نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   الـحـرمـــــــــــــــــــــان (http://vb.alhilal.com/showthread.php?t=608975)

فجر الرياض 17/08/2008 03:12 AM

صراحه هالجزء مدري فيه شي يحزن ويفرح :smilie47:

عبد الرحمن جد طيب حتى وهو مع زوجته يفكر بخاطر حنين :stoned:

هذا يأكد انه مستحيل يتغير بعد الزواج :stoned:
إقتباس:

عمي صار يوكلني على شغلات و صرت أسمع كلام عبدالرحمن ماخذ بنته عشان فلوسه !!
ياربي من هالناس مايخلون احد بحاله :upset:
إقتباس:

أحياناً نكون مهملين مستهترين و ننسى إن في ناس تحبنا و تخاف علينا !!
s16s:smilie47:

ابو ريمان
بالإنتظار ورده

شـــذى 17/08/2008 07:31 AM



@@ الجزء الواحد و العشرون @@


لدي ثقة كبيرة في عبدالرحمن وفي مقدرته على احتواء الجميع ( حنين ,, مياسم ,, ووالدته )

إقتباس:

أحياناً نكون مهملين مستهترين و ننسى إن في ناس تحبنا و تخاف علينا !!
الاستهتار وعدم المبالة هي بمثابة القشة التي قصمت ظهر البعير :yes:

سأكمل ماتبقى بعد عودتي من السفر

وسأمني النفس بنهاية سعيدة

أبو ريمان

دمت بخير .

ورده

الـمـشـاغـب 17/08/2008 07:57 AM

أنا على عكس الجميع ..

أتمنى نهاية مليئة بالشر s45s

نبي أكشن .. نبي حماس .. نبي إثارة s45s

أتمنى عبدالرحمن يتغير بعد الزواج ويصير قاسي s45s:D

ما يصلح الطيب يصير دايم طيب .. لازم أحداث تخليه يتغير ونتفاجأ بها s45s

أتمنى ان تكون النهاية حزينة قليلاً بالنسبة للآخرين .. مفرحة بالنسبة لي أنا s9s

مــــهــــنــــد 17/08/2008 08:00 AM

8
88
888
8888
88888

الاسهم لمشاغب

ذا الآدمي طالب حرش مع الجميع الله يسعده << رواية أبو ناصرية

يابن الحلال خل الرواية تعدي على خير ماصدقنا خبر للحين سالكة الأمور وماشية تمام

بس أنا أتوقع غيرة بسيطة في أول الأيام بعدين بتروح ويتعودون على بعض

تحياتي ....

~بنت الزعيم~ 17/08/2008 09:28 AM

.






خوف عبدالرحمن على حنين زاد عن قبل لانه تحدد موعد العرس
الحركه اللي سواها عبدالرحمن دون قصد خلته يشوف اللي تمناه عند مياسم
و هو شعور حنين يوم يبعد عنها بس بوقت شهر العسل شلون بيصير !

حلوه العلاقه اللي بين مياسم و نجلاء و حنين بس ما اظن تستمر ...
بو ريمان متابعين و بشغف و لا تبطي علينا ورده

الــكــاتــب 17/08/2008 02:48 PM

جزء ينبأ بقدوم اثارة ممتعة..!!

بانتظار جديدك بـ شغف

شكرا لك ولـ قلمك..

القاضي 17/08/2008 04:26 PM

أنا أعتقد و الله أعلم و الله أعلم أن عبد الرحمن سيهاجر و يترك مياسم و أم مياسم و حنين و نجلا و بقية الأسرة الكريمة. سيذهب أولاً للربع الخالي حتى يقضمه الجوع قضماً ثم يذهب إلى جزيرة سومطرة و يجلس هناك يقول الشعر و النثر هجاءاً في النساء . لم يذهب وحده بل اصطحب بشير ، نعم العامل الهندي الذي ارتاح له .

أما والدته فلا أعلم ماذا صنع بها ، هناك من يقول أنه أرسلها لإندونيسيا حتى تبتعد عن وجع الرأس و تكون قريبةً منه ، و آخر يقول أنه تركها في الرياض و أصبح يراسلها .

هذا توقع فقط و استقراء للأحداث بعد آخر ثلاثة أجزاء.

كان هنا 17/08/2008 06:42 PM

المشاغب يذكرني بحركات الماصلين الي الملح في وادي وهم في وادي s45s :razz: ..!
مسوي فيها اني انا احب بسام واكره كبتن ماجد :d ..
//

واصـل يابوريمان ونحن من وراءك ولا عليك من خفيف الدم المشاغب s45s ..
دعها تسير كما خُطِّطَ لها ^_^ .

أوَار 17/08/2008 06:54 PM



وآصل ابو ريمان ورده
ونحن في إنتظآرك :smilie47::)


مرسى عيونك 18/08/2008 01:36 AM

معاك الى نهاية ...

الرواية بإذن الله


أختكــ

abu_riman 18/08/2008 02:28 AM

إقتباس:

الرسالة الأصلية كتبت بواسطة القاضي (مشاركة 9309961)
أنا أعتقد و الله أعلم و الله أعلم أن عبد الرحمن سيهاجر و يترك مياسم و أم مياسم و حنين و نجلا و بقية الأسرة الكريمة. سيذهب أولاً للربع الخالي حتى يقضمه الجوع قضماً ثم يذهب إلى جزيرة سومطرة و يجلس هناك يقول الشعر و النثر هجاءاً في النساء . لم يذهب وحده بل اصطحب بشير ، نعم العامل الهندي الذي ارتاح له .

أما والدته فلا أعلم ماذا صنع بها ، هناك من يقول أنه أرسلها لإندونيسيا حتى تبتعد عن وجع الرأس و تكون قريبةً منه ، و آخر يقول أنه تركها في الرياض و أصبح يراسلها .

هذا توقع فقط و استقراء للأحداث بعد آخر ثلاثة أجزاء.


تصدق أبو عبدالله هي كانت كذا بالضبط !!

لكن ما لقى عبدالرحمن حجز و تغيرت الحبكة !!
يا شيخ أحبطتني :d

abu_riman 19/08/2008 02:58 AM

@@ الجزء الثاني و العشرون @@

علاقتي بمياسم صارت أقوى و صارت تكلمني أكثر و أكثر ، و لما تكلمني و جنبي حنين !!
تصير حفلة ، باختصار حنين تسوي لي حفلة .
صرنا نتناقش في أمور كثيرة ، و طلعنا أكثر من مرة للمطعم مرات أنا و مياسم لوحدنا و مرات مع البنات .
صرنا نمون على بعض كثير و كثير نقفل الخط مبسوطين و مروقين و مرات قليلة قفلنا الخط و في الجو غيم !!
أعتقد إنها حاجة طبيعية ، و أفضل شيء لما يغيم الجو الابتعاد .

هذا كله مريحني لكن موضوع حنين !!

بنفس الوقت أعتقد إن أمي كانت حاسة فيني ، و صارت بالفترة الأخيرة كلما جيت طالع من عندها توصيني أكثر من الاستغفار ، و تقول لي : " و من يتوكل على الله فهو حسبه "
اللي مهونها علي شوي إن حنين كانت مبسوطة ، و تكلم مياسم بحرية و من دون حواجز ، و كنت أحب أنرفزها .

عبدالرحمن : " لا تكلمين زوجتي تخربينها !! "

حنين : " تراها صديقتي قبل ما تكون زوجتك !! بعدين الفضل بعد الله يرجع لي !! "

عبدالرحمن : " هذا اللي ناقص حنينوه !! بكره إذا جاني عيال لاحقيهم خليهم يقولون لك شكراً !! "

حنين : " هذا اللي بيصير طبعاً "

لما أتناقش معها و أشوفها مبسوطة أرتاح ، لكن ما زالت صورة جلوسها في البيت لوحدها بعد زواجي تتعبني !!

في يوم من الأيام صحيت الصباح و توجهت للمكتب ، دخلت الإدارة لقيت فيه حركة غريبة !!
اكتشفت إن أحد الزملاء اسمه أبو سليمان و هو أكبر الزملاء في الإدارة تجاوز الستين مجهز حفلة بسيطة بمناسبة إكمالي لسنتين في العمل ، كان جايب كيكة و كاتب عليها مبروك السنة الثانية ، السنة الأولى أنا جبت الكيكة .

نسيت إني كملت سنتين لكن هو ما نسى ، الإنسان هذا أعامله مثل معاملة الابن لوالده ، خصوصاً بعد ما عرفت إن الله ما كتب له أولاد .
تشكرت منه و جلسنا على الطاولة مع الزملاء و لما تركونا و صرنا لوحدنا .

أبو سليمان : " عبدالرحمن أنت صار لك فترة منت عاجبني "

عبدالرحمن : " والله يا أبو سليمان خلها على ربك "

أبو سليمان : " ما صدقنا نفرح بزواجك و أشوفك فرحان ، ترجع تتنكد ليه ؟! صاير شيء في موضوعك ؟! "

عبدالرحمن : " أبداً ، كل شيء تمام . و أبشرك حددنا موعد الزواج تقريباً "

أبو سليمان : " أجل وش مكدر خاطرك ؟! "

عبدالرحمن : " أختي يا أبو سليمان "

حكيت له كل شيء ، حكيت له و حسيت إني ارتحت .

فوق إني ارتحت طلعت منه بجملة خلتني أبدأ من جديد في موضوع حنين ، أتحرك و أفكر .
قال لي يا عبدالرحمن المثل يقول " اخطب لبنتك و لا تخطب لولدك !! "

خلتني أفكر من جديد و اتخذت قرار مهم ، و الكبار في السن حتى لو كانوا ما يكتبون حرف !!
هم الخير و البركة .

رجعت لمكتبي و جلست أفكر في كيفية تنفيذ القرار ، رجع لي الأمل و ما أدري ليه كنت واثق من نجاحي .
نفسيتي تغيرت و كنت أبي بس أرجع للبيت أبدأ في التنفيذ .

باقي لي اجتماع قبل نهاية الدوام ..
اتصال ..

عبدالرحمن : " هلا مياسم وش فيه ؟ "

مياسم : " يعني لازم يصير في شي عشان أكلمك ؟ ما في شي بس بغيت أحاكيك و كيفي متى ما بغيت أحاكيك بأحاكيك ! "

المشكلة مو مشكلتها مشكلتي أنا خربتها بدلعي لها !
تذكرت كلام نجلاء عن تدليعي لحنين !! خربنا حنين و لحقناها مياسم !! صايرين بس نخرب .

عبدالرحمن : " حبيبتي مياسم أكيد أنت بكيفك و أنا بأمر عينك ! بس مو اتفقنا ما تكلمين لما أكون بالدوام إلا إذا فيه شيء مهم ؟ "

مياسم : " إي صح اتفقنا قبل كم يوم و غيرت رأيي اليوم ! عندك مانع ؟ "

عبدالرحمن : " لا مانع مو عندي ! عندي أعضاء لجنة في قاعة الاجتماعات و عندنا اجتماع و صار لازم أقفل "

مياسم : " خخخ ! جزاءً لك عشانك تستهبل ما راح أقفل ! خلني أشوف وش راح تسوي "

كملت ! هذا الناقص !
عبدالرحمن : " حبيبتي مياسم بس أخلص اجتماع أرجع أحاكيك ! طيب حبيبتي ؟ "

مياسم : " لاأأ ! "

لا نفهمها لكن الهمزة اللي بآخرها تعبت ما قدرت أفسرها أحس روحي بتطلع معها !

عبدالرحمن : " مياسم ! ما له داعي أنترفز و أزعلك مني ! قلت لك عندي شغل و الرجال ينتظروني ! و ما أبي أقول أكثر من كذا إلا إذا أنت ناوية مشاكل ! "

مياسم : " أوكي عبدالرحمن ! بس اذكرها ! "

عبدالرحمن " يا حلو اسمي على لسانك و أنت معصبة !! يجنن ! أوكي حبيبتي مع السلامة ! "

مياسم : " مع السلامة "

الله يعيني على الزملاء في قاعة الاجتماعات ! أكيد بيقولون قبل شوي مزعجنا بسرعة بسرعة و آخرتها تأخرنا عشان مكالمة !
إي وش يدريهم ؟! ما عندهم مياسم !

يا حبي لها البنت ! أكيد زعلانة و راح تنوم و هي متكدرة ! خليني أرسل لها مسج !
احترت وش أكتب ؟
خلني أكتب كلمة وحدة عن مليون كلمة بأكتب لها ( أحبك ) !

دخلت القاعة و بدأنا الاجتماع لكن ؟!
ما أحس إني قادر أركز !
أول مرة أتكلم مع مياسم بهالطريقة !!

التفت للزملاء و قلت : " تبون الصراحة ؟ والله ماني معاكم ! خلونا نكمل بكره "

سمعت أنواع الحكي الجميل منهم و ما ينلامون فيني ! قبل شوي بسرعة و الحين خلونا نكمل بكره !

يا ليت أقدر أفهم كيف هالبنت تقدر تتحكم فيني مثل ما تبي !

هالشغل ما ينتهي ! خلني أطلع أروح للبيت أتغدى مع أمي و أكلم المجنونة بالطريق أكيد كالعادة بتقول ما قدرت أنوم !

مياسم : " نعم ! ما قلت لك ألف مرة لا تكلمني و أنت بالسيارة ! "

عبدالرحمن : " كله خوف علي ! "

مياسم : " لا ! بس لما تكلمني من السيارة و توصل للبيت تقول أبي أقفل !! قلت لك لما تخلص شغل حاكني من المكتب ! بعدين لا تسرع امش بشوي شوي عشان يمديني أحكي معك "

عبدالرحمن : " حبيبتي أنت تعرفين كويس لو كلمتك من المكتب صليت المغرب هناك ؟؟؟ "

مياسم : " أقول ترى مرة وحدة صارت لا تمسكها سالفة عاد ! "

عبدالرحمن : " طيب طيب ! ممكن أقفل حبيبتي لأني صرت قدام البيت ؟ "

مياسم : " أوكي ! و متى بتكلمني إن شاء الله ؟ "

عبدالرحمن : " بس أدخل غرفتي أحاكيك "

مياسم : " كالعادة يمكن بعد نصف ساعة بعد ساعة يمكن تكلمني بعد ساعتين تقول انشغلت ! عارفتك ! "

عبدالرحمن : " أقول مياسم "

مياسم : " نعم "

عبدالرحمن : " يا حبي لك "

مياسم : " مو أكثر مني ! "

عبدالرحمن : " أمانة أمانة مياسم ، أسألك بالله عارفة إني أموت أموت فيك ؟ "

لحظة صمت !!

تذكرت لما مرة أخذت جوال حنين من دون ما تدري و قرأت لمياسم رسالة كاتبة فيها " ليه لما يقول مثل هالكلام ملامحي تتغير و جسمي يرتعش ؟ ليه تمر أحلى صورة له قدام عيني ؟
أنا البنت العنيدة لا أبوي و لا أمي و لا أحد قدر علي كيف هالولد يتحكم فيني زي ما يبي ؟
كيف دايم هو اللي يكسب و كيف دايم هو اللي يحصل اللي يبيه و ليه الأمور تمشي دايم زي ما يبي هو ؟
طيب ليه أنا مبتسمة مع إن المفروض إني معصبة ! شي يقهررررررررررر . "

بس خسارة ! صادتني حنين و حطت رقم سري بعدها و صرت ما أعرف وش تكتب مياسم !!

مياسم : " أقول عبدالرحمن عن اللكاعة عارفة إنك تأخرت ! مع السلامة "

عبدالرحمن : " مع السلامة أميرتي "

رجعت دقيت مباشرة !!

مياسم : " خير عسى ما شر ؟ "

عبدالرحمن : " خير ؟! اشتقت لك و قلت أسمع صوتك ! "

مياسم : " أقووووول !!!! وش عندك ؟ أكيد بتقول ما أقدر أكلمك ! "

عبدالرحمن : " دايم ظالمتني هالبنت ! قلت لك اشتقت لك فكلمتك ! "

مياسم : " أوكي ! رح سلم على خالتي و تغد و بس تدخل غرفتك حاكني و يمديك تطفي نار شوقك يا راعي الشوق ! "

عبدالرحمن : " مياسم ! مشتهية طقاق اليوم ؟! و الله ما عرفنا لك ! إن صدينا تزعلين و إن اشتقنا و كلمنا تتمسخرين ! أوكي انتظريني أكلمك ! "

مياسم : " شوف ! راح أشيك على خطك الخاص بالغرفة و على رقم البيت ! خلني أدري بس إنك دخلت الغرفة و ما حاكيتني ! "

عبدالرحمن : " من زمان ما نمت بالمجلس ! "

مياسم : " أوووووووووه منك ! والله تشوف "

عبدالرحمن : " خلاص خلاص أمزح "

مياسم : " مع السلامة "

عبدالرحمن : " مع السلامة "

يا حلوها إذا عصبت !

عبدالرحمن : " مساك الله بالخير يمه "

أم عبدالرحمن : " هلا بنورهم و سرورهم و محدر العذارى من قصورهم "

أهم شيء مياسم تكون منهم !!

عبدالرحمن : " من زمان ما سمعتك قايلتها يمه !! وش أخبارك وش علومك و الأهم وش مشاريعك ؟! "

أم عبدالرحمن : " بخير يا عساك بخير ، ما في مشاريع يمكن أمر خالتك و أروح أنا و ياها لهدى بنت عمك أبارك لها في الولادة و بالطريق يمكن أمر بنت خالي تعبانة و إن صار معي وقت مريت عمي مبطية عنه "

عبدالرحمن : " يمه أقترح تأخذين دورة في إدارة المشاريع ! والله توفرين وقت !
الحين كل هذا و ما عندك روحة ؟! أجل لو عندك ؟! يا حبي لك بس "

أم عبدالرحمن : " وراك تأخرت و أنا أمك ؟! "

عبدالرحمن : " أبد والله يمه العادة ! العمل ما يخلص ! يمه كل يوم أتأخر و كل يوم تسألين الله لا يحرمني منك و يجزاك عني بالجنة

- وين الغداء ؟ فيني النوم ! "

اللي يسمعني يقول بينوم !!ما وراه مياسم

عسيريه 19/08/2008 03:19 AM

.

.

إقتباس:

اللي يسمعني يقول بينوم !!ما وراه مياسم


8

بدأ شغل النصب من الحين :d
جزء حلو كثير ومريح وممتع s60s وأهم شي طويل :razz:

حلو احتكاك عبدالرحمن مع مياسم هالكثر يعني بالعاده بهالفتره الحيا يكون سيد الموقف بس يبدو ان عبد الرحمن ومياسم ارتاحوا لـ بعض وهالشي واضح من خلال تعاملهم وكلامهم لـ بعض أجل بالدوام تدق عليه وهي عارفه انه مشغول :d !

الأجواء هاديه وكل شي تمام ياليت الروايه تستمر على كذا :smilie47:
شكرا ابو ريمان


مع التحيه

مــــهــــنــــد 19/08/2008 03:21 AM

هههههههههههههههههههههههههههههههههههههههههههههه

يالبى العنديه حلاتها كذا شوي عناد وطقاق .

جزء رووووووعة بس ما تلاحظ ابوريمان انهم طولوا ليه مايعرسون ويخلصون علينا .

بس حلو أن عبدالرحمن بدا يفكر بأخته نقطة كويسة جداً .

الأكثر كواسة أنه فهم مياسم ان الشغل شغل تخبر البنوتات خبيلات من تمسك الدلع تحوس ام الدنيا هههه

8
88
888
هذا العضو بينجلد من البنات ههههههه


كالعادة الإبداع يقف مذهول من إبداعك

تحياتي ....

الزعيم9 19/08/2008 03:33 AM

ابو ريمان


إقتباس:

اكتشفت إن أحد الزملاء اسمه أبو سليمان و هو أكبر الزملاء في الإدارة تجاوز الستين مجهز حفلة بسيطة بمناسبة إكمالي لسنتين في العمل ، كان جايب كيكة و كاتب عليها مبروك السنة الثانية ، السنة الأولى أنا جبت الكيكة
ابو ريمان

إقتباس:

أنت ناقد حسب ما تصف نفسك في الماسنجر ، و لا تعرف المجاملة و ترى أن النقد مطلوب لأنه مفيد .

و أراك لا تتقبله بتكرارك لنفس الخطأ الإملائي دون توضيح السبب ، عموماً لم أكتب ملاحظة الخطأ الإملائي نقداً و لو كنت سأنقد لبحثت عما هو مفيد نقده ، لكن لإنه أمر يتعلق بالدين و أنا جاهل في الدين أخشى أن يلحقني بسبب السكوت عنه شيئ
المشاغب


إقتباس:

الزعيم9 .. ولكم باك أولاً .. وثانياً : أنت قلت لي أن سبب نقمك على الرواية هو أنها لا تستحق كل هذه الردود وأنها أخذت أكبر من حجمها ..! وأنا قلت لك : إذاً دافع ردودك التهجمية هو الغيرة لكثرة الردود , وأنكرت هذا أنت..!
ثم سألتك عن السبب الآخر إن لم يكن هذا هو السبب الحقيقي فما هو السبب؟ .. وقلت أنت أنها تحتوي على مخالفات شرعية وعلاقات محرمة..!!!!!
وهنا أطالبك أمام الجميع أن تقتبس لنا ما تراه مخالفة شرعية توجب القصاص من الكاتب .. وحينها سنقف جميعاً في صفك


الوقت المعتمد في المنتدى بتوقيت جرينتش +3.
الوقت الان » 01:16 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd