|
مشكووووووووور على الموضوع وننتظر جدييييييييدك |
بدااااية موفقة أبو ريمان ,, وااااصل وانا من المتابعين :) بانتظار الجزء الثاني ,, |
@@ الجزء الثاني @@ حنين بعد ما ركبت و قفلت باب السيارة : " أووف زحمة ! " عبدالرحمن : " ما شاء الله جبت غرضك بسرعة " حنين : " والله لو مو مرتبطة بموعد المشغل كان ودي إني منزلتك معي و مسحبتك شوي ! " عبدالرحمن : " والله لو ما أدري إنك مستعجلة كان ما جبتك أصلاً !! بعدين اصبري شوي لين نوصل للبيت بعدين خربيها ، ترى المشوار ما بعد خلص " حنين : " شكراً طال عمرك ! ما ودك توديني المشغل ؟! " عبدالرحمن : " كنك كنك يعني أخذت وجه ؟! ترى مو أكيد بس كنك !! ليه ما تروحين مع السواق ؟! " حنين : " يا ثقل دمه يمشي على بيض و أنا بعد المشغل بارجع و أتجهز شكلي باتأخر " عبدالرحمن : " إن شاء الله برنسيسه ! أنت تامرين طال عمرك أوديك ليه ما أوديك . متى بتروحين ؟! " حنين : " شوي بس باطلع غرفتي و بانزل " عبدالرحمن : " بانزل عند أمي شوي لحد ما تجهزين " حنين : " أوكي ، ثواني و نازلة لك " عبدالرحمن : " هلا يمه " أم عبدالرحمن : " هلا أبوي ، عساكم خلصتوا شغلكم ! " عبدالرحمن : " خلصنا السوق و باقي المشغل " أم عبدالرحمن : " إييييه و أنا أمك ! أيامنا ما نعرف هالخرابيط " عبدالرحمن : " و مع كذا كانت أيامكم أجمل ببساطتها و تلقائيتها " أم عبدالرحمن : " الله يعين و أنا أمك ، المهم جب أختك للزواج لأني باروح مع السواق لو انتظرتها تأخرت على أختي " حنين : " يالله عبدالرحمن الله يخليك تأخرنا " أم عبدالرحمن : " باسم الله عليكم ، لا تسرعون " عبدالرحمن : " إن شاء الله يمه " عبدالرحمن : " شكل خالتي متكلفة الله يعينها " حنين : " إي والله عبدالرحمن خالتي مرة متكلفة ، بس يحق لها بنتها الوحيدة ، بعدين لا تنسى فوق إنها صديقتي الخاصة أختي من الرضاعة و ضروري يصير زواجها متميز " عبدالرحمن : " يا سلام ! عشانها أختك من الرضاعة يصير زواجها متميز ! هذا أنت بكبرك بنتنا الوحيدة و زواجك على الصامت " حنين : " لا تستهبل ! بعدين هي رغبة مشتركة مني و منه " عبدالرحمن : " إذا تبين الجد عاد والله إنكم عاقلين ، وتكاليف الزواج تقدرون تصرفونها في شي تستفيدون منه لحالكم ، و أهم شيء الله يوفق " حنين : " يعني ودك تاخذ وحدة مثلي ؟ " عبدالرحمن : " أقول أها بس عن اللكاعة و انزلي لا تتأخرين " حنين : " لو تروح تقضي لك مشوار و ترجع أحسن لك من الانتظار ، أخاف تمل " عبدالرحمن : " مو مشكلة ، أهم شيء إذا خلصت و قبل ما تنزلين اطلبيني على الجوال " حنين : " أوكي ، صار " عبدالرحمن : " انتبهي لنفسك " نزلت حنين و تابعتها بناظري و بعد ما دخلت للمشغل أخذت ورقة و كتبت : " الله لا يحرمني منك حنين . صدق بافقدك بعد زواجك ، بافقد دلعك و إزعاجك ، بافقد شقاوتك و مو بس أنا ! البيت و أمي ، كلنا بنفقدك يا ( روح ) البيت و ( حياته ) . بافقد جلستك على طاولة مكتبي مقابلتني لما أجلس على الكرسي أقرأ أو أكتب ، بعد اليوم ما في أحد يقدر يشتت تفكيري ! لأنك أنت الوحيدة اللي تقدرين . بافقد رفعة الضغط ، بافقد دخلاتك لغرفتي و قلبك لها فوق تحت و تفتيشك الدوري لغرفتي و جهازي .. بعد اليوم ما راح أفقد شيء من كتاباتي و أوراقي .. بافقد أوراقك اللي إذا جيت متأخر بعد ما تنومين أحصلها على باب غرفتي مكتوب عليها ( تصبح على خير ، اشتقت لك ، ليه تتأخر ) و أحلى شيء حنين لما تكتبين لي ( تلقاني في غرفتي انتظرك ، ما راح أنوم قبل أشوفك ) و لما أجي لغرفتك ألقاك نايمة ، مثل الملاك نايمة ! والله كنت أحس وقتها بالذنب. غاليتي حنين .. أنا آسف إذا قصرت بحقك يوم ، أنا آسف لو كنت بيوم أخ غير مثالي . أخوك / عبدالرحمن " اتصال من حنين أجبرني على التوقيع و إبعاد الورقة . ركبت حنين السيارة و كانت تعتقد إني خلصت لي مشوار و من دون ما تحس حنين لما نزلت من السيارة كانت الورقة في حقيبتها . حنين و هي تنزل من السيارة : " بابدل ملابسي و أنزل دقايق بس " عبدالرحمن : " بسرعة لا تتأخرين تتضايق أمي ، صار لها وقت رايحة " شعرت بالرضى عن نفسي بعد الورقة التي كتبتها ، كلام في خاطري من زمان و ارتحت يوم كتبته . |
فقط أشعلت فتيل ذكريات مضى عليها من العمر 3 سنوات . |
عودة s13s إقتباس:
بوح حزين ذهبت بي بعيدا دعتني اعيش تلك اللحظات التي قد اكتب مثل تلك الرساله لاختي الوحيده:) انتقال من نحب لحياه اخرى شعور ممزوج بفرح وحزن سبحان الله عشرين سنه تعيشون سوا طفوله مراهقه تصبحون على بعض وبلحظه ينتقلون لحياه اخرى :d مو على كيفهم بس يالله هذي سنه الحياه ولكن مثل تلك الرسايل الافضل الاحتفاظ بهاا ومانقدمها للمقصود حلو نبين لهم ان حنا مبسوطين لهم ومانضيق صدورهم :)وندعي لهم ::::>>مسكت خط :d \ / جزء جميل ظهرت فيه ملامح الاخووه :smilie47: مانحس بقيمتهم الا لما يبعدون عنـا :yes: شكرا لك ابوريمان الهنوووف كانت هنا ورحلت |
هلا بأسيرة و الهنوف ،،، السؤال اللي طرأ على بالي بعد تعليقاتكم !! إذا قرر شخص يتزوج ، الأفضل له يختار بنت علاقتها قوية بأهلها أو بنت علاقتها عادية ؟! أسيرة ودك أتأسف لك ؟! طيب إذا تأسفت لك و إنا ما زلنا بالجزء الثاني وش أسوي في الأجزاء الأخيرة ؟! |
إقتباس:
برأيي أخلاق البنت غالباً تتحدد من خلال علاقتها بأهلها يعني اللي مرتبطة بأهلها و أهلها مرتبطين فيها على أغلب الظن إنها مسالمة و مو مشكلجية :d هذا إقتراحي في الموضوع :d وبعدين ترى أنا من معارضين تنزيل الأجزاء بسرعة ,,, أسيرة و الهنوف قدروا إن فيه ناس ما يفتحون النت إلا بالمناسبات :d |
يا الله .. جزئين ولا أروع .. و لكــــن الجزء الثاني حمل في طياته شيء حزين جـــداً احياناً يتمنى المرء واحد من أثنين : إما أن يفقد مشاعرهـ قبل لحظات كهذهـ أو يستمتع بـ لحنها الحزين .. والذكريات تُقطعه.. * * * وبالنسبة لسؤالكـ :: إقتباس:
* * * شكراً ابو ريمان وبإنتظار القادم من الحرمان << اعوذ بالله منه .. وشكراً مرة أخرى أنك جمعتنا بمن كنا ننتظر وجودهم دائماً كأختي "لميس الهلالية" :smilie47:,, |
إقتباس:
لاننا مانحس بالشي الا لما نعرف انه غالي ونسعى له اما لو حسينا ان قيمته عاديه بنستهين فيه شوي لما يدرك الزوج ان زوجته غاليه على اهلها وعلاقتها قوية فيهم اتوقع بيسعى لها وحتى يوضح لاهلها انهم اعطوها للشخص الي يستاهلها مثال بسيط لما يعطيك شخص امانه عباره عن ساعتين وحده من الساعات هالشخص يقدرها وتعني له كثير وغاليه عليه والثانيه عاديه اتوقع بتحاول تحافظ على الساعه الاولى اكثر :d اولا ..لانك حاس بغلاتها عند صاحبها وثانيا.. كتقدير للشخص انه وثق فيك وسلمك شي ثمين وغالي عليهs60s :d:d:d اتمنى وضحت الفكره وايضا الشخص القريب لاهله مره ويحبونه يصير قلق في بعض الاحيان لان بعضهم صعب عليهم يتقبلون ان هالشخص اخذ شي غالي عليهم ويصيرون يكرهونه :d ويغارون منه لميس الهلاليه اعقلي ياوخيتي :d انتي اقري على مهلك وخلينا على راحتنا لاتخربين علينا:d بس اخالفك برايك ان البنت المسالمه هي القريبه لاهلها اتوقع نوعيه العلاقه تحددها الاسره نفسها بصرف النظر عن طبيعه البنت يعني حنا دائما نقول هالاسره علاقتهم قويه نادر مانقول هالاخت علاقتها قويه باهلها والثانيه عاديه الا نادر جدا لان الاساس الام والولد هم الي يحددون طبيعه العلاقه ابوريمان اعتذرر على كثرة التواجد :stoned: الهنوووف كانت هنا ورحلت |
. . حلوه هالمشاعر بين الأخت وأخوها :smilie47: من جد تحسها مشاعر مبنيه على أساس وليس على أوهام :yes: إقتباس:
سبحان الله الأوراق تواصل عجيب بين الأخوان :d أستخدمها يومياً لـ أختي يا أعلقها عند الباب أو على المرايه :d:d لأني عارفه اختي اول شي تطالع فيه المرايه :razz: جزء حلوو وطويل نوعا ما :razz:بدينا نخش جو ونتعلق أكثر بالقصه s60s الله يعطيك العافيه يبو ريمان , مبدع والله :) مع التحيه |
مسلسل خطير :d أبو ريمان أعتقد أنه لا داعي لأثني عليك ولتعلم أنك ترقى الى الذائقة بل ذائقتنا هي التي ترقى إلى حروفك . أبا ريمان أين الحلقة الثالثة ؟ :d على فكرة ما ( رح أتحسف كثير ) لأن بعد رجاء وافق مديري أبو عبدالله على طلبي لأخذ إجازة لمدة طويلة سأغيب فيها عنكم :yes: المهم في الأمر أني سأعود وأجد المسلسل كامل الحلقات :d . . شكراً ؟؟ لأ يعطيك ألف عافية على إسعادنا واشراكنا بمثل هذه المشاعر التي ... دعني لا أكمل أفضل :) قفلة / اعذرني على عدم التعليق كثيراً :) s34s |
رسالة عبدالرحمن احزنتني كثير وذكرتني باختي :( صعب عالبنت تفارق اختها وخاصة لما تكون قرييبة منها تشاركها الغرفة وفرق السن بسيط :( بس الحمدلله ماطلعت حزني قدامها ابد وهالشي كان له تاثير ايجابي عليها :) ابو ريمان جزء رائع يعطيكـ العافية ورده وبالنسبة للسؤال ماعتقد في احد يدري بقوة العلاقة الي داخل البيت بين البنت واهلها !! |
الهنوف تواجدي على كيفك المهم لا تقولين وين الجزء التالي ؟! أحياناً ننتظر لميس المناسبات :D فياض والله بنفقدك :( |
إقتباس:
الـحـرمـااان .. ألـم .. الـحـرمـااان .. مـعـاانـاااة ... يـجـسـدهـااا الـقـدر .. لـتـرتـمـي وتـجـثـم عـلـى صـدوورنـااا .. فنـجـد فـي الـدمـع مـلـجـأاً .. ومـخـرجـاً .. الـحـرمـااان ..... سـأنـتـظـر .. وسـأعـوود قـريـبـاً .. لأتـمـعـن مـن زااويـة أخـرى .. غـيـر التـي اعتـدتـهـااا .. أطـلـت الـعـودة .. وأطـلـت الانـتـظـااار .. دمـت بـود .. |
لا زلت متابعا اخوي " ابو ريمان " وتوقعت ان الأحداث قد انتهت مع الجزء الثاني ولكن لا زال للحرمان بقية ،،، بخصوص بنت علاقتها قوية او بأهلها ... فكل بنت تخرج من بيت اهلها تولد فراغ كبير يتلاشى رويدا رويدا مع الأيام فلا تقلق يا صديقي بهذا الخصوص ،،، في انتظار البقية الباقية والله يعطيك العافية |
| الوقت المعتمد في المنتدى بتوقيت جرينتش +3.
الوقت الان » 03:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd