مسهم بالخير ! هذآ آخر يوم لي هنآ بفقدكم والله ! لإني ماشي لحفر الباطن ! الليله إن شاء الله !
هذا أكيد هديه من واحد ! ولا أنت مالك بالفوتو ! طآيح لي ع الترفيان أعجبني والله ! بس لولا هـ الشعارين كان أكتفى بوضع شعار ! واحد فقط ! حسيت أنه إصبطات ددسن 84 بعيدًا < هذا اللي بينجلد صدق !
طيب ورآك مشخمط على وجهه ؟ تصميم لآ بأس به ! ومنها للأعلى ..
عزوز الله يهديك ! حمستنا ع الفاضي .. اليوم الثالث ولا شفنا شيء !
][ 3 ][ ، ، بسم الله السلام عليكم ورحمة الله وبركاته في فقرة تجدد للمره الثالثه أعود لابحث خلف يوزرات كل منا فبعد لقاء الأغلى مشعل .. والقدوه استاذي احمد \\ اعود لكم مع شخص لو سيتفق جميع اعضاء الرابطه على شي لن يتفقو سوا على محبته !
سأقابله انا .. وبعدها لكم الحق بالقاء الاسئله
والمده مفتوحه والعدد 5 كحد اقصى !
ضيفي اليوم أتى بعد اعتذار محمد iq وطلبه تأجيل اللقاء لظرووف خاصه .. أسعدنا بإعلانه زوالها ! \\ ضيفي رجلٌ لن استطيع حصر محاسنهِ .. ولا اعرف له ُ سيئة ً واحده ! يحبه الجميع .. وأعشقه انا ! عندما يكون للكرم حد ! ضيفي ممن تجاوز الحد فأصبح الكرم بكرمه لايقاس ! جود و طيبه او كرم اخلاق كل ماهو جيد ضعه تحت اسمه وثق لن تكون مخطئ ! ثق بي لن تقترب من الخطأ حتى ! \\
أقدم لكم
\\ اول من تشرفت بمعرفته من الاعضاء الرجل اللذي طالما جمعتنا سهرات ماسنجريه . . لها ذكرى طيبه الى الان بمخيلتي ! .. أقدم لكم الرجل الاول في مجلس الشورى ..
السلام عليكم ورحمة الله وبركاته استاذي .. محمد ألف شكر على قبولك دعوة الاستضافه ..! شرفتني واسعدتني بقبولك لها ! مستعد .؟!
لي الشرف عزوز وان شاء الله اكون خفيف عليكم وعلى السادة المشاهدين ربطنا الحزام
قبل الخوض والحديث عن خفايا الرجل الذي يقف خلف هذا اليوزر
1\ محمد الرجل الاول بمجلس الشورى .. ياليت تعطينا البطاقه الشخصيه .؟! لو سمحت يعني .؟!
محمد الراشد . 24 سنه الا اربعة اشهر .. < يدور البطاقة بيحسب الايام بكالوريوس لغة عربية - موظف في مجلس الشورى مملك والزواج ان شاء الله بمحرم بين الترمين . . < مثل اللي يقول تراي عزمتكم وقضيت
..
2\ تكلم لنا عن طفولتك شوي ..؟!
اطلق طفولة ياشيخ .. طبعاً انا الولد الثاني اللي جاء بعد 12 سنه من بعد اخوه الكبير .. عاد ما يحتاج اقول لك وش وضع اللي يبي ولد بعد سلسلة سنوات ووشلون بيكون تعامله معاهـ ووش يعتبره ! .. ما ابالغ لو اقول بيعتبره الدنيا كلها وهالشيء هو اللي صار لي .. لكن الحمد لله هالشيء ما أثّر علي بشكل سلبي واصبحت اتكالي و دلوع على قولهم .. بالعكس ويمكن هالشيء بسبب تغيّر المعامله وكنت اعتقد إنها للاسوأ ولكن حالياً أقول إنها للافضل .. لأن يوم وصلت للـ 10 اختلف التعامل بعد ما كان تعامل أب مع إبنه أصبح تعامل أصدقاء تقريباً إلا في حال تغلط تشوف شي ما تبيه
طبعاً مع مرور السنين تختلف المعامله أكثر وما زالت .. ومهما كبرت وشافوك اللي حولك كبير وانت تشوف هالشيء بعد .. تأكد إن أبوك مازال يشوفك صغير ( ما نيب قايل طفل ) موب حقران طبعاً لكن زود حرص واهتمام .. الحمدلله اشوف اني وصلت للي ابيه حالياً وما أثرت علي سنوات الطفوله الا بالايجاب
.. 3\ محمد وش اهم خططكـ المستقبليه .؟!
طموحات هي وان شاء الله تتحقق .. أطمح لإمتلاك منزل في المستقبل وهالشيء يبيله تخطيط وإن شاء الله بجيبه بتوفيق رب العالمين . أيضاً أطمح لرفع مؤهلي العلمي للدرجة العليا ( الدكتوراة ) وطموحات وش كثرها وان شاء احقق شيء منها .. طبعاً كل ما تقدمت السنين كل ماكبر طموح الشخص
.. 4\ محمد .. الف مبروك الوظيفه ومبرووك للرياض محمد .. رايك بالرياض ..؟! واذكر لنا الفرق بينها وبين مكه .؟!
فروق كثيرة ولو ان وقتي كله بالدوام ولا نايم .. لكن لما تجي تدخل السوق تشتري لك شي يجيك واحد يقولك عوايل !! هل لازم القط امي ولا حدا الحريم واقولهم تعالوا السوق معاي بروح اشري شي !! الزحمه !! التقيّد بأنظمة المرور المسافات .. لكن كأشخاص ما اشوف ان فيه فروق كبيرة وان كنت اشوف أهل مكه أقرب لي باعتبار اني مخالطهم ومتربي بينهم بس الحق ينقال عندك شي ايجابي .. الهندي والبنغالي والباكستاني مدقمين وهذا المفروض .. اما هناك بمكه أنت الهندي الا شوي
5\ محمد تعرف خويي المشهوور حق تحليل الشخصيات ؟! طلبته يحلل شخصيتكـ ..قال ][ .. محمد كريم ووسيع بال اغلب الناس يعتبرونه مغرور او ع الاقل في ناس يعتبرونه ! لكن بعد مايتعرفوون علييه ويدخلون معه .. يعرفون ان مافي شخص متواضع مثله .. قيادي وعنده بروود اعصاب واللي احيانا ً تكون ميزه واحيانا ً تكون العكس .. محمد شخص اجتماعي .. لكن مو اي احد ممكن يكون صديق له ذي اهم الاشياء اللي شفتها بمحمد .. ][ عطني رأيكـ محمد بذا الكلام وتذكر ان السالفه بينكم .؟!
بعيد عن الكرم كون إن الواحد ما يحكم على نفسه بهالشيء .. لكن سالفة الغرور ذي صادق بها 100% .. أنا من النوع اللي ما يدخل مع الشخص من اول جلسة او جلستين أو اكثر بـ شوي .. يعني ثقيل شوي وهالشيء موب مصطنع ! وبعض العالم يقول وش هاللي شايف نفسه
باقي الصفات ما احكم على نفسي فيها طبعاً ..
سلمني على خويك ذا وقله ترا محمد قال ماشاء الله تبارك الله .. لا تقول نظلني
6\ محمد .. يقولوون انك شيعي ..؟! ياليت تفهمني سالفة يوزر هلالي العوالي ولييه غيرته واللي انا مافهمته وش دخل الاسم بالشيعه .؟!
هذا يا طويل العمر فيه حيّ في المدينة ينقاله العوالي وسكانه 100% شيعة .. ومعروف لسكان المدن الثانية هالحي أكثر من معرفتهم بـ حي العوالي بمكه اللي سكانه كلهم سنّه وأكبر كبار مكه فيه ( السديس - الشريم - السبيّل - واساتذة الجامعات - وحنا بعد ) .. فيه شبكة قذرة ( شبكة العوالي الثقافية ) شبكة شيعية واسمها مستمد على ما اعتقد من عوالي المدينة .
الزبدة ياطويل العمر جاء واحد وذبها وقال ( ادورك بشبكة العوالي الثقافية ) اثرهـ يجس النبض وانا رديت عليه وش جابك لشبكتنا وحاط فيس يضحك بعد من زين الخشه .. طبعاً هالكلام كان بالرابطة ويجيك ابو جيجز في المسن عقبها بفتره ويعطيني هالرابط طبعا ابو جيجز من جده وعارف عوالي مكه بس بيبهذلني ويضيق صدري ذاك اليوم واتذكر التعليقات وفهمتها .. واجيك مدرعم على طول ليوزر مستر قول وقلتله يابو الشباب الوضع كذا وكذا وما قصّر تركي غيّره لي وقال سلمني على مقتدى الصدر < حبيب هالآدمي ما يدق ابد
المهب من عقبها لاشفت كلمة العوالي ضاق صدري .. بس الحمدلله اجتزت هالمرحلة
7\. محمد متى دخلت في عالم الانترنت .؟
ببداية 2006 .. وما جلست الا فترة بسيطة وبعدها سجلت بهاليوزر عشان هالرابطة والمنتدى بشكل عام وبعدها توسعت على خفيف .. ويمكن بـ بداية رابطة 2006 - 2007 على شهر 8 كذا جاني التفعيل ..
.. 8\ قبل فتره بسيطه .. اصبحت استشاري وبالمناسبه اباركـ لك .. واكد لك انهم هم المحظوظين فيكـ وهم اللي كسبوا شخصيه مثلكـ سؤالي يالغالي .. وش الفرق بين محمد صاحب اوول مشاركه هنا وبين محمد الاستشاري .؟! وياليت تعلمنا بطبيعة منصبكـ اللي بالنسبه لي مجهوله صلاحياته .؟!
الله يبارك فيك .. تسلم على هالكلام الحلو طبعاً فرق كبير جداً .. لكن فترة اللي جلست فيها متصفح قبل التفعيل نفعتني كثير بحيث تشوف مواضيع الكبار وتدخل عليها وتستفيد وبالطبع الاحتكاك بالكبار مفيد جداً لذلك بدايتي كانت جيدهـ وتطورت بالاحتكاك بالشباب ومازلت اتطور . من اكثر اللي كانوا يجوزون لي واستفدت منهم .. ابو محمد ( ريدزاوي ) & احمد (هلالي موت) & ( محمد Iq ) & والثعبان الازرق .. بالذات ايام كاس العالم
بالنسبة للجنة الاستشارية .. هي هيئة تسعى لتطوير منتدى الرياضة العالمية بكافة اقسامه , تُقدم الافكار الجديدة وتستقبل الافكار ايضا من كافة الاعضاء وتقوم بدراستها والتشاور في امرها وبعد هالشيء على حسب الدراسه تُعتمد او تلغى .. أيضا تتابع كافة المواضيع في المنتدى وأيضاً الاعضاء وتقوم بتقييم شهري تكافئ المتميزين فيه .. وتحث باقي الاعضاء على التميّز . هذي الأبرز طبعاً .. وفيه امور ثانيه منها التبليغ عن المشاركات السيئة واللي اشوف انه واجب كل عضو ..
اول مباراة شفتها مانشستر وليفربول 2-1 اللي سجّل لهم اوشي ببابنا وسجلنا سلفستر هدفين .. اظاهر 2004 .. وتقريبا من عقب هالمباراة اهتميت بمانشستر كثير وكل فترة يزود الاهتمام .. الين صرت ما اشوف غيره
10\ محمد .. الموسم الماضي بدايتنا كانت اسوأ من ذا الموسم .. لكن من اللي اشوفه ان الاغلب متشائم اكثر من الموسم الماضي .. وش السبب برايك .؟! وبالمناسبه تتوقع هل للاعداد للموسم في افريقيا دور في البدايه السيئه .؟!
مالها دخل أبد .. الفريق حتى الآن ما أكتمل ومع اكتماله بنشوف المان الحقيقي الموسم اللي راح إعدادهـ كان في آسيا وبدأنا نفس البداية وكل الفرق الاوروبيه إعدادها في هالقارتيين لاسباب مادية طبعاً .
الفريق بدأ بداية أصعب من الموسم الماضي بكثير ومع ذلك جمع ما جمعه الموسم الماضي في الخمس جولات الأولى .. طبعا هالشيء موب مقياس لكن شيء يدعو للتفائل فقط ..
السبب ان البعض ما يعرف البريمير زين ! الدوري ذا بالذات متقلب بشكل خيالي وما ينتهي الا بآخر الجولات إن ماكان الجولة الأخيرة .. والتشائم هذا نفسه اللي شفناهـ الموسم الماضي بالضبط ..
اصبروا يكتمل الفريق وتشتعل المنافسة على المراكز وبتشوفون حريقة هالموسم
11 \ محمد اوصف لي شعوركـ اذا شفت الفريق يدخل الملعب .. وخصوصا ً اذا دخل فيرقي .؟!
تلقى الكشره من هنا إلى هناك .. شعور ما ادري وشو بالضبط لكن تحس فيه شيء بصدرك يبيله تك
اسأل خويك راعي علم النفس ويعلمك وشو
12\ محمد وش سر العلاقه مع كاريك .؟! اللاعب طبعا وهل في شي غير اخلاقي بالموضووع .؟!
تقصد ليزا < أبد ياخوي تابعته على اواخرهـ مع توتنهام وكنت خاق معاهـ .. فـ صرت اميل له اكثر من غيرهـ وكنت أتمنى اشوفه جنب سكولز .. والموسم اللي عقبه وهو قالط لنا وايضا اعشق لاعب المحور اللي بستايله .
13\ نرجع للجد .. عطنا رايك بالوجوه الشابه بالفريق .. ومن منهم تتوقع ان يكون له دور ذا الموسم .؟!
يمكن حنا محسودين باعتبار إننا كل موسم نطلع لنا بـ 3 لاعبين تقريبا من الصغار ومن بعد الجولة يتم تصريف بعضهم بيع او اعارة وبعض يُكمل مع الفريق .. غيرنا من النوادي يا جودهم ان طلعوا لاعب كل موسمين
اعتقد كلهم جيدين لكن يبيلهم صبر فقط .. طبعا ما اعني ان الجمهور يصبر عليهم .. اعني انهم هم يصبرون ويرضون بالاحتياط ويستغلون الفرص وممكن يفرضون انفسهم ..
اللي شدوني ثلاثة رافائيل و بوسيبون و كامبيل .. رافائيل نموذج للظهير العصري متميز على الشقين وما عنده سلبيات تُذكر إذا ما قلنا إن عمره اقل من 20 .. مثله مثل كامبيل .. اللي له ستايل مختلف عن روني وكارليتوس وحتى بيرباتوف .. سرعة وارتقاء وقدرة على الاختراق .. اعتقد فقط يبيله يلعب باستمرار وبيكون من نجوم الفريق المواسم القادمه ولعل اعارته لتوتنهام بتفيدنا اكثر من ما تفيدهم بوسيبون .. كنترول وبرود و ثقة وتصرف رائع بالكرة .. سلبي في الشق الدفاعي ويعاني من البطئ و اعتقد في المستقبل بتتغير ادواره وبيعطى ادوار هجوميه بحته واعتقد بيكون افضل له ..
الثلاثي ذا متى ما اكتسب الخبرة واستغل فرص الظهور بيكون له شأن كبير لكن المهم الصبر
14 \ وش رأيك باخر صفقات الفريق برباتوف .؟! وش رأيك بمانوتشو وهل ممكن يشركه السير بالدوري .؟! صفقة كانت ناقصتنا كثير .. كان ينقصنا رأس الحربة الهادئ اللي يجيد اللعب داخل الصندوق وخارجة وهذا هو جاء .. ينقصه الانسجام وبيقول راينا فيه بنفسه .. بالنسبة لمانوتشو ما شفت له شيء يسوى بصراحة .. ما شفت إلا بمتش مدلزبره كـ بديل فقط .. لذلك صعب الحكم عليه .. أعتقد فيرغي بنفسة بيحكم عليه بشكل نهائي في الكارلنغ والكأس وممكن نشوفه بالدوري الموسم المقبل .
15 \ محمد تلعب كوره ولاتكتفي بالمتابعه .. ووين مركزك في حال تهورت ولعبت .؟!
لي فترة طويله ما شت الكورة .. مركزي اللي تبي لاصار اللعب حواري
لكن قد لعبت لصغار نادي حراء تقريبا 6 اشهر وكنت بذيك الفترة محور وكنت خاق مع فيصل ابو ثنين ذيك الفتره وهو اللي حببني بهالمركز < قديم ..؟ كنت اقلده بكل شيء .. باصاته و قطعة للكرة ( غير وقسم ) وتليقفه على الفاولات .. همن انقطعت قطعة اليمة .. لدرجة اني لو اشوف كورة ماعرفتها
16\ بجي للرياضه المحليه هنا .. يقولوون انكـ وحداوي ؟!
وبصراحه هل تتابع الدوري السعودي .. جوله جوله .؟!
للأسف .. من عقب ما جبنا المركز الثالث وطلعنا من الاتحاد تركتهم وتركت
دوريهم المقلع
17 \ المنتخب السعودي بقيادة الجوهر .. تتوقع له التأهل .؟!
وكيف توصف حظوظه بالتأهل .؟! ما أعتقد بيكمل الجوهر ! مدرب طوارئ لا أكثر .. خبصنا قدام ايران .. تغييرات غريبه وتشكيلة اغرب بدأ بها .. قدام الامارات نفس الكلام .. ما شفنا لمسة مدرب على فريقه ! مع ذلك وضعنا زين ويمكن يكرر 2002 ويصعد بنا ( بدعاء الوالدين ) والجمهور فقط ! 18 \ محمد عطنا موقف طريف لكـ او محرج .. وحركات مايحظرني الان مو عندنا هنا .؟!
للي يلعبون ترافيان
يا طويل العمر اول ما سجلت باللعبه جتني رساله من الدعم قال لي انت تحت حمايتي 4 ايام وحاول تطور نفسك .. المهم ارسلت له شكرا لك هذا من طيبك واعطيه من ذا الكلام .. شوي قال قم ببناء المخبأ وسوف ارسل لك معونه ( موارد ) وابني المخبأ وتجيني الموارد وارسل له واقول انت اطلق واحد وساليت تعرفني بنفسك ويبدو ان هاللعبه بتسوقني لمعرفة رجال
المهم مع مرور الايام اكتشفت اني اكلم رسالة آلية فقط وما ورائها اي شخص
ياويلكم ان ماضحكتوا
19 \ شبكة الزعيم .. تعليقك .؟!
عرفتها وعرفت شبكات كثيرة وشاركت فيها وفي روابطها .. لكن ما ارتحت
إلا فيها لذلك مستمر فيها ! الانترنت كله بالنسبة لي هالشبكة .. ولو لا قدر الله الغيت اعتقد بترك النت لاني تعودت عليها كثير
20 \ محمد صداقاتكـ شبكة الزعيم ..اذكر لي اول الاعضاء واخرهم واذكر لنا اقوى الصدقات لك بالشبكه .؟!
احمد ( روبن هود ) وآخرهم عبدالعزيز ( إف سي بلوغرانا )
21 \ ابيك تسمي لي 3 اعضاء وتوجه لكل منهم رساله من هنا ؟! ورساله للكل .؟!
1- شايبنا هلالي موت " اعتبرك الشخص رقم ( 1 ) في الرابطة .. ردودك لو كانت
من حرفين لها طابع خاص .. اتمنى اشوفك هنا باستمرار .. والله يوفقك في وظيفتك الجديدة وعقبى لـ مراتب أعلى باذن الله "
كان خبر رجوعك .. إن شاء الله إنها إنحلت أمورك ونشوفك في الرابطة بشكل كبير فـ ترانا نحتاجك وما نستغني عن وجود شخص أكبر بيننا "
3- عمر ابو فراس " بالفترة الأخيرة استمتع بردودك وقبلها متعه في مواضيعك
بالذات الأبيات في منتدى الجمهور .. ع الفضوهـ اقلط على ملفك واستمتع .. متطور بشكل كبير في الفترة الاخيرة .. زادت الجرأة بالفترة الاخيرة وشفناك مشارك بالنقاشات بل بإعدادها .. في القريب بنشوفك من أعمدة المنتدى بإذن الله بشرط عدم التقوقع داخل الرابطة وهالشيء اشوفك متخلص منه هالفترة . بعيد عن المنتدى قدرك وغلاك في القلب ومعرفتك مكسب أضيفة لمكاسبي اللي طلعت بها من الشبكة "
4 -اليكس11 اكبر مكاسب الرابطة في السنه اللي راحت .. وفي فترة قصيرة قطع مسافة كبيرة وعمل مالم
يستطيع أن يعملة عضو قضى اضعاف فترته
كذلك من المكاسب الكبيرة اللي طلعت بها من الشبكة معرفة هالرجل .. إذا
مر يوم ما شفته بالمسن أحس فيه شيء كبير ناقص **
كلام طالع من القلب للجميع .. يمكن فقرة عمر عدتها كم مرهـ .. لأني حسيت
أني أقيّم عضو .. وأعتقد موب أنا اللي اقيّم هكذا قلم .. لكن شيء
جال في الخاطر فقط ..
..
**
الرسالة الجماعية .. هي رسالة شكر طبعاً .. لولا الله ثم جهودكم ما شفنا
الرابطة بالشكل الرائع هذا .. واتمنى استمراركم بالشكل هذا وأحسن
..
22\ ابيك تذكر لي شي تتمنى تشوفه بالشبكه .. وشي ثاني تتمنى يختفي .؟! اللي اتمنى اشوفه مشاركة اعضاء الروابط في المنتدى .. للأسف هالنقطة هي السلبية بالمنتدى لذلك الفترة الجاية حتى نتخلص من هالشيء بنخلي جائزة افضل عضو بالرابطة غير مقصورة على المشاركة بالرابطة لعل وعسى نتخلص من هالسلبية .. من يوافقني ؟؟ الشيء اللي اتمنى يختفي .. المشاكل بين الأعضاء وللأسف بسبب جلد منفوخ أي نعم نجادل ونناقش واحياناً نطلع عن المألوف .. لكن ما توصل للسباب بين الأخوهـ 23\ محمد عرفنا على هواياتكـ غير حظور اجتماع مجلس الشورى .؟!
خخخخ حلوهـ حظور الاجتماع ما باقي الا تحطني رئيس
طبعاً غير الكورة باعتبار اننا بمنتدى رياضي وموب جديد لو اقولها
1- القراءة
2- السفر
24\ محمد بعطيك عصا سحري وابيك تشيل 3 مشاكل بالمجتمعات و مهمه بالنسبه لك . ؟!
تفضل هذا الـ ع ـصا ( | ) وعطني 3 مشاكل .؟!
1- الاسراف
2- تقبّل النصيحة 3- التحزبات الخفيّة
25 \ بطلب منكـ 3 طلبات وانت كريم وان استاهل ولا ؟!
وش رايك أجل .. انت لو تطلب عيوني نتقتهن وعطيتك اياهن
ياحياتي
1\ بيت شعر تردده موخرا ً ..
ترا الرومانسيه يمين وانا يسار لذلك البيت موب جايز لك .. لكن طحنا به
بالذات هالفتره السيئة
إن أنت أكرمت الكريم ملكته .. وإن أنت أكرمت اللئيم تمردا
2\ قدوتكـ بالحياة بعد رسولنا الكريم ..
الوالد الله يطوّل عمره ..
3\ صوره اثرت فييكـ بشكل كبير ..
أعتقد مافيه أبشع من هالصورة ومافية ذل أكبر من هالذل !
اللهم انصرهم على المحتل !.
26 \ محمد .. بسألك كم سؤال ع السريع اجابتها يا نعم يا لا
بس .. واترك الهذره الزايده ..
يعني انا ثرثار
1\ تتوقع فيرقي يستمر اكثر من 3 سنوات .؟!
لا
2\ تتوقع ينتقل رونالدو الموسم القادم .؟!
نعم
3\ تتوقع تتم صفقة تيفيز ويكون بانتقال كامل معنا .؟!
نعم
4\ تتوقع يسويها الهلال ويحقق الاسيويه .؟!
نعم
5\ هل من الممكن ان الوحده يهبط للدرجه الثانيه .؟!
اللي يشوفك يقول غريبة علينا الدرجة الثانيه نعم 27 \ هنا بعطيك اسماء وابييك تشرف ذي الاسماء بتعليقك عليها .؟!
فيرقسون
رغم الانتقادات .. تمّر السنين .. وتتواصل الصفعات
**
كاريك الموسيقار **
فيرديناد
هذا ما اتكلم عنه .. تكلم عنه علم الجولوجيا قبلي
**
روما عطر بلا رائحة **
برشلونه
السحر الحلال
مورينهو
الثقة بالنفس
**
سكولاري
مدرس ابتدائي
**
دروغبا المرعب
28 \ محمد كلمه ختاميه تبي تختم فيها ذا اللقاء .؟!
كلمة لك أنت .. < بيستغل هالكلمة عشان الثلاثة الاعضاء اللي فوق
أفكارك دائماً رائعة وجديدة .. طلعتنا من الروتين المعتاد ( تعليق على اخبار - نقاشات - تحليل ) وخلقت جوّ اخوي جميل جداً .. اتمنى تستمر هاللقائات اللي زادت من معرفتنا ببعض وترابطنا ..
قلتها وأقولها وبستمر أقولها إذا جائت الفرصة ( zezoo00oo ) < اليوزر ذا يجب
أن يُقدّر بما يستحق
شكراً جداً
28\ محمد طلب اخيير ياليت ترشح لي عضو يكون هو الضيف في الشهر القادم ..؟!
ودي بـ كثيرين لكن يبقى أولهم واللي ابيك تجرهـ مغصوب لو عيّا
(.. تم طمس الاسم التوقيع زيزو )
شكراً لك عزوز
ختاما ً امل اني وفقت مع اخووي محمد بتقديم شي يعجبكم قبل ما انسى .. اشكر مشعل .. جاب لي روابط المقابلتين ! واشكر الغالي محمد iq لتصميمه لفاصليين عشان الفقره هذي !
< هذا اللي بينجلد صدق !
! 
.؟! 
وتذكر ان السالفه بينكم 
الوضع العادي
