{ كيف كنت .. وكيف صرت } دعوة للجميع - نادي الهلال السعودي - شبكة الزعيم

الغدير الازرق · #10 13/07/2008, 07:58 PM

مرااااحب أخوي يزيد

ومرحبا بأخو قلبي أبو طلو

وش دعووه ياخوي ناوييين تفضحون فينا أقسم بالله مااالي وجه

ادخل على الملف الشخصي

موااضيع وردود انوااع المصالة حتى التنسيق

ماعرفه وانوااع الريحة بالمواضيع <--- وش دعوه كاتب الموضوع ببلاعة

حتى إني اسدح الرد واحوس فيه كني قاعد اغرف رز

ياوووولد فشيله

والله إني ساعات افكر اكلم الكلاسيكي عشان يحذف

بعض السماجات اللي مالها دااااعي

سبحان لله العضو في بداياته لازم يتخللها

سماجه ومصاله ودلاخه

بعدييين يرتقي بمستوااااه وبردوده وبإطروحاته ,,

أبوطلال أنت ويزيد وش ناوييييين عليه

خافوا ربكم انا مو مخوفني إلا يجي

واااحد من هالمطفق اللي عنده يوزر إنتحاري ويرد على موضوع ماااصل

وكله خنبقه ويرفع والدينه للصفحه الأولى

عالعمووم اللي براااسه حب مانطحن اشوفه يوطوط بالملف الشخصي

لأحش رجلينه

تصدقون عااااد الدعوة سعة صدر ووناسه ودلاخة فخذوا هذا واااحد من مويضعاتي

اللي فيها من المصالة مالله بها عليم بخخخخخخخخخخخخخخخــ

مدري وشلون ذااك الوقت قلبي طاوعني وقاااال اضغط على ايقونة

إضافة موضوع

أما في هالمووضوع انواااع الترفيع من فياض والمشاكس ومواااصل

وابوطلال بداية معرفتي فيه من خلال هالموضوع هو والغالي خالي من الهم

الله يذكره بالخير

ولايهوون ابوطلال اللي رفع فيني حتى إني استغربت غريبة ماثبتوا الموضوع

قبل لااطلع توصون شي لأن مابعد هالفشيلة فشيلة ابغيب اسبوع يمكن تنسوون

اللي صاااار

<--- يكتب الرد وهو متلطم من الفشيله

..

يزيد أبوطلال قواااااااااكم الله على هالفكرة الحلوة

أنا وااثق إن هالموضوع رااح يكسر الدنيا بإذن الله فكرته جديده

وغيرمستهلكه وهذا العشم فيكم

دمتم مبدعين ,,