السلام عليكم
طبينا ع الاسئلة وبرجع للتعليق ع الاخبار باذن الله
××
مجنونته ورده
نمبر 1
- وش ميولك بالدوري الأسباني؟ الايطالي ؟ السوداني
؟ < الأخير طرفه
بس لو ودك تجاوب جاوب 
الاسباني الريال

.. الايطالي اقرب مالي روما
السوداني الهلالاب

2- لو عينوك مكان وزير التعليم لمدة يوم واحد و تخيل انه اليوم يعني قبل المدرسه بكم ساعه
.. وش أول الاعمال اللي بتسويها للطلاب الضعيفين زينا
؟ اعطيكم اجازه 3 سنوات الى ان ينتهون من تسوية شوارع الرياض

لا والله انتي خليني وزير تعليم واوريك الدراسه على اصولها .. لا اطلع لكم
جيل خرااافي

اول شي
الحصص بدل من انها 45 دقيقه .. اخليها 30 دقيقه .
الدراسه تكون اربع ايام في الاسبوع واليوم الخامس يكون ترفيهي < وزير الضعوي والله
مافيه طق ابد < متعقد !

..
حطيني وزير تعليم .. اول شي اعدل اوضاع المعلمين بعدها بتنصلح المدارس
اذا كان المدرس بهالفتره ما يدري يلقاها من الطلاب ولا من المدير . . ولا من
انظمة التعليم اللي ما يطبقون الا اللي ضده !
اللي معاه بكالوريوس يستحق المستوى الخامس ! معينينه عالثاني ! طيب ياخي
على الاقل عدِّل النظام ..!
المدرس اذا احس انه مظلوم وان ما احد فكّر فيه كيف بيجتهد ويوصل اللي عنده
للطلاب .. اكيد بيقول بحريقه هم وطلابهم ..
اساس التعليم ( المدرس ) إن أخذ حقّه اعطى كل ما عندهـ .. وإن استمر الظُلم
بتستمر المدارس بهالشكل السيء .
3- وش أحلى القلب قبل الفيس زي هيك (
) ولا الفيس قبل زي هيك (
)؟؟ < عذرا أمامك وحده مواااصله
***
أبو جيجز

1 - بما أنك خريج لغة عربية وبالتحديد نحو ..، بأعرض عليك مشكلتي اكبر عقدة عندي في الحياة النحو ما أدري ليه عمري ما حملت مادة غيره ..
ما أفهم فيه ..، اطفش من محاضرته ..، سؤالي : وش الطريقة المثلى في دراسته ؟ .
.. النحو مشكلته متسلسل ويبيلك تمسكه من البدايه .
دراستنا له في الثانويه خطأ لذلك لا وصلنا الجامعة نتغربل .. في الثانويه
يجيبون لك كل موضوع درس مستقل عن اللي قبله وهالشيء خطأ .. تلاحظ
في الاعراب المهم عند المدرس انك تعرب ما يتوافق مع الدرس فقط ويجيبها
لك على شكل .. أعرب ما تحته خط .. وهالشيء اشوفه خطأ ويغربلك لا وصلت
الجامعة لان الجامعة مافيها خط وما خط

عطيتك هالدرس واختبرتك فيه بالاعراب .. جيتك عطيتك الدرس الثاني وقلت لك
أعرب .. ما احاسبك على هالدرس فقط أحاسبك على الاثنين اللي عطيتك وهكذا
وهذي هي الطريقة الصحيحة اصلا لتدريسه ولو اننا نشوف انها تعقيد .
طريقة دراسته تفتح مخك وتحفظ القواعد وتطبق عليها من بداية الدروس لنهايتها
وهذي صعبة جداً لانك متعود في الثانوي على شيء وتجي وتلقى شيء ثاني
لكن غالبا اول ترم تتعود على هالشيء او تحول من القسم
. 2 - قبل كم يوم ذكر محمد ( H A R R Y ) أنك استاذه ..، انا أقول وبدون أدني نفاق : أنك عرابي في الرابطة ورده ..، علمتني ابجديات المشاركة والكتابة
، أتذكر إلى اليوم ، تلك الليلة الطويلة التي امضيتها تعلمني الترجمة ..، لا أبالغ ان قلت أني أمضيت 3 ساعات على الأقل حتى نزلت الخبر الترجمة وما صاحب الخبر من طرائف قبل واثناء وبعد انزاله ..
.، أريد منك ن ترسم لي وللاعضاء الجدد طريقا للنجاح والاستمرار في الرابطة ؟ . الى الحين تذكر ذيك الليله
! .. عاد انا علمتك عليها و iq علمني عليها وبكرا تعلم غيرك انت
.. اهم شيء في كل شي تحاول تستفيد وبعدها تفيد والحمدلله روح التعاون اللي بيننا هنا ما يحتاج اتكلم فيها 
عشق الفريق وحُب الاعضاء وارتياحهم لبعض اعتقد هو الشيء الاساسي
للاستمرار في أي مكان .. الشخص اذا وجد الراحه في الرابطة وتعوّد عليها
صعب يتركها إلا لظروف صعبة ..
الجديدين المفروض تكون بدايتهم بحدود الفريق وعلى حسب القوانين إلى
أن يمضي فترة معيّنه ويعتاد على الرابطة ويعتادون عليه القدامى فيها
وبعدها بيحب الرابطة لانه بيلقى إن الاهتمام في كتاباته زاد !
يعني موب معقوله أنت تجي وتشارك مشاركتين مثلاً وأصبح الاهتمام بها قليل
وجاء اليكس مثلا او الهلالي11 او زملكاوي او عزوز او ابو جيجز أو..أو إلخ
وحطوا رد واحد وشفت عليه تعليقات كثيره تزعل وتتضجر !
هذولا بدايتهم نفس بدايتك لكن مع الوقت فرضوا نفسهم واصبح الحرف منهم
لهم قيمة كبيرة وإعرف إنك بتوصلهم بالإحتكاك بهم ! وبعدها بتعرف تخرق
نظامنا بدون ما تسيء للرابطة وتجيب الكلام عليك

لا احد يقول هفوات الكبار طامه .. او غلطة الشاطر بعشرة .. انا ضد هالحكي
لأن الشخص الكبير له حسنات بتغطي على سيئاته وما فينا كامل .. لكن اخطاء
المبتدئين هي اللي ما نمررها على اساس تكون بدايته قوية وبعدها ياخذ ع الوضع

الزبده .. الجديدين عليهم بالصبر و تطبيق القوانين هنا الى ان يتعودون عليها
ويثبتون انفسهم وبعدها بيعشقون الرابطة ومستحيل يتركونها

احس اني طولت .. كانك بتقرأ ولا أجي واقرأ هالخطبة عليك
. 3 - كل الشباب اللي قبلك سألتهم هـ السؤال ..، السؤال وش جوك و انت تتابع مباريات المان ..، وش تشرب ..، مع من ..، وش تقرب منك وش تبعد ؟
. بايسن وباونتي
.. ومع من لحالي ولا ولد خالتي اذا صرت بالدوام طبعاً حاليا ابعد عني الريموت لان ثاني مرهـ اشري ريموت
وان قربت شي شفت لي موية صحه فاضيه ولا شيء ماعليه حسوفه لو انكسر 
ماكنت كذا بس انتم زرعتوا فيني التعصّب

.
4 - معظم الشباب اللي راحوا للجنة الاستشارية ..، سحبوا على روابطهم .. ( ترى ما اقصد سعود
) اللي اعرفه ان محمد غير ..
، مأدري بتكون زيهم ولا بتترك كل المشاغل لحساب الرابطة اللي طلعت منها ? . والله ما يندرى وش يصير لكن بالنسبة لي بيقل النشاط وهو قل كثير .. لكن ما أتخيّل إني أترك الرابطة
.. هي مشاغل خارجيه تجبرني على هالشيء لكن بالنسبة لعمل اللجنة في الأيام الماضية أشوف إنه ما أخذ مني جهد كبير لكن توّي عودي طري وشكلها تهيئة لكرف بيصير 
بالنسبة لسعود إعتذر لظروفه
.. الرجال قدّم على جامعة وقُبل فيها وشكل الدراسة هناك معقدة فـ قطعت عن الرابطة .. لكن أنا واثق إنه بيرجع 
.
5 - يقولون : مجلس الشورى مثل ساعة رولكس ..!! ، ليه ؟ كلها لا تقدم ولا توخر
..، رأيك في هذه المقولة ؟ .
والله ما ادري ترانا مالنا احتكاك بالروس الكبيرة هناك
.. وحنا نفسنا ما ندري هل شغلهم له تأثير ولا بس ديكور ! أول اسبوع توظفنا به كنا اربعة اشخاص ولفوا بنا على هالكبار وكل واحد يقول بيقولون لكم القريبين منكم او اي شخص يسألك انت موظف وين وتقول له مجلس الشورى .. بيقولون أنتم تلعبون في دواماتكم وتاخذون رواتب وقضينا
.. وشرح لنا وش يسوون وبيني وبينك ما اقتنعت بكلامه بس قلت بالنهاية 823 شخص بالشورى يلعبون .. ورا مايصيرون 824
.. على الاقل عدد زوجي
! اعتقد ان روليكس بنت عم المجلس 

.
6- كل الأسئلة اللي فوق سهلة ..، قلت لازم احكرك بـ سؤال ما تعرف تجاوب عليه !! سؤالي ABO GIGGS سلبياته كثيرة والكل يعرفها ..
، لكن وش اجابياته ؟ لقطت نص السؤال لأن هذا السؤال الرايق
ايجابياته بالنسبة لي .. خلوق .. فاهم كورة .. صاحب ردود لها ثُقل سواء هنا او خارج الرابطة .. وسلبياته هي الانقطاع واجزم انه على حسب الظروف لكن ان شاء الله تتحسن هالظروف
والسلبيه الثانيه انه يقلدني
يرسل فايروسات من ايميله المخترق
.. تذكر اللفايروسات اللي جتك من ايميلي

طبعاً وليست مجاملة .. أبو عبدالله من الأشخاص اللي ساعدوا في حمل رابطة الموسم الماضي بعدها ما هجروها الاعضاء الكبار
وشخصية اعتز بمعرفتها كثير 