|
الف الف مبروك الفوز وفآلنآ الكأس بأذن الله بس عجبني صاروخ رونالدو الذي هز عرش بورتو |
إقتباس:
مدري انت شفت مباراة غير اللي انا شفتها .!! أنا شفت مباراة حلوة , تكتيكياً مباراة بطرانه .. حققنا الأهم فيها وهو الفوز .. وتأهلنا .. فيرغسون عرف كيف يتعامل معهم .. عرف كيف ينزع منهم ثقتهم بنفسهم .. دخول ناني كان تغيير حلو لأنه يعرف كيف يلعبون البرتغاليين , وجود روني على الجناح الأيمن جعل من جهة اوشيه قوة دفاعية وهجومية .. روني على الجهة اليمنى كان مفيد جداً في حال الهجمة كانت لبورتو .. يصبح ظهير أيمن .. ويتحول اوشيه قلب ثالث ويرجع روني ظهير .. الخطة هذي معجبتني من دوري الابطال الموسم اللي فات .. شكراً فيرغسون :rose: شكراً رونالدو :rose: شكراً انديرسون :rose: شكراً روني :rose: عنوان للرابطة : لك الله ياتاريخ مُزق بأقدام مانشستر |
[]آتيناكم بالعزيمة .’,.’,.وأخرجناكم بالهزيمة[] وش رايكم ياشباب؟ |
الف مبروووووووووووووووووووووووووووووووووووك صارووووووووووووووووخ يهز عرش البرتغال كلها |
إقتباس:
عنوان اكثر من رائع واهينك على هذا التنسيق |
ما ودي أتفلسف كثير لأني ما شفت المباراة إلا من الدقيقة 80 على العموم الفوز هذا جا من فريق غثيث و أعتقد إن التكتيك اللي لعب فيه فيرجي هو المعتاد من الموسم الماضي خصوصا في دوري الأبطال مبروك الفوز :smilie47: الحربين يقول [ لوري لوري مان يونايتد ] :d |
ابو حميد :smilie47: نفس المباراة انا واياك شفناها !! انت مقتنع ان فريق مثل مانشستر يلعب على الهدف ويسكر طول المباراة !! انا ما يعجبني والا استمتع باللعب من هالنوع !! حتى لو كويس ما رح يضل كذا على طول ... راس مالها اليوم غلط دفاع هدف لبورتو وش بيسوي المان وفيرغي !! انا اعتبر هالطريقة طريقة فرق ضعيفة ... اوكي مانشستر يطبقها مرة لظروف معينة بس ما هو ان نتعود نشوف المان بهالطريقة !! محمد بسالك !! هل انت كنت مرتاح طول المباراة ومتاكد من الفوز خل طريقة اللعب على جنب كنت مرتاح واعصابك رايقه من وضع المباراة !! |
مبروك الفوز شباب :smilie47: مباراة تكتيكية بحتة .. وأفضل طريقة نلعب فيها متش مثل اللي اليوم ..!! أعتقد السير تعلّم من مباراة الذهاب وعرف بورتو زين :) صعب صعب جداً تفتح الملعب قدام فريق مثل بورتو ! ظروف المباراة اليوم ماتسمح نلعب بطريقة هجومية أبداً :) يعني دفاعنا وضعه مايطمن .. الأفضل هي طريقة اليوم الفريق كله مكلّف بأدوار دفاعية ماعدى كريس تقريباً :to: والله صدقوني يا شباب السير مجبور يلعب بالطريقة هذي !! أهم شيء خرجنا بالتأهل ومستوى جيّد والجايات أفضل بإذن الله :smilie47: إقتباس:
إذا الطريقة اللي اليوم تعتبر خوف .. يازين الخوف بس ! :smilie47: دحمي خلك واقعي شويّ .. !! كلنا ما آعجبنا مستوى الفريق بالذهاب .. وشفنا كيف تبهذلنا معهم :to: يعني بورتو عندهم صناع لاعب مميزين .. صعبة صعبة تفتح اللعب لهم ..! غير كذا دفاعنا مش ولا بد .. شيء طبيعي من فيرجي يثبتّ الأظهرة ومايكلفهم بأدوار هجومية .. خصوصاً بوجود هوك ورودريجز :to: وشي طبيعي بعد فيرجي مايكلّف كاريك + أندرسون بأدوار هجومية بحتة للضعف اللي نشوفه بالعمق دايماً .. والكل يذكر بهذلتنا مع سندرلاند ..!! يعني التشكيلة اللي دخل فيها فيرجي اليوم .. مجبور عليها الظروف ماتسمح إنك تفتح اللعب وتلعب بطريقة هجومية وإنت خارج أرضك وفرصك قليلة بالفوز بعد !! :) بالنسبة لتيفيز .. إنت شفت مستواه مباراة سندرلاند ؟! قسماً ماينفع ماينفع أبد يلعب اليوم !! تبديل ناني .. ذكي يعني حتى لو قدرّ الله وآحرجونا بورتو بالتعادل يقدر يسحب جيجز ويدخلّ ماكيدا أو تيفيز ويخلي ناني وكريس أجنحة ..!! بالعكس ما آوافقك بالنقطة هذي .. تغيير ناني آعجبني بجد :) دحمي .. فيرجي سوىّ اللي عليه وما يلام أبداً ..:rose: |
http://cache2.asset-cache.net/xc/859...0A760B0D811297 ابو داااحم وسع صدرك فوز ونتاهل المان في حاجته اهم شي تاهلنا وبورتو فريق كبير |
إقتباس:
بالعكس انا اشوف مباراة اليوم تكتيكية من الدرجة الأولى , شي طبيعي جدا ان السير يبغى هدف ويسكر .. انت تلعب خارج ارضك وامام فريق قوي جدا , ويملك لاعبين على مستوى عالي من المهارة والسرعه والتسديد .. ولاحظ اخوي من خلال الهجمات المرتده لمانشستر لاحظ في خطورة كبيره جدا للفريق , بإنطلاق كل من قيقز و روني وكريس وبيربا بالإضافة إلى احد الأظهره سواء اوشي او إيفرا , ومن ناحية الدفاع الفريق قدم مستوى كبير جدا , وبالنسبة لكلامك اخوي عن ان الدفاع والوسط يرجعون الكور لفان دار سار .. قبل 4 مواسم كان فيه تصريح للسير اليكس قال ان مشكلة دفاع مانشستر هي الاخطاء الدفاعية .. وفي اول موسم جا فان دار سار للفريق قال السير ان على الدفاع إرجاع الكوره للحارس منعاً لحدوث الاخطاء , ولو تلاحظ الأخطاء قلت بشكل كبير بين ايام بارتيز وهاورد و كارول مقارنة بـ فان دار سار ,, بالنسبة للمتعة وان الفريق لم يقدم اداء ممتع , صدقني اخوي في هالبطولة بالذات اهم شي النتيجة بغض النظر عن الأداء الممتع ,, وهذا الي قاعد يسويه المان , التاريخ راح يقول ان المان فاز على بورتو 1-0 , ولن يقول انه لم يقدم مستوى ممتع .. احترم وجهة نظرك اخوي (ورده) |
كلكم على العين والراس :smilie47: بس جاوبو على سؤالي !! هل تعتقدون لو المان 2-0 ولعب بهالطريقة بزعل مثل الحين !! السؤال الاهم بالله وش شعوركم طول المباراة وهي 1-0 !! ما هو كل هجمة الاعصاب زفت !! ليش نجيب هالشي لانفسنا !! والله لو بورتو جايبين التعادل وطلعنا ما احد فيكم بيجي يقول هالكلام !! اتحدى احد يجي يقول لعبنا على ظروف المباراة وكان لازم نتعامل معها بهالشكل هارد لك وبورتو يستاهل !! هل احد فيكم بيجي يقول كذا جاوبوني :smilie47: :rose: لا تاخذون هالموضوع من مبدأ بس انه تاهلنا .. احسبوها هل هالنظام بيمشي مع مانشستر على طول !! والله ما اتخيل المان يلعب بنظام اليونان بيورو 2004 :to: طلعو فرنسا والتشيك والبرتغال بـ 1-0 ونفس الطريقة !! والنتيجة الكل يقول اليونان قتلت المتعه ... اليونان حرمتنا حلاوة البطولة ... اليونان ما تستاهل !! ظروف المباراة وتفكير فيرغي على عيني وراسي بس مع 2-0 مو مع 1-0 :to: |
إقتباس:
ما أستبعد عليك .. يعني لو التكتيك هو نفسه أتوقع أكيد راح تزعل ..!! إقتباس:
شيء طبيعي .. حتى لو كانت 2 / 0 راح أكون على أعصابي !! يعني اللي شاف مستوى بورتو بالذهاب طبيعي راح يكون على أعصابه إقتباس:
الا راح اقول هالكلام .. آجل تبي السير يغامر بأرض بورتو ؟! :to: تبيها رباعية يعني ولا كيف ؟! والله لو تعادلنا راح أجي وأكتب نفس ردي .. ياخي قسماً السير اليوم سوىّ اللي عليه وأكثر ! :smilie47: إقتباس:
ما آتوقع يمشي على طول .. بمباراة الإنتر ما مشى معنا ..!! ومباراة الذهاب مع بورتو مالعبنا بالطريقة هذي كل مباراة لها ظروفها وشيء طبيعي الخطة تتغير مع تغيرّ الظروف :) |
نجم اللقاء من موقع [ bbc] http://newsimg.bbc.co.uk/media/image...aldonew466.jpg انه صاحب الهدف ,,, انه المنقذ,,,انه المرشد السياحي في البرتغال....انه الداهيه ,,,,انه أفضل لاعب بالعالم <<<<والله يأني نفخت راسه بقوه:d حصل على 8.19 من 10 bbc |
يا حبيبي 2-0 وسكر المباراة اوكي ... معناها بأسوا الظروف بتوصل المباراة لاضافي !! عمر لا تجامل :smilie47: والله لو جابو التعادل مثلا اخر الثمانينات هل بتكون مبسوط !! كنت بتقول لو ريحنا بقول ثاني احسن !! ما فيه احد يكون مبسوط ان فريقه طلع من اهم البطولات حتى لو قدم مستوى حلو !! اقولك ... 0-0 الدقيقة 70 او 75 هدف للمان سكر بعده اوكي ... بس قول الدقيقة 6 تسكر طول المباراة على امل ان بورتو ما يقدر يجيب قول ويتاهل الفريق !! لا والشوط الثاني مطر اقسم بالله خفت بزيادة وقلت الله يستر لا احد يزحلط ونبلش !! حبيبي انا احب اللعب المفتوح والهجومي اوكي معك حق :smilie47: لكن بنفس الوقت ماني غبي لدرجة اني ابغى دايما كذا !! عارف فيه مرات لازم نسكر بس ما هو بمباراة خروج مغلوب وتخوف مثل هذي تسكر من اول لاخر المباراة وكل هجمة تعني باي باي :to: عموما الاهم الفريق تاهل وهذا اللي يهمني :smilie47: |
طيب اوكي انا اتفق معك بأن النتيجة لو كانت 2 / 0 راح نتطمن أكثر :) شيء طبيعي ما راح اكون مبسوط لو جابوا التعادل ..!! لكن هل فيه حلول يقدر يعملها السير وما عملها ؟! حتى تيفيز اللي تتمناه إنت مباراة سندرلاند داج ومو بمستواه :) ناني بالوقت هذا أفضل منّه بمراحل ..!! يعني تغيير بطل إنك تخلي كريس رأس حربة وتنزل لاعب وسط :smilie47: خصوصاً إن المهاجم اللي عندك ع الدكة مستواه سيء والمهاجم الآخر شاب وخبرته ماتساعده يلعب تحت الظغط هذا :) صدقني السير سوىّ اللي عليه وما قصرّ اليوم نهائياً !! |
| الوقت المعتمد في المنتدى بتوقيت جرينتش +3.
الوقت الان » 09:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd