|
(مصافحه اولى) قصيده اهداء لجمهور الزعيم اناهلالي بعالي الصوت يقول ويضرب بصدره ولا اشجع قصار شبور بميولي وانتمائاتي ولا ينلام من شجع زعيم الكل وله عذره فريق يشرف بلعبه وزعيمن بالبطولاتي هلال ويرتجف خصمه في اسمه هيبه وخبره وفالماضي له القابه وله كل ما هوا آتي لامن طب فالملعب تشوف حلوق منثبره ولا من جال كر و فر تمتع بالمهاراتي له التاريخ يشهد له ولاشايف احد كبره هو المنطق هو المعقول فيه تطيب هقواتي فريق القرن ولاغيره وهذا العصر هو عصره من اكثر من حصد القاب ومتعلي المنصاتي بدون اي شك ولاتفكر بتنطقها على الفطره لأن الشمس ماتتغطا ولابد نورها ياتي ولكم تحياتي ابوساره |
صح لسانك يابو ساره على هالابيات الرائعه وقواك الله .. ابيات جميله وتستحق الإطراء ولاعدمناك ياغالي .. لأن الشمس ماتتغبا .. بودي لو توضح وش معنى تتغبا ... اخوك : ابو عبدالله باك ... إقتباس:
إقتباس:
شكرا للتوضيح .. هو الواضح من المعنى المراد كذا يالله على العموم ماودي اقلب الموضوع حصة لغة عربية :d .. أول مره تمر عليه بصراحه .. اخوك : ابو عبدالله |
صح لسانك ياشاعرنا عجبني هالبيت لامن طب فالملعب تشوف حلوق منثبره ولا من جال كر و فر تمتع بالمهاراتي |
صح لسانك ونتظر إبداعاتك ـــــــــــــــــــــــــ |
صح لساانك ولاهنت قصيده رائعه .!! شاعر الهلال مبدع ، بمعنى الكلمه ،، واصل ابداعاتك ، واتحفنا باشعارك الرائعه .!! |
هلا ابو عبدالله تتغبا : تتغطا ولك التحيه يابعدي |
صح السانك يشاعر قصيده رائعه يالغالي نتضر المزيد من شعر الهلال مشكور والله يزيد فضلك |
صــــــــــح لسانك و يعطيك ألف عاافيه ع القصيدة بس عندي سؤال أنت مسجل من عـــ2005ــــام و الحين أحنا في عـــ2008ــــام و مشاركاتك ثــلاثــة....؟؟!! |
هلا هلالي صح بدنك ويعطيك العافيه شاكر ومقدر مرورك |
صح لسانك ولا عدمناك يا شاعرنا الغالي..... ومتعنا بجديدك ولا تنقطع أبد ، أي قصيدة عندك عن الهلال أو أحد لاعبيه حطها ولا تبخل علينا تعرف هذي الأيام صارت الحياة بدون شعر .... كالمخلوق الحي بلا ماء أخوك ( "جناح الهلال" ) |
مرحبا ويعطيك الف عافيه فريق القرن ولاغيره وهذا العصر هو عصره من اكثر من حصد القاب ومتعلي المنصات |
مرحبا ابو فيصل صح بدنك ويعطيك العافيه شاكر ومقدر مرورك |
هلا امير ولا تهون يابعدي هذي من روعة ذائقتكم وبعض من ما عندكم صح بدنك ولاعدمتك ونحن في تواصل |
بدون اي شك ولاتفكر بتنطقها على الفطره لأن الشمس ماتتغبا ولابد نورها ياتي ............................................................... والله رووووووعة جدا صح لسانك ياشاعر الهلال تقبل مروري أخوك : دبــــوج @ |
اهلين wem11 صح بدنك ويعطيك العافيه شاكر ومقدر مرورك |
هلا الحرقان صح يدنك يالغالي ولا يهمك انا اجاوبك عام 2005 سجلت وطولو مافعلو تسجيلي ونسيت الموضوع جيت اليوم اسجل حصلت اسمي موجود فارسلت تذكير بالاسم والباسورد واشتركت هذي السالفه وانا اخوك ولك التحية والتقدير |
هلا بالغالي جناح الهلال الله يمتعك بالعافيه شاكر ثناءك وابشر بعزك وانا اخوك |
هلا طفله الهلال والله يعافيك اختي شاكر ومقدر مرورك |
اهلين دبوج صح بدنك يالغالي يعطيك العافيه شاكر لك مرورك واطراءك لك التحيه |
صح لسانك ونتظر إبداعاتك ـــــــــــــــــــــــــ |
K.M.A.99 مرحبا اخوي صح بدنك والله يحيييك |
الف مبرووك للزعيم والقصيده هذا وقتها |
صح لساااااااااااااااااااانك و لا هنت قصيده رائعه و يستاهل الزعيم و جمهوره بانتظار قصائد قادمه ما دامت هي المصافحه الاولى فالجاي اجمل إن شاء الله |
الـوفـا ديـــنــ صح بدنك ولاتهون وابشر بعزك تحياتي لك |
| الوقت المعتمد في المنتدى بتوقيت جرينتش +3.
الوقت الان » 05:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd