][ ما بـيـن الحكـمـة و الغــــزل ][ .. ][ ألـفـيـة ][ ..!! - صفحة رقم 4 - نادي الهلال السعودي - شبكة الزعيم

رعبوبة الزعيم · #46 14/07/2008, 07:05 AM

هلا والله بـ أبو ميسي (ورده)

وصح لساااانكـ

ماشالله تبــارك الله .. الفيه رائعه حتى الهنوووف بغت تتهور وتكتب الفيه لكني مسكتها بآخر لحظه

وقلت لها تكفيين لاتكتبين شي مره ثانيه

القصيده كلها حلوووووة مره ..
والاحلى الغزل .. كل بيت احلى من الثــاني ..

والراء ركبنا مركب النصح والحين // نبا نحول للغزل وادعج العين
يازين والله الغزل في المــزايـــين // هم راحه للقلب لاصرت محزون

ايه والله يازيين الغزل

والغين غمضت بعيوني شويه // وونيت ونه زادت القلب كيه
ثم قلت لها عهد عليك وعليه // مايوم انساكم ولا انتم تناسون

الابدااااع يفرض نفسه

ليت عندي قريحه جياشه

علشان اكتب قصيدة هجاء في حقيين البلياردوا

اللي يزورون خساراتهم

الله يعطيك العافيه خيو ليوو ..

والشكــر موصول لجرجح وأول العنقود على المتـابعه (ورده)
ونبي نشوف الفيه من كتاباتكم

إقتباس


	ليه ما نسوي ألفية للمجلس و تكون بهذه الطريقة : نبدأ بحرف الألف و الكل يقترح و يشارك و إذا اتفقنا نختار البيتين الأفضل و نعتمدها و ننتقل لحرف الباء . و نسميها ( ألفية المجلس العام ) .

والله فكره حلوة

خاصه انها تطلع مواهب مدفونه ببعض الاعضــاء ,,

الـساقي · #47 14/07/2008, 09:08 AM

.

السلام عليكم ورحمة الله .

هلا وسهلا بـ الغالي ليو ميسي , صباحك خير إن شاء الله .

بدايةً الحمدلله على السلامة , و عوداً حميداً , وغياب لاحظته بالفترة الأخيرة , وأفتقدته أنا كـ حال الأعضاء .

ألفية لا نستغرب إن حصلت منك , فـ الكل يشهد لكَ بذلك , مبدع جداً ليو ميسي , وأبيات تحكي عن

حال البعض , جميلة هذه الألفية يا شاعرنا الصامت .

بين كل فترة أتصفح ملفك الشخصي , و أسعد بـ تواجدك فـ أمثالك وجودهم بركة .

/
\

ليو ميسي

ألفية أعجبت بها , ونافست ألفية الاخ العزيز الهاوي .

كل الشكر لك على هذه الأبيات المميّزة .

لا حرمنا الله تواجدك , وأسأل لكَ التوفيق في امور حياتك .

دمتَ بخير .

.

A.K.N 505 · #48 14/07/2008, 03:54 PM

ليو ميسي ...ورده

ماشاء الله ... ماشاء الله ... ما شاء الله

قصيدة جزلة...ما تجي إلا من شاعر فحل... واصل و لا تحرمنا جديدك يا شاعر الشبكة..

leo messi · #49 14/07/2008, 11:12 PM

إقتباس

الرسالة الأصلية كتبت بواسطة القيصر رهيب


	أبدعت يسلم ما أحلى من البداية إلا النص وما أحلى من النص إلا الخاتمه وما أحلى من الخاتمه إلا انت ألفية رائعـه بمجملها وفيه ابيات فوووق فوووق ولا ناصر يجيبها صح لسانك

ياهلا والله وغلاااا اخوي علي

ومااحلى مافي الموضوع الا حضورك وتشريفك ..!!
اما ناصر

يشيخ لاتخليني اتهور واكتب وحده ثانيه الحين

الله يعطيك العافية اخوي علي على المرور ..!!

إقتباس

الرسالة الأصلية كتبت بواسطة الغدير الازرق


	هلا وغلا أخو قلبي ليو ياشيخ رح جعلي فدى هالجبهة ماشاء الله عليك شاااعر جزل يابن ميسي ولايهون أخونا الهاوي ألفية رااائعة بصرااحه قريت ألفية عبدالرحمن وقارنتها بألفيتك وطلعت بنتيجة إن كلكم تحبون بس تتعذرون واحد يقول موسع الخاطر والثاني يقول خيال بس الشهادة لله إن كلكم مبدعين وجزلين وشهادتي فيكم مجروحه .. ماقول إلا الله يحفظكم من شر العين ,, إلا على فكرة بصراحه أنا إلى الحين ماستبعد إن ألفية أخونا الهاوي وألفية ليو كلها كم يووم وراح تلقونها بمجلة وإلا بقناة شعرية بأسم وااحد حراامي حطها بأسمه بقصد الشهرة فلابد من حفظ الحقوق وفالكم القلووووووب

هلا والله وغلاااااااااااا

طـــلال

اي حب الله يهديك .. اللهم انها مجرد خرفنات بسيطه

خخخخخخخخخخخخخـ

وشهادة وسام ياغالي .. اما المجلات .. والله المجلات الشعبيه
ماتوفر شيء

اللي يجيها تنشرهـ ..!! لكن الشكوى لله ..!!

الا تعال انت .. يخوي نبي كاريكاتير وحركتاااات اهم شيء
نشوف يوزرك مرزوز ضمن المواضيع لو تحت نقط بس

ياشيخ مالك الا تشوف كيف التفاااعل من العالم وخصوصا
مواصل وريري وهامور ومحدثك

<< خرمانين شتشته

طلال لاعدمت طلّتك يابعدي

الله يعطيك العااافية ياغااالي .. على المرور والحضور الراااائع ..!!

Dr.Sara · #50 15/07/2008, 03:33 AM

السلام عليكم ,,

الحمدالله على السلامة أخوي ليو ميسي "يسلم"

.. بس شكل الموضوع كان
مغبر شوووي وأنت نفضت الغبار اخيراً ..

* * *

إقتباس


	قبل انسى اشكر .. الغالي ( جرح يشكي ) على ملاحظاته وتهديدي بالقتل ..!! والغالي ( اول العنقود ) على تنسيق القصيده ..!!

يؤ جرح يشكي .. وأول العنقود , حتى هم بعد مغبرين شوي علي

الا أنتم شكلكم متقاطين على القصيدة يا حسرة ..

إقتباس


	الالف الفٍ ابتدي به حروفي // لاجيت أولفها بطبع مآلوفي ناسٍ تسمعّـها وناسٍ تشوفي // مربوعة القيفان والبيت موزون .

موزووون ..
.

إقتباس


	والباء بعد مااخذت بالفكر سجه // متضايق وكن بداخل الصدر عجه تزعـزع اضلوعي وقلبي ترجه // منها غديت البارحه شبه مجنون

مجنووون ..
.
.

إقتباس


	والتاء تفاعل معها جسمي وقشعر // احيان احس بروحي واحيان مااشعر واقع حقيقي ماهو ضحك وتغشمر // واقع واهل مكه بشعابها يَعَرفُون

والله بيت رائع ..

.
.

إقتباس


	والثاء ثمن كل ماسبق هالقصيده // اكتب جزل والهزل لاجاء ابيده آطـا على راسه وانحــر وريـده // وانتم لكم الحكم ياللي تشوفون .

يا سلااااااام .. وين هالشعراء الخربوطيين عنك!

.

إقتباس


	والجيم جـنـّب يافــتى حاجتيني // قطع الصلاة يالله لاتبتليني والثانيه احذر عقوق الوالديني // يالله عساني من اللي بأهلهم يبرون .

يبروووون ..
حِكم حكم ..
.

إقتباس


	والحاء حذاري يافتى ثم حذاري // بأفعالك خل الناس دايم تماري وخلك لربعك مثل نجم الغداري // لاحلت الظلماء على النجم يسرون

يسروون << تصرف ما فهمت ..
.
.

إقتباس


	والخاء خوي الجنب حذرك تخونه // ارخص حياتك لاجل خاطر عيونه لادرهمت اعدائه وقف من دونه // ومايبيع صاحبه الا رديً وملعون

يا سلاااااااام .. هالبيت لحالة بكفة ..

.

إقتباس


	والدال درب النذل لا لا تسيره // وبأبسط امورك لاتجي تستشيره مافاد نفسه كيف بيفيد غيره ؟ // خله ولو هو يملك اموال قارون .

قاروووون ..
لا من جد رائــع هالبيت ماشاءالله ,,
.

إقتباس


	والذال ذمك للرجل في الظهر عيب // ان كان ذكرته اذكره بس بالطيب هذي سلوم اللي يعرف المواجيب // اللي بمثله ربعه دوم يتباهون

يتباهوووون ..
.
.

إقتباس


	والراء ركبنا مركب النصح والحين // نبا نحول للغزل وادعج العين يازين والله الغزل في المــزايـــين // هم راحه للقلب لاصرت محزون .

صدق والله !!

.

إقتباس


	والزاء زهمني خلـي ولـبّـيـت // وقفت انا قباله وفي الخد لدّيــت من نورها قامت علي تعكس الليت // مفتون انا في الريم ياناس مفتون

مفتوووووووون ..
.
.

إقتباس


	والسين سلّم ثم لي مد يدّه // وحطيتها ع القلب ثم قلت هدّه اخاف اطيح قبل آخذ من الوقت مدّه // واموت وانا من سبايبك مغبون

مغبووووون
.
.

إقتباس


	والشين شاف ان حالتي في تردّي // قام ووضع يده على طرف خدّي وهمس .. فديتك يابعد جد جدّي // وياجعل يافداك كل منهم على الكون

اخس والله عندكم حركات !

.
.

إقتباس


	والصاد صحت صيحه تصحصح صحاها // فزوا لها اهل المملكه وكل قُراها وسمعوها اهل بغداد واللي وراها // ياجعل يومي قبل يومك يامزيون

وأنا اقول وش فيني فزيت ..!

.
.

إقتباس


	والضاء ضبطنا جوّنا وصار مضبوط // واصبحت مبسوطٍ وهو بعد مبسوط مربوط في قلبي وانا فيه مربوط // لا يا بعد كل من يجون ويروحون

.

إقتباس


	. والطاء طرالي من الثنايا امزمز // احيان اقول واحيان بالعين اغمز ولمحت بسمه من شفاياه ترمّز // بسمه خجل من خلفها در مكنون

.

إقتباس


	والظاء ظروف الوقت جارت علينا // الفجر قرّب وتوّنا ماسرينا يالله ياروحي يالله غدينا // من قبل ملاقيف البشر لايقومون .

عدل عدل .. اكتب والهيئة بعد..

.

إقتباس


	والعين عيونها اقبلت مثل الامطار // ودموعها صارت على الخد مدرار محتار انا في موقفي صرت محتار // تخنقني العبرات ويضيق بي الكون .

يا شيخ والله لو أنك عنتر .. معقول في ولد سعودي كذا

.

إقتباس


	والغين غمضت بعيوني شويه // وونيت ونه زادت القلب كيه ثم قلت لها عهد عليك وعليه // مايوم انساكم ولا انتم تناسون

حتى لو تزوجت !! <<فاهمه غلط

.
.

إقتباس


	والفاء فلا مثلك سكن في فؤادي // وانتِ منى قلبي وغاية مرادي غلاك دايم يرتفع بـ ازديادي // حتى تعدا كل ابو اللي يحبون .

اكشخخ ..

.

إقتباس


	والقاف قالت : والله اني تجننت // وعلى صدى صوتك ابشرك ادمنت محدن سواك بداخل القلب : ايه انت // والا ترا غيرك من الناس يبطون .

يبطووووون ..
.

إقتباس


	والكاف كـم وكـم وكـم كـم كـم // كم مرةً لاجيت اقولـها اتلعـثم حبك دوا روحي وع الجرح بلسم // يوم اكثر العشاق من الحب يشكون .

يشكووووون ..

إقتباس


	واللام لا لا ياحبيبي ولا لا // محال غيرك في المحبه مُـحـالا ولو مت حبك باقي لايزالا // حيً معي يازين بالقبر مدفون .

اقول عاد . . وين نلقى هالحب تكفى

.

إقتباس


	والميم ماشفت بحياتي حلاياك // يكفي عيونك والخدود وثناياك ياسعد منهو يقضي العمر وياك // ويبقيك عن كل المخاليق مصيون .

مصيووون ..
.

إقتباس


	والنون نار الفرقا بصدري توقدّ // كني بري حُكم عليه بالمؤبدّ والا كمـــا عود طريحٍ مرقّــد // يشوف موته وعياله عنّه مايدرون

.
.

إقتباس


	والهاء هذي تحيه وسلامي // لكلّ من يقرا حروف الكلامي اميه واثنا عشر شطر بالتمامي // محسوبة بالرقم ياللي تعدون .

الله يسلمك ..

.

إقتباس


	والواو ورد وازكى صلاة و تحايا // على نبي الله خـير البرايـا اعداد همــال المــزون العطايا // واعداد مالحجاج بمكه يلبون .

يلبووووون

.

إقتباس


	والياء ياليت حروفي تلامس رضاكم // ياللي بجسمي محتويني غلاكم وتصير مثل القمــر في سماكــم // والكل بابيات القصيده يشيدون

إقتباس

افا عليك .. يشيدون ونص ..

* * *

والله قصيدة رائــع ـــة .. موهوب ماشاءالله ,,

الف شكــر ,,

كاريزمـا · #51 15/07/2008, 04:02 AM

ياهلا والله بشاعرنا ليو ميسي ... ورده

اذا ماخاب ظني اول قصائد منوعه تنشرها لنا

بس ماشاء الله مره روعه .. يعطيك الف عافيه

لا تحرمنا من شخابيطك

قال شخابيط قال

إقتباس


	والراءركبنا مركب النصح والحين // نبا نحول للغزل وادعج العين يازين والله الغزل في المــزايـــين // هم راحه للقلب لاصرت محزون

يازين حرف الراء

يسلم ربي يعطيك العافيه ..على هالألفيه بروح اسوي مثلكم

بس بكركتير

أذكر لك قصيدة عجين وخباز نشرتها في أحد المنتديات

ياليت تنشرها لنا هنا

أحترامي ورده.

leo messi · #52 15/07/2008, 06:00 AM

إقتباس

الرسالة الأصلية كتبت بواسطة ماجد مقبل


	الهاوي تشوف اللي انا اشوفه هلا وغلا بالغالي ليو ميسي ورده ومن زمان عنك يالقاطع عودة قوية وآلفية ما عليها كلام من زمان وانا اقول ياناس هذا شاعر بس ما احد صدقني الصدق ابيات جميلة وغزل عفيف >> اي هين استمتعت بالابيات والله يعطيك العافية يوم نزلتها والشكر موصول لجرح يشكي واول العنقود ورده دمتم بحفظ الله ورعايته ,,,

ياهلا والله وغلا بـ ابو مقبل

ابو مقبل يخوي وين العالم وين النااس ؟؟ وينك غااطس فيه

الله يعطيك العافيه ياغااااااااااالي ع المرور ..!!

برايفت ماجد

( ابو مقبل .. وش رائكم الخميس هذا ؟؟ ودنا بشوفتكم والله

انت وبقيه العيال لأني الجمعه مسافر ..!! )

alhawey · #53 15/07/2008, 09:25 AM

هلا وغلا نوبتن ثانيه

إقتباس


	( البال واسع ) والمعـاني حديدي .... وفي وادي القيفـان له كم غارات

صح لسانك، وأنا أشهد

إقتباس


	وبعدين لي طلب .. يابو داحم .. ياليت قصيده : باقي ثلاث اشهور وتكمل الخمس .. ماغير اطلب الله يجيب العواقب سليمه

ما طلبت شي، بس هي كانت بيتين لمناسبة وعدّت:

باقي ثلاث شهور وتقفي الخمس .. وما غيـر الله يجيب العـواقب سليمه
تسعين يومٍ والوعد مطلع الشمس .. واصبر إن قيل غطت الشمس غيمه

سلمت ياغالي

هامور البورصه · #54 15/07/2008, 04:31 PM

هلا والله ومرحبتين بأخو قلبي المروح ليو ميسي

مشتاقين لك يباشا وينك ووين ايام النخيل

ماش من توظفت وهي قالة اتصالاتك قاله الا منقطعه

هذا وانت موظف اجل لو انك مانتب موظف

انت من بعد ريم وقصيدتك فيها وانت صاير شاعر

بس جد يسلم عجبتني القصيده جداً

وصح لسانك يالذيب بس ماودك تكتب قصيده بخويك الغلبان هامور ولد البورصه

مدح ولا سب عادي اهم شي قصيده

يسلم ودي اعبرلك عن حبي

بس استحي ياخي

الله يعطيك العافيه يا شاعر الزعيم

انا من هنا اطالب بان يوضع تحت اسمك شاعر المجلس العام

شمعنا الهنوووف فراشه انت بعد ليه ماتصير شاعر

هلالي من ارض اليمن · #55 15/07/2008, 05:53 PM

ليس غريبا على " leo messi "

ان يكتب شعرا !!!

فلا زلت اتذكر رحلته الى البرية وأهزوجته وهو يصدح عاليا " ناقتي .. يا ناقتي "

" جرح يشتكي "

اصبح مثيرا للأضطرابات بالمنطقة فمن همزات الشيطان الى تهديد الآخرين بالقتل والباقي عند الله علمه

قصيدتك يا غالي باللهجة المحلية جميلة .. ولكن طالما لديك ميول شعرية كثيرون تطرقوا اليها بطريقة مباشرة ام غير مباشرة في مواضيع متعددة فأنصحك يا غالي بالتفكير بالفصحى ،،،

صح لسانك يا غالي وارجو ان تتقبل مروري ( ورده )

والله يعطيك العافية

هلااالي وأفتخر · #56 15/07/2008, 08:59 PM

ما شاء الله..

صح لسانك يا يسلم..

والله وطلعت منتب شاعر خربوطي << ما يعرف يمدح

أكثر بيت عجبني :-

إقتباس


	والنون نار الفرقا بصدري توقدّ // كني بري حُكم عليه بالمؤبدّ والا كمـــا عود طريحٍ مرقّــد // يشوف موته وعياله عنّه مايدرون

جرح يشكي · #57 15/07/2008, 09:19 PM

ولقينا قضية يمكن تقوم بـ الواجب

د. ساره ورده ..|| .. هلالي من ارض اليمن " طارق "

د. ساره تقول عني مغبر .. وطارق يقول جرح يشتكي ..

جاري استخدام المخيخ الايسر .. لـ اختيار سيناريو القضيه .. بحيث نحاول نكسب اكثر حكم يمكن يصدر ..

يسلم يا عيب الشوم .. في موضوعك وينقال لي كذا ..

اذا ما قلت فيني قصيده عصماء تمدحني فيها .. وتسب طار ود ساره .. ما يكون طيب ..

وان لم يكن .. لـ استل سيفي واقطعنك ارباً اربى

يالله بطس انا

>>الامبراطور<< · #58 15/07/2008, 10:52 PM

هلا والله ليو ميسي

ابدعت وفقت في طرحك الرائع

انت درر وطرحك مجموعة درر

واهديك باقة ورد وردهوردهورده

اخوك ــ تركي ــ

ملـــــ الهلال ــــك · #59 15/07/2008, 11:05 PM

انا جاي مسرع فاصل العداد أحسبه أغنيه أبو صريخ الألفيه ..

لعلها طلعت وحده ثانيه ..

بس خل عندك ا القصيده تفيد الواحد ..

.
والياء ياليت حروفي تلامس رضاكم // ياللي بجسمي محتويني غلاكم
وتصير مثل القمــر في سماكــم // والكل بابيات القصيده يشيدون

يكفي البيتين ..

تشااااااو

leo messi · #60 15/07/2008, 11:17 PM

إقتباس

الرسالة الأصلية كتبت بواسطة ][the best][


	وعليكم السلآم ورحمة الله وبركآته ......... !! " أهلآ " .. ( ليو ميسي ) .. " عودآ حميدآ " ...... !! بعد .. طول .. ( غيآب ) ... ......... !! :: " صح " .. ( لسآنـك ) .. و " قصيدة " .. ( جميلة ) ...... !! بـ حق .. " الله " ........ !! لآ سيمـآ .. وأن .. " الألفية " .. من ( نوع القصآئـد ) ........ !! التي .. " تثير " .. ( التفكير ) .. و .. " العوآطف " ...... !! :: " خآتمـة " .. ( رآئعـة ) .. " دهشت " .. عندمـآ رأيتهـآ ...... !! " ولآ أنكر " .. أنه .. " مسقبل " .. ( شآعر قومي ) .... ...... !! بـ إذن الله ...... !! :: يعطيك العآفية ورده

هلا والله وغلا اخوي القومي

][the best][

صح بدنك ياغالي .. بس تبي الجد قومي .. ذي صراحه فله خخخخخخخخخ

..!!
من ناحيه التفكير .. خلها على ربك بس والله ياهي معاناة وقلق

الله يعطيك العااافيه ياغالي على الحضور الرااائع ولاتحرمنا تواصلك .!!