بصراحة ياسيد كوزمين .. هالطريقة لاتغني ولا تسمن - نادي الهلال السعودي - شبكة الزعيم

افتيم · #1 08/09/2008, 07:54 AM

بسم الله الرحمن الرحيم

الزعماء الكرام .. كل عام وأنتم بخير وتقبل الله صيامكم وطاعتكم ، وغفر الله لكم ولوالديكم وأهاليكم في هذا الشهر الفضيل ،،،،،،،،،،،،،،،،،،،

ندخل في صلب الموضوع على طووووووووووول ..

يعني الى متى ؟؟ خلاص صبرنا بما فيه الكفاية !!

الى متى ومدربنا المحترم ماهو راضي يفكنا من فلسفته وقناعاته !!

4 – 5 – 1 الى متى ؟؟

يازعماء هذا الهلال ما هو أي فريق ، يعني خلينا نحسبها :

دفاعيا /

· في الباب أسد وأخطبوط ما ينخاف عليه بوجود الدعيع .

· في المحور عندنا فريق لحاله ( ما شاء الله عليه ) اللي هو خالد عزيز .

· هذا من غير الغامدي والغنام ورالديس وخيرات و أسامه و المرشدي واللي أدوارهم دفاعية طبعا ...

أما هجوميا فحدث ولا حرج /

القحطاني والتايب والشلهوب والدوسري و ويلهامسون والصويلح والفريدي ....

وفي النهاية وبعد هذا كله نخاف و نلعب بمهاجم وحيد !!

طيب يا زعماء خلوني أطرح عليكم هذه التساؤلات ، وأنتم جاوبوني هل هي في محلها أو لا !!

v هل طريقة اللعب كتاب منزل مايجوز تتغير مهما كان عندك من أسماء ؟؟ أو انها تتغير حسب اللعيبة اللي عندك ؟؟؟

v طيب تتذكرون مباراتنا العام الماضي ضد الوحدة الاماراتي الثانية بالرياض كيف تحسن اللعب بعد نزول الصويلح ، والمباراة اللي بعدها ضد القادسية في الخبر ، وقتها لعبنا بنفس الطريقة وبعد ما تأخرنا بهدف السهلاوي ، نزل الصويلح بجانب القحطاني وفزنا برباعية مدري خماسية ، ،، طيب هذا وشهو يعني ؟؟

v ليش القحطاني يبدع مع المنتخب مع مالك ؟؟ وفي الهلال نلقاه يتعب ويعاني من دفاعات الخصوم ؟؟

v متى آخر مرة شفتوا الهلال بهذه الطريقة ( 4 – 5 – 1 ) يفوز بمستوى ونتيجة ويبدع ويستعرض وبالخمسات والستات أيام اللعب بمهاجمين ؟؟؟

v ليش مانلعب بقوتنا الضاربة الهجومية ، ونترك الخوف عنا خصوصا وانه هالسنة هنلعب من دون الرائع تفاريس ، يعني ( الهجوم أولا ) لأنه بوجود الدعيع وعزيز لا خوف على الدفاع .

عموما يا أحبائي هذه وجهة نظري ، فالهلال لايمكن أبدا أبدا أبدا أن يلعب بمهاجم واحد ، وهذا اللي واضح من قناعات المدرب ومن اختياره للاعب الأجنبي الثالث ....

ü يمكن يجي واحد ويقول طيب المدرب بطريقته جاب بطولات العام الماضي ، وأنا اللي أقوله أنه شئ طبيعي حصول الزعيم على بطولة لو يلعب بدون مهاجمين ، لكننا كجماهير مانبي رفع الضغط وحرقة الأعصاب اللي عشناها العام وخصوصا في المباريات الحاسمة كمباراتي الشباب في نصف نهائي كأس ولي العهد ( اللي ما قصر فيها لاعب الشباب وسجلنا الهدف اللي أهلنا للنهائي ) ، أو حتى آخر مباراتين في الدوري ضد الشباب أو المباراة الختامية في الدوري ضد الاتحاد اللي الله يستر على الدعيع وقتها !!

ختاما هذا رأيي ، قد نختلف وقد نتفق ، لكننا في النهاية سنتفق على حب الهلال