عطني أوشيه .. الحين أنت صاحي يوم انك تنكب كذا وتحوسنا
أنا داري إنك مسجل أهداف وتلعب كويّس أحيانا ً لكن شين وجهك
ولعبك أكثر من الزين ..
عطني الشوالي .. الحين أنت ما تقولي بـ الله شايف نفسك وشوله
تولّف علينا كلمات مدري منين جايبهن ومعلوماتك كثير منه غلط لا
وفوق هذا كله مسوي فيها محايد موب كأنك أبلشتنا بالحكم اللي
كل المباراة يغش لمانشستر واخر شي تقولي محايد شين وقوي
عين بعد ..
الحمد لله في إختراع اسمه القناة الصوتية الثانية , بلا شوالي ولا اللي ما شول ..
شفت بعض المباراة على تعليق الشوالي , قسماً بالله يجيب المرض , ياخي مباراة مالك فيها لا ناقة ولا جمل , خلك حيادي أقل شيء ..
فيرغسون , أخطأ بلعبه بمهاجم وحيد , وأخطأ بإشراكه لسكولز , وأخطأ بترك تيفيز وماكيدا بالأحتياط , المفروض واحد منهم طاقها اساسي بدل سكولز اللي صار له مدة ملخبط شوي ويحتاج يرتب وضعه ..
الوضع جداً صعب في مباراة الأياب , وأنا ماني من النوع اللي يتشائم , لكن من جد المباراة لخطبت الاوراق كلها ..
بورتو يلعب بـ 3 فرص ( فوز , تعادل 0 - 0 تعادل 1 - 1 )
التعادل 1 - 1 يصبح مجموع المبارتين فوز لبورتو 5 - 4 , هم سجلوا هدفين علينا والهدف يحسب بهدفين في حالة التعادل ..
سجلوا علينا هدفين وفي حالة تعادلنا معهم على ارضهم يحسب لهم الهدف بهدفين يعني مجموع أهدافهم 4 وأهدافنا 2
وفي أرضهم لو تعادلنا 1 - 1 يحسب هدفنا بهدفين يعني النتيجة 2 - 1 لنا
وبكذا يصبح مجموع الاهداف لهم 5 ولنا 4
....
وفي إعتقادي أن التأهل مسألة وقت لبورتو , وخصوصاً أن دائماً مواجهاتنا مع البرتغاليين على ارضهم صعبة علينا ..
وأن شاء الله يصير عكس كلامي وتوقعاتي ونتأهل , ويثبتون اللاعبين أنهم رجال مواقف صعبة , وبإذن الله تكون مواجهة الأياب وسط ظروف أفضل من اللي الحين .
للجميع / هارد لك
معلوماتك خطا اخوي برشلونه الهلال
مانشستر لو فاز المباراه الجايه بأي نتيجه راح يتاهل
لان الاهداف اللي برى ارضك ما راح تفيد الا اذا تعادلو الفريقين بعدد الاهداف
بعدها يشوفون مين جاب اهداف برى ارضه اكثر
ان شاء الله تكون وصلتك المعلومه
بورتو بورتو بورتو .. شي كبير اللي سويتووه اليوم ! تستاهلون الفوزز .. بس تبطووون فريقهم كان مميز وعجبني محورهم ولاعبهم الاورغوياني ! نجي لربعنا .. فيرقي أخطأ باعتقادي بتشكيلة البدايه لعب بـ 3 محاور متشابهين بالادوار ! وكان فيه فراغ بينهم وبين الهجوم .. بعد بارك كان سيئ بالجهه اليسرى ! الشوط الثاني .. طلع فلتش يمين ورنالدو وروني صاروا قدام كن الفريق بذي الحاله صار أحسن !
بكل الاحوال .. انا مدروخ ومنقهر :@ ! راجع بكرا بس بعلق على جزئيه بسيطه !
حرام اللوم يكون على اوشي ونتناسى الكوارث اللي يسويها الابله ايفرا ! ايفرا ايفرا ايفرا .. الله يلعن $##$%^& ! قهرني .. في أخطاء تكون على امكانياتكـ مثل اخطاء الجميل اوشيه ! يعني تثبيت او مناولات احيانا ً خطأ ! يعني الاهم تغطية المرركز بعدها الاشياء الثانيه ! وانا هنا ما اقلل من اخطاء اوشي .. بس من جد لاعب يحترق شوي ! اكبر خطأ له في اول الشوط بعدها مستواه عاااااااااااادي إلى ممتاز ! اما ايفرا الحقير .. فبروده و سوء تغطيته لمركزه تسبب في تغيير الدفاع كله ! بالهدف الثاني .. فيدتش راح يسار و اوشي راح مكانه ونيفيل دخل وبقى الاخير فاضي ! وكله عشان عيون اللي نازل مستواه ولانه طال عمره ما اشتهى يلعب شفتوا الكوره اللي ابثرنا فيها الشوالي انها بلنتي ؟! تيفيز وهو تيفيز جا طااير ومر من ايفرا وغطى ع البرازيلي ابن الكلب ! ليه ليه ليه ؟ ..
وعشان اكون حقاني .. ايفرا الكور اللي فوق ماتفوته ! بس انه يرجع يغطي خانته ذا شي مستحيل :@ !
هاردلكم التعادل والمستوى ..مثل ماقلتو ..غلط انه يلعب بثلاث محاور..بس برضوو رونالدو اليوم خارج التغطيه.. واوشي عاد اليوم بالذات كنت انتظر منه مستوى جيد..لكن مانقول الا الحمد لله.. ايفرا..اليوم غريب شوي .. دخول جيجز انا اشووف انه ناجح..حرك اللعب شووي .. تيفيز العشرين دقيقه اللي لعبها ..والله انها افضل من الـ 90 اللي لعبها كريس..
شبااب انا اشووف ان مدرب بورتو اليوم عشره على عشره دخل المباراه يبي يحسمها من الذهاب.. وفعلا قدر يسجل هدفين..وغير كذا مااشوفهم بعد الهدفين رجعوا للدفاع .. على اسااس انهم يحافظون على النتيجه بالعكس كان عندهم عزيمه واصرار انهم يسجلون اكثر.بس الله ستر..
عمووما ..بكل امانه فرص المان في التأهل ضئيله.. ...مباراة الاياب ..الحسنه الوحيده فيها عودة فيردي.. ماأتمنى ان بربا يلعب بالاياب مو وقت البرود اللي عنده.. تيفيز هو اللاعب اللي يستحق انه يلعب الـ 9- دقيقه.. فيدا اعتقد ان اليوم هو نجم المتش.. اليوم بورتو ذكرني بحماس المان ..في ملعب الانتر بس كان وقتها ينقصنا الحظ..
مو من عادتي اني ارد والمان مو بفايز..لكن الحمد لله انها جت على تعادل..
- 
موب كأنك أبلشتنا بالحكم اللي
!
ولانه طال عمره ما اشتهى يلعب 
..!
الوضع العادي
