مـدخـل : كل ماقلت هانت جد علم جديد ..


الصراحه أن فريقنا مهوب وجه صدارة , ودفاعنا ماينبغى بريال لعنبوا بليسهم كل ماجت هجمة علينا

70 % تقول هذي قوول , الدفاع كله على بعضه زفت الزفت من كبير القوم في الكداشه موريتي وأنت رايح

مارتشينا كنا متحمسين على عودته من الإصابة والحين أنا بنفسي أقول ياليت أنه مارجع , والبيول من ردي إلى أردى

وميغل هو خلوه يخفف أول من هالشحوم الي يدربيها معها مهوب يقوى ولايركض , هذا الكلام وأنا ماشفت الشوط

الأول الي أتوقع أن فيه هوايل فاتتني , كورة ترتد عليك في منطقة الجزاء والكلام أقصد به الهدف الثاني علينا مدافع

يتفرج وواحد مكمل النصاب في عدد اللاعبين لا أكثر يطامر مع رجلين اللاعب يمين يسار لعنبوا بليسك خش عليه

لكن مقيولة الطق في الميت حرام موريتي ياعالم مامنه رجاء , ودي أعرف بس وش الي مصبر ومقنع المدرب فيه

بديت أشك أنه يدفه برشاوي , ياناس هذا لوتجيب واحد من الشارع ويناظره شوط واحد بس مهوب يقعده على

الأحتياط بس ألا يطرده من النادي رفع ضغطي الله يرفع ظغطه , الشاهد أن دفاعنا كله على بعضه دمار لابد من

تصحيح الوضع ولا والله أن يكون القادم أمر وأمر , هذا ونحن إلى الآن لم نقابل الفرق الكبيرة صاحبة المهاجمين

الي يسجلون من الهجمة الميته ! .. والله يالدفاع مخرب الكشته ..

وش الفائدة أنك تهاجم ثم أطرف هجمه مرتدة قول ؟ ,, لذلك أنا أقول زين أن ضمنا واحد من المقاعد الأربعة الأولى

في نهاية الدوري إذا استمر الحال على ماهو عليه .. أجل خيخون الي خفسوه الفرق بالنصف درزن وأنت رايح

يصكنا بثلاثة وفي ملعبنا !

لابد يا آيمري أن تعمل إعادة هيكلة في دفاع الفريق ولا تشوف لك حل .. إلى متى باقي الخطوط يبذلون جهد

في المباراة ولو أنه يكون متوسط ثم يجيك دفاع يخرب الدعوة كلها ..

دفاع تلقاهم مسنترين في نصف الملعب وش هالدفاع ؟ ألا وراء مايهاجم أزين


أنا بس حرصت أن يكون ردي عن خط الدفاع لأنهم رفعوا ضغطي الله يرفع ضغطهم ويبدوا أن موريتي بداء يعدي

زملائه ..