بإنتظار تشريفكم

المرشدي مهوب ازين من مارتشينا ولا عندي بس خخخخخخخخخخخخ
والله فالنسيا يبي لهم المرشدي وعزيز وياسر ويصيرون توب

إقتباس الرسالة الأصلية كتبت بواسطة معانـد الجـرح المرشدي مهوب ازين من مارتشينا ولا عندي بس خخخخخخخخخخخخ والله فالنسيا يبي لهم المرشدي وعزيز وياسر ويصيرون توب

إقتباس الرسالة الأصلية كتبت بواسطة عبودي المدريدي ديـل بوسكـي يستدعي 22 لاعب لـ مواجهة أنجلترا

أقول الله يآخذ ذا الكرشة وين خواكين ..!! الرجال قاعد يقدم مستويات ممتازة ويصرح ومستانس وسأحتفل اذا انضميت للمنتخب وآخرتها تكسر فيه هالكسرة ,, بس معروفه حركتك تبي تحطمة من جديد مثل ماسواها الدلخ كويمان من قبلك , بس ماعليه ياخواكين أنت كبير وأكبر من منتخب الديل بوسكي هذا وواصل ابداعك ولاعليك من هالدلخ ..
أجل فيـه عاقل بالدنيا ياخذ مارتشينا ..؟ ويطرد خواكين ..
واحد يقدم اسوأ مستوياته من عرفتة والثاني يقدم احسن مستوى له منذو انضمامة لفالنسيا ويختار الاول ويترك الثاني غريب امرك ياديل بوسكي والحين طالع لي بوسكيتش وبيكي مهزلة والله
بس اللي يقهر فوق انه ما أختارة أن اسبانيا ماعندها نجوم في الجناح الايمن مثل الموجودين في الجناح الايسرواللي هم : (( سيلفا ,, ماتا ,, أنيستا ,, رييرا )) أما الجناح الايمن فما فية الا الدلوخ ذيلا : (( كازورلا ,, سيرجيو جارسيا )) وكلهم أقل من خواكين بكثير ..
شكرا لك اخوي على الخبر واسفين على الاطالة والانقطاع بس لاتسبون فيسنتي ترى قاعد اشوف كل شيء

فيسنتي يؤكد انا هادىء جدا على الرغم من تأخير دفع الرواتب






فيسنتي رودريغيزلاعب فالنسيا قال : أنه على الرغم من تأخر دفع الرواتـب مـن قبل النادي الا أن التقني واللاعبين هذا الأسبوع هـم هادئيـن جـداً ويرتكزون فقط علـى المستـوى الرياضـي، ولديهـم الثقـة تمامـاً فـي النـادي ...اللاعب اعترف ان الوضع (معقـد ) ولكنـه قال ان الوقت حان لنكون هـادئين وأعرب عن أمله في أن يفي النادي بوعده وبتقديم المدفوعـات خلال الأسبـوع القـادم ..وقال فيسينتي ان اللاعبين لايعتقدون انه من الممكن ان يصلوا إلـى هذا الوضع، ولكنه يرى ان هذه المشاكـل تحدث حتـى في الأنديـة الاخـرى ...وقال فيسنتي النادي قدم لنا حتى الأن وعلينا ان ننتظر وأصر اللاعب مشيـراً إلـى ان يأتي الوقت المحدد المهم الان هو التدريب ..وقال فيسنتي لايمكن ان نعبث في تاريخ النادي فنحن لايمكن ان نصبح مجنونين وغير رياضييـن ومايجب ان نفعله هو التدريب واللعب وقد أكثر فيسينتي وشدد علـى انه ليس لائقـاً التوقـف عن اللعب بسبب تأخر المدفوعـات إلـى الأسبوع القادم ..وفضلاً عن ذلك وبناءاً على المعلومات التي أشارت إلـى وجود أهتمام من توتنهام هوتسبيرز في أواخر السوق الشتويـة قال فيسينتي : أن خياره الأول هو فالنسيـا لأنه يشعـر "بأرتيـاح كبيـر" ويعتقد أنه سيبقـى لسنوات عديدة فـي ناديـه" ...وأخيـراً سلط الضوء على اللحظـات الجيدة التي يعيشها حاليآ بعد عدة أشهر معقدة وأعلن بأنه سوف يواصل العمل حتى يزرع الثقـة في المدير الفني ليكون ((اللاعب الأساسي ))المصـــــدر

ياعيال تأخر الرواتب هو حديث الفالنساويين بهالايام وسوريانو وعدهم بهالاسبوع والحين زودها اسبوع وقال الاسبوع القادم وكلم القائد (مارتشينا ) وقالة راح تستلمون رواتبكم قبل 15 فبراير ..

وهذي صورة لمارتشينا وهو يحرض اللاعبين بالاضراب وعدم التدرب حتى يستلمون مرتباتهم



تتوقعون وش قاعد يقوول ..؟؟ بس انا كاسر خاطري خواكين شكلة على الحديدة المسكين


وهنا صورة مارتشينا وهو يطمن باراخا ويقولة بالحرف الواحد (( أبشرو بالخير )) << كلمة منو ..؟
وان سوريانو دق علية ووعده يستلمونها قبل 15 فبراير



مبسووط هاه ..؟ اي همك بس بالفلوس ,,واذا جيت بالملعب ياكرت احمر اوتتركها للمهاجمين ..
لكن الشرهة مو عليك على اللي حطك قائد , وعلى اللي أختارك لمنتخب اسبانيا ..!!

إقتباس هو بالدكة لكن يلعب ربع ساعة ويسجل لك قول أحسن من الاساسي وغايب عن التسجيل من مده ..! يا اخوي فيسنتي لايقدر بثمن هذا جوهرة فالنسيا والحين بدأ يسترجع لمساته وتسجيل الاهداف , ويكفي انه سجل حتى الان 9 أهداف في هالموسم في مختلف المسابقات رغم أنه مايشارك الا ربع ساعه وأحيانا ينحرم منها بعد ..!! وفوق هذا ماتا نازل مستواة من فترة وما أدري الى متى أيمري مصر عليه كلاعب أساسي بدلا من فيسنتي , وين مبدأ المداوره اللي تقوول عليـه ياسيد واحد نازل مستواه من فترة والثاني يسجل في كل مباراه يلعبها او بالاصح في كل ((ربع ساعه)) يلعبها والى الان نرى ماتا اساسي هذا غير منطقي بالمره .. وأتمنى من أيمري يكون عادل في اختياراته ويعطي الفرصة للأفضل وأتمنى تتقبل كلامي بصدر رحب

فيسنتي لاعب كبير ولا احد ينكر ويجحد اللي سواه ياخي لولا الله ثمن هو ماشفنا فالنسيا عام 2004
خذ الدوري والاتحاد الاوربي وكاس الكؤوس وشفنا اللي صارله بعد ذيك السنه على طول من اصابه الى اصابه والرجال

تمشكل مع الطاقم الفني من ذيك السنين العجاف >>>> متعوب

عليها الين ذي السنه تو ما اسنشط وراحت اصابة اللي لعبت في حسبته

ومع ذيك المشاكل كلها ابدع هذي السنه انا معك بس استغربت من كلامك انك تبغاه اساسي بدل ماتا صح ان ماتا قل

مستواه شوي عن اول الدوري لاكن الى الحين اكثر لاعب صنع اهداف فيا واتوقع الفريق هو ماتا هذا وهو حاد حيله

اميري ملعبه فكل المشاركات الدوري والكاس والاتحاد الاوربي وما تلاحظون فيا دائما اذا جاب قول يروح يخم ماتا

شف ماتا لاعب يرجع كثير للدفاع يغطي بلا والله وراه هالتنح شف مثلا خواكين يرجع يغطي عند ميغيل وشف ميقيل

وشلون يتقدم ويفزع لخواكين يعطيه مساحه ويفكه من المراقبه بس ماتا ما وراه الا ثور يطامر فمحلة ان تقدم نكبه

ولحس ام الهجمة ولعب فيها ولين رجع جاب العيد قام يقلب ذي الركب خايف من الكبري الله لاتبارتس فيه ولا اللي جابه

ورا ترا اكثر اهداف اللي يباريهم فالنسيا من اليسار عند ذا التسلب والله تعب ماتا

انشاء الله يجي كارليتو يالله كتبت اسمه مدري صح ولا غلط والا واحد مزبوط بتشوف وشلون الجهة اليسرى بتشعلل


وجهة نظر يانور عيني انت

][ صور من تمرين الفريق ( المغلق ) ][



الظاهر صور مارتشينا ببلاش والباقي بفلوس
ياكثر ما يطلع في الصور ههههههههههههه

][ صور من تمرين الفريق ( المغلق ) ][

وانت ياعمر مستقعدلهم وراهم وراهم


اووه نسيت هذي مصادرك الخاصة


يا شباب البيول اكيد بيلعب اليوم بدال اللاعب الحزين ؟؟؟؟؟؟؟؟؟

إقتباس الرسالة الأصلية كتبت بواسطة الكــابيتـانـو وانت ياعمر مستقعدلهم وراهم وراهم اووه نسيت هذي مصادرك الخاصة

إقتباس يا شباب البيول اكيد بيلعب اليوم بدال اللاعب الحزين ؟؟؟؟؟؟؟؟؟