| رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds ) | ( رد هام #14560 ) - صفحة رقم 710 - نادي الهلال السعودي - شبكة الزعيم

E7ssas ksa · #10636 09/03/2009, 07:12 PM

راؤول : رونالدو سينتقل إلينا !

يعتقد راؤول قائد ريال مدريد أن كريستيانو رونالدو سوف يقبل
عرض النادي الملكي ، وكان الريال من الموسم الماضي وهو يريد
كريستيانو لكن إدارة اليونايتد ومدربها السير اليكس رفض العرض !

مالك ريال مدريد الحالي يجدد إهتمامه في صفقـت رونالدو وبعرض
عالي جداً جداً

، ويشعر راؤول أن رونالدو صاحب جائزة أفضـل
لاعب في العالـم وجائزة الـ " Ballon d'Or " أنه يملك الخـواص
الصحيحة للنجاح في الملكي .. !

المصدر

متيم الخراشي · #10637 09/03/2009, 07:12 PM

معلق مباراتنا مع الانتر عدنان حمد (((((( الله يعينا على فلسفته)))))

zezoo00oo · #10638 09/03/2009, 07:29 PM

.. بسم الله الرحمن الرحيم ..
السلام عليكم ورحمة الله وبركاته
لكل من يقرأ هذه السطور تحيه معطره بأزهى ماصنع من العطور وافضل ما استخرج من الزهور

.. نلتقي في موعد ننتظره لنتعرف على تفاصيل شخص نحبه !
أو احيانا ً نكرهه

.. ! و بالاغلب يكون من الغامضيين !
رجل

.. قبل أن ابدأ معه سأتذكر وأذكركم بمن كان هنا معي قبله ..

البدايه كانت مع مشعل

.. كانت الفكره تدور براسي !
وفجأه ظهر لي مشعل بالمسن

.. قلت ها ؟ قال قدام

][ .. مشعل .. 1 .. ][
؛
الاخرى كانت بطلب من الغالي

.. اختار احمد وكان له ما اراد ! قبل بصدر رحب .. واسعدني لقائي معه !
وااكد لكم .. اني اتمنى مقابلته مره أخرى !
][ .. أحمد .. 2 .. ][
؛
الثالثه كانت مع الريس ! الحاضر الغائب !
الاغلى و الاول .. وقبل كل شي الاجمل

لحضوره طله وبغيابه تستمر هيبته !
يحظر مره ويغيب عشره لكن بحظور واحد يغطي على جميع من أتى قبله وبعده !
][ 3 .. محمد ( كاريكـ 16) ][
؛
لم ننتهي هنا.. فطلبات الريس اومر على قولة عبدالله

مقابله اسعدتني وقربتني من شخص أحبتته من الله

!
محمد اختار عبدالله وكان له ما اراد !
][4 .. عبدالله ( أليكس ) ][

عبدالله رجع لنا باختيار محمد iq
وكانت الظروف تناسب .. فقابلت محمد
بطريقه جديده .. وكنت الاسعد

لحصولي عليها

][ 5 .. محمد (iq1399 ) ][

وباختيار محمد .. بدت السادسه !
بلقائي برجُل واضح و صريح .. أحبه الجميع من اللقاء الاول !
أين ماحل وارتحل .. يجد الاعجاب و التقدير

!

ضيفي ثقيل

.. ولقائي معه مُشوق !
اسمحوا لي على الاطاله ..
ضيفي لكم .. بمده مفتوحه ورجاءً الا تزيد عن 6 اسئله !
الاسئله للجميع

عندما تُعشق بلد من أجل رجل !
فتأكد بان الرجل هو ضيفي او من امثاله
\\

][ 6 .. عبدالرحمن .. ( الهلالي 11) ][

هلا ..

!

السلام عليكم ورحمة الله !
بنبدأ ترا

؟! مستعد ؟
بسم الله !
وعليكم الهلا والسلام ورحمة الله وبركاته

<== غصب احسن منك

لحظه بس خلني بربط الحزام بالله شكلك منت ناوي على خير

وانت حط في بالك اني راعي طويلة وكلامي كثير

الهلالي 11 .. عبدالرحمن

.. تقريبا ً انت معروف للجميع !
ردودك واسلوبك البسيط القريب من القلب ! يجعلك من المكشوفين !
فخلني أعرف فيك ! وانت صحح واكمل معلوماتي
مع ان المُعرف لا يُعرف والشمس ليست بحاجه لتوضيح !
لكن نبي نتعمق في شخصك الكريم

!
( فيس مستحي ) بس عجاز اجيبه من الفيسات ما عندي اختصاره

صدقني شرف لي اني اسمع كلام مثل هذا هو عبارة عن راي اخوان لي احبهم كثير

وان شاء الله اني قد هالكلام

عبدالرحمن من الاردن

حاصل على الشهاده الجامعيه من هناك !
موظف هنا مسؤول مالي على حسب ما اعتقد !
امم عمره 25

؟ طوييل

.. اللي يلقاه يتصل علي خخ

معه لومينا

!
احسنت

انا اردني مولود وعايش هنا ... كنت اذا رحت للاردن بالاجازات على طول يعرفون اني سعودي

... رحت للاردن درست جامعه ورجعت ... وحتى اول سنة بدراستي كنت ما تاقلمت مضبوط مع لهجتهم وطبيعة حياتهم ... وبصراحه دراستي بالاردن غيرت من عبدالرحمن الكثير والكثير بنظرته للامور وتعامله مع الناس و و و... والشي الاهم والله العزوبيه تعلم الواحد الرجولة

هالشي عن نفسي مدري اذا غيري داج

خلصت من هناك محاسبة بس دراستي بالانقليش كانت ... من بداية ما اشتغلت بالـ 2007 الى نهاية الـ 2008 اشتغلت بشركتين وكنت بقسم الحسابات فيها

قبل شهر وشوي تقريبا جاني عرض افضل من شركة افضل واكبر بوظيفة ادارية اكثر ما هي مالية

قلبتها براسي واستخرت واستشرت وقررت انتقل لهم

والحمد لله اموري الى الان ماشيه تمام

وش 25 توني شباب

عمري يا طويل العمر الحين تقدر تقول بين 22-23 بدينا بالـ 23

طبعا انا دخلت مدرسة هنا بدري وانا 5 سنوات

والجامعه ضغطت على نفسي بقوووة والله وخلصت البكالوريوس بـ 3 سنوات

عشان كذا يعني تقدر تقول كسبت سنتين من عمري

ايه طوييييل وش عندك تبغى صرف خمسه

ماني بهالطول اللي انت متخيل بس لان هالايام بصراحه الشباب والبنات صارو عينات

انا طولي تقريبا 185 يزيد او ينقص حبتين

اللومينا واه يا اللومينا ( قلوووووب )

طبعا انا تحديدا اعشق الـ اس اس مو العاديه

يا شيخ اقسم بالله سيارة بنت طوووووط

انا لو اعرف اللي مخترع اللومينا اس اس كان اخليه يعيش على حسابي

اصلا لو جنرال موتورز يعرفون عن مدى عشقي لـ اس اس كان كل سنة يعطوني وحده هدية

سيارة شبابية بكل ما تعنيه الكلمة من معنى ... السيارة الوحيده اللي الى الان حتى اللي مستحيل يفكر يجيبها اساله عن رايها يقولك خقققققان

مكينه وشكل صح ... تصدق والله اكون واقف على اشارة ويمر من قدامي واحد معه اس اس برضو ... اناظر واقول معقول انا كذا شكل سيارتي وهي تمشي

وصدقني والله لو مثلا يخيروني تبغى كامري 2008 والا لومينا اس اس موديلات قديمه مثلا 2003 اقوله لومينا

لان فعلا تحافظ على شكلها ورونقها بصورة خوقاقية حتى مع مرور السنين

عشان كذا رجااااء حار لا احد يغلط على الـ اس اس لان بزعل منه والله

معليه عبدالرحمن

بس حسيتكـ تتكلم عن رينج لكزس ع الاقل

مو عن اس اس

! التعصب عندكـ أعمى للهدرجه ؟!
طيب وانا ماعندي ذيكـ الخبره بالسيارات بس اسمع ان الاس اس واللومينا بشكل عام مع الكابريس خرابتها كثيره ؟!
وش رايك طال عمركـ ؟! وبعديين لا تجيب طاري الكامري تكفى

! اشيين سياره يالعالم ! > كيفي

؟
اسحبها

لا تغلط

حبيب قلبي لو اشترك في مسابقة واربح هالرنج او اللكزس
.. اول شي بسويه بروح ابيعها واشتري اس اس والفلوس الباقيه زياده بعبي فيها بنزين للومينا

شف اقولك انا بصراحه ما يهمني مواصفات السيارة وفخامتها الداخليه لان عندي قناعة ان كل التدليع اللي بالسيارة مو للي يسوق لا ... للركاب اللي معه

يعني السواق مو فاضي يناظر تو وجيري وهو يسوق

فيه شغلات مواصفات رفاهية على قولتهم بالسيارة اللي يحتاجها السائق اوكي اقولك تمام اللكزس احسن ... لكن انا بصراحه اهتم بالشكل + الماكينه + الخقاااااق

يعني انا توني في ريعان الشباب وعمر الزهور

واهلي ما يطلعون معي كثير يعني ... عشان كذا ما اهتم لهالشغلات

اكون صريح معك ... اللومينا اس اس المفروض يكون فيها مواصفات اكثر من اللي فيها حاليا

يعني هم فرقوها عن ال اس والفئات الثانية بالشكل والماكينه ... لكن المفروض من جوا يغيرون فيها كثير وبصراحه هم ما اهتمو بهالشي يعين اختلافات بسيطه المفروض يكون فيها فروقات كثير زي بعض من فروقات الكابريس الرويال مثلا عن ال اس

بس يعني هم مبدأهم ان لومينا سيارة شبابيه ... كابريس سيارة فخامه وانت حر واختار اللي تبي

وانا طبعا اخترت اللومينا وهل احب سواها

بالنسبة لموضوع الخرابات

صدقني كله كلام سوق

معروف ان الامريكي ينزل سعره قطعو في امه وهو ماله دخل

تدري ليش كل هالكلام ... لان هنا بالسعودية عندهم الله ثم الوطن ثم تويوتا

يا شيخ قصة عشق اي شي يقارنوه بتويوتا ... اسعار قطع الغيار ... اسعار السيارات ... الصيانه ... و و و الخ . وصدقني لو تشوف اوكي شفروليه ممكن نوعا ما قطعه غالية لكن والله تتحمل فترة اطول

الشي الثاني موضوع الخرابات ... والله كلها تعتمد على انت وحظك تاخذ سياره مضروبة او لا

يعني كلنا شفنا مرسيدس وجيوب وسوبارو وغيرها ناس كاتبين على السيارة بالبخاخ ان فيها مشكله والوكالة ساحبه علي

معليش اذا المرسيدس فيها مشكلة اجل طبيعي بتلقى سيارات مضروبة بكل مكان وهي بتعتمد توفيق من ربك ... يعني انا معي لومينا وابوي معه كابريس الى الحين الحمد لله ما شفنا اي مشكلة

لذلك صدقني كل كلام الناس يعتمد كليا على ما توارثوه من الاجداد ... ان امريكا وصخه وتكرهنا اجل سيارتها لازم يطيح سعرها

وصدقني لو تلاحظ حتى التويوتا صارو يصنعون سيارتهم باستراليا وغيرها

يعين الدعوه حول بعض

عموما السيارة اللي ممكن اروح لها لو طفشت من الاس اس لا سمح الله

يا اما كرايسلر 300 السبورت

او جيب الانفينيتي والله انه بطل

اول شي اسمهم توم وجيري

!
تقولي درحمان وش يدلعونك فيه وانت طفل بريئ ؟! مع اني احسك من البزران اللي ماعاشوا البراءه !

صح

؟
وعلى طاري البزران خل نبدأ حديثنا معك من الطفوله !
تكلم لنا عن طفولتك و المدرسه لين الجامعه والوظيفه ؟!
ما لحقت على الدلع انا

يمكن تستغرب وش كانو يدلعوني

انا وانا صغير كنت اصيح بسرعه وبصراحه كنت ثقيل دم بس تغيرت يوم كبرت

كان اسم الدلع حتى عيارة مو دلع لي حتى برا البيت اقاربنا عرفوني بـ ( السوري

) لاني كنت بين اخواني اكثر واحد ابيض شلون اشرحها ذي

يعني كنت ابيضهم بشرة

وعيوني خضر

وترى الى الحين بعض من اخواني واخواتي وابوي يسموني في جوالاتهم السوري

يمكن انتو هنا ما تفرقون كثير بين الاردن وسوريا و و كلها بلاد الشام لكن احنا نفرق
طفولتي تقدر تقول مشاكل والله

نلعب كورة اشوت ماصورة تنفتح رجلي

بالمدرسة اشوت نخله

بالسيكل رقعت بباب الجيران وخيطو لي الضربة وجت تقريبا بنص الشنب وحطو لي لصقه وما عرفت اكل مكرونه كويس

كل يوم ارجع من المدرسة ثوبي وصخ ... مشقوق ... العب رياضه وارجع للبيت وانساه

انحاش من مدرس الرياضيات واروح لمدرس الرياضه اقوله الاستاذ غايب يخليني حكم او العب مع اللي يلعبون شف الحظ يطلع مدرس الرياضيات يعرف ابوي ويعلمه

فجأه ارجع للبيت القى ابوي فاهم كل شي ويهاوشني

ما ودي اتكلم زياده عن طفولتي عشان ما اطول بالمقابلة لكن ما اخفيك كنت ذكي والقطها على الطاير الحمد لله

.. اخذت دوري المدرسة مرتين بحياتي الدراسيه

وبصراحه كنت اخاف من بعض الشباب المنحرفين

مع احترامي بس كان فيه مقاطيع واجد مو شافين شي من خيرات الطبيعه وانا والله مرات كنت اخاف على نفسي منهم

الحين امنية حياتي القى من هالعينات والله انواع الفرش

كل مرحلة دراسيه طبعا لها مواقفها ... بالثانوية تعرفت على جماعة المطاوعه بالمدرسه مشيت معهم وتهاوشنا وتركتهم بثالث ثانوي

خلصت مدرسة ورحت ادرس جامعه بالاردن ... تعلمت من العزوبية الاعتماد على النفس ... كيف تدير مواردك المالية وترتب اوضاعك عليها ... وكيف تصير ربة منزل ناجحة

اول ما خلصت رجعت هنا عند الاهل ودورت على شغل والحمد لله مشت اموري ... وبصراحه سبحان الله كل ما تنتقل من مرحلة لمرحلة تلاحظ انواع الفرق والتغيير بتفكيرك وحياتك ونظرتك للامور

عقبال ما كل الطلاب يتخرجون ويتوظفون ويتزوجون

بصراحه .. وش السلبيات في كونك عزوبي ؟!
ومتى ناوي تتزوج وتفكنا

؟!
السلبيات في اني عزوبي انه ما فيه استقرار وكل البيت ينفخون عليك

اذا تزوجت بس زوجتك اللي تنفخ عليك

انا بصراحه كثير احب جو الحياة الزوجية لاني بيتوتي يعني ماني راعي طلعات وسهرات دافور يعني

انا شخصيا اشوف سلبيات العزوبية هو انك فعلا دايم تعيش وانت حاس انه ناقصك احد يهتم فيك ويخلص لك كل امورك وهو مبسوط لانه حاس انك مبسوط منه ... وصدقني كل الحياة الزوجية اساسها التعامل الحلو ... يعني لو انت عاملت زوجتك كويس تاكد انك رح تعيش عيشة ملوك

انا حاليا اللي ناقصني وانا عزوبي اني نفسي اذا رجعت البيت القى احد منتظرني ونفسه يسوي اي شي عشان يبسطني ويريحني

موضوع متى ناوي اتزوج مو شغلك

اذا تبغى الفكه عادي اكتب معروض وخليه اعضاء الرابطة يوقعون عليه وانا بطلع من المنتدى لحالي بدون زواج

وجد والله حاليا شايل الزواج من راسي كليا

احس مو وقته لاني فعلا الى الحين اموري ما استقرت ماديا ولا عاطفيا يعني جد احس ان شكلي ما ينفع رب اسرة خخخخخخ

وطبعا اكره موضوع خطبة وبعد مدري كم سنة تزوج

عشان كذا ماجل الموضوع اخطب واتزوج على طول ما يكون الوقت طويل بينهم

وهالكلام اعتقد ممكن يكون خلال ثلاث سنوات قادمه ان شاء الله

ويا حظ اللي بتاخذني يا حبي لي

..

سألت صديقي .. صاحب السوابق في تحليل الشخصيات !
كلمته عنكـ ابتسم وقال هو شي مو جديد شخص واضح وان كان يخفي ! وقال تميزه الصراحه اللي ماتجرح !
فضولي لحدما .. اجتماعي .. احيانا ً يثق في الشخص الغلط ! مع بساطته الا انك صعب تفهم تفكيره !
نيته صافيه !
هذا شبه تشخيص ! واذا كنت تبي الصدق عزوز !
احس اني اول مره ماني واثق من الكلام اللي اقوله !
عبدالرحمن .. رايك وردك ؟
سلملي عليه

وبوسلي عينيه

خويك هذا كويس ... وبصراحه فيه كثير من اللي قاله .. عندي فضول لكن مو لدرجة اللقافة القاتلة

وصراحتي وعفويتي بالتعامل والحكي هي اللي تخليني اوثق بناس ما هم اهل ثقه

ما عندي شي اخبيه او استحي منه الحمد لله

اي احد بالمنتدى هنا تعرف علي مسن او غيره تلقاني اخش معه سوالف علطول حتى لو سالني بخصوصياتي ولو يبغى دخلته بدفتر العيله

يعني احس شي حلو تكون واضح للي قدامك وتعرفهم بطبيعتك ... صدقني هالشي يخليهم يتعاملون معك زي العسل وبرضو يعذرونك في كثير من المواقف اللي تصير بينكم لانه يعرف انك على طبيعتك وتصرفك ما تقصد فيه شي خبيث

بس ابو داحم ومع فائق الاحترام

!
صعبه مع شخص توك تتعرف عليه تقول كل شي ! مو مسألة انك ذيب

.. ولا صف نيه ! مسألة مبدأ !
وأصابعك مو مثل بعض ولا ؟!
..
معك حق وهذا اللي كنت اقوله ... انه فعلا كنت مرات اندم على عفويتي هذي

وبهالايام كلامك هو الصح صعب جدا انك تكون زي كذا ... هالايام فيه ناس طيبة اوكي بس ما تكون على نياتك

ولازم تكون مصحصح لان الناس صارت تدور الزلة ... المشاكل والجرائم انتشرت ... يعين الناس ما صار عندهم ذمه زي اول

لكن عموما انا مبدأي قلته لك ... احس ان معلوماتي والعفوية اللي اتكلم فيها مع اي احد عادية ... لاني بصراحه ما ادقق على موضوع خصوصيات ومن هالكلام يعني ما تفرق معي لو تبغى اعلمك اسم امي

عشان كذا عادي اسولف مع اي احد باللي يبي وهو بعدين حر يسوي اللي يبغاه ... وصدقني مرات بعد ما نخلص سوالف اقول شلون انا نسيت نفسي بس عادي اطنش لانه فعلا الحمد لله ما عندي شي خايف منه ولا مستحي من شي

ولو احد فكر بيوم انه يستغل هالنقطة صدقني عبدالرحمن وقت المشاكل قوي لا تخاف عليه

يعين اعرف اخذ حقي باكثر من طريقه

ابو داحم .. كيفك مع السياسه ومع الشعر ؟! وبما انك تصنف كاقتصادي بحكم عملكـ هل انت متابع له ولتطورات الارتفاع و الانخفاض ؟!
..
السياسة انسى موضوعه وامنية حياتي يجي يوم افتح القى اخبار واسمع المقدم يقول اقدم لكم الحلقة الاخيرة من نشرة الاخبار

والجزيرة والعربيه تصير تابعه لـ اي ار تي سبورت

من جد اخر شي اتابعه اخبار وسياسه ... متابعتي لها قليلة وتتعلق باللي يخصني او يهم المجتمع اللي انا فيه

شعر برضو انساني ما بنساك

ماش ما احبه ولا افهم فيه ولا اهتم له كثير ... فيه قصايد تعجبني كلماته مرات لكن عموما ماني راعي شعر

اقتصاد اقولك ايه يعني شوي

ومن خلال دراستي وتجاربي والوضع اللي كل العالم يعيشه الحين عرفت وفهمت اشياء اقتصادية زياده

وصدقني الاقتصاد بحر ووالله يفيدك بكل امور حياتك وتعاملك

كثير مواضيع تندرج تحت الاقتصاد ومفاهيمه ... والوضع اللي الحين اشوفه ان الامور بتبدأ ترجع للانحدار ... مثلا موضوع العقارات الكل بدأ يبني والايجارات ارتفعت ووصلنا لمرحلة ان فيه عرض اكثر من الطلب ... سعر العرض بعيد كثير عن سعر الطلب وما فيه توازن بالسوق ... يعني صارت الناس مو قادرة تدفع ايجارات مع الارتفاع وصارت كثير بيوت فاضه ما فيه احد يشتري او يستاجر

انجبر اصحاب العقار ينزلون شوي بس عشان يلقون احد يمشي سوقهم وان شاء الله من هالحال واردى ... لانهم بصراحه استغلو الموضوع من ناحية طمع خلهم يستاهلون

الشي الثاني صار فيه تشبع من اللي صاير ... يعني مثلا لو انت بصحراء ومقطوع عن المويه ... وفجأه لقيت العثيم فاتح فرع بوسط الصحراء

دخلت عليه قلت له بكم قارورة المويه الصغيره ذي ام ريال ... وقالك بعشرين ريال ... بتعطيه وانت تضحك ... لانك محتاجها ورح تشوف طعمها انه خيال وبيلبي رغباتك

لو جيت بتاخذ وحده ثانية احتياط او يعني تشرب منها شوي وتخلي الباقي للطريق ... لو قالك بعشرين هل رح تشتريها !! طبعا لا لانك لبيت رغباتك ... وما رح تستطعم فيها زي الاولى

وهذا الشي الحين برضو قاعد اشوفه ... الناس صارت تطفش من موضوع الغلا وما صارو يتعاملون مع السلع زي اول ... صار فيها ركود والامور بدت ترجع الحمد لله

كان معكم من الجزيرة المحلل الاقتصادي جاليوكا بليوكا

صح صح سؤال حالياً صاير مهم

!
مبدأ ان المحلات كلها تقفل الساعه 12 وش رايكـ فيه ؟!
بالنسبة لي والله ما فرقت معي ولا اهتميت له كثير

لاني اصلا ماني راعي سهر وطلعات ومن هالقلق الا نادرا وبايام معينه ... يعني اشوف ان الى 12 كويس ليش الدجه

بس منطقيا وبشكل عام لطبيعة الشباب هنا اشوف لو الى 2 احسن

يعني لازم تصير لواحد ظروف او غيرها مو بس الشباب يطلعون بالليل

افرض واحد زوجته حامل وتوحمت على ايسكريم ذاك اليوم

يطلع شعار باسكن على ولده

يعني هم طلعوه لان المشاكل كثرت والسرقات للمحلات باخر الليل لكن برضو مو سبب مقنع

باختصار الموضوع ما يهمني كثير لكن اشوفه قرار خاطئ وغبي

الرياض

.. ومشاكل السير فيها لو عينوكـ لحلها وش بتسوي ؟!
بس لاتحوس تكفى

ما اعتقد فيه حل ابدا الا يفتحون دور ثاني

والله هالمعاناه بكل مشاويري اشوفها للدوام الصبح وانا راجع ... مشاوير اهلي ... على فكرة بالدوام اكثر من طريق اروح كل مرة مزاج شكل وحسب الوقت واليوم

يعني صرت اعرف كل طريق متى وقته كويس اروح منه

والله وانا امشي اشوف السايد الثاني فل ... تحت الكبري فل ... الجهة الثانية فل وين ما تروح فل

اقول معقول كل هذولي معهم سيارات

ولا مسوين خلوها تصدي

من جد لو السيارات اللي بالرياض بس يودونها لبعض المدن العربية كان والله الناس تسف سيارتها بالشارع وتكمل مشي فوق السيارات

حل ما فيه ... خلاص الواحد لازم يتعود ... كل مالهم يطلعون حلول جديده لتخفيف الزحمه بعضها ينجح وبعضها هي هي ... لكن جد اعتقد مستحيلة الحل في حااااااء

اذا تسمح لي .. بدخل بمحور شاطح شوي
عبدالرحمن و المجلس العام
صفحه وانتهت او انحلت اشرحنا الوضع المشوش فيها ؟!
وبصراحه ماتحس ان قراركـ السابق بترك المنتدى اخذته بشكل مستعجل ؟!
بما اننا دخلنا بالمنتدى فخلنا نسير على الاقسام الثانيه !
بس قبل كيف بدت قصتكـ مع الزعيم ؟!
..
شف موضوع المجلس فعلا والله قفلته نهائيا ووالله ما صرت افكر فيه زي اول يعني عادي جد الموضوع على قولتهم موقف وعدى

طبيعة اللي صار هناك باختصار بصراحه ما عرفت اتاقلم مع طبع وتعامل المشرفين هناك ... يمكن هم احسن مني لكن فعلا انا كنت اشوف تعاملهم جدا سيء من خلال المواقف اللي صارت بيننا ومن شي لشي كبر الموضوع وبصراحه اكثر لاحظت فعلا انهم ماخذين الامور بجدية من خلال موقف صار والله يجزاه خير تركي مستر قول تدخل وحل الموضوع وقالي خلاص ما عليك من المجلس مو لازم تشارك فيه

بدايات القصة كانت من رسالة خاصة كان فيها كلام حسيته غريب ... طنشت وصار معي موقف بطريقة تعاملهم مع موضوع نزلته والمشكلة بصراحه كنت ارسل خاص استفسر وما القى اي رد حتى بالخاص ... وقتها صار مشاكل وحساسيات وتركت المجلس ... واساس المشكله كلها هي انهم كانو ماخذين الموضوع كله اني جاي للمجلس عشان بنات

ما ادخل بنية احد لكن احس كذا

عزوز

بصراحه انت عارف مجتمعنا غير مجتمعكم ... وطريقة نظرتي للبنت ومفهومها والتعامل معها غير عن البعض هنا

وكنت احس انهم مستغربين من طريقة كلامي عن العلاقة بين البنت والولد ومن هالكلام وكانهم يحسون اني مسوي نفسي مثالي ... وصدقني لو كان براسي شي طيحته بالاردن ... لكن والله ما اهتم للاشياء اللي الحين الشباب يهتمون فيها لاني الحمد لله عارف الصح من الغلط

عشان ما اطول بهالموضوع ... ممكن يكون معهم حق ... لان فعلا الناس هنا تعودو على طريقة تقاليد ونظام معين صعب يتغير بوقت بسيط عشان كذا هم شايفين ان انا تفكيري ونظامي غلط وكل واحد حر برايه

تركي للمنتدى ما استعجلت فيه ... اللي استعجلت فيه تركي للرابطة والعالميه خصوصا

لان بالنهاية عرفت ان انتو ما لكم دخل بالقصه !! وانا والله تركي للمنتدى كان بناء على مشاغلي وقتها اكثر ما هي المشكلة السبب قطعت فترة كنت حاب ارتاح فيها والله وفعلا هذا اللي صار ... ووقتها كان عندي ضغط شغل ومشاكل ومن هالقلق حبيت اركز عليها

والى الان هالضغط موجود بس حسب وعلى فترات

بدايتي بالشبكة بصراحه ما اذكرها بالضبط ولا اذكر شلون سجلت

لكن تقريبا وقتها يوم سجلت كنت بأول ثانوي

يعني اول بداياتي ايام الجاهلية على قولتهم كانت سنتين بس الى 2004 وبعدها سافرت للدراسه وقطعت الشبكة بنسبة 90% يعين ام صرت ادخل ولا شي ولا كان عندي شي ... جت فترة كونت علاقات بروم الزعيم بالبالتوك وبرضو قطعت البالتوك يعين سحبت على الزعيم كله

بـ 2007 رجعت مرة ثانية بعد ما خلصت وجيت للشغل

ومن وقتها بديت اشارك كويس ومن هالكلام ... عشان كذا تقريبا ما بديت اكون علاقات هنا الا من قريب

والحمد لله تعرفت على ناس رجال الله يخليهم لاهاليهم

وبصدق رايكـ فيه ووش ينقصه ليتطور ؟!
و .. ][ يُـقال رحم الله امرئ ٍ اهدى إلي عيوبي ][
بحسب رايك ماهي سلبيات شبكة الزعيم

؟!
بصراحه شبكة الزعيم من افضل المنتديات (الرياضية) ... انا بالنسبة لي ماني مسجل ولا بمنتدى ثاني وما ادخل منتديات اصلا

يعني اشوف ان وقت فراغي الزعيم يكفيني اني اقضي وقت فراغي فيه مو كله طبعا بس يعني اقصد وقت النت

فيه عليه حركة كبيرة واقضي اغلب وقتي بين مواضيع اقسامه .... تجي ايام ما اخش على الشبكة كليا وتجي ايام اكون متواجد فيها

... سلبيات المنتدى واضحه للكل هي الزحمة اللي صايرة وانتشار صغار السن فيه ... بس يعني مرات اقول عادي كلنا كنا صغار وتعلمنا وخربناها واحنا نتعلم

سلبيات فيه اكيد لكن ما اقدر احصرها لك حاليا اعذرني

اهمها ان اغلب الوقت بعد مباريات الهلال نشوف المنتدى يعلق وما يفتح والمشاكل اللي تصير فيه ... هم يبررون بانه كان هجوم على المنتدى لكن ما اعتقد هالكلام بس للاعلام

المنتدى ما شاء الله عليه ضغط كبير ولازم يحسبون حساب هالشي بموضوع السيرفرات ومن هالحكي يعني ياخ>ون احتياطات الكم الهائل من الاعضاء والزوار والضغط اللي بيجي للموقع بعد المباريات

من الشغلات السلبية اللي اشوفها بالعالمية مرات تنزل اخبار بالمنتدى بصراحه مستواها او مضمونها حرام يكون اكثر من رابطة ... يعني مثلا خبر ان فيرغي اتفق مع رئيس النادي يتغدون سوا في نادي نهاري عائلي

اوكي انزله برابطة المان بس ما له داعي ينزل بالمنتدى

الشي الثاني وين المصدر

بعض الشباب مسكت معه الكلمة

تلقى مثلا لاعب معين سجل هدف رقم 100 بتاريخه ... ينزل له موضوع مباركه عادي معلومة عامة يجي واحد مدرعم وين المصدر

اقعد اجيب لك 100 مصدر لكل هدف

بشكل عام المنتدى ايجابيته تغطي على سلبياته ... او تحديدا العالمية ايجابيتها تغطي على ايجابيتها العالمية وبس

اذكر ببداية دخولك معنا كنت مكتفي بالعالميه !
ومبعد عن الرابطه لسبب غريب ! وكنت مصر انكـ ماتشاركنا الا الموسم القادم .. ممكن اعرف وش وجهة نظرك ذيك الايام ووش كنت تحس فيه

؟!
>

يمكن ما تصدق لكن والله بدايات دخولي للعالمية ما كنت اعرف اصلا ان فيه منتدى روابط وكذا اشياء للاندية

طفشت من الجمهور بصراحه

وقلت دامي مانشستراوي خلني اشوف وش عندهم هالاوروبين

جيت وبديت بالعالميه بشويش على قولتهم

حتى ما اذكر من اللي عرفني بالرابطه وشجعني اجي واشوفها لكن الظاهر والله العالم انه هلالي مووت

اول جيتي لها كنت يمكن كل اسبوع اسير عليها مرة اشوف اخر صفحتين ثلاث واطلع

ويوم جيت اخر الموسم ذاك وقلت لكم من الموسم الجاي تعرف خلاص انتهى الموسم والبطولات كنت احس ان خلاص سواليفكم بتخلص وما عندكم شي

بس الحين استوعبت انه عادي الرابطه ماشيه حتى بعد ما يخلص الموسم

وش سبب اني اجلتها لبداية الموسم ما ادري والله يمكن عشان ابدأ من اولها يعني عشان اصير من المؤسسين حقين هالموسم تحس انك قديم يعني

يعني الحين الاعضاء الجد يناظروني على اني خبير تحكيمي

وبصراحه سبحان الله الفرق اول ما بديت اترجم كيف كنت اتثقل من الترجمه واحس انها قلق والحين عادي اموري ماشيه

خلنا نخش بالمان

ونخلي الرابطه اخر شي !
متى بدت متابعتكـ وتشجيعك لهم ؟! والفريق اللي يحتل المركز الثاني بقلبك ؟!
المان بدأ تشجيعي لهم تقدر تقول ببداية الالفية الجديده ... ما اذكر بالضبط كيف ولا متى والاهم ان ما فيه الا اخوي اكبر واحد يتابع كورة وما له بالكورة الاوروبية الهلال وبس

يمكن نجم معين وقتها ... ويمكن وبد خالي كان له تاثير علي نوعا ما ... ويمكن لاني احب اللون الاحمر

متابعتي له ما قوت وزادت الا مؤخرا من كم سنة ماضيه قريبة ... يعني توفر لي المجال اني اتابعه اكثر وعن قرب وهالموسم دخولي للرابطه خلاني اقرب من المان اكثر واكثر

وكل ما قربت كل ما ابتعدت عن شي اسمه كورة عربية

لذلك صحيح لي اسلوبي ومشاركاتي لكني وبدون تواضع ولا مجاملة يعني

انا عبارة عن صفر على اليسار بالثقافة الكروية امام اشخاص بالرابطة والمنتدى عموما

المركز الثاني اذا تقصد بانجلترا بصراحه احب الليفر بعد المانيو ويمكن جيرارد احد اهم الاسباب

اكره تشيلسي جدا

وصدقني لو فيه مركز ثاني بعد المان فهو بيكون الـ 11 لان من 1 الى 10 المان وبس حتى ما اهتم الا لمباريات المان ... طبيعة وقتي يا الله اشوف مباريات ومرات حتى مباريات المان ما اشوفها ... عشان كذا متابعتي للاندية الثانية قليله

لكن ياتي الريال في اسبانيا والميلان في ايطاليا هم القريبين لي

مانشستر وش ينقصه ؟!
مانشستر يا طويل العمر ببساطه ينقصه ظهير ايمن بمستوى راموس او اقل شوي

ويلزمه بديل كفؤ للسوبر سار

بصراحه موضوع كوزتشاك وبن فوستر ماني مقتنع فيهم كاساسين

فوستر شفناه بدع لكن مستواه بديل ناجح مو اساسي

الشي الثني اللي رح ينقصه مستقبلا هو بديل لقيقز

احس رح نتعب من هالشي لان نشوف ناني مرات مكانه بس ماش ناني مزاجي

فيرقسون

اوصفه ؟!
جمالك جمال مش عادي

كل اللي ينتقدوه او يكرهوه مثلا مثل عشاق الريال للمشاكل اللي صارت ... لو تكلم معهم بحيادية بيقولون لك رقم 1 بدون منازع

يكفي انه سنوات تدريبه مع المانيو واللي حققه معهم

صدقا ماني متخيل وش بيكون الوضع بعد رحيله ومن البديل

موضوع انك من عرفت المان وانت شايف فيرغي وفجأه تشوف احد ثاني يدرب صعبه

لكن ان شاء الله ان المان يكمل مسيرة الذهب من بعده

بس عموما اعتقد بعد رحيل فيرغي ... الموسمين اللي بهعده بتكون للنسيان

اعتقد ممكن نجوم يطلعون من الفريق ... وعدم استقرار لا بالتشكيل ولا بالمستوى والتكتيك وهالشي بيتعبنا كمتابعين للمان

مين اسطورتكـ بالمانيو ؟!
راين غيغز

يستاهلها بدون نقاش

الاتحاد الانجليزي عادل ؟! ولا يميل لطرف على حساب اخر ؟!
تكلمت بهالنقطة من قبل

ما احد يقدر يتكلم عن الاتحاد الانجليزي وهو هنا لانه ما هو بينهم ولا عندهم مجرد يحدد قراره على اخبار يقراها او مواقف يسمعها من اشخاص

وش طبيعي الاشخاص بيشرحونها له حسب ميولهم .. المانشستراوي بيتكلم معه على انه مظلوم ... والتيلساوي و و و كلها نفس الشي

عشان كذا انا شخصيا اشوف المان مظلوم من خلال متابعتي لكن ما اقدر احكم لك عن الاتحاد الانجليزي عموما ومدى ظلمه او عدله

لكن دام المان قادر انه يمشي صح ما يهم اللي حوله

حلوه التيلساوي

اصعب واسعد اللحظات اللي عشتها مع مانشستر ؟!
اذا تقصد مباراة معينة ... بصراحه مباراة تشيلسي الفاينال بالتشامب الاشواط الاضافية والبلنتيات الله لا يوريك حالتي

حتى والله وقتها حضرتها بمقهى فيه شباب وهم طالعين ما اعرفهم جو سلمو علي وباركولي قلت الظاهر رحمو حالتي

او يحسبوني مندوب النادي في السعوديه

اسعد الحظات هذي دايم سعيد عاد

احد يعرف المان وتبغاه يكون تعيس

لكن يعني اعتقد موسم 99 وموسم 2008 صعب تتنسى

والله اعلم ان موسم 2009 من اللي شايفه بيكون برضو صعب نسيانه لو استمرينا بهالشي ووصلنا للدوري 18 وعادلنا الليفر ... واخذنا التشامب الرابع ونقرب شوي من الارقام القياسيه ونبعد عن فرق ام بطولة و بطولتين

عشان كذا اعتقد نهاية هالموسم بتكون حلوة باذن الله

بعد مباريات الذهاب بالابطال .. وش توقعاتكـ لجميع لقاءات الاياب وبالاخص متشنا

؟!
بدون منازع افضل لقاءات الذهاب هو لقاءنا اكيد

فيه فرق صدمتني وفرق توقعت منها هالشي

لقاءات الاياب برشلونه واللي سواه الكم جولة الماضيه اعتقد ممكن يعاني او يطلع حتى من ليون

الليفر متخصص بالتشامب وسواها بارض الريال لكن اعتقد تاهلهم متعلق بمشاركة جيرارد خصوصا بغياب توريس

ومع هالشي اتوقع تاهل مدريد لهم سوابق بقلب النتيجة

اليوفي بيطلع تشيلسي ... ارسنال بيطلع روما ... المان والله تخوف المباراة لكن والله متفائل بسبعة روما الجزء الثاني

عبدالرحمن سؤال اخير عن المانيو جا في بالي .. فريقنا وحلم الخماسيه !
رايكـ وتوقعكـ ؟
الحين ثنتين جت ... ووحده خلاص تقدر تقول جات اللي هي الدوري

يعني 3 من 5 بالنسبة لي مضمونة

بيبقى ثنتين واعتقد هي اصعبها لانها الحين بمراحل الحسم النهائية ... وخروج مغلوب ومن هالحكي

انا احب التشامبيونز وافضل بطولة بالعالم عندي

ويا ليت لو المان ياخذها ويسوي سابقة بتحقيق البطولة مرتين ورى بعض

حاليا اشوف المان قادر على الخماسية وهذا توقعي تخيل خمس بطولات

والله شي خياااااال

كاس انجلترا لو ما قابلنا تشيلسي بالسيمي فاينال اعتقد مضمون .... التشامب لو تجاوزنا الانتر خلاص

يعني اقدر اقولك 70 % الخماسية للمانيو ويا حلاتها لو جت

بدخل فيكـ بمشاكل الكالتشيو ايطاليا

وفضايح تحكيمها .. تعتقد في شي خفي .. ولا اخطاء بشريه

؟!
انا كنت اشوفها اخطاء بشرية لكن بعد اللي صار مؤخرا لا فيه اشياااااء خفيه

بصراحه الكالتشيو اخطاء حكامه فاضحة وواضحه وغريبه ... ولكل الفرق على فكره ما هو لفريق معين ... تلقى مباراة يوم السبت الحكم يغش لميلان مثلا

الانتراوية يستهبلون عليهم ويلعب الانتر الاحد الحكم يغض معه بشي واااااضح تلقاهم يسكتون اذا احد تكلم قالو تعادل

يوفنتوس يستانسون ما احد غش معهم هالاسبوع يهايطون الاسبوع اللي بعده الحكم يغش معهم غش واضح ولحق مشاكل

وعلى فكره لولا هالشي والا ما كان تشوف النشاط اللي يسويه عشاق الكالتشيو بالمنتدى

\

الهلال .. فاز بالكاس الغالي وحقق اللقب الثامن له بالبطوله رايك ؟
ما هو شي جديد

كنت متوقعها لكن استغربت انه طولت لاخر الاضافي الثاني

شي حلو انه اخذها وصار ثمانية وابتعد عن الاتحاد اللي كان ناشب له بالرقم القياسي بسبع بطولات

وبصراحه لو تشوف النجوم اللي مع الهلال حاليا تعرف ليش كل هالانجازات

ويا ويلي يا ويلهامسون

برايكـ وش ينقص الهلال لتحقيق الحلم الاسيوي بعد غياب ؟!
وتتوقع يسونها بالبطوله الجديده ؟!
ما ينقصه شي الا الحظ ... ودلاخة الاعبين الزايده

ما ادري ليه بالاسيوية فرق ما هي بذاك القوة ويجيبون العيد بلعبهم ومستوياتهم وكلهم يضيعون

هالسنة اشوف الهلال اقوى بكثير من قبل لكني ما زلت غير متفائل

بيتغيرون عن العاده ويتاهلون للدور الثاني اعتقد مضمون هالشي

لكن البطولة !! ما اتوقع

كوزمين

.. اوصفه ؟! وهل فيه شي من فيرقي ولا وصفه بالسير مبالغه ؟!

كوزمين رائع والله ومستواه اكبر من دوري سعودي بصراحه

مدرب اقدر اقولك انه بالنسبة للعرب ككل هو فيرغي العرب ويتربع على مدربين الفرق العربيه كلها

يقهرني احيانا بخوغه وتكتيكه الدفاعي وقتله للعب لاني دايما احب المتعه واللعب المفتوح

لكنه يضل مدرب كبير رغم انف الجميع

وشخصيا ما ادري ليه احس انه ما رح يطلع ووبيستمر

لان اصلا فيه قرار من الملك بوجوده وهو الان يملك القرار واعتقد انه ما رح يترك الهلال والله اعلم

الرياضه السعوديه هل تعاني من سرطان ؟!
سرطان لكن مو مزمن

بتتعافى منه بعد رحيل كم واحد على راسهم السرطان نفسه

فعلا احس اللي توصله السعودية من بطولات ونهائيات كاس عالم هي توفيق من ربك وبس ... والا تخطيط ومن هالكلام والله ما يدرون وش السالفه

وربك يستر هالسنة ويوصلون للمرة الخامسة على التوالي بعد ما تعودنا نشوفهم

المنتخب السعودي يادرحمان

.. وش مشكلته الرئيسيه ؟!
تبغى اقعد انشبلك بتحليل والا اختصرها لك

انا بختصر لان ورانا مقابله طويله

باختصار مشكلته انها ما يتحلى بالاخلاق السعوديه

من جد سوء تخطيط وفشل بالادارة من اولها لاخرها وموسوعة جينيس بتغيير المدربين وفترة المعسكرات على غير سنع

\

نطلع من جو الكووره

!
عطني لاهنت من مواقفكـ الحلوه ..! موقف واحد محرج او مضحك واذا حصل كلهم ما نقول لا

!
اذكر قلت مواقف قبل كذا بالمنتدى مضحكة ومحرجة وما ودي اكررها يعني خلني اشوف لك واحد جديد وكويس

ولا تخاف ما رح اقولك لا يحضرني لاني اكره هالتصريفه

اشوى رجع درحمان

وجاب موقفين :$ ..
موقف محرج :
مرة وانا صغير وبصلاة الجمعه

الامام يخطب وخش جو بالخطبة وتاخر وانا يومها كنت مسطل نعسان مدري وش سالفتي

المهم يبدو اني اخذت غفوة يبدو ماني متاكد

المهم نمت لي شوي وفجأه ما وعيت الا والناس حولي كلهم يقومون مرة وحده واكتشف ان الامام خلص واقامو الصلاة

وانا اللي بحاول اقوم بسرعه اني اواكب الحدث يعني واني مصحصح وعارف ان الخطبة خلصت

وتعرف قايم من غفوة اكيد بيكون فيه شوية مشاكل بالتوازن

المهم اقوم وتجيني دوخه سريعه واطيح بالارض

طبعا يقلع ام الموقف اللي ما له داعي

كويس اثنين اخواني كانو وراي وجو عندي قوموني هم واثنين من الناس الله يجزاهم خير وانا اللي ما ادري وين اودي وجهي

بس صرفتها اني تعبان مررررة ومريض شالوني ودوني السيارة على اني تعبان ما المهم يوم وصلت للسيارة واحد من اخواني يضحك ويقول عارف انك لعاب قل اني كنت نايم ولا تصرف

طبعا من بعدها تحس اني ودي اتلطم اذا دخلت المسجد مع ان يعني ما حضر الموقف ناس كثير وما انتبهو الا اللي حولي

بس شعور انك تحس نفسك قامط العافيه شين والله

موقف سيارة

قصدي موقف طريف :
جا ببالي واحد الحين مع ان اكيد فيه احسن منه بس هذا اللي ببالي وش اسويلك

مرة وانا بزر برضو

كان عندنا اقاربنا جايين زيارة وزحمة وكذا وتعرف عاد الواحد وهو بزر يحاول يسوي حركات واشياء عشان يكشخ عند البنات انه كويس ويا ملحي

وانه انا القوي اذا تبغو مساعده او فزعه

المهم كانو بنات من العيلة يلعبون مع خواتي وكذا انا دخلت الغرفة عندهم وفجأه جا على بالي اصلي مدري ليش كذا قلت خلني بصلي واسوي اني خاشع وهيبة انه لا تزعجوه يصلي

المهم بديت اصلي انا ومسوي الفتى الذي يقف على راسه الطير من الخشوع والمؤدب ومدري شلون

انا اصلي وهم يسولفون وخاشين جو بسواليفهم وقصصهم وانا مسوي خاشع وماني مركز وش يقولون ... بنص الصلاة مدري من وحده منهم قالت شي غلط او كذب

انا من اللقافة والحماس نسيت نفسي وقطعت صلاتي ورديت عليها

قلت لها لا وين غلط

طبعا انسى الموضوع وش صار وقتها

انواع الضحك انه خيييير يا امام المسلمين

طبعا يا كثر هالمواقف من هالنوع وغيرها ومتاكد تصير مع اي احد يا زين ايام الطفوله يا شيخ

عبدالرحمن متى تعصب

؟!
بصراحه انا مع اني احب المزح والضحك لكني عصبي

اكثر ما يعصبني الغباء والاكثر اللي يحاول يستغبيني

يعني يحاول يسوي ذكي وملكع ... او يتكلم معي باسلوب تلميح ويخبي وراه شي ... يا اخي خلك صريح والا انقلع

يعني على مستوى مثلا بالبيت مشوار او شي كان مطلوب من اخوي وسوى حركة ما لها داعي مثلا وتورطت انا بالمشوار هنا انرفز لان اعتبر انه بهالحركة يحاول يتذاكى علي

وعلى هالموال ... عصبي برضو شوي بموضوع السواقة لاني اكره السواقين الدوافير او الاغبياء اللي يسكر الشارع او يكون رح يسوي كارثه عشانه دافور او بالعكس تماما عشانه متهور

عموما بحياتي اذا عصبت فعلا اعصب من قلب وصعب تمر اني ازعل او اعصب وما اسوي شي اندم عليه بعد ما اهدى ... وهذي مشكلتي انسى نفسي وما احسب حساب من قدامي

طيب مين الشخص اللي ماتقدر تقول له لا ؟!

خل امي وابوي على جنب

بصراحه يئلع الحب شو بزل

اخر واحد كان ممكن يحب هو انا

كنت بالجامعه اذا شفت اثنين يحبون بعض اقول وش يحسون فيه ذول وانواع الاستهبال والا من كثر الافلام اللي يشوفونها

لكن سبحان الله كيف صار الموضوع لا تسالني

ما حصل واني عرفت واحد وقلت له ايه بكل شي

لكن بصراحه خلال فترة الجامعه وقصة الحب اللي صارت معي وما اكتملت بالزواج لان ما فيه نصيب ( من طرفها ) وبس بغض النظر عن الاسباب ما رح اذكرها

لكن فعلا انك تحب واحد من قلب ... تلقى نفسك تسوي اشياء عشانه لو ايش ما كنت مقتنع انك تسويها لو عطوك الناس فلوس

ممكن تغير قناعات عشانه .... ممكن تتنازل عن اشياء عشان رضاه

لكن عموما قصة وانتهت والله يستر عليها ويبسطها بحياتها

واللي صار لي اني بعد ما كنت مستعجل على الزواج عشانها الحين شايل الموضوع كله من راسي لين ما اشوف ان الوقت مناسب

ربك ييسر ويزوج كل العزابيه

وبصراحه اكثر مع ان طبيعة المجتمع هنا غير واشوف ان موضوع الحب هنا انتشر بطريقة غبية على نظام ابو ريالين

لكن شخصيا مستحيل اكرر التجربه الا بعد ما اتاكد انها لي والموافقة جت من الحكومتين

غير كذا ... ( Love ... No More

)
\

دحومي :$ .. وش رايكـ بمبارتنا مع رابطة الانتر !
وياليت تعلق باسلوبك البطل

عن كل واحد من اعضاء رابطتنا ؟!
بصراحه والله ابطال

من جد اول مرة اعرف ان رابطتنا فريقها اعتقد الاقوى بين الكل

ولا تصدق مستوى رابطة الانتر انا متاكد بتلقى اقل شي ثلاثة اربعة ما هم بالشبكة او سجلوهم يوم المباراة والموسم الجاي بيتفعلون

جد كلهم ابطال وانا كنت اقلهم مستوى ولياقه

مباراة حلوة والفوز كان له طعم

انك تقلب المباراة عليهم شي حلو

تعرفت على شباب اول مرة اشوفهم

بالنهاية اجمالي الطلعة والمباراة كانت ناجحة واجابية

عزوز بطل والله

اليكس برضو لكن خانته اللياقه

عصام وحش بالدفاع ما شاء الله

ما ودي انسى احد المباراة عموما كانت حلوة ويكفي انها خلتني اعرف ان باي دوري فريق رابطتنا بيكون مؤهل انه يكون البطل

طيب وبصراحه ماكنت متوقع اننا بنخسر بعد البدايه الشينه للفريق ؟!
بصراحه ايه

انا مشكلتي احس صعب التعويض لو انصكيت بهدف لان الفريق ما يعرف بعض ولا متعودين نلعب سوا

عشان كذا التفاهم صعب

غير كذا انا اعصب واترنفز اذا كنت خسران وهالشي يخليني العب بهمجية ... لكن الحمد لله الامور تحسنت كثير وكان واضح فارق اللياقة لمصلحتنا بالشوط الثاني وقدرنا نحسمها ونقلب النتيجه

طيب وبصراحه اكثر

.. بما اني اعصب واتحمس باللعب

! ماعصبت مني او زعلت ؟!
خصوصا ً باخر هجمه بالشوط الاول لما تفلسفت انا فيها وتاننت وقعدت اسحب لين ضيعتها !
قل الصدق :$ ! بالذات اني عصبت عليك بالشوط الثاني

.. وميين اكثر واحد صدمكـ بمستواه ؟! > وشو أليكس

!
خخخ .. تقولي

لا والله لانك معذور يوم تعصب يعني معك حق لاني كنت غبي مرات

وصدقني انا باللعب عصبي وازعل ويمكن ما تعرف هالشي لان فزنا لو خسرنا كان شفت

الشي الثاني انا عادة اذا كنت انا مسؤول عن الفريق تلقاني اعصب زيك واكثر يمكن لان احس ان اذا عصبت الفريق بيعرف اني انا المسؤول وانا اللي المفروض اكون ليدر وبيحاول يتحسن شوي عشان يرضيني

وعادي لو تأننت

انا مرات احب الانانية واعشق الشوت من بعيد بصراحه لكن ما حبيت اخذ راحتي لان اللياقه ما تساعد الشي الثاني ما امون كثير على الشباب وما ودي يزعلون لو ضيعت المباراة عليهم

صدمة بالمستوى ما فيه والله

يعني بالعكس كنت متوقع شي ولقيت ان الفريق احسن

يعين صدمه ايجابية بمستوى الشباب والله

اليكس يا حليله

ما قصر والله الو المباراة اصابه ارتاح شوي دخل ولعب حارس بعدين وبدع الله

رحمته اكثر شي بشوته اللي جت من بعيد وعاليه وجابها بصعوبة تمزع لين جابها وطاحت وبغت تجي قول لكن خلصها

شفت وش فايدة الطول انت واياه

كلامنا هذا يدخلنا للرابطه !
وش اكثر شي يعجبكـ برابطة المانيو ؟!
بصراحه يعجبني فيهم انك تحسهم كلهم على قلب واحد

ما اذكر صارت اي مشكلة بين اثنين ... او ان احد يكره الثاني ويحاول يتجنبه

فعلا الكل عيله وحده بس ما هو زي البعض انه صعب يدخل احد بينهم ... شغنا كم واحد مؤخرا قدر يدخل بيننا بسهوله وباثبات نفسه ... فيدا 15 ... عصام ... هوليجن ... رحال ... الزعيم الهلالي ... وغيرهم كثير ما ودي انسى احد والله

ومن قبلهم انا ببداية الموسم

يعجبني فيها برضو ان اي احد يبغى مساعده او استفسار او عنده طلب فيه من يلبيه له

واسطات برضو تلقى عندنا

مين العضو اللي فقدته الرابطه بشكل واضح ؟!

انت هنا بتخليني اخش بسلبيات الرابطه

هذا الشي اللي لاحظته... نادر تلقى احد موجود بشكل دايم ... واعني بدايم انه متواجد حسب ظروفه يعني انا اعرف ان كل واحد تجيه ظروف لكن مشكلتنا هنا الكل يجي شوي ويغيب

يعني لو بعد لك رح اتعب ... طلال ... صالح زملكاوي ... انت نفسك ... اليكس كبر علينا ... عمر اقلكم غياب لكن عليه طلعات

مفرح ومشعل ... احمد هلالي موت

محمد اي كيو

مجنونته ... ما ودي اطول وعارف فيه ناس ما ذكرتهم لكن ما نسيتهم والله

مؤخرا بصراحه فاقد ريسنا كاريك كثييير والله ... الله يسهل دروبه ويوفقه بحياته

وجه رساله لـ 5 أعضاء وتكلم عنهم ؟!
فيه ناس كبار شهادتي فيهم مجروحه لذلك بستثنيهم من رسايلي لانهم يعرفون مكانهم بدون ما اتكلم ولا هم منتظرين رايي فيهم

ومنهم هلالي موت وكاريك واي كيو وانت وغيرهم

1- اليكس ومفرح ... قدرو يطورو انفسهم فعلا والله بموضوع الفيديو والامور هذي وخصوصا اليكس والحمد لله فادو الرابطه كثير لان كان ينقصنا مصممين الحين كثير ... صار ينقصنا احد له بالمقاطع والفيديو ولقينا الحمد لله

2- عمر

ما شاء الله عليه وبس

نشاطه واضح ويفرق بالرابطه وتطور كثير اسلوبه بالمشاركات والردود

3- مجنونته

... بصراحه شخصيا اشوف انها افضل من يترجم اخبار ... عندها اسلوب تنسيق وكويس بالترجمه ... زياده على كذا تترجم من قلب وبذمة وضمير

ما تفوت شي مهم بالخبر الا وتترجمه

لذلك لها فقده والله لكن دام غيابها لاجل دراستها معذوره

ويا ليت كل اللي يقدر يترجم نشوفه لان ادري فيه ناس مزاج ما تترجم مع انها تقدر والا لا يا ممدوح

4- احمد عنيزه وطلال ... يملكون قلم كبير وروح هادية بكتابة الردود الطويلة

وعندهم خيال كويس

لكن مشكلتهم مزاجين ... واتمنى فعلا انه نشوفهم معنا على طول

5- زملكاوي ... بصراحه رغم ان ردوده تجيب المرض لا ينسق ولا يلون ولا مسافات ولا شي

لكن والله ردوده وبثارته لها طعم خاص

تحسه مفصفص الرابطه رد رد ما يفوت ولا حرف الا يقراه ويعلق عليه

نفس الشي هاري ما يطل واجد لكن احس ردوده لها نكهة مدري ليه ( فيس مستحي )
اسمحلي بنقطه اخيره

تختص بشيئين ... الاول ان فيه ناس لهم مكانهم بالمنتدى مانشستراوية لكن ما يشاركون معنا ابد ابد وهالشي مزعلني والله

منهم نستلروي وابو ميرا وغيرهم ما ودي انسى احد

الشي الثاني ناس دخلو واثبتو انفسهم وكنا بحاجتهم وطلعو ... وخصوصا الاثنين اللي جو مع بعض واختفو مع بعض ... فيدا 15 وهوليجن

اتمنى نشوف تواجد دائم من الجميع

وش اكثر رابطه تعجبكـ بالزعيم ؟! بدون مجامله !
بكذب عليك لو حددت رابطه معينه .. لاني بصراحه نادر جدا جدا ادخل غير رابطة المان ... فيه روابط بيع فول مع احترامي بدون ذكر اسماء والدعوة فيها سوالف

لكن مرات اروح لرابطة تشيلسي بصراحه عندهم ناس كويسين وفعلا تحس مشاركاتهم رايقه

... رابطة الريال اعتقد كعادة كل موسم هي الاميز والاكثر نشاط ... واعتقد برضو اللي يخليك تعرف انها متابعه فعلا شف عدد المشاهدات مو الردود

يخليك تعرف ان فيه متابعه لها من غير الاعضاء برضو

عبدالرحمن .. بصراحه حديثنا قرب من نهايته !
متعه كان الحديث معكـ

.. رشح شخص ليكون مكانكـ .. ؟!
( تم طمس الاسم .. توقيع عزوز

)

شخص مؤخرا اجبرني احترمه بحسن اخلاقه وطيب تعامله

كلمه اخيره .. ؟!
شكرا لك

حقيقة اكثر مقابلة استمتعت فيها لانها غير عن الاسلوب التقليدي للمقابلات اللي بطريقة سرد اسئلة ... مقابلة فيها اخذ وعطا وكات حلوة لولا الظروف اللي صارت وخلت الوقت يطول لين تنتهي

شكرا لك ... شكرا لكل من يحب الخير لعبدالرحمن ... شكرا لك من قال كلمة حلوة عن عبدالرحمن ... وكل من وصل لهالسطر يستاهل جائزة نوبل للصبر على تحمله وقراءة كل المقابلة

فكرة اني اضبط استراحه او جمعه خاصة لاعضاء رابطة المانيو ببالي من فترة وان شاء الله يجي الوقت المانسب لتطبيقها ويكون الجميع متواجد بالرياض

واعتذر على الاطالة

\\

وش السالفه

؟!
الرد كان كامل قبل ما اطلع نزلت المقابله بعديين شيكت وكان الرد كامل !
عموما ً اسف ع الغلط اللي صار .. دحمي والله يااني غثييتك

!
بالمقابله و بطريقتها واخر شي يووم نزلتها خخخ

!
يالبى قلبك الكبيير بعد :$

\

بالختام الشكر لكل من قرأ اللقاء شكر او لم يشكر !
علق او لم يعلق .. وعذرا ً ان اخطأئنا
والشكر كله لعبدالرحمن اللي خلى اللقاء من عادي ! لـ سوبر

لـ عبدالرحمن

لكم

H A R R Y · #10639 09/03/2009, 07:36 PM

..
مســاء الخير ّ , صوحآآآآبي

,
الدحمي ّ ! وسيع صدري مهيب ذبه لا تخاف

يعني ّ وشلون أشرحها لك ؟!

يعني .. ! مثل ما
تقول .. أسلوبك مكيف ّ ماتفارق ردودك هـ الـ (

) .. بمعنى ساخر ! وهذا اللي يعجبني فيك

!
منت متعصب ومتحيز على أشياء ما تستاهل إنك تزعل عليها , أو تُغضب بها الأعـداء

أقصد
الجيران

وأنتهى, !

..

إقتباس


	راؤول : رونالدو سينتقل إلينا !

خلّوه على كيفه يدور غيري ! ّ
مرتاح ؟ وأرْتاح من تفكيري !

إقتباس


	( فيديتش ) سيكون عقبة لهجوم الإنتر في هذا اللقاء

يالبى قلبه هـ الفيدا , أجزمّ بأنه راح يوقف هجومهم بأكمله !
فيدا في المباريات الصغيره والكبيره يبذل مجهود خورافي !
من سندرلاند إلى ليفربول ,

بإذن الله ماراحَ نشوف مثل كور كامبياسوّ والدربكه اللي
شفناها بمباراة الذهاب ! أتمنى يلعب ريو مع الوحش فيدا
وحتى لو مالعب !! ايفانز موجود وإن شاء الله أنه قدها !

E7ssas ksa · #10640 09/03/2009, 08:34 PM

هلا واللـه ؛ { عزوز - دحوم } ..

**

دحـوم /

ضيف كان خفيف صراحـة ً ؛ من أروع الضيوف
اللي قابلتهم يا عزوز بجد والله ؛ أجوبته صريحه

وكل شيء فيـه { خوقاقي }

..

**

والله يعافيك عزوز بعد على هذي المقابلة الرائعة ؛

شغــل متعووووووب عليـه صراحة ً ؛

شكراً من القلب ؛ يا سميي ..

**

بررب أخبار ؛

B e C k S · #10641 09/03/2009, 08:55 PM

عزوووز والدحمي ..

..

..

مقآآبله استمتعت فيها ..

.. لكن شكلها ناقصه

بالانتظار

E7ssas ksa · #10642 09/03/2009, 09:07 PM

رونالدو يستعد للتسابق مع أسرع رجل في العالم !

C.Ronaldo Vs Bolt

يستعد نجم مانشستـر يونايتد كريستيانو رونالدو
خوض سباق مع أسرع رجل في العالم يوسين بولت ،
بطل الالمبياد للركض يوسين بولت إتصل على رونالدو
يريد منه قميص اللاعـب وتوقيعه على التيشيـرت !
ولكن رونالدو رفض ذلكـ لانه يريد شيء مقابل ذلك !
وقال وكيل يوسين بولت : " نحن سننظم عندما يأتـي
يوسين لـ ( أوربا ) للتنافس في الصيف ؛ وبالطبع سيحدث " ..

المصدر

الهلالي 11 · #10643 09/03/2009, 10:46 PM

إقتباس

الرسالة الأصلية كتبت بواسطة اليكس11


	عزوووز والدحمي .. .. .. مقآآبله استمتعت فيها .. .. لكن شكلها ناقصه بالانتظار

ايه ناقصه

مدري غلط فني والا الرقابة منعتها

تعبت وانا اكتب بس شكل عزوز رحمكم حذف منها ما يبغاكم تتعبون بالقراية

3bo0o0od · #10644 09/03/2009, 10:49 PM

إقتباس

الرسالة الأصلية كتبت بواسطة az-kb


	رونالدو يستعد للتسابق مع أسرع رجل في العالم ! C.Ronaldo Vs Bolt يستعد نجم مانشستـر يونايتد كريستيانو رونالدو خوض سباق مع أسرع رجل في العالم يوسين بولت ، بطل الالمبياد للركض يوسين بولت إتصل على رونالدو يريد منه قميص اللاعـب وتوقيعه على التيشيـرت ! ولكن رونالدو رفض ذلكـ لانه يريد شيء مقابل ذلك ! وقال وكيل يوسين بولت : " نحن سننظم عندما يأتـي يوسين لـ ( أوربا ) للتنافس في الصيف ؛ وبالطبع سيحدث " .. المصدر

اذا يبي يسابق جيبوه عند والكوت

zezoo00oo · #10645 10/03/2009, 01:04 AM

‘

أليكس .. عبدالرحمن .. السمي

تم التعديل الحين الاوضاع اوكي !
المقابله نزلتها بعدين شيكت وطلعت كان عندي لقاء برابطه ثانيه

!
فالعذر منكم ومن درحمان اللي مارديت على رسايله

درحمان خذ

..

\

إقتباس


	راؤول : رونالدو سينتقل إلينا !

خلّوه على كيفه يدور غيري ! ّ
مرتاح ؟ وأرْتاح من تفكيري !

أليييييييمه ..

\

إقتباس


	مورينهو بعد ان طفش من التلميح والتميلح : من الممكن ان اكون خليفة السير

منهو يبيصير خليفته بس

!
فيرقي ماله خليفه ! فيرقي

حُقبه من الزمن

!
بانتهائها بينتهي الكثير من الفرح و الامل .. وبتغلق حُقبه

!
لن تنسى إلى الابد ..
وبتنفتح اشياء جديده ع الكل .. اولها التغيير !
اتمنى يكون بالقياده ذاك الوقت ! ليبي

ولا مورينهو " يبطي " !

حلوين

iq1399 · #10646 10/03/2009, 04:15 AM

الدحمي استمتعت كثير وانا أقرأ مقابلتك .. دائما أنت غير وكلامك غير اسلوبك بعد غير ..
من جد احساس ممتع وانا أقرأ لك رد ,, فـ كيف مقابلة شيقة مثل هذي ..
تعجبني طريقة تفكيرك وبساطتك واريحيتك .. تعجبني نظرتك للأشياء ..

إقتباس


	فكرة اني اضبط استراحه او جمعه خاصة لاعضاء رابطة المانيو ببالي من فترة وان شاء الله يجي الوقت المانسب لتطبيقها ويكون الجميع متواجد بالرياض

هالفكرة من زمان في بالي وقد قلتها اكثر من مرة سواء في المنتدى او المسن ..
اتمنى بجد لو تصير .. بتعرفنا اكثر على بعض .. وبتفتح مجال للأحاديث والنقاشات عن المانيو خصوصاً وعن الرياضة العالمية بشكل عام
وممكن ع المدى البعيد تتحول لـ ديوانية رياضية ونكون حنا روادها ..

F E R G I E · #10647 10/03/2009, 06:07 AM

السلام عليكم ..

مقابله ممتعه مع عضو رائع ، كسب المحبه لـ بساطه طرحه و لـ روعه حبر قلمه

جداً إستمتعنا ، و قربنا أكثر من شخصيه جديره بـ الإحترام ..

عندي كم سؤال ودي أطرحها على عبد الرحمن :

1- فيدتش و ياب ستام .. ما وجه الشبه بين الإثنين من ورأيك ؟
2- الظفر بـ الخماسيه صعبه إن لم أكن أراها مستحيله ، و هل كثره البطولات
ستؤدي إلى حاله تشبع لدى رونالدو قد تدفعه بـ الرحيل بحثاً عن مجد أخر في أرض
أخرى و دوري جديد ؟؟
3- الفرق بين مورينهو و السير اليكس ، أو عفواً السير أليكس و مورينهو فـ الأبطال
دائماً في المقدمه

؟؟

عزوز .. ألف شكر على أفكارك النيره ، و تنسيقك المتميز ، لا هنت يـ غالي

الهلالي 11 · #10648 10/03/2009, 12:06 PM

سعود

محمد

شكرا لكم واتشرف بكلامكم والله

ولي عوده لاسئلتك يا سعود

وش ذا الغبار اللي طب علينا

والله بالمكتب ما اشوف شي برى الدنيا كلها برتقالية

لا فيصلية لا مملكة لا سيارات لا شوارع ولا شي باين والله الله يرحمنا برحمته

MU 7 · #10649 10/03/2009, 12:18 PM

8
8

يقولون طلال الرشيد كان ينظف مكتب النصر وينظف كاس الامير فيصل بن فهد

MU 7 · #10650 10/03/2009, 12:25 PM

][ كرس يـ ح ـاول الحفاظ على هدوء اعصابه ][

اعترف لاعب مانشستر يونايتد كرستيانو بانه يحاول السيطره على غضبه داخل المسطيل الاخضر وهو يعلم بانه مستهدف من قبل المدافعين ويريد ان يسطرعلى نفسـه .
في اخر مباراة لعبها مانشسترفي الدوري شهدت مناوشه بين مدافع نيوكاسل ][ تايلور ][ ولاعب مانشستر كرستيانو ومن حسن حظهما بان لم تصدر عقوبه على الاعبين

sKy