| رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds ) | ( رد هام #14560 ) - صفحة رقم 976 - نادي الهلال السعودي - شبكة الزعيم

United Leader · #14626 17/06/2009, 03:55 AM

back

الصحف: قرار تيفيز يلوح في الأفق

تيفيز يقترب من الانتقال الى احد الفرق
يتخذ كارلوس تيفيز خلال 48 ساعة القادمة قرارًا مصيري بشأن بقاءه في ناديه الحالي مانشيستر يونايتيد أو الرحيل إلى مانشيستر سيتي، وجدير بالذكر أن المدير الفني لنادي ليفربول رافا بينيتيز قد تحدث مع مستشاري تيفيز، الذين اشتركوا في محادثات مع كلا الناديين حول تقرير مستقبل المهاجم، كما كان التحرك المتأخر من قبل المدير الفني لنادي يونايتيد السير أليكس فيرجسون بتقديم عرض للأرجنتيني قد جعل الأمر يزداد صعوبة عليه، بل إن الموقف قد تعقد بشكل كبير عندما أبدى المدير الفني لنادي تشيلسي كارلوس أنشيلوت اهتمامه بالتفاوض مع تيفيز، هذا وقد قدم نادي سيتي عرضًا مغريًا، يعتقد أنه يصل إلى 6 مليون جنيه إسترليني في العام، ولكن السيد فيرجسون قد قام باتصال هاتفي استمر لفترة طويلة مع تيفيز في محاولة لإقناعه بالبقاء في أولد ترافورد، ويذكر أن نادي يونايتيد على استعداد لدفع المبلغ المطلوب من قبل اللاعب وهو حوالي 22 مليون جنيه إسترليني، ولكن على أقساط في حين أن نادي سيتي جاهز لدفع المبلغ بالكامل.
دافيد مادوك، الدايلي ميرور

صحيفة الصن تقول إن تشيلسي قد أخذ خطوة جادة للدخول هو الأخر في المفاوضات، وذلك بعد أن قام المدير الفني لنادي تشيلسي كارلو أنشلوتي بالاتصال شخصيًا بالمهاجم في بوينس آيريس لإقناعه بالانتقال إلى لندن.

الدايلي ميرور تزعم أن يونايتيد - وتشيلسي، وبرشلونة، وريال مدريد - قد أبدى كل منهم اهتمامه لشراء جناح بايرن ميونخ فرانك ريبري، ولكن عمالقة الدوري الألماني سوف يرفضون أية عروض لبيع لاعبهم، وتواصل المقالة نفسها التكهن بأن ديفيد فيلا سوف لن يدير بالاً لاهتمام الشياطين الحمر به، في مقابل البقاء في أسبانيا.

ومن المتوقع أن يكون بين اهتمامات السير أليكس الحصول على نجوم شباب أقل شهرة، وذلك وفق ما أعلنت العديد من الصحف. وقد أوردت صحيفة الإكسبرس أن وكيل الجناح البرازيلي دوجلاس كوستا، قد أعلن أن موكله يعد من أهداف يونايتيد، في حين قالت صحيفة الميرور إن الشياطين الحمر سوف ينافسون توتنهام وتشيلسي من أجل الحصول على لاعب أستون فيلا أشيلي يونج.

BRB

zezoo00oo · #14627 17/06/2009, 04:56 AM

،
back
كذا ياضيدان

،
عصام

.. صدقني مب عادي عندهم لما تلبس كذا !
اوكي لك الحرية ومو ممنوع .. بس اذا تأكد ان فيردي لبس ذي وهو من جد يعني من ذولاك اللي

.
فبتشووف استهباال علييه من الصحافة .. من هنااا لييييييييييين تل أبيب

!

،

الزبده في شي خايف منه ، وبنفس الوقت متوقعه ! وابي راي الجمييع !
خلونا نسولف بس وش اختباراته

!

|| مـريـكـاتـو الـفـريـق ||

بعد ما دخل بيريز رئيس الريال للصفقات بمبالغ نار رفع سووق انتقال اللاعبيين .. وطمع الأندية الصغيره بالحصول على اكبر المبالغ المتاحة !
المهم .. اذا قلنا اننا نبي فيا كمثال .. بالمريكاتو الماضي 40 ملييون تجيبه زي السلام عليكم !
بالمريكاتو هذا صعبه .. الاسباب واضحه في فررق داخل السوق بقوه والاسعار مرتفعه .. > حسيت انهم غنم

اللي أقصده واللي متخوف منه انه وبسبب ارتفاع اسعار اللاعبيين ووصولها لمبالغ كبيرة .. خصوصا ً وان بعض اللاعبين مايستاهلون

هل ممكن مانشستر ينهي المريكاتو بدون لاعب كبير ؟ يعني مثلا ً يوقف على فالنسيا .

طيب لو هذا اللي صار انتقال تيفيز و رونالدو وعدم قدوم اي لاعب !!!

عطونا رايكم ؟

ايجابيات الموضوع وسلبياته .. برجع بعديين اسدح رايي .

نشوفكم

.. M a N U t D .. · #14628 17/06/2009, 05:40 AM

صبـآح الخيـر و علـى عجآلـه ..

عـزوز .. حسستني آنك كآتب هالفقره عشآن كلمة مريكآتو ..

آمزح لآ تقعد تمزززع ..

بالنسبـه لـ نقآشك اللي طرحتـه ..
كلنآ نعرف فيرجـي .. آخر شي يفكر فيه .. هو الزمن آو الوقت .. مآ عنده آشكآليه .. يمشي على هيئة الفريق .. و يضحي سنه سنتين آلين يخلق له لآعب يستحق رقم سبـعه ..
فيرجـي .. نظآمـه .. حق صغآآآر ..

.. آقصد يشتري من تحت ..

الاعب الجهآآآز .. مآ يشريه آلآ بـ نظآآآم .. [ الصيدآت ] .. يعني لووووئطـه ..
و آكبر مثآل صفقة ستآآآم الجهنمـيه ..

رآح يكون في تعزيز .. صفقة فآلنسيآ .. شبه محسومه .. مع صفقه صفقتين .. اللي من نظآم .. آصبر عليه ..

و آعتقد بيريز بـ طنآخته .. رآح يؤثر على الجميع بـ رفع اسعآر الاعبين .. آلآ مآنشستر ..

عندنآآ سيآسـه .. آووووه

.. وش نفخ كرش عيآآآل جلآيزر .. بس آلآمل بـ ديفيد جيل .. يقعد ينغز السير و يذكره آن مآ عآد بقآ له آلآ كم سنـه ..

آبو العـز ..

< القلب لـ طآرق اللي تخرج

عيآل .. بحث و تقديم برزنتيشن آقلق آهل آمي من بدآية السمستر .. آمس قدمت جزء منه للدكتور ..
مآ سفـل فيني .. آبد ..

آلآ ..شرشحني تشرشح .. و في روآيه آخرى مصخر بـي ..

و اليوم تقديم البحث و عرض البوربوينت ..

دعوآتكـم تكفـون ..

Nemanja Vidic · #14629 17/06/2009, 06:15 AM

إقتباس


	عصام .. صدقني مب عادي عندهم لما تلبس كذا !

يبن الحلال اتكلم من جد انا ترى الوضع عادي

عزوزي لاتصدق عاد كنك مصدق من جد

إقتباس


	عيآل .. بحث و تقديم برزنتيشن آقلق آهل آمي من بدآية السمستر .. آمس قدمت جزء منه للدكتور .. مآ سفـل فيني .. آبد .. آلآ ..شرشحني تشرشح .. و في روآيه آخرى مصخر بـي .. و اليوم تقديم البحث و عرض البوربوينت .. دعوآتكـم تكفـون ..

ربي يوفقك طلال والدكتور وش سالفته اذا تبغى فزعه فإخوانك جاهزين يابعدي

كم واحد اسمه طلال واغزم بعد

لبى قلبك روح والقلب داعيلك

l.A.7.M.E.D.l · #14630 17/06/2009, 08:59 AM

سلاااااااااااااااااااااااااااامـــ ...!!

قبل كل شي ... ترا الموضوع نقاشي ... وحاااااد بعد ... يعني ودي أنبه للزوار بس ...!!

لا يحسبون إن الأوضاع فيها نووي وإلا أسلحة دمار شامل ...!!

الموضوع كله ... يا أقنعك يا تقنعني ...!!

وهذي ميزة أعضائنا الكرام ... عندهم مخزون ثقافي رياضي كبير ...!!

.
.
.

نرجع لمحور حديثنا ...!!

عمر ... الدحمي ... متى ما كان الإنتقاد في غير محله ... أكيد راح يعارض ...!!

شي طبيعي يا أخوكـ ...!!

لكن تعاااااااال ... أبي أقولكـ شغله ...!!

تيفيز ... لعب معنى إعارهـ لمدة سنتين ...!! صح ؟

لعب عدد مباريات تشاطر عدد مباريات روني ...!! صح ؟

ومع ذلكـ ... يطالب بمكان أساسي ...!!

يقلع أبو خشتكـ يا شيخ ... وش تفكر فيه يا تيفيز ...!!

فيرغسون معروف ... ما يقتل الموهبه على الدكه ...!!

أطلع رح شف رزقكـ ... بس ما أقتلكـ على الدكه ...!!

أعطيكـ مثال ... شف كواريزما مع إنتر ... شف ديكو مع تشيلسي ...!!

هذي قتل الموهبه حق وحقيقه ...!!

لا تقولي لاعب ما عندهـ ما يقدمه ...!!

ديكو كلنا نشهد له أيام البرشا ... بيوم وليله إقتلب الحال ...!!

كواريزما ... نسينا أيام بورتو ...!!

تعال لرونالدينهو ... وينه في ميلان ...!!؟

معقوله كل هالإمكانيات اللي تجسدت في هاللاعب ... ألحين ما صرنا نشوفه إلا مرهـ كل شهرين ...!!

هنا ... يكون عندكـ لاعب ذو إمكانيات ... لكن ما أستغليته ...!!

هنا المفروض تصبر على اللاعب ... وتشركه بالمباريات ... إلى ما يستعيد مستواهـ ...!!

لكن تجيب لي فورلان ... وعمرهـ وقتها 23 سنه ... وأول موسم له في أوروبا ...!!

ومع ذلكـ يشاركـ في كذا مباراة ... مستواهـ عادي وهذا طبيعي ...!!

وعندكـ هداف عالمي ... إلى الآن نسبة تهديفه إلى عدد مبارياته تعتبر الأقوى عالمياً ... وأنا أقصد نستلروي ...!!

وعندكـ سولشكاير ... أسطورهـ مانشستر ... هداف بكل ما تعنيه الكلمه ...!!

تبيني أعطي فورلان فرصه ... على حساب الفريق ...!!

ما عليش ... تدري متى أعطي فورلان فرصه ... متى ما كان مانشستر ما يمتلكـ خط هجومي ... ذاكـ الساعه نصبر عليه ...!!

مثلاً يعني ... تخيل فورلان 2003 مع ميلان هالموسم ...!!

ميلان يعاني هجومياً ... كذا أكيد ميلان بيصبر عليه ... خصوصاً إنه يدري إن فورلان وراه شي ... ويقدر يقدم ...!!

فيرغسون يوم يبيع فورلان ... ويستفيد منه العالم ... وتستمتع في لعبه بالأسباني ...!!

ما خدمكـ كمتابع لكرة قدم جميله ...!!

مهوب أحسن من إنه يقتل اللاعب على الدكه ... ولا ياخذ فرصته إلا إذا أعتزل ...!!

فورلان كبير ... ويقدر بملايين ... لكن ثق ثقه تامه ... إن المانيو مهوب بحاجته إلى الآن ...!!

يعني قولة لو نجيب فورلان ألحين بكم نبي نجيبه ...!! هذا شي من ضرب الخيال ...!!

لكن تخيل فورلان إلى الآن معكـ ... من أيام 2003 ... تتوقع سعرهـ نفس سعرهـ ألحين ...!!

أكيد لااااااااا ... بيكون أقل بكثيييييييير بعد ...!!

خلوا فورلان يطلع يشوف رزقه ... خلوا إيقلز يطلع يشوف رزقه ...!!

خلوا ريتشاردون يطلع يشوف رزقه ... خلوا سميث يطلع يشوف رزقه ...!!

خلوا روسي يطلع يشوف رزقه ...!!

أنت فريق ما عندكـ إستعداد تلعب هالمبزرهـ على حساب مخضرمينكـ ...!!

لأنك ببساطه .. ما عندك وقت لهم ... وقتك كله منافسه على بطولات ...!!

فريق ما يرضى بالوصافه ابداً ... لازم بطوله في كل موسم على أقل تقدير ...!!

هنا صعب إنكـ تعطي فرصه للمبزرهـ ...!!

تقول لي إعارهـ ... أعرنا روسي وإيقلز وكامبيل و و و و ...!!

بس برضوهـ ... أنت خلكـ بوضع اللاعب ...!!

كل موسم شايل شنطتكـ والوجهة نيوكاسل مرهـ ... ومرهـ هال سيتي ... ومرهـ عرعر ... ومرهـ سكاكا

<<< ما يذب ...!!

اللاعب بدري عليه صغير على هالإنتقالات هذي ...!!

تحسبها سهله إن واحد عمرهـ 18 سنه ... ماعنده استقرار ...!!

صعبه كثير ...!!

الإعارهـ ما إذا كانت موسم واحد أو اثنين بالكثير ... يتقبلها اللاعب ...!!

لكن إعارهـ لمدة 5 سنوات ... صعبه .. اللاعب في هالحاله يفضل الإنتقال صدقني ...!!

اللاعب ما جاء لمانشستر إلا لأنه مانشستر ...!!

فريق كبير ... يحلم يلعب فيه ...!!

يقبل العرض ... ويجي لمانشستر ... وبالأخير يلعب لهال سيتي ... ليه ؟

هذا تفكير اللاعب ...!!

صعب ترا تسيطر على كل الأطراف ... وصعب ترضيهم ... وصعب تستغلهم صح ...؟

إيقلز ... مثلاً ... لو كان موجود حالياً في المانيو ...!!

أسألكـ بالله ... متوقع تشوفه بالفريق الأول هالـ 3 مواسم القادمه ...!!؟

طبعاً لااااااا ... أنت أحسبها ... ترا اللاعب يدري بهالشي ...!!

يدري إنه ما فيه أمل أشكها أساسي في ظل هالكوكبه من النجوم ...!!

أكيد يبي يطلع ... وفيرغسون يدري إن إيقلز عندهـ إمكانيات ...!!

بس إمكانيات تثبته أساسي على ويجن بالكثير ... ومدحناهـ بزيادهـ كذا ...!!

بيكي ... كلنا ندري إنه من ركائز الدفاع عندنا ...!!

الولد أسباني ... ويوم أكلمك قبل شوي على الإستقرار .. وكل شوي شايل شنطتك وما تدري وين رايح ...!!

شف مفعولها ألحين ...!!

هذا وبيكي مع مانشستر ما قدر يصبر ...!!

يبي يرجع لديرتهـ ... يبي يرجع لأهله ...!!

وعرض من البرشا ... ليش يرفض ...!!

فيرغسون عزاهـ الوحيد ... إيفانز ...!!

يعني البديل موجود ... ليش أجبر اللاعب يجلس ... وأنا ما أضمن يقدم وإلا لا ...!!

حتى الشباب وضحوا نقطه مهمه ...!!

كان باقي على عقدهـ سنه ... لو رفضت تبيعه هالموسم للبرشا ...!!

توقع بيجدد لك اللاعب ... أكيد لا ... وينتقل بالمجان الموسم اللي بعدهـ ...!!

بعدين إلى الآن ما أفتقدناهـ ... عندكـ إيفانز ما شاء الله مغطي الخانه ... الله يديمها ...!!

نجي لروسي ... هاللاعب خصوصاً ... صبر بما فيه الكفايه ...!!

أنوااااااع الإعارات ... يمكن عزاهـ الوحيد ... إنه يعار في إيطالياً أحياناً ...!!

يعني في ديرته ...!! لكن حتى هذي تتعب ...!!

اللاعب حس إنه عندهـ مخزون ... ويقدر يقدم ... لكن يدري إنه من فياريال وأنت نازل ...!!

تبيعه وفيه بند باسترجاعه ... وين العيب ؟

هذا بالنسبه للمبزرهـ ... أما النجوم ...!!

ياما وياما بعنا نجوم ... وعوضناهم ...!!

لا تقولي كم أخذت علشان تعوضه ...!!

هاينز عوضته وهو موجود ... يعني سريع سريع ...!!

بيكهام عوضته بـ 3 سنوات ...!!

كين ... عوضته بـ موسمين ...!!

يا اخي تراها صعبه سالفة التعويض ...!!

شف ميلان يتباكون على شيفا إلى اليوم ... إلى الآن ما عوضوهـ ...!!

بعدين الـ 3 سنين اللي جلستها تعوض فيها بيكهام ... وقفت عن تحقيق البطولات ...!!

لااااااااااا طبعاً ... وهذا المهم ...!!

أنا ما عندي مشكله فيرجي يبيع روني ويشتري هزازي ... يبيع فيديتش ويشتري نايف القاضي ... يبيع كاريكـ ويشتري عبدهـ عطيف ...!!

أهم شي الفريق يجيب لي آخر الموسم الكأس ... وإلا البريمير وإلا التشامب ...!!

هذا اللي أبيه من الفريق ... ما يهمني فلان ولا يهمني علان ...!!

أنا أصلاً ما جبت روني قبل 6 مواسم إلا أبيه يساعد على تحقيق البطولات ...!!

وهذا اللي صاير حالياً ...!!

خروجه ما يعني جفاء البطولات ...!!

بالله عليكم ... يوم تنتقدون فيرجي ألحين ... ما دريتوا إنكم بطل إنجلترا ... وبطل العالم ... ووصيف أوروبا ... والعام بطلها ...!!

أرقام والله ما تتكرر ... يعني صعب تشوفها ثانيه ...!!

جالس تتباكى على فورلان ...!!

فورلان ألحين عمرهـ فوق الـ 30 ...!!

يعني هاللاعب أحسب له موسمين 3 على الكثير ... وبلغ سلامي للهوى ...!!

والحسابه بتحسب ...!!!

من الصعب تنتقد مدرب ... آخر الموسم يرد عليك بزعامه ...!!

يبي يجي اليوم اللي تبكي على فيرجي ... وتقول ألا ليت الشايب

يعود يوماً ...!!

وأذكركـ ... إن الله أحيانا ...!!

حسيت إني كثرت قرق ... أنا قايم أراجع ... وأنتم زرفتوا أبو أم الوقت ...!!

برب .. عندي أختبار ...!!

Nemanja Vidic · #14631 17/06/2009, 10:18 AM

لله درك احمد عنيزه
ياخي ماشاء الله عليك ردك عن مليون رد

غير كذا بصراحه صرت استمتع بردودك يازلمه
ياخي عن نفسي مقتنع تقريبا بأغلب كلامك

بجد رووعه دمت ذخرا للرابطه ابو حميد

إقتباس


	حسيت إني كثرت قرق ... أنا قايم أراجع ... وأنتم زرفتوا أبو أم الوقت ...!! برب .. عندي أختبار ...!!

يازينك انت وقرقك والله يهبل قصم

بعدين اليوم اكثر ردودي عنك عساك تدري اني احبك بس

يالله ربي يوفقك باختبارك

الهلالي 11 · #14632 17/06/2009, 10:32 AM

إقتباس


	اقولك لييية سالفة الانتقاد ليييييية ؟ بس عشان يعطو تفاعل في الرابطة وكل واحد يعطي رأية بس

من جد اسم على مسمى ... تسمحلي اقولك كيف حالك !!

قبل ما انسى عزوز وطلال واحمد الله يوفقكم يا رب ونسمع عنكم كل اخبار طيبه

كل اللي عندهم اختبارات الله يوفقكم ولا يشغلكم النت والرابطه عن دراستكم اجتهدو والله يوفقكم

انا ما ادري وانتو تناقشو بموضوع فيرغي يوم تتكلمون عن بيكيه وفورلان وهالشباب يكون الكلام موجه لي والا لعمر

انا نقاشي وعتبي وكلامي الرئيسي كان على انه فيرغي اخطأ اكثر من مرة باكثر من مباراة

لا احد يجي يقارن لي وش طلعنا فيه اخر الموسم !!

كثير مباريات كان فيرغي السبب بالخساره ... وغلط اكثر من مرة

وعشان لا احد يجي يدف ... انا اقول عادي انه يغلط ماني طالب منه يكون 100% بيرفيكت

شي طبيعي انه يغلط وشي متوقع انه يقرا المباراة بطريقة غلط وطبيعي انه يوم يكون مزاجه مو اوكي ويخربها

كل هذا عادي ... لكن اللي مو طبيعي انه يكون فوق النقد !!

ما احد منكم يتقبل فكرة اننا ننتقده لانه مدرب كبير !! لانه عشرة عمر .. لانه فاهم الدنيا والوضع احسن من كل الناس !! على عيني راسي ما في منه فيرغي

عشان لا تتنوع المحاور ونضيع بالنقاش

انا كلامي كان واضح والى الحين اكرره ... عتبي انه دائما تبررون لفيرغي حتى في وقت اغلاطه !! ولو انتقدوه وذكرتو الغلط بعد ما تخلصو نقد تقولون هو ابخص اكيد براسه شي يمكن ما دخل فلان عشان المباراة الجاية يكون مروق

يعني حتى لو تهورتو وانتقدتوه تبررون لانفسكم انه نقد مع وقف التنفيذ

للكل حرية النقد متى ما كان فعلا يستاهل انه ننتقده

بس اما بشكل عام ويييييين انت واياه انت صاحي تنتقد فيرغسون !! ايه صاحي خير يا طير

وبس يله طسو وراي شغل

فيصل 99 · #14633 17/06/2009, 12:57 PM

صبح صبح ياعم الحق

بعد خروج رونالدو

مافيه بديل بنزيما ما يبي يروح و انطونيو فالنسيا

مافي تفاوض جدي من المان بي خصوص ديفيد سلفا مايبي يروح اسبانيا

دافيد فيا نفس الشيء

ريبيري مايبينا يبي يروح الى الريال الله يلعنها

طيب الحين مين البديل

ودمتم في حفظ الله

الهلالي 11 احبك

RoMa4eVeR · #14634 17/06/2009, 01:13 PM

إقتباس


	Aston Villa v Wigan Athletic Blackburn Rovers v Manchester City Bolton Wanderers v Sunderland Chelsea v Hull City Everton v Arsenal Manchester United v Birmingham City Portsmouth v Fulham Stoke City v Burnley Tottenham Hotspur v Liverpool Wolverhampton Wanderers v West Ham United

الجولة الأولى 15\8

إقتباس


	2009/10 fixtures in full

إقتباس


	August Sat Aug 15 Birmingham City H Tue Aug 18 Burnley A Sat Aug 22 Wigan Athletic A Sat Aug 29 Arsenal H September Sat Sep 12 Tottenham Hotspur A Sat Sep 19 Manchester City H Sat Sep 26 Stoke City A October Sat Oct 3 Sunderland H Sat Oct 17 Bolton Wanderers H Sat Oct 24 Liverpool A Sat Oct 31 Blackburn Rovers H November Sat Nov 7 Chelsea A Sat Nov 21 Everton H Sat Nov 28 Portsmouth A December Sat Dec 5 West Ham A Sat Dec 12 Aston Villa H Tue Dec 15 Wolverhampton Wanderers H Sat Dec 19 Fulham A Sat Dec 26 Hull City A Mon Dec 28 Wigan Athletic H January Sat Jan 9 Birmingham City A Sat Jan 16 Burnley H Tue Jan 26 Hull City H Sat Jan 30 Arsenal A February Sat Feb 6 Portsmouth H Wed Feb 10 Aston Villa A Sat Feb 20 Everton A Sat Feb 27 West Ham H Sat Mar 13 Fulham H Sat Mar 20 Liverpool H Sat Mar 27 Bolton Wanderers A April Sat Apr 3 Chelsea H Sat Apr 10 Blackburn Rovers A Sat Apr 17 Manchester City A Sat Apr 24 Tottenham Hotspur H May Sat May 1 Sunderland A Sun May 9 Stoke City H

الجدول كامل

طبعا ً H : HOME يعني بالاولد
A : AWAY خارج الاولد

إقتباس


	First Six Sat Aug 15 Birmingham City H Tue Aug 18 Burnley A Sat Aug 22 Wigan Athletic A Sat Aug 29 Arsenal H Sat Sep 12 Tottenham Hotspur A Sat Sep 19 Manchester City H Last Six Sat Apr 3 Chelsea H Sat Apr 10 Blackburn Rovers A Sat Apr 17 Manchester City A Sat Apr 24 Tottenham Hotspur H Sat May 1 Sunderland A Sun May 9 Stoke City H

اول وآخر 6 مباريات

إقتباس


	The big ones

إقتباس


	Sat Aug 29 Arsenal H Sat Sep 19 Manchester City H Sat Oct 24 Liverpool A Sat Nov 7 Chelsea A Sat Jan 30 Arsenal A Sat Mar 20 Liverpool H Sat Apr 3 Chelsea H Sat Apr 17 Manchester City A

المباريات الكبيرة

* جدول اشوفه جدا ً مناسب ولو انه كان ودي يكون اوله صعب وآخره سهل مثل الموسم الماضي !

Sul6an | 20 · #14635 17/06/2009, 01:14 PM

شششبآب وش القصه

!!

شششوفوا روسسسي .!! مبدع بهالفتره ., وفورلآن وشش مسوي .,, يكفي خذا ايتو

الهداف بعد ماكان ايتو متقدم عليه بكثير ., وربي هاللاعب فنان ., وزي ماقال الدحمي فيرقي بششر

يخطي ., زي بيع فورلآن يعني لو انه اعارة احسسن وبكثير ., روسسسي اتمنىى يرجع وبقوه ., بعد خروج كرستيانو !!

انا ماتوقع كرستيانو طلع كذا .!! اتوقع طلع عششان يبرهن ان المان كرستيانو بس ., لآكن يخسي هالخاين <

الا بسآل كم لآعب فاوضه المأن !!

بن زيمآ ويقولون خلآص مافيه امل يجي من هالاخبار ., وتيفيز ببيطلعع !!

يعني لو نجيب فالنسيآ ., ودافيد فيآ ., او سيلفآ نحل مششآكل ونجيب لك لآعبين مو معروفين .!

يعني مو من الطرآز الرفيع زي كرستيانو وربي ماخلاه افضل لاعب الا فيرغي والمان !!

بس وربي شي يقهر يعني لآعبين الحين مبدعين مع منتخب ومع ناديه وكان بالمان والحين في فريق مايجي رديف المان

.!!

يعني الحيين الماآأن الىآآ متىآ وهو يصصنع النجوم ليه مانجيب نجوم علىآ مستوىآ عالً زي دافيد فيآ ., !!

وبرباتوف مو لو نبيعه احسسن

والله من اول مااجاء وهو !!

لآكن اتوقع الموسم الجاي موسمه هو وروني ..

تقبلوا شطحتي وتراني متآأعب بصمت عندكم !!

وبصير اتابع بعنف !!

Sul6an | 20 · #14636 17/06/2009, 01:50 PM

تصميم للمـأآنيو ..::

ملآحظه تصآميم بآسم سوبر سلطان كلهـآأ ., عششان بالمنتديات الهلاليه يوزري سوبر سلطان :: هع

l.A.7.M.E.D.l · #14637 17/06/2009, 01:59 PM

سلااااااااااااااااااااامـــ

...!!

عصام

أحبكـ ... وتمنيتكـ جنبي اليوم علشان أشكي لكـ الحال

...!!

يا عيال ...!!

جامعهـ القصيم ... أحد جامعات المملكه ... ذات ميزانيه أشبه بالخيال ...!!

مشاريع قائمه ... ومشاريع تحت التنفيذ ... وخطه جديدهـ مدتها 10 سنوات ...!!

مسيرهـ نحو التميز ...!!

كل هذا ... واللي صار اليوم شي ثاني ...!!

يا جماعة الخير ... الجامعه طبقت أسلوب التسجيل الألكتروني من 3 أترام ماضيه تقريباً ...!!

هالأسلوب مماثل للأسلوب اللي تطبقه جامعة الملك فهد للبترول والمعادن ...!!

يعتبر هالأسلوب حصري وحضاري ...!!

ولكن ...!!

الجامعه دائماً وأبداً ماتواجه مشاكل من هالنظام ...!!

مثلاً ... أنا أول أسبوعين من هالترم ... ما نزل لي جدول ...!!

أدخل موقع الجامعه .. نضغط على تسجيل إلكتروني ...!!

ما فيه مواد ...!!

بعد أسبوعين بالضبط والتمام ... نزل الجدول ...!!

طبعاً الترم الجاي ... محاكيكم خريج ...!!

أدرس مادهـ بالمستوى السابع حالياً ... تعتبر متطلب أساسي لأحد مواد المستوى الثامن ...!!

درجة الفتري فيها درجة مميزهـ ... ومن أفضل الطلاب ...!!

دكتور المادهـ ... هو عميد كلية الإدارة والإقتصاد ...!!

أتفاجئ آخر الترم ... إن الدكتور منزل لي حرمان ...!!

ليش ...!!؟

الأخ حاسب لي أول أسبوعين غياب ... هذي 6 غيابات ...!!

المادهـ ... 8 غيابات تعني حرمان ...!!

قلنا له ... ما نزل جدول ... أنت طبقت نظام ما أنت بقدهـ ...!!

يقول ما هو ذنبي ... المادهـ تحتاج متابعه وحضور علشان تفهم ...!!

قلنا له ... شف درجة أختباري ... تتأكد إني فاهم ...!!

يقول ما يهمني تفهم المقرر أو لا ... أهم شي الحضور ...!!

قلت له ... ليتني داري من أول الترم ... كان سجلت استبنة موتري في المقرر ... تجيب بكالورويس هواااااااااااا ...!!

جبنا له عذر رسمي من مستشفى قوات الأمن بالرياض وإجازه مرضيه مدتها 10 أيام ...!!

اللي هي أول أسبوعين من الدراسه ... ما قبل العذر ...!!

يقول الله يعينكـ الترم الجاي ...!!

القهر ... واللي يقطع القلب ... إن المادهـ متطلب لأحد مواد المستوى الأخير ...!!

يعني الترم الجاي ... اللي كان المفروض يكون الأخير لي وأكون فيه خريج ...!!

راح أدرس مواد الثامن كلها إلا ماده وحده أدرس بداله مادة العميد ...!!

وإجبارياً ... راح أدرس مادهـ وحيدهـ ... في ترم إضافي أنا ملزم عليه ...!!

وفوق هذا كله ... أنا ما غلطت ولا قصرت ...!!

كل المشكله ... تطبيق نظام ... بدري على العميد وشنباته يتعامل معه ...!!

في مثل هالحاله ... الواحد وش يسوي ...!!

الله لنا ... والله أقوى ... والحساب يوم الحساب ...!!

تجي حوبته ...!!

طبعاً ... رحت لوكيل الكليه للشؤون التعليميه ... قال لي من الدكتور ...!؟

قلت العميد ... عطاني أبتسامه .. وقال الله يعينك الترم الجاي ...!!

هذا ومعي عذر رسمي ...!!

رحت لوكيل الجامعه ... يقول تفاهم مع العميد ...!!

رحت لمدير الجامعه .. قال أكتب معروض ...!!

رحت لمجلس الكليه ... قال اجتماعنا يوم الأثنين القادم ... نراجع موضوعك ...!!

طيب أختباري يوم السبت .. وش أسوي ... أنتظركم تجتمعون ... بعدين أرجع بشريط الزمن يومين وأختبر ...!!

حالتي صعبه ...!!

طلعت من الجامعه ... بابتسامهـ ... وبمحجر العين [ دمعهـ ] ...!!

فعلاً ... غبينه ... شي يقطع القلب من القهر ... تمنيت إني مقصر في هالمادهـ ...!!

تخيلوا ... من أول ترم للجامعه ... إلى اليوم ... ما قد أنحرمت ولا مرهـ ...!!

يجيني هذا ... ويحرمني في آخر ترم لي ... وبلا وجه حق ...!!

فعلاً قمة الظلم ...!!

أدري ما له دخل كلامي ... ومو المفروض يكون هنا ...!!

لكن من القهر ... ما لي إلا أنتم ... أبفضفض ... وش أسوي ...!!؟

على العموم ... الشباب عند الباب ألحين ...!!

نبي نمسكـ الخط للرياض ... نبي نشجع الصقور ...!!

بإذن الله يفرحني أبو سعيد اليوم ... وإلا هزازي ...!!

وأداوي جرحي ... ولو ليله ...!!

كلنا معكـ يالأخضر ...!!

يا عيال ... نبي الملعب يمتلي ...!!

عن أذنكم ... الوعد درة الملاعب ...!!

Sul6an | 20 · #14638 17/06/2009, 02:20 PM

^

تروح وترجع بالسـلآمه .,

بالتوفيق لمنتخبنا .. والله يعنيك يـآأرب

مانيو الانجليز · #14639 17/06/2009, 02:39 PM

l.A.7.M.E.D.

عادي يالغالي انا ما كلمت شهرين الا سحبت

والمشكلة دكاترة ونفس القسم الي فيه موب زين

والا الي يقهر يجيك واحد زي البرميل الي حرمك

اذا انت عشانك غايب وما تدري عن الجدول عطاك حرمان

افضل من الي تكون حاضر عنده وعشان غفوة بس يجيك يقولك صحصح معي

ابدا وما يمديك تقوله ابشر انا معك

الا يقولك لاتناقش واطلع برا ولا اشوفك هنا واعتبر نفسك محروم

الهلالي 11 · #14640 17/06/2009, 02:44 PM

إقتباس


	الهلالي 11 احبك

استحي كذا انا

شكرا الله يخليك

عقبال ما تحب زوجتك

احمد

تروح وترجع بالسلامه

ووالله ذكرتني بايام الجامعه ولعانة الدكاتره بس وضعك انت من جد صعب الله يكون بعونك

ما ادري وش النظام عندكم هنا ... لكن هناك كل شي بيد الدكتور ... وبزي هالحالات الدكتور اذا تفهم الوضع يمشي الوضع ... ومهما كبر الموضوع لن يتجاوز العميد ولو ربنا كاتب لك انه ينحل بينحل

عموما توكل على ربك وان شاء الله كل امورك تنحل

اخبر واحد كان منزل خبر وما يعرف كيف يسوي المصدر

الحين ادوره انلحست ما لقيته

عموما اللي يسأل ... اذا كتبت كلمة المصدر ... ظللها واضغط على ايقونة الكورة الارضية اللي قدامها زي نظارة والا مدري وش هي

تجي بايقونات اللي باضافة الرد بالسطر الثاني سابع وحده من اليسار

انسخ رابط المصدر ... ظلل الكلمة ... اضغط على الايقونة الكورة هذي ... والصق رابط المصدر وكذا خلاص ينحل الموضوع