^^
9,45 بتوقيت الرياض .. موقع كورة بالتوقيت العالمي
عدنا
ابو فراس & عبود & عزوز البرشا & صالح & ابو داحم & شايبنا
وبقية الشباب .. تسلمون على هالكلام الحلو .. اتمنى اني استاهله
*****************************************
ابو فراس
س 1 / محمد لو أحطك رئيس مجلس إدارة الشبكة لمدة يوم 
وش القرارات اللي راح تتخذها بكل صراحة ؟؟
اول سحبه
ما اشوف فيه شيء ناقص الحقيقه .. وايضاً آلية عملهم مانيب ملم فيها
لكن لو لي سلطة على منتدى الجمهور .. فصلت موبايلي عنه
.. ومواضيع
الحملات
.. ومواضيع اللاعب الفلاني قابلته وقال لي كذا وكذا والدليل بالداخل !
الا من الاعضاء الموثوقين .. فقط
غيرها معنديش واتوقع موب ذي الية عملهم اصلا
س 2 / رأيك بمحسوبك عمر .. أبي السلبيات قبل الإيجابيات
بنظرتي .. كامل والكامل الله .. وان كان عند عمر او غيره عيوب
ابجيه بالخاص
س 3 / موقف محرج ( محرج موب طريف !! ) مر عليك ؟؟
هذي ياطويل العمر موقف محرج على مبكي
ايام الثانوي قبل يمكن 6 سنوات او حولها متواعدين نطلع الطايف على الساعة
10 يوم اربعاء انا وواحد من اخوياي
المهم حاولت استاذن مافيه امل .. قلت ابي تحويل للوحدة الصحية
وهمن افقع من هناك المدير قال اطلع فصلك قلت انا اوريك
المهم ياطويل العمر اتغافلهم عقب الفسحه واطلع على الشجرة وعلى السور ومدرستنا
كان قدامها كتابة العدل .. المهم وانا اطب ابفقع واسمع ماشاء الله تبارك الله وش
قلة الحيا ذي يا ... يا ...
والتفت وألاهـ ابوي راكب السيارة راجع م كتابة
العدل
المهم ينقزني معاهـ وعالبيت واشوف صديقي ( اللي البرتقالي حق الكهرب )
ويدلعني فيه ومن عقبها صرت الطالب النجيب اللي ما يطلع من المدرسه الا آخر
واحد
س 4 / لو عطيتك 150 مليون يورو وقلت لك هات 3 لاعبين للمان من راح تجيب ؟؟
سيرجيو راموس
توتي
وفان بيرسي
س 5 / لو دخلت بيوم من الأيام للمسن وفجأة فتحوا المتصلين 7 محادثات معك وش راح تسوي بكل صراحة ؟؟
ياما صارت
.. احاكيهم جميع همن ابدا ابربب لين اصفى لي على واحد
ولا اثنين
***********************************
ابو داحم
1 - من اولها سؤال صريح ... متى يعتقد محمد بانه سيصبح رومانسي ؟!
محمد رومانسي ووش حليله بس مالقى الدعم
.. كتبنا بالوردي وتطنزتوا
علينا
المره الجايه بكتب بالوردي الفاقع عشان اثبت لك
2 - انا رجال حاليا شايل فكرة الزواج من راسي لفترة طويله ... وعايش بين تخطيطي لمستقبلي بالحياه و قلق اهلي واللي حولي ما ودك ندور لك عروس 
لو طلبت منك نصيحه متى اتزوج او متى ترى انه مناسب ان الواحد يتزوج !!
هل عند عمر محدد ... او فترة وظروف محددة ... او تحط لي رصيد مالي اذا وصلته اتزوج 
؟!
الزواج لازم يكون عن قناعه ذاتيه .. ولا بتنظلم وتظلم بنت الناس معاك ..
يعني اشوف ان الزواج باجبار او شبه اجبار .. او سلسلة محاولات اقناع فاشله
ومن بعدها الولد يقول فكونا وجيبوا هالمره وريحونا
.. فآآآآآآآآشله ..
رصيد مالي موب شرط .. اذا راتبك ماشي تصرف منه وتكوّن رصيد منه .. وطبعا
انت الرجال وانت اللي تسيِّر الامور من كل النواحي .. ان كان ماديه او غيرها ..
اهم شيء الاقتناع والرغبة فقط
3 - الهلالي 11 سلبياته واضحه ... بالفترة الاخيرة اعتقد وضحت اكثر وش تشوف اكبر عيب فيني لو تخلصت منه ممكن الهلالي 11 يكون افضل من الهلالي 11 حاليا
ما بعد وصلنا للتقييم .. لكن اشوف الهلالي 11 ما مثله
.. ولو به عيوب
جيته سكتيمي على قول مفرح
4 - لو احتجت لك كواسطه لي في احد الايام بحكم مجال عملك ممكن تساعدني والا بتكرشني يارجال ولا اعرفك
ان شاء الله بخدمك وبصدر رحب .. والله لا يحوجك لـ مخلوق إلا من تعز
ويعزونك
********************************
ابو حميد
محمد ما عندي اسئلة حالياً بس ببالي سؤال ولازم تجاوب بصراحة متناهية .. قد حبيّت ؟ .. حبيت حبيت يعني .. ياخزياهـ بس والله سبحان الله عايش ومخاوي قيس وروميو وطقتهم .. عالم تحب من
قلب بس الحمدلله ما طحت بهالشي
والسؤال الثاني شرايك بالزواج المبكر ؟
ايه يعني الساعه كم
؟؟
اذا عن قناعه احسن شي الزواج المبكر .. الانسان عنده طاقه ووين بيفرغها
لو ما تزوج ؟؟ بالشارع مثلا
؟
موضوع ملكتك ماشاء الله جاء بقناعة منك ولا ظغوطات من الوالدين ؟ والله ب ماحد يعاف الزواج .. لكن بضغوطات كبيرة بصراحة
موب اعتراض على المرهـ لكن اعتراض على الفترة اللي ملكت بها
ماكان عندي مدخول ولا ادري وش مستقبلي .. وموب زينه انك
تربط بنت الناس سنوات وما فيه امل تتزوج وانت ما تملك شيء
حتى لو كان ابوك عنده خير ومتكفل بمعيشتك بس انت ما ترضاها
والمرهـ نفس الشيء وابوك بعد يبيك تعتمد على نفسك لكن عجل
بيشوفك عريس وبيشوف عيالك ..
انا كان ممشاي ولا اسوأ في الجامعه وتوقعت اني ابدج دجه اليمه
ومافيه امل اتخرج بعد ما انضغط علي بـ هالبلوهـ ( بذاك الوقت ) <
الجدران لها ودان لكن الحمدلله انهيتها يوم حسيت بمسؤوليه ومسكت وظيفه والحين
متزهل بالعرس وبطق الثانيه عقبها بكم سنه بعد
لغة الاجبار او الضغط سلاح ذو حدين .. يا إن الولد يدج ويبدأ يفكر خصوصاً
لو كان مملك .. لأنه زواج شرعي وفيه مكالمات ومن هالكلام خصوصا لو كان
ارتاح لـ هالبنت بعد ماشافها وكلمها بيدج دجه اليمه وبينسى دراسته ومستقبله ..
طبعاً اتكلم عن اللي ما مسك مستقبل
او إنه يبدأ يجتهد على اساس يفك نفسه ( من كلام الناس فقط ) ويستعد
للمسؤوليات ..
شكراً شباب
.. 
الوضع العادي
