|
إقتباس:
سمعته و سأسمعه و قلبي مع من اكتوى بناره فصار جسداً بلا روح ، لأن روحه مع محبوبه. إقتباس:
بل تفوقت عليه و بجدارة :d لأنني خرجت قبيل الفجر في شهرنا الجميل أغسطس فانقطع علي حبل منامي و جميل حلمي ، و ليس بعد هذا تضحية. إقتباس:
ألا يكفي أن قلبي معهم :d ، و القلب هو الذي يتحكم في بقية الجسد. صحيحٌ أنني لم أفق إلا وهم قد جاوزوا الرياض لكنّ قلبي أكمل معهم المسيرة حتى أوصلهم جدة ثم عاد في أقرب طائرة يريد صاحبه ، مشتاقٌ يسعى إلى مشتاقٍ. لم أرد إلا مشاكسة الأحبة هنا ، فلا و الله لا أريد أن يعتب أحدٌ علي في حالةِ أنني أفسدت طابع الرواية الممتعه. |
إقتباس:
و أي واحد يقول لك شي علمن بس..<<< يتمصلح حتى النخاع:d:d:d:d (مجرد رأي):naughty: |
مدريدي الله يطول لي عمرك و خر شوي عن الأسهم :D ^ ^ ^ الله !! القاضي على الصبح :D أسيرة ينطبق عليك المثل " يولم العصابة قبل الفلقة ! " ما بعد وصلوا الرياض ، يمكن تكون روحتهم للشرقية سبب مشكلة بتصير ؟! لمن ينتظر الحرمان ؟! ما كفاكم حرمان حنين ؟! حرمان عبدالرحمن من فرحة أخته ؟! صدق أنتم " شريرين " ----> يا حياتي :D |
أبـوعـبـدالـلـه .. أقـدر لـك تـضـحـيـتـك وبـمـااا أنـك أصـبـحـت مـنـااافـس لـبـطـل أبـوريـمـااان .. لأن الـحـقـاائـب بـالـحـقـاائـب تـجـيـب سـااالـفـة .. فـمـااا رأيـك بـمـن يـوصـل (حـرمـه الـمـصـوون) إلـى مـطـاار جـدة .. وأمـاامـه عـربـيـة مـلـيـئـة بـالـحـقـااائـب حـتـى انـه (يـتـواايـق) مـن عـلـى جـنـب ،، مـاا يـمـديـهـاا مـن فـووق لارتـفـااع الـشـنـط ... مـاا بـقـى فـي الـبـيـت غـير الـمـكـيـفـاات والـثـلاااجـة والـفـرن ..حـتـى الـمـوظـف كـأنـه فـي خـاااطـره يـقـوول الـمـفـرووض يـااخـذوون عليـهـم رسـووم نـقـل أثـااث .. :d ولـك أن تـطـلـق الـعـنـاان لـخـيـاالـك بـهـذاا الـشـخـص وهـو يـدف الـعـربـيـة الـلـي كـنـهـااا تـمـشـي لـحـاالـهـاا وأنت تـنـااظـرهـاا مـن الـجـهـة الـمـعـااكـسـة لـمـن يـدفـهـاا .. والـعـقـااال صـااك بـمـؤخـرة الـرأس تـقـوول مـن شـيـبـااان أراامـكـو .. :d وبـعـد كـل هـذاا الـعـنـااا .. تـصـور ..فـي الـيـوم الـتـاالـي يـعـوود خـفـيـفـاً مـااا عـلـيـه غـيـر ثـووبـه وذاات الـعـقـاال .. :d والـيـووم الـتـاالـي يـرجـع ..؟؟ ألاا يـسـتـحـق أن يـكـوون فـي نـفـس الـقـرووب مـعـك ومـع بـطـل أبـوريـمـاان ..!! :yes: |
اتمنى تكون الحقله الاخير قبل رمضان ومشكووووووووووووووووووووووور |
والله فيه تطورات خطيرة انا قايل هالولد انهبل على تالي عمره أجل مشور عمره للشرقية .!! وبعدين ليه ما يسوون العرس ويخلصون والله حالة متابع بشغف أبوريمان والله فلللله تحياتي .... |
@@ الجزء الثامن و العشرون @@ باقي على الرياض 100 كلم تقريباً و كنت بين اتصال بمياسم و بين تفاصيل بيت عمرته في خيالي ، و كلمت أبو سليمان ما أنسى فضله علي هالإنسان و كلمت أمي و كلمت حنين للمرة الثانية في نفس اليوم و كانت مستغربة من اتصالي بها مع إني سامع صوتها !! خلصت اتصالاتي و رجعت لخيالاتي .. لبيتي و أولاد صغار في البيت و أم ليست إلا إنسانة رائعة !! حتى مجرد الخيال حلو !! لكن حتى الخيال ما تقدر تضمن استمراره !! انقطع خيالي بشوفة سيارات مهدية السرعة و سيارة مقلوبة كفراتها للأعلى ! لحظة ! كأنها سيارة عمي محمد !! ما أدري كيف وصلت بسيارتي عندها ، ما أدري إذا صدمت أحد بالطريق أو لا ؟! سبقوني ناس للسيارة متجهين للعم محمد و أنا اتجهت لمياسم ، أسمعهم يقولون مات الله يرحمه ، مياسم أسمعها تئن بين يديني ، أخذتها للسيارة و رجعت أشوف خالتي ، مغمى عليها لكن ما ماتت ، شلتها و ساعدني واحد الله يجزاه خير و وعدني يلحقني بعمي ، ركبت السيارة و انطلقت للرياض . أنتم تشوفون معي مياسم و خالتي ؟! أنا أؤكد لكم إن اللي معي همي و أحزاني ، دمعي و بقايا حطام من حياتي .. كانت مياسم جنبي و أعتقد إني كنت أناظرها أكثر من الطريق !! كنت أتسمع أنينها و كنت أسمع صمتها بعد ما غابت عن الوعي .. كيف ابن آدم ضعيف ؟! يصبح الغياب عن الوعي كل مطلبه !! رحمة ربي وصلتني لمستشفى الحرس و إلا أنا ما أذكرالطريق ، كل اللي أذكره نقطة التفتيش و رجال أمن مشوني بسرعة ، يمكن ربي رأف بحالي و وصلني بحفظه . انتفضت الطوارئ بكل ما فيها ما أدري تجاوب أو مع صراخي ، مياسم على نقالة و خالتي على نقالة و للعناية المركزة في الطوارئ . دقايق و كانت على مياسم أجهزة تغطيها ، حتى أنا كانت تغطيني من الحزن طبقات ، في لجة من الهم و حاولت أجلس عند مياسم لكن ما قدرت أتصور الوضع !! ما زالت صورها الاولى في بالي .. قبل ساعات بس كانت جنبي على طاولة الغداء و كانت تقول لي اطلب لي على ذوقك !! قبلها كانت قدامي على طاولة الفطور كنت أشوفها في قمة سعادتها ! قبلها كانت تصحيني من النوم ، يا رب لا تحرمني شوفة وجهها أول ما أفتح عيوني . يا رب تشفيها و تقومها بالسلامة يا رب تخليها لي صدق الدنيا تافهة ! قبل أيام نحكي عن آمالنا و أحلامنا و بيتنا و أطفالنا ، و اليوم ما أبي غير الله يقومها بالسلامة . الأرض تدور ظلام و ظلام ما فيه نور ، أبي اطلع أبي أشم هواء ، طلعت للبوابة الخارجية و عمي على نقالة مع رجال عليه سمات الخير و الهداية قليلين أمثاله .. يعزيني و أنا كأني ما أعرف عمي !! تكفيني صدمة مياسم !! لكن عزاءه كان بوابة لسيل دموعي .. انكبيت على عمي و صرت أبكي .. هذا عمي اللي تخيلته بيكون السند لي في كل أيام حياتي ، هذا عمي لقيته في لمحة بصر و فقدته في مثلها . كلمت أمي و ردت علي و هي في الطريق جاية للمستشفى ، و حنين لازم ما تدري عن شيء ، وصلت أمي و شاركت خالات مياسم و عيالهم الجلوس حول سرير أم مياسم و التردد بين مياسم و أمها ، كانت جلستهم عند أم مياسم أكثر بحكم تواجدي الدائم عند مياسم . راح الليل و هذا وضعنا و مع الصباح خلصنا إجراءات عمي و استخرجنا شهادة الوفاة و قررنا نصلي عليه الظهر ، قبل ما نطلع بعمي نغسله وصلوا عيال خاله و هم الوحيدين اللي له بالدنيا مريت مياسم أتطمن عليها ، و لما تركتها في طريقي للخروج من المستشفى أسمع إنذار و حركة غير طبيعية من الجهاز الطبي .. حاولت أفهم لقيت الكل يتجه لسرير خالتي و رجعت ببطء و أسرعت أكثر وقفت عند سرير خالتي و أسمع الطبيب يوجه مرة باللغة العربية و مرات بالإنجليزية و أجهزة إضافية و فجأة !! تراجع بطيء و مقابله للطبيب وجهاً لوجه مع أكبر أبناء أخواتها " عظم الله أجركم ، شدوا حيلكم " حزن فوق حزن ، و هم فوق غم ، و غم فوق هم ، و يا رب إنا لك و إنا إليك راجعون . قررنا نأجل الصلاة على عمي و نستعجل إجراءات خالتي و أرسلنا نعدل الموعد ، صلينا على عمي و خالتي بعد العصر و دفناهم ، الله يرحمهم . تفاجأت بكثرة المصلين بالرغم من قلة أقارب عمي ، كنت أعرف إن عمي يصرف في وجوه الخير فما تفاجات بكثرتها و تنوعها ، تفاجأت بعوائل و مناديب مؤسسات خيرية و شخص معروف كان يعزيني فيه و كان يقول : " الله يرحمه ، ما مات إلا بعد ما تخلص من العيب الوحيد ، ما مات إلا بعد ما ترك الدخان " ما كنت أدري إن عمي يدخن !! ما أدري ليه أخذت الراية و تعهدت لكل شخص كان عمي مصدر رزق بالنسبة له ما راح يتغير شيء . يمكن لأن عمي خلاني أعرف مخططه بخصوص بعض المصارف الخيرية بعد موته . الله يرحمك يا عمي ، و نعم الرجل . رجعت للمستشفى و رجعت معي بخبر لمياسم !! رحعت معي بخبر وفاة أمها و أبوها !! مو مشكلة بس الحين تصحى و تقدر تسمع و ما يهم وش تسمع ؟! أنا وش أبي الحين ؟! أبي مياسم ما تصحى عشان ما تدري عن وفاة أبوها و أمها ؟! أو أبيها تصحى و أعلمها !؟ يا رب ارحمني . |
ابو ريمان :no: ما نبيها كذا :no: .................. |
خل المشاغب ينبسط جت الأمور كما يحب ونكرة والله بكينا على هالجزء كثير بالحب والإشراق |
ابو ريمان اقسم بالله مالكـ داعي :no: :cry: :cry: :cry: :cry: :cry: :cry: :cry: :cry: :cry: ياويل قلبي عليكـ يا مياسم :cry: ابو ريمان مايصلح تعدل شوي :cry: << على كيفها :d |
أبا ريمان ألم تجد تجسيداً آخر للحرمان غير الموت ؟!! هنا سُلبت حقوقنا في الحلم والتمني ! |
ابوريمان..ماهي بها قسم..:( يصير حادث ممكن بس موت مره ما يجي..:( الله يهديك ..بروح افرط صاروخ بسببك...:(:razz: سلااااااااااااااااااااااااااااام |
يالييييييييييييييييييييييييييييييييييل والله اني حاس من أول قايل لك قلبي رهيف ما يتحمل مثل هالأمور الله يصلحك وش يبي يسوي الحين الولد والله ياحالته حاله الله يكون في عونه يبيله يخفي الأمر لما تتحسن صحة البنية وعساها تقوى على الصدمة الله يعينها ابوها وامها مرة وحدة إن عاشت فلن يكتمل الحرمان يعني الله يعين على الاجزاء الجاية تحياتي ..... ــــــــــــــــــــــــــــــــــــــــــــــــــ الأسهم للي تحتي أجل بتودع مياسم مثل ماودعوا ابوها وامها 7777 777 77 7 |
الحرمان كان هو العنوان من البداية !! لم أجد وصفاً للموت أقسى من الحرمان ، وضعته و أخبرتكم من البداية !! |
إقتباس:
ستحرمنا من بعد هولاء..!!!!!!!!!!! :cry::cry::cry::cry::cry::cry::cry::cry::cry::cry::cry::cry: ننتظر البقية بشغف :cry: |
| الوقت المعتمد في المنتدى بتوقيت جرينتش +3.
الوقت الان » 11:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd