|
الله يعطيك العافية أبو ريمان .. تراني متابع معك زين .. بس حركات التشويق خلها عنكـ حرام عليك تقطعنا يوم كامل نفكر وش بيصي لعبد الرحمن وحنين ومياسم وو الخ المهم الجزء الثامن قصير جداً فلو تطول الأجزاء شوي يكون أحسن .. تحياتي لك أخي عبد الرحمن .. وواصل ابداعك .. |
جمــــــــيل جــــــدا أنتـــــــــظر كمالة القصه بشوق... |
. . الله يهديها حنين :stoned: خربت كل شي يمكن يكون بالأمر خيــره s60s بإنتظآر القآدم مع التحيه |
عودهـ \ / بعلق على الجزء الاخير يمكن البعض توقع تصرف حنين سيء ولكن اتوقع انها تعرف اخوها وتعرف البنت وحلوو اختصرت الوقت قبل لايتعلق ويبني احلامه على بنت ماتناسبه على حسب كلام اخته تذكرت سالفه لاحد اقاربي كان ابن عمها يميل لها ولكن هي ماتبي تتزوج اقاررب فاختصرت الطريق وكانت تلمح لاخواته وتصرح انها ماتبي اقارب وهم فهمـوا واتوقع فهمـوا الولد علشان مايبني احلامه عليها وهي مابتوافق \ / متشوقين للبقيه وشكرا لكـ وجعلك ماتفقد غالي ان شاء الله :) مخرج وبالاسحار هم يستغفروون (استغفر الله ) الهنوووف كانت هنا ورحلت |
:: أفااا ياااحنين :no:,, ماتوقعتها منك :no:,, وش ينقص مياسم ؟؟:no: لكن لأنك حنين بنسامحك :whacko:.. وانتِ ابخص بأخوتس:razz::tongue:.. :: أبو ريمان .. الله يعطيك العافية ورده.. والله يجزاك خير لـ تبكيرك بنزول هذا الجزء :stoned:.. :: ..ــــ.. الهنوووف عوداً حميداً :smilie47:.. إشتقت لـ تعليقك هنا :inlove:.. .. (( نستغفر الله الذي لا إله إلا هو الحي القيوم ونتوب إليه )) :: |
. يمكن حنين معها حق و ما يصلح لها عبدالرحمن و لها اسبابها مع الاجزاء القادمه راح نعرف وش السبب اللي خلى حنين تقول لعبدالرحمن ان مياسم ما تصلح لك .. |
أنا مثلا لو يتقدم لي نواف بن فيصل رفضته <<< لا تكفين درى عنك ألحين :d أتوقع إن مياسم وعبدالرحمن نفس الطبايع فما يصلح يكونون لبعض :surprised: بس تكفى يابو ريمان لا تقول إنهم أخوان من الرضاع :d بإنتظار الحرمان اللي بيحصل لعبدالرحمن .. !! |
له له له له يابو ريمان. وش القفلات ذي. روايتك فله. دمت بصحه وبسلامه |
@@ الجزء التاسع @@ حاولت أنوم ما قدرت ! ودي أتكلم مع نجلاء ، لكن الوضع ما هو مثل أول !! أول أكلم نجلاء بأي وقت لكن الحين بعد ما تزوجت خلاص ، مو كل وقت مناسب . بدأت أستعرض الذكريات و أيام راحت مع حنين و نجلاء ، و الذكريات متعبة ! الذكرى سواء كانت حلوة أو شينة تظل متعبة . أتقلب على الفراش و لما راح الوقت و ناظرت الساعة حصلت وقت الفجر قرب ، و ما بقى على الأذان وقت طويل ، يمكن لو نمت ما أقدر أصحى للصلاة . كلمتني أمي تصحيني و تفاجأت لما حصلتني صاحي ، مو بالعادة أكون صاحي بوسط الأسبوع . أم عبدالرحمن : " ما بعد نمت ؟! " عبدالرحمن : " لا والله يمه " أم عبدالرحمن : " ليه و أنا أمك ؟! فيك شيء يعورك ؟! " عبدالرحمن : " أبد يمه سلامتك ، يمكن طولت بنومة العصر " أم عبدالرحمن : " ترى كثر التفكير و أنا أمك يتعب " عبدالرحمن : " إن شاء الله يمه " كثيرة الأحيان اللي نعتقد فيها إن الناس اللي حولنا و قريبين منا ما يحسون فينا ، لكن الأكيد إن أغلبهم يحسون فينا و الفرق إن بعضهم يبين لنا إنه حاس و البعض لا . بعد صلاة الفجر نمت لي شوي ، صحيت و أنا طالع للدوام فكرت و نفذت ! كلمت نجلاء عبدالرحمن : " هلا نجلاء " نجلاء : " هلا بك ، عسى ما شر " عبدالرحمن : " من حقك نجلاء ، من تزوجت و أنا مقصر في حقك " نجلاء : " كويس إنك عارف ، صدق عبدالرحمن عسى ما شر " عبدالرحمن : " أبد والله نجلاء ، في موضوع ودي أحكي معك فيه " نجلاء : " الله يحييك ، ما بعد أفطرنا ، تعال افطر معنا " عبدالرحمن : " لا ! شكراً " نجلاء : " عبدالرحمن !! فيك شيء ؟! حنين فيها شيء ؟! خالتي فيها شيء ؟!" عبدالرحمن : " لا والله وش فيك ؟ الموضوع يخصني " نجلاء : " أوكي ، أنا باجي لبيتكم باخليه يمر بي على بيتكم " عبدالرحمن : " حلو ، يا ليت ما تتأخرين ، ودي أحكي معك قبل ما تصحى حنين " نجلاء : " صار ، كلها نصف ساعة إن شاء الله و أنا عندكم " مريت المكتب و استأذنت و رجعت للبيت ، هدوء الكل في غرفته ، طلبت شاي و شوي إلا جت نجلاء " نجلاء : " عبدالرحمن أشغلتني " عبدالرحمن : " والله أدري و آسف ، بس لو تدرين إني ما نمت من أمس إلا ساعة يمكن تعذريني " نجلاء : " ليه طيب ؟! عسى ما شر ؟! " عبدالرحمن : " نجلاء باحكي بس لا تقاطعيني ، خليني أخلص و بعدها أسمع تعليقك " نجلاء : " أبشر ، تفضل عبدالرحمن " عبدالرحمن : " أنت تعرفين إننا صار لنا وقت ندور إنسانة مناسبة ، و ما قدرت أقتنع بأي خيار من الخيارات اللي طرحتوها ! قبل كم يوم اقتنعت بوحدة ، حسيت إني ارتحت لها و إنها الإنسانة المناسبة اللي أبيها " قاطعتني نجلاء : " طيب حلو ، هذا اللي نبيه " عبدالرحمن : " ما تخلين طبعك الله يصلحك ! اسكتي شوي " نجلاء : " طيب آسفة تفضل " عبدالرحمن : " كلامك صح ، حلو !! المشكلة يا نجلاء لو كانت حنين ما تشوفها البنت المناسبة ! " نجلاء : " مستحيل يا عبدالرحمن ، حنين ما أعتقد تعترض على إنسانة أنت مقتنع فيها ، أنا أعرفها كويس ، صح هي خايفة عليك و تخاف إنك تبعد عنها ، لكن أمنيتها إنك تأخذ إنسانة مقتنع فيها " عبدالرحمن : " طيب و إذا قلت لك يا نجلاء إن حنين فعلاً ما تشوف الإنسانة اللي أنا مقتنع فيها مناسبة لي ؟! " نجلاء : " عبدالرحمن ماني قادرة أصدق ، خصوصاً إنك أنت و حنين تتفقون كثير ، يعني اختيارك دائماً يعجبها " عبدالرحمن : " حتى لو كانت مياسم يا نجلاء ؟! " |
ابوريمان لاااعاد وش ذاااا تحمسنااا :d :::::::>>>ماعصبت ابد مستغربه ليه عبدالرحمن ماستفسر من حنين عن الاسباب الي خلتها تحكم ان البنت ماتناسبه ليه سال نجلاء :surprised: التفكير متــعـب كفانا الله شره :)فهو متعب نفسياا ابوريمان ياستاذ ::>>>تقول استاذ علشان يستعجل :d لاتختم الاجزاء كذااا :stoned: تقهرنا :d بالانتظار تحمست اعرف الاسباب الي تخلي مياسم ماتناسب عبدالرحمنs60s عافاك ربي :) الهنوووف كانت هنا ورحلت |
قريت الجزئين سوا ،، غريب موقف حنين وهي مادحة البنت من قبل !! ننتظر الجزء الجاي ونشوف نجلاء وش بتقول :D ..>> عجل تكفى مابقا عالسفر شي:( |
أنني في قمة الحماس :stoned: استاذي ابو ريمان .. ما أظن أن اللي كاتب القصة شخص غيرك ابداً ابداً !! ولا تسألني ليش يمكن انت تعرف , ثم انا شفت أن شخصية حنين كنها كنها شـــذى :stoned::d يا لبى قلبها ..:stoned::smilie47: وربي نفس حركاتها ..:razz: المهم .. ارجوك عجل وانا كل شوي اقرأ جزئين ثلاثة على بعضهم ..هالمرة بيختلف الوضع واتقطع شوق بإنتظار تكملة الجزء الجديد .... :smilie47: لكن بإعتقادي الحرمان رح يكون الآن بين عبدالرحمن و مياسم ..! |
. . أبو ريمان :stoned: الله يهديك بس :razz: أتوقع نجلا بتتفق مع حنين مدري ليش :surprised:! الله يعين عبد الرحمن :stoned: الإختيار صعب جدا ابو ريمان ننتظرs60s مع التحيه |
يامرحبا بالروايات واهلهـــــــــا .. مياسم أنا أقول إن مافيها شيء ألا إذا كانت تحب , أو حاطه عينها على شخص ثاني , أو إنها تخاف ماتعجب عبدالرحمن من كثر ماهي متعلقه فيه , أو ياليتك ساكته يا متآبعه :d وبعدين هالنجلاء عليها حركات أجل مخليه رجلها في ذا الصبح ورايحه تبسٍط مع عبدالرحمن , لا من جد ليتني ساكته :d أبو ريماااان عجّل علينا الله يخليك . s60s |
صبر جميل والله المستعان (==ما حقد ابد..:d:d المشكله علقني بالروايه والا وش لي بالرفعة الضغط..:upset::razz::d بانتظارك..s60s:smilie47: سلاااااااااااااااااااااااااااااااام |
| الوقت المعتمد في المنتدى بتوقيت جرينتش +3.
الوقت الان » 11:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd