نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   شخابيـط خريـج ثانوي ! (http://vb.alhilal.com/showthread.php?t=608771)

زعيـم أسيـآ 15/07/2008 11:22 AM

شخابيـط خريـج ثانوي !
 
سلام عليكم و رحمة الله و بركاتة

تسيف حالكم .. عساكم بخير :)

كما تشوفون اعزائي القاعدين اني مسجل منذو مبطي بس مااشارك :surprised:

و ماهو السبب ياترى ؟

انها الثانوية و التوجيهي !

سنتين حارمين نفسنا من كل شيء لا طلعات و و لا نت و لا مباريات !

و نلعب على نفسنا ان عندنا تعليم و تراكمي و خرابيط !

و قاعدين نكرف كرف .. واجبات و اختبارات شهرية و ... الخ

و جبنا النسبة اللي ترفع الرآس [ 97.25 ] !

لكن في خلال ثلاث ساعات تحطم جهـد سنتين كاملات :upset:

انه التحصيلي يا جماعة .. و الله ودي اصيح ابكي اطلع اللي في قلبي !

تخيلو اجيب نسبة ماحد جابها .. و في مدرسة حكومية بـ ع ــد !

و اخر شي تحصيلي [ 53 ] اللي حطم كل نسبتي و احلامي بالطب و الهندسة و البعثات الخارجية !

حتى بالقدرات جايب [ 82 ] يعني درجة حلوة !

لكن هالتحصيلي ياناس هالتحصيلي ؟

ليش هالتخلف ليش ؟

الثانوية اللي تدرسها سنتين و تتعب و تحرم نفسك 30 % من المعدل !

و التحصيلي اللي 3 ساعات بس و بدون تعب و بالحظ تجيب الدرجة 40 % من المعدل !

واحد يوصل صوتنا للمسؤولين .. اسمعونا .. شوفو راينا .. !

و الله لو واحد من عيالكم حالة مثل حالتنا .. و الله ان تمتلي قلوبكم قهر و غبنة !

اذا تذكرت المذاكرة و الكتب اللي كنت اعتبرها [ فرس الرهان ] بيني و بينكم !

ابكي .. انقهر .. صرت اكرهها مثل ماكنت احبها قبل التحصيلي !

لازم تدرون انكم بالتحصيلي حطمتو قلوب طلآب كانو يتمنون ان يكون قبل اسمهم [ د & م ] !

لكن الان اصبحو يتمنون اي كلية تمن عليهم بالقبول و لو كانت اعلام او تاريخ :upset:


طيب الدكاترة مثل د / عبدالله الربيعة و غيرة الالاف !

هل احتاجو لـ التحصيلي عشان يثبتون انهم مهتمين بدراستهم و بعلمهم !

للاسف التعليم عندنا من سيء لـ اسوأ !

و انا قررت ادرس برا على حسابي .. و لا ان اعيش على تخلف التعليم !

و ان شاء الله ارجع يوم من الايام لبلدي حاملا شهادة الدكتوراة و اخدم بكل طاقتي الطلاب الغلبانيين اللي مثلي !

و اتمنى من كل قلبي ان يتغير تعليمنا بقيادة الحكومة الرشيدة .. للافضـل

:smilie47:

زعيم المستديرة 15/07/2008 11:48 AM

ما اضن يتغير التعليم و التعقيد مستمر من صعب الى اصعب

بـــ(الهلال)ـــدر 15/07/2008 12:08 PM

الله يعينك وبعدين وش ترجي اذا كان كل شي يمشي بالبركه
......................................

هلالـ9ـي 15/07/2008 01:13 PM

يا حول اكيد الولد استخف يكلم نفسه الله المستعان:naughty:

ضيقت صدري من جد :surprised:


بعدين كل شىء مكتوووب :)

حمـhmooodyـودي 15/07/2008 01:30 PM

اخي العزيز......انا في السنه الماضيه مريت بنفس حالتك وجتني ازمه نفسيه....ولكن انت ليش مصعبها على نفسك:cry:

وتعتبر ان الطب والهندسه هي الحياه وغيرها الموت....ياأخي العزيز ...هناك العديد من التخصصات والعلوم التي

لاحصر لها ...هناك التخصصات الاداريه والقانونيه والاقتصاديه والماليه...الخ ...التي تحتاجها المملكه في الوقت الحاضر

لاسيما مع توسع اعمال البنوك والمصارف...و البيئه الخصبه للاستثمار....الحياة ليست طب وهندسه فقط

فلا تحصر نفسك في هذين التخصصين وتنسى الباقي.

الله يوفقك ان شاءالله ويحقق امانيك...

حوار عقلاني 15/07/2008 02:37 PM

اووف اوووف اوووف اوووف الحين أغلب العالم مثلك بالله .؟ >>> :bigeek:

صدقني إنت خلاص ما لك أمل إلا إنك تجلس سنة في البيت وتعيد التحصيلي السنة الجاية عل تجيب شي حلو

يا ناااااس والله أول مرة أطلع من طوووري لكن الوضع ما يخآرج أبدا أبدا أبدا

ما لك إلا الدعاء إدع والله إنك مظلووم وبالفم المليان ..

الله يرحم الحال والله إن إختبآر الوزآرة من زمان أقول سهل سهل إحنا مرينا وجربنا وكثير اللي فوق الـ 90 .

لكن إنت الله يعينك ,.. ويسهل أمرك بس

أحلـى هلاليه 15/07/2008 03:06 PM

الله يكون بعونكم

بصراحه تخبط في التعليم
يحطون انظمه عشوائيه
ميعرفون وش فايدتها من مضرتها


الله يوفقك

asim 9 15/07/2008 04:04 PM

ولازال للتعقيد بقــــــــــــــــية

السنة الجاية بيخترعون اختبار جديد

I don‘t know 15/07/2008 04:28 PM

مانقول الا الله يوفقك ويعينك

فالواحد مايقدر الا يقبل وش نسوي


والله يعيننا ويوفقنا

_ricardo_KAKA 15/07/2008 05:19 PM

اصلن هم كل شوي يطلعون شي جديد بس علشان إذا قالو الشباب نبي وظايف قالو ماجبتو معدل زين علشان يكون معاهم حق هو كل البلا من وزير الماليه تدرون ان السنه الي راحت طرحت وزارة التعليم للبنات 16الف وظيفه معلمات ورفظتها وزارة الماليه بحجت ان الميزانيه لا تكفي ...!!!!

R.o.N.a.L.D.o.9 15/07/2008 05:27 PM

صدقني يا أخوي أعتقد أن الخلل منك أنت ..!

ليــــــــش ؟

لأن الفرق بين نسبة الثانوية ونسبة الإختبار التحصيلي واضح جداً عندك !

مو معقوله تجيب 97,25 في الثانوية وبعدين تجيب 53 في التحصيلي !

فأعتقد والله العلم أنك نسيت معلومات الصف الأول والثاني ثانوي لأنها تمثّل نصف الإختبار

التحصيلي .

لكن بإذن الله أنك تدخل القسم الي تبيه ...

بالتوفيق لك يا اخوي

asim 9 15/07/2008 07:36 PM

إقتباس:

الرسالة الأصلية كتبت بواسطة R.o.N.a.L.D.o.9 (مشاركة 9031615)
صدقني يا أخوي أعتقد أن الخلل منك أنت ..!

ليــــــــش ؟

لأن الفرق بين نسبة الثانوية ونسبة الإختبار التحصيلي واضح جداً عندك !

مو معقوله تجيب 97,25 في الثانوية وبعدين تجيب 53 في التحصيلي !

فأعتقد والله العلم أنك نسيت معلومات الصف الأول والثاني ثانوي لأنها تمثّل نصف الإختبار

التحصيلي .

لكن بإذن الله أنك تدخل القسم الي تبيه ...

بالتوفيق لك يا اخوي

ياخي قالوالك المخ كمبيوتر ولامموري

ياخووووي لكل شي حد

مو معقوووول الي يصير:upset:

ابي اسالك اسئلة وزير التعليم اختبر قدرات

ولا اختبر تحصيلي ؟؟؟؟؟؟؟؟؟؟؟

هلااالي وأفتخر 15/07/2008 07:54 PM


يابن الحلال ترى أغلبنا مثلك :d

يعني كثييييييييير طاحت نسبهم <<فوق ماهي طايحة :d

بس تبي الصراحة..أكيد كان فيه خلل منك..
لأن 53 قليييلة مرة..
يعني حتى لو كنت سيء..أقل شي فوق الـ65

عموما الله يوفقنا وياك ,,

MAHER.9 15/07/2008 08:12 PM

انا تخرجت وكانت الاسئله من الوزاره

وكان وقتها موجود القدرات والتحصيلي

وانا ما اختبرت تحصيلي بصراحه

لان درجتي بالقدرات كانت شبه نازله فأستخرت ولله الحمد

الان انا بالجامعه ومرتاح والحمدلله

الله يعينك اخوي وبالتوفيق لك ولجميع الطلاب والطالبات

الســفيرة 15/07/2008 09:13 PM

الي صار صار والحمدلله على كل حال :)


اخوي دام عندكـ قدرة تدرس برا توكل على الله وروح :) الحين شهادات برا يقدرونها اكثر من الي يدرس هنا .. والخيرة فيما اختاره الله :)


الله يوفق الجمييييييع يارب ورده


الوقت المعتمد في المنتدى بتوقيت جرينتش +3.
الوقت الان » 06:10 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd