباب حصلت سيارات صاحبات حنين و كلها بسائقين أجانب إلا سيارة وحدة ، كان فيها رجل سعودي في الستينات مع السائق . تقديراً له سلمت عليه و كان إنسان قمة في الأخلاق لكن منعني الخجل أسأله من يكون . بالليل و بعد ما رجعت سألت حنين : " في وحدة من صاحباتك متزوجة ؟! " حنين : " لا ! ليه ؟ " عبدالرحمن : " لاحظت وحدة من السيارات فيها سعودي " ضحكت حنين و قالت : " هذا أبو مياسم ، ما يخلونها أهلها بعد العشاء تطلع لوحدها مع السواق " و استرسلت حنين تحكي عن أهل مياسم و طريقة تربيتهم لبنتهم ، و عن ذكرياتهم في الجامعة و عن مواقف مياسم بالذات . صارت تحكي عن المبادئ و القيم اللي تربت عليها مياسم ، و كيف إن الفلوس ما غيرت أهلها و لا خلتهم يتنازلون عن شيء من مبادئهم و قيمهم . و هذا حسب اعتقادي هو اللي يهم كل شاب وقت الزواج ، الشباب خلال المراهقة و قبل الزواج يتكلمون عن الجمال و عن الدلع و عن و عن ! لكن إذا صار الكلام عن الزواج و جاء وقت الجد صار الشاب يدور بنت تربي عياله التربية اللي تخليه يفتخر بهم . من ليلتها و من بعد كلام حنين استسلمت لمياسم و سمحت لها أو بالأصح عجزت أمنعها تستحوذ على مركز تفكيري . |
السلام عليكم ورحمة الله وبركاته اخوي الغالي ابو ريماااااااان مازلنا متعطشين لبقية الاجزاء ولكن عند سؤال هل تعمدت اشراك القارئ في تفصيل احداث هذه الروايه يعني بعض الامور تشير له وتدع الباقي للقارئ للاكمال هذه التفاصيل وشكل عبدالرحمن راااح يتزوج مياسم لان من خلال ماسبق يتضح انها هي الزوجة اللي يبحث عنها عبدالرحمن وتقبل تحياااااااتي |
| الوقت المعتمد في المنتدى بتوقيت جرينتش +3.
الوقت الان » 11:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd