رابـطـة عـشـاق الـمـيـلان ][2008-2009 ][ - صفحة رقم 329 - نادي الهلال السعودي - شبكة الزعيم

Milan_89 · #4921 12/11/2008, 11:57 AM

^^
أقول الشرهه على اللي ينـااقشكم يا عيـاال اللذيـناا ..
كل أبـوكم قلبـتوا علي مع الخروف .. !؟

أجـل جاايزنلكم الخروف يا عيـاال .. !!؟
ههههههههههههههه .. طيب مهب مشكلة مدررب قديـر << مهب منـّي هالكلمة لكن مجبـور .. !

ايوه قديـر

.. لكن ما يمنـع إنـّي اشرشحه بالمبـااراة اللي فااتت ..
لأنـّه هو اللي ضيـّع علينـاا الثـلااث نـقااط .. !

أمّاا التـقفيل حكااية ثـاانية

.. هذا مثـل اللّي يقول عذر البليـد مسح السبـّورة .. أو كماا قيـل في المثـل ..

يا عزيزي تقفيـل وانت بـاادي المبـااراة وانت خاايـف .. !!؟
ثلااثـة محااور .. [ فلااميـني / جاتـوزو / سيـدورف ] .. أرردى شي قسم بالله !! ..

وبمهااجم واحد بعد .. ويقول تقفيـل .. ! واللي يقهـر إنـّه يلعب قدّام الانتـر بمهاجميـن ..
وقدّام الأنديـة الصّغيـرة بمهااجم واحد .. أنا بكلاامي ماأقول إن الانتر مهب صغيـر ..
هو وضيـع هيـّن منتهيـن منـهاا .. بس عشاان نمشّيهاا بحكم كلمة [ ديربي ] .. !

همن نجي نـقول مشكلتنـاا قدّام الأنديـة الصّغيـرة يا عيـاال .. لازم يشوف له حل الخروف ..
عااد يجيـك واحد مدرعم بيـدافع عن الخروف .. أصلن النـاادي هذا مقفل مقفل .. !

أي تقفيـل يبـوو وخروفنـاا لااعب بمهاجم واحد وثلااثة محااور ههههههههههههه !!؟

طيب لحظة خل أخلّيـكم تعيـشون معانـااتي مع الخروف .. يمكن ما تلومونن .. !

مبـااراة قدّام ليتشي [ فريـق صااعد حديثـن ] ..
يدخل الخروف بتشكيـلة الكرسمس اللي أثبتت فشلهاا الذريـع بالدّوري المحلّي .. وخصوصن قدّام الأندية البثـرة والصغيـرة [ من نمونـة ليتشي ] .. !
يجي ويدخل بمهااجم اسمه بوريللّو .. وبالدكّة فيه ثلااثة جااهزين أحسن منـه .. !
وثلااثـة محااور .. اثنيـن منـهم دفااعييـن وواحد متـقدّم ..

وتمشي المبـااراة وعلى هالتشكيـلة .. !
يهااجم ميـلاان ويستـحوذ على الكورة ويطقطق ومنـاولاات وون توّات ..
وتضييـعة من رعونـة ودبـااشة من هالمهااجم الوحيـد ..
وحنـّاا بهالوضع .. أبيـااتي جالس ومتكّي على العاارضة .. ما جتـه ولاا هجمة .. !
وبدون أي تغييـر .. !
يصفّر الحكم يعلن نهاايـة الشّوط الأول .. وحنـّاا نـقول إيه الحيـن يدخل مهااجم ثـااني ينهيـهاا .. !
يبـدا الشّوط الثـااني .. وإكماال لمسلسل الهجماات والاستـحواذ ..
وبدون أي تغييـر .. !؟
يا خروووووف !!؟ .. هجوم وضغط ونبي نحاافظ على الصّدارة وفريق بثـر مقفل ..
ومهااجم واحد وثلااثة محااور .. طيب غيـّر !!؟
بدّل .. بااتو موجود !؟ .. طيب بيبو !؟ .. طيب شيـفاا !؟
وبدون أي تغيـير .. !

فقدّت الأمل وشوي وانا صااك التـلفزيون .. يلعن اوم الفريـق كل هالاسمااء ويدرربهم واحد قمطة .. !
لماا وصلنـاا الدقيـقة 78 .. وأخيييييرن يغيـّر .. ووش عقبـه .. !؟
ويجي هدف !! .. عشاان تدرون يا شلّة إيه تراهم مقفلين !!

.. إن هالبثـرين ما ينـفع معهم الكرسمس .. !
بعد الهدف !! .. صاار فيـه محااولاات من ميـلاان .. وحتـى الآن الميـلاان مزبـوط .. !
يجي يـروح يبدّل تبديـل دفااعي .. راح وحط إيمرسون وخلاّه محور عقب ما طلّع فلامينـي .. !
يعني ترانـي بقفّل وبحاافظ ع الهدف !! ..
لعنبوبليسك ما شفنـاا أبيـااتي أبد وتقولي بحاافظ !! .. يمديـك تجيـب هدف ثـااني وترتـااح .. !
ويجي فـااول عقب ما ميـلاان خفف الضغط [ بحكم إن الخروف مقفّل ] .. ! ويجي الهدف منـه !! ..
وتضيـع الثـلااث نـقااط .. !
ويتـصدر الوضيـع !! ..

أتـمنّى !! ..
وأتـمنى جدّن .. إن الخروف يستفيـد من هالغلـطة .. !
لأن غلطة مثـل هذي .. وتضييعتـه لهالثـلااث نـقااط الثمينـة مثل هذي المفروض ما تمشي وتمر مرور الكرام .. !

عمومن ييـزي كلاام كثيـر وبربـرة ..

لكن حبـّيت أوضّح زعلـي على الخروف وتضييـعته ثلاث نـقااط قدام ليتشي .. !

أصلن الخروف أحسن وااحد .. جابلنـاا 7 بطولات بـ 7 مواسم .. حاجة خوورافيـّة .. !

بس عشاان المطش الأخيـر زعلت عليـه .. ولا هو كويـّس ..

!

سي ياا ورده

ابومسامح · #4922 12/11/2008, 12:15 PM

السلام عليكم
طبعا هذي اول مشاركه لي بالرابطه لكني اتابع دائم النقاشات والاخبار بس هالمره تحمست الصراحه معكم
طبعا مااعرف اكتب مقدمات بما اني جديد بينكم
السالفه ومافيها الخروف انشي اللي اتمنى انه يستمر لمواسم مع ميلان
بالنسبه للمباراة الاخيره انشي تاخر بتغيراته هذا اول شئ
يعني من المفترض ينزل باتو من الدقيقه 60
ونزول انزاجي بعدها بعشر دقايق مكان بوريللو اذا ماتغيرت النتيجه
والمفترض بعد ماسجل الهدف مايتراجع للخلف يستمر بالضغط يعني تلعب قدام ليتشي واخر الدقايق تتراجع وتعطيهم الفرصه يتقدمون وانت عارف ان دفاعك لك عليه
وبعدين كاكا ماله حق الصراحه يتسبب بفاول اخر الدقايق يعني معك زامبروتا واثنينكم ضاغطين على اللاعب مافيه اي داعي الفاول
وفرصه سعيده ياكويسين

FORZA MILAN.......لا ذنب للعاشق ان غلب الهوى<<<<<<<<اتمنى وضعها عنوان للرابطه

الصداره راجعه الجولتين الجايه ان شاء الله

الغائب الحاضر · #4923 12/11/2008, 12:57 PM

لالا ياحبيبي Milan_89 ماقلبنا عليك كلنا
انا معاك قلباً وقالباً <<<<< اخس مانيب سهل

بصراحه كلامك سليم 100%
مباراة ليتشي ابو خدود ضيعها علينا
واللي يقول غير كذا يغالط نفسه

مدرب قدير ماقلنا شي
بس اذا غلط لازم نقول انه غلط

MiLAN LoVeR · #4924 12/11/2008, 01:53 PM

نـقـاش الدحمي وباسم

//

الـخـروف

مدرب قدير وتاريخه كبير وو ماعلينا منه

نتكلم عن الوضع الحالي...!

أبـرز عيوبـه//

1- قرائته للمباراة ضعيفه ومتأخره جـدا

2-تـغـيـيراته بطله بس متأخره ومتأخره جـدآ

3- فيه خوف او حذر زياده عن اللزوم

//...أمـا موضوع الفرق الصغيره وتقفيلها...//

اجل الي يبي ميلان يتعثر يقفل معه وانتهينا...

الحل اشراك حلول هجوميه وتخليص المباراة وماننتظر هدف من روني كـ العاده

أنـشـي يملك مجموعه حلوه رغم الاصابات في خط الدفاع الي يمكن نعذره فيه

طـبـعـا الحكم لم يكن من مباراة وحـده لكن هذي عيوب انشي بـشـكل عــام!

//!!لـكـن!!//

يبقى انشي افضل مدرب للميلان على الاقل موسمين قدام

!بــرب!

Madrid Magic · #4925 12/11/2008, 06:00 PM

°•[ Ḍẹ RŏşśI || ρяiή¢ę ǿƒ Яờмę ]•°

مُـوضوع لا يكـتـمـِل جمـالـهُ إلا بـِكـُم ..

~

G o L d E s T · #4926 12/11/2008, 07:31 PM

..

حمي الوطيس في النقاشات

أول شي فيما يتعلق بالنقاش عن روني مع فواز

رونالدينهو لاعب كبير وعنده شي أكثر من اللي يسويه عشان كذا ما أرضى يكون أدائه أقل من كاكا بفارق كبير

صحيح هو في مرحلة تأهيل لكن أنا أحكم عليه عن مرحلته الحالية دون النظر لوضعه

طبعا يمكن البعض يقولي إن روني هداف الفريق والشي هذا صحيح لكن كاكا أكثر فائدة منه وبكل مباراة يتفوق عليه بإستثناء مباراة ليتشي

....

فيما يتعلق بأنشلوتي أنا أبتكلم عن المباراة الأخيرة فقط

أتفق مع باسم جملة وتفصيلا وبصراحة ما أدري وش تبي يا عبدالرحمن يوم تقول إنه ما تأخر بالتغيير !!!

مثل ما قلت خطة الكريسمس ما تنفع أبددددد لكن يمكن أعذر أنشلوتي لأنه صعبة يفرط بكاكا أو روني على حساب أحد المهاجمين

لكن على الأقل يبكر بالتغييرات مب ينزل مهاجمين بآخر 12 دقيقة ويطلب منهم يغيرون مجرى المباراة !!

صحيح نزولهم سبب بتسجيل الهدف لكن كان بالإمكان حسم المباراة بأكثر من هدف لو نزلوا بوقت أبكر خصوصا إن ليتشي مب فريق يخوفك بالمرتدات

وطول المباراة ما عرفوا يبنون هجمة زي الناس ما غير يشتتون الكورة وتوصل لمهاجمهم ويقطعها أغبى مدافع بالعالم فافالي

بالإضافة إلى إن دفاعهم ولو كان كثيف لكنه مب صلب ويستعصي شفنا بوريلو إنفرد بأكثر من كورة بالإضافة إلى إنفرادة كاكا

مجمل الكلام إن التعادل يتحمل الجزء الأكبر منه أنشلوتي وتذكروا إني أتكلم عن مباراة ليتشي فقط لا أشوفك يالدحمي تسرد لي تاريخ أنشلوتي

الكلام حول أنشلوتي بشكل عام تناقشت فيه مع أبو حمد ببداية الموسم وطرحت وجهة نظري

..

ميلاني للابد · #4927 12/11/2008, 09:05 PM

.
.
. مسابقة أين الكرة }.. الصوٍرة الثانية ~

2

Abo khald · #4928 12/11/2008, 09:21 PM

إقتباس

الرسالة الأصلية كتبت بواسطة Tнe LeaDeя MiLaи


	هلا اخوي هذا طلبك هوني واعذرنا عن التاخير ورده

الله يعطيك الف الف الف عافيه

ماقصرت يالغلا ورده
بالتوفيق للميلان في الدور ي وكاس الاتحاد الاوربي وتحقيقها جميعا بأذن الله

ورده ورده ورده << هاذي لك وهاذي لباقي الاعضاء

ورده ورده ورده ورده ورده ورده ورده ورده

Abo Saud Alhilaly · #4929 12/11/2008, 10:40 PM

س / من هو صاحب هذه الصورة

؟؟

صاحب هذه الصورة تلقى عرض من نادي باريس سان جيرمان

المصدر

الزعيم الازرق9 · #4930 13/11/2008, 12:45 AM

^
^

الله يستر لا يروح

شكل الأصابه راح تأثر عليه

اتمنى انه مايتأثر ويرجع للميلان

Tнe LeaDeя MiLaи · #4931 13/11/2008, 01:10 AM

حديث باتو لـ Milan Channel ... ][ الموقع الرسمي ][:

ميلانيللو : 12/11/2008

تحدث نجم الفريق البرازيلي اليكسندر باتو لميكرفونات قناة ميلان بعد الانتهاء من التدريبات الصباحيه حول اوضاع الفريق وحول زيارته امس لمقابلة رئيس بلاده لولا :

- بالامس التقيت الرئيس البرازيلي في روما , حدثنا عما جرى ؟

" نعم , و لقد كان شعورا مثيرا للشعور والاحاسيس بأن أكون قادرا على مقابلة الرئيس لولا , انه عاشق لكرة القدم , لقد تعرفت عليه و أدركت بأنه شخص لطيف وخلوق , لقد تحدث كثيرا عن كرة القدم مع الاعبين , انا سعيدا جدا بأني حظيت بفرصة مقابلة رئيس بلادي , لقد أخبرني بأنه تابع المباراة أمام نابولي , كما انه قال بأنه سعيد شخصيا لرؤيتي ألعب بشكل جيد , ولأني ألعب مع الميلان , ولكن فرحتي تفوق فرحته , لانني أول مرة أقابله فيها شخصيا "

- يوم الأحد دخلت متأخرا امام ليتشي الا أنك ابليت بشكل جيد كما في بيرجامو؟

" نعم , لقد دخلت وقمت بعملي بشكل جيد , حاولت مساعدة الفريق بكل مااستطيع , وقد تمكنت من إعطاء تلك التمريره الى رونالدينهو , والتي سجل منها الهدف , بالرغم من أنه كان من الصعب التعامل مع الكره بسبب الأرضية المبتله بالامطار , انا آسف لأن ليتشي ادرك التعادل باللحظات الاخيره , وبالتالي خسرنا نقطتين مهمتين , شخصيا احاول دائما بأن أجعل نفسي جاهزا للمدرب بشكل دائم , حتى ولو كنت على دكة البدلاء , انا سعيد جدا لوجودي مع هذا الفريق الرائع , والآن علي ان استمر بالعمل الجيد بالفريق " .

- يوم الأحد , هناك مواجهه هامه امام كييفو , كيف ترى المباراه ؟

" بالتأكيد بانها مواجهه مهمة لنا , في يوم الأحد سوف نلعب على ارضنا , لن تكون الأمور سهلة بكل تأكيد , كما كان مع الفرق السابقه , ولكن امام كييفو علينا القيام بكل شيء ممكن للحصول على النقاط الثلاثه " .

Tнe LeaDeя MiLaи · #4932 13/11/2008, 01:12 AM

إقتباس

الرسالة الأصلية كتبت بواسطة Abo Saud Alhilaly


	س / من هو صاحب هذه الصورة ؟؟ صاحب هذه الصورة تلقى عرض من نادي باريس سان جيرمان المصدر

والله من البكـش عند بعض المواقع

هذا خبر من قول يقول ان مرسيليا جاهز لشرائه

الله يستر ليدخل سانت إتيان بالخط ويخرب عليهم اثنيتهم

الزعيم القاريMILAN · #4933 13/11/2008, 01:14 AM

يالله حيّهم جميعاًاً ..

ياعايال هدّوا الوضع شوي ..

أنشيلوتي مدربن تسبير غصبن على اللي رضّى واللي مارضّى ..

هذي قاضين منه ..

باسم ..

الله يهديك .. وراك قالبن عليه تسذا ..؟!

أنا داري إنه أخطا خطأ أنا لو أنا مدرب تسان ماسيوّيت اللي سوّاه .. أكيد تأخر بالحيل بالتغيير ..
ويمكن بسبّته خسرنا الثلاث نقاط ..

وأنت بكل كلامك لعنت خيّره بس علشان المباراة الأخيرة .. يعني قهر تنسى اللي
سوّاو وعشان غلطة أو تأخر وم سطالة دفاع تلومه وتحط اللوم كلّه عليه ..

من اللي ما لعّن عليه بعد مباراة بولونيا وجنوى أول الدوري ..؟!

ومن اللي ما مدحه ورفعه بالسماء بع الديربي وبعد تصدره للدوري ..
وهـ الحين تبوننا نمحطبه من جديد ..؟!

المدرب مقتنعن غلط شوي بـ بورييللو .. على حساب باتو وانزاجي ..
شيفا هيّن خالصينن منه

.. مستحيل يلعب أدام مستواه تسذا ..!!

هو من خلال طريقة اللعب لاحظنا جاتوزو وفلاميني أدّوا أداء هجومي اكثر من هو
دفاعي بحكم تراجع الفريق .. وهو اعتمد أيضاًاً على روني بالآداء الهجومي مع كاكا
اللي ماظهر بمستواه بالمباراة ..

واعتمادة على ثلاث محاور أو محورين ونص

.. عشان يساندون الدلوخة هـ اللي ورا ..
افريق ناقصه دفآآع بس .. لو يرجع نيستا وكالادزي تشوف الفريق وشلون ..
طبعاًاً هذا غير بيرلو وغيابه ..!!

أنشيلوتي لعنوا جدفه الجماهير أول الدوري .. ومن بعده وهو سيدا ..

وبإذن الله بعد هـ الغلطة نشوف ميلان غير شكل ..

بس هو ماش .. مايصبر .. لازم يلعب بالكرسمس ..

أنت راعي قرقن واجد ..

لاتحاول تشغلنا بالحيل ..

أخيراًاً هدّوا الوضع شوي لاتقعد تنقلب هواش وزعل مشاكل وسجون وإنذارات وإيقافات وحجز وما إلى ذلك ..

بالتوفيق لميلان في قادم الإمطشة ..

_________________________

إقتباس

الرسالة الأصلية كتبت بواسطة Abo Saud Alhilaly

إقتباس

الرسالة الأصلية كتبت بواسطة Abo Saud Alhilaly


	س / من هو صاحب هذه الصورة ؟؟ صاحب هذه الصورة تلقى عرض من نادي باريس سان جيرمان المصدر

أنا تسد سمعت إن مستر بن فرنسي ..

هو صدز ..؟!

\ \ \ \

يعطيكم العافية جميعاًاً ..

فـ م ـان الله ..

ورده

azoze996 · #4934 13/11/2008, 01:16 AM

إقتباس


	س / من هو صاحب هذه الصورة ؟؟ صاحب هذه الصورة تلقى عرض من نادي باريس سان جيرمان المصدر

لا لا لا لا الله يستر
يعني الشغله تخوف
ياويلي اذا راح من يمسك الدفاع بعدك

Tнe LeaDeя MiLaи · #4935 13/11/2008, 01:18 AM

إقتباس

الرسالة الأصلية كتبت بواسطة G o L d E s T


	.. حمي الوطيس في النقاشات أول شي فيما يتعلق بالنقاش عن روني مع فواز رونالدينهو لاعب كبير وعنده شي أكثر من اللي يسويه عشان كذا ما أرضى يكون أدائه أقل من كاكا بفارق كبير صحيح هو في مرحلة تأهيل لكن أنا أحكم عليه عن مرحلته الحالية دون النظر لوضعه طبعا يمكن البعض يقولي إن روني هداف الفريق والشي هذا صحيح لكن كاكا أكثر فائدة منه وبكل مباراة يتفوق عليه بإستثناء مباراة ليتشي ..

حمي الوطيس

انا ماختلف معك بان كاكا افضل منه بس اللي يسويه روني شي كبير ولازم يذكر

انت لو شفت مستواه العام مع برسلونه وتشوفه السنه تشوف فرق عظيم ..!!

مع انه حاليا مايلعب على قولة باسم 50 %

وان كمشجع ميلاني اطمح بان اشوفه يقدم اكبر من مستوياته الحاليه

لانه اذا قدرنا نرجعه بنسبة 80 % من مستواه اللي بـ 2004 بيصير ميلان قنبله ..!!