![]() |
اليكم ما حصل معي في الفانتزي لاند السلام عليكم ورحمة الله وبركاته والله انك يا مغااط جبتها على الجرح .. http://vb.alhilal.com/showthread.php?t=607854 واقتباسا لموضوعك ابي افضفض عن اللي بداخلي صارت اموور معي الله لا يوريك ..... الحين يوم انهم مزعجينا بهالتلفزيونات السياحه والسياحه ليه ما يحطون لنا اماكن زي الناس !! ابي اقوولكم سالفتي ووش صار معي بزيارتي للرياض طبعا تخبرون الاجازه الصيفيه الواحد لازم يروح ويتمشى بالمناطق اللي توسع الصدر بعد تخطيط عميق وخطط مدروسه وافكار جهنميه تم الاعتماد من رئيس العائله الموقر بالذهاب الى لبنان ولكـن بعد شهر ... بس قلنا بهالشهر هذ1 وش يجلسنا بالشمال خلنا نرووح نهج عنها شوي .. وبعد تفكير عميق تم الاتفاق بمجلس الشورى بالذهاب الى الاقارب بالرياض .. طبعا انا الرياض اخر مره جيتها يوم مباراة الهلال والنصر على النهائي المهم يوم رحت للرياض قالو ( الزقرتيه ) الاقارب وين نروح قال واحد ابشروو بعزكم ما كثر الله الا الاماكن الحلووه اللي بالرياض <-- خير انشالله .. قال الثاني من العيال خلونا نروح لفانتزي لاند وانا اذكرها الفانتزي لاند جيتها قبل 8 شهور تقريبا هي الشي الوحيد الحلو بالرياض .. المهم رحنا لفانتزي لاند طبعا حنا مليون شخص يعني 5 سيارات وكلها فل .. طبعا الشباب متحمسين والورعان قطو ملابسهم عند كبري الفحص يبون يسبحون .. والشيبان توهم صابغين لحالهم يبون يكشخون قدام العجز .. المهم يوم دخلنا ونحجز التذاكر وحنا ندخل وشفنا ذيك الجلسه الكويسه وتكينا فيها المهم قالو العيال مشينا نبي نقامز بهالملاهي وحنا نرووح وقبل لا ندخل منطقة الالعاب والا ذاك السكيورتي طالعلنا .. السكيورتي : وين يا شباب انا : نبي نلعب (^_^) السكيورتي : لا يالاخو ممنوع دخول الشباب المنطقه هذه للنساء والاطفال تحت 8 سنين فقط انا : ههههههه يا حليلك والله انتم يالسكيورتيه دايم تنكتون .. يالله شباب مشينا السكيورتي : اقول توكل الله يرضى عليك لا انادي لك الهيئه انا : قلت يعني بس نساء السكيورتي : ايه انا : طيب لحظه اجيب العجوز واجي السكيورتي : اخووي ممنوع دخول الرجال قطعيا معك عائله ولا ما معك انا : طيب يوم انكم سارقين فلوسنا وداخلين وقبل لاندخل مكان الالعاب قلتو نساء فقط طيب حنا وش جايين له عشان نجلس بسس السكيورتي : لا روح للبرمائيات انا : شنو ضفادع حنا نروح للبرمائيات السكيورتي : ههههههه لا بس هذ1 النظام انا : طيب يعطيك العافيه .. يالله شباب مشينا ...... ونروح للبرمائيات اللي هي طبعا العاب الماء ويوم جيناها قالو للاطفال فقط <-- ويمار اني عصبت قلت اقوول مشينا بسس وانا اروح للشايب ومن القهر يطلع من مناخري نار <-- صرت ديناصور قلت له انا بروح انا وخالد <-- ولد خالي .. يالله مع السلامه المهم يناظر فيني خالد يقول شفيك .. وانا بعين حاره.. تدل شارع الامير بندر قال ايه قلت ودني مشينا يمه ومن وصلناه قلت وقف وهو يوقف ومن القهر رحنا مقهى انترنت ( سوالف ليل ) .. شنسوي توازينا عليه فيه مكان غيره :upset: وهذا انا متكي فوق بالمقهى واكتب لكم معاناتي :frown2: ......................... سؤاال لأهل الرياض من يدل مكان سنع للعوائل يعني نساء ورجال مع بعض ولا للشباب نوسع صدورنا فيه :sick: اللي يدل يخبرني على الرسائل الخاصه وعلى الايميل للزوار [email protected] ( على فكره الموضوع للفرفشه والمعاناة فقط ) الامير الهلالي |
hhhhhhhhhhhhhhhhhhh nice story mm go to (al mamlakah or al fai9aliyah ) , o alla y3eenk ..................................................................................... |
ـخخخخخخخخخـ هذي المنآطق السياحية في السعودية كلها عوائل |
إقتباس:
|
إقتباس:
ياشيخ حتى عوائل مافي مكان سنع قل كل شي نساء بسس اذا تدل مكان للعوائل كويس خبررني |
عوااااااااااااااااااااااااااااااااااااااااااااااااااااايل أزعجونا |
الريـآض إنتظـر عليهـآ كم سنـة و بتصـير .. الرياض ( عوائـل ) .. :D |
ههههههههههههههههههههههههههههههههههه .. لحظه راجع . |
هذي السعودية اللي يعنك كلها عوائل الله ******************* |
تبي الحل تزوج أصرفلك قسم بالله كل شي بالرياض ألا بالمملكة عوايل والشباب مالهم الأ البر واصبر هذا وجهي أذا ما قلبوا البر عوايل ؟!! يا ناس يا عالم ويييييييييييييييييييييييييييييييييييييييين نتمشا فيه ؟؟؟؟؟؟؟ لا وضايف للشباب ولا مصايف !!! |
اصلا الرياض كل الاماكن الي فيها عوائل ما فيه الا التحلية |
والله هذي مو حالة كل الأماكن بالسعودية عوااااااائل ! وحنا يالشباب وش نسوي ! ولا نقعد ببيوتنا وناكل لنا كبر رويسنا خخخخ قريبا بر الثمامة للعوائل فقط ياشباب ماتبونا نسكن بالمريخ ونكتب فيه للعزاب فقط >>> تعقد مافيه اماكن الا عوائل ومافيه حل الا المريخ |
يارجال مو الرياض بس كل المملكة عوايل ,, بعدين ياعيال حاس اننا خاشين غلط مو كن ذا مجلس الجمهور:d فالك الحذف ياصديقي:d |
حلو لا وظايف ولا مصايف ههههههههههههههههه صدقت والله الاماكن الترفيهيه للشباب هي صالة بلياردو + مقهى شيشه + مقهى انترنت + الممشى الي على طريق الملك عبد الله والي في الروضه وغيرها + الثمامه + خذلك استراحة وفلها انت وربعك ههههههه + العب كورة العصر في ملاعب الي عند دورات الشيخ جابر الي مقابل الاستاد + الشوارع فر فيها لين تقول بس + خذ لك شريط فلم وتفرج فيه في بيتكم وسو نفسك في سينما وقفل الغرفه برقم سري و خذ لك فشار وتفرج او العب بليستيشن واذا طفشت صك راسك بالجدار ونم |
إحمدوا ربكم يالشباب ع الأقل عندكم سياارات تروحون وتجون ماحد يحاسبكم مو مثل البنات إهى إهى [بس أحسن خلهم يمنعونكم خخخخخخ |
الوقت المعتمد في المنتدى بتوقيت جرينتش +3.
الوقت الان » 04:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd