هآي شبآب 
معادلـهـ حلوة :
تيفيز ----------رونالدو ------------ ــــــــ --+ ------ــــــــ = 1 - 0
-----روني -------كاريك + فليتشر طبعا التشكيلة ما توقعناها ابد . . كنا نتوقع قيقز اساسي مع برباتوف !
لكن فيرجسون فاجئنـآ بتشكيلة أحلى و آحلى 
انا من شفت تيفيز اساسي تفآئلت . . جدا
يا عياآل هاللاعب حرام يقعد احتياط حرام ما يلعب 90 دقيقة يا ويلك من الله يالسير
نظرتي الفنية للمباراة .~!
يا ربـآهـ عليك يا تــيفـيز ! 
اكثر من علامة استفهام على فيرجسون الا و هي تيفيز . . يقدم مستويات خرافية بمجرد ما يلمس الكورة .. الفريق كلـه يتفاعل مع تيفيز و مع ذلك في الشهرين الاخيرين . . مانشستر يتخبط في المستوى و يحرج من امام اي فريق يلعب ضده
ولا اجد تيفيز حل من حلول فيرجيسون . . لكن فيرجسون ان ما صحصح شوي
وشاف كيف امام توتنهام كنا مهزومين بهدفين و مع دخول تيفيز توتنهام جابوا العيد و قلبناها عليهم
تيفيز يا شباب يقدم دور غير طبيعي داخل الملعب يستفيد منه زملائه يعني لا احد يقول تيفيز ما يسجل ما عنده حظ . . نحس قدام الباب
انتم ما لاحظتوا تيفيز يخفف الضغط كثيييير على لاعبين الوسط . . دوره الهجومي لا يقتصر على التسجيل . . بل هو يسمح لرونالدو انه يتقدم للباب هو وروني . . ويلعب معهم جمل تكتيكية و باصات سريعة وكآنه لاعب وسط
امس خرووووجـه غلطة فادحة من مدرب المفروض انه يفهم ان تيفيز كنز . . لازم يستفيد منه
يعني هاللاعب مخزونه اللياقي كبيييير ليه ما تستفيد منه ؟
برباتوف . . ايش ؟؟!
صرآحـه هاللاعب اول الموسم كان مقنع لكن الحين خلاص ؟ . . ما له اي قيمة هجومية . . ممكن يسوي كنترول مع نفسه ويدور على الكورة . . بس باااااااارد ! باختصار برباتوف اسلوب لعبه لا يتناسب مع الرتم السريع اللي مانشستر اغلب لاعيبة مانشستر فاهمينه . . ولا تحسبوني يا شباب حاقد عليه ولا شي . . لكن مستواه نازل والمفروض فيرجسون يستفيد منه لأنه لاعب مهم و مؤثر لكن في اشياء ثانية مو في مباراة نصف نهائي في الابطال رونالدو . . بعد خروج تيفيز صار الضغط عليه اكبر صار يرجع كثيييير . . و هذا ارهاق عليه . لكن بعدها شفنا برباتوف رجع و هذي تحسب له . . انت فريقك فايز حاول انك تخفف الضغط على الوسط وترجع
-
روووني و ما ادراك ما رووني صراحة اول مرة ادري ان مفطح الخنزير جاب نتيجة
الظاهر خنزير مدفون بعد <~ خخخخخخخخخخخخ
صراحة قوة بدنية + سرعة + تمرررركز . . روني في اخر 3 مباريات كان هو نجم اللقاء . و هذي ما جت من فراغ . . و اتمنى المباراة القادمة تواجد قيقز و تيفيز اساسيين . . خلف روني علشان يخف الضغط شوي و بتشوفون روووني اطلق بكثيييير
هذي هي المباراة الاولى . . اللي اشوف فيها كريستيانو متفاهم مع اوشي 
صراحة هاللاعب قدم مجهودات كبيرة في الظهير الايمن و مع الوقت نكباته تقل
و الهدف اللي سجله صراحة خراافي ههههههههههـ انا مشكلة اختفت اشارة النيل سات
وقعدت العب بالصحن واحوس لين انتهى الشوط الاول . . بس يوم فتحت موقع كورة واشوف اوشي 1 - 0 ههههههههههههـ ضحكت من قلب واستانست
لكن مع عودة براون . . ما زلت اتمنى يبق اوشي اساسي 3 مباريات اخرى ويكون بروان بديل له . لأن براون من زمان عن الملاعب يبيله يلعب في الدوري مبارتين ع الاقل . . يمديه يشارك بالنهائي لا تأهلنا 
بالنسبة للأداء بشكل عام :
مانشستر ظهر بلووون سريع . . + برسينج عالي يبدا من نص الملعب حتى يوصل مرماهم . . يعني لو تلاحظون مانشستر يضغطون من عند فاندير سار حتى يوصلون المونيا . . يا عرضية او تسديدة تصطدم بالدفاع . . او سلفيستر يستخلص . . لكن هنا وقفوـآ . . شالمفروض ؟ لازم مرتدة للارسناآل ايفرا + اوشي + اندرسون قدام . . ما في احد عند الباب غير ريو و فيدا . . مع ذلك تشوفون ما في ارتداد تنقطع هجمة مانشستر بس الضغط موجود تيفيز يضغط ايفرا يضغط والكورة معهم عند الباب اللاعب اللي دخل بدال والكوت ايفرا حجر له عند بابهم مافي مرتدة خلاااص
ايضا حتى اذا كانت المرتدة موجودة سمير ناصري . . ما يقدر يوصل الكورة لا لفابريجاس ولا لاديبايور . . مساحات مسكر عليه + اندرسون خلفه يمشي مليووون 
نقاط من المباراة :
- كانت المباراة بتنتهي 4 - 0 للمان . . لولا وجود المونيا اللي كان شايل نص الفريق امس 
- برباتوف دخوله بديل تيفيز لم يعطي اي فائدة هجومية تقريبا لمانشستر . . اللاعب بروده الزائد لا يناسب طريقة مانشستر الحالية
- رونالدو كان ناقصه قيقز يسانده من اليسار علشان روني حتى لو انه كان يتواجد يسار يبقى لاعب مهاجم ولازم يتقدم للباب علشان يكون بجوار تيفيز
- مثل ما قلت لكن قبل المباراة اكثر شي كنت اخاف منه اضاعة الفرص لكن هذه المرة ما الوم الا المووونيا الوصخ
والله هالحارس رحمة ربي للارسنال امس في النهاية . . نجومية المباراة ما اقدر اعطيها لأحد .
لو قلنا ايفرا بظلم اوشي . . لو قلنا ريو بظلم فيدا . . لو قلنا كاريك بظلم فليتشر . . لو قلنا روني بظلم اندرسون . . لو قلنا رونالدو . . بظلم تيفيز
امس كلهم كااانوـآ ابطآل . .
الف سلآمة عليك يا ريوو . . تقوم بالسلامة ان شالله وتشارك بالدوري بعد قبل الارسنال
علعموووم مبرووكين الفوز . . ومثل ما قال فيرجسون . . 1 - 0 احلى شي 
و الجاي في الامارات اكثر و اكثر صدقووني . . لكن يا فينجر . . اتوقع بتسوي شي يخرب علينا
دمتم بود